Nitya Sandhya Vandanam

নিত্য সন্ধ্যা বন্দনম্

শরীর শুদ্ধি

অপবিত্রঃ পবিত্রো বা সর্বাবস্থাং᳚ গতোঽপিবা ।

যঃ স্মরেত্ পুণ্ডরীকাক্ষং স বাহ্যাভ্যন্তর শ্শুচিঃ ॥

পুণ্ডরীকাক্ষ ! পুণ্ডরীকাক্ষ ! পুণ্ডরীকাক্ষায নমঃ ।

আচমনঃ

ওঁ আচম্য

ওঁ কেশবায স্বাহা

ওঁ নারাযণায স্বাহা

ওঁ মাধবায স্বাহা (ইতি ত্রিরাচম্য)

ওঁ গোবিন্দায নমঃ (পাণী মার্জযিত্বা)

ওঁ-বিঁষ্ণবে নমঃ

ওঁ মধুসূদনায নমঃ (ওষ্ঠৌ মার্জযিত্বা)

ওঁ ত্রিবিক্রমায নমঃ

ওঁ-বাঁমনায নমঃ (শিরসি জলং প্রোক্ষ্য)

ওঁ শ্রীধরায নমঃ

ওঁ হৃষীকেশায নমঃ (বামহস্তॆ জলং প্রোক্ষ্য)

ওঁ পদ্মনাভায নমঃ (পাদযোঃ জলং প্রোক্ষ্য)

ওঁ দামোদরায নমঃ (শিরসি জলং প্রোক্ষ্য)

ওঁ সঙ্কর্​ষণায নমঃ (অঙ্গুলিভিশ্চিবুকং জলং প্রোক্ষ্য)

ওঁ-বাঁসুদেবায নমঃ

ওঁ প্রদ্যুম্নায নমঃ (নাসিকাং স্পৃষ্ট্বা)

ওঁ অনিরুদ্ধায নমঃ

ওঁ পুরুষোত্তমায নমঃ

ওঁ অধোক্ষজায নমঃ

ওঁ নারসিংহায নমঃ (নেত্রে শ্রোত্রে চ স্পৃষ্ট্বা)

ওঁ অচ্যুতায নমঃ (নাভিং স্পৃষ্ট্বা)

ওঁ জনার্ধনায নমঃ (হৃদযং স্পৃষ্ট্বা)

ওঁ উপেন্দ্রায নমঃ (হস্তং শিরসি নিক্ষিপ্য)

ওঁ হরযে নমঃ

ওঁ শ্রীকৃষ্ণায নমঃ (অংসৌ স্পৃষ্ট্বা)

ওঁ শ্রীকৃষ্ণ পরব্রহ্মণে নমো নমঃ

(এতান্যুচ্চার্য উপ্যক্ত প্রকারং কৃতে অঙ্গানি শুদ্ধানি ভবেযুঃ)

ভূতোচ্চাটন

উত্তিষ্ঠন্তু । ভূত পিশাচাঃ । যে তে ভূমিভারকাঃ । যে তেষামবিরোধেন । ব্রহ্মকর্ম সমারভে । ওঁ ভূর্ভুবস্সুবঃ ।

দৈবী গাযত্রী চন্দঃ প্রাণাযামে বিনিযোগঃ

(প্রাণাযামং কৃত্বা কুম্ভকে ইমং গাযত্রী মন্ত্রমুচ্ছরেত্)

প্রাণাযামঃ

ওঁ ভূঃ । ওঁ ভুবঃ । ওগ্ং সুবঃ । ওঁ মহঃ । ওঁ জনঃ । ওঁ তপঃ । ওগ্ং স॒ত্যম্ ।

ওঁ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি ।

ধিযো॒ যো নঃ॑ প্রচোদযা᳚ত্ ॥

ওমাপো॒ জ্যোতী॒ রসো॒ঽমৃতং॒ ব্রহ্ম॒ ভূ-র্ভুব॒-স্সুব॒রোম্ ॥ (তৈ. অর. 10-27)

সঙ্কল্পঃ

মমোপাত্ত, দুরিত ক্ষযদ্বারা, শ্রী পরমেশ্বর মুদ্দিস্য, শ্রী পরমেশ্বর প্রীত্যর্থং, শুভে, শোভনে, অভ্যুদয মুহূর্তে, শ্রী মহাবিষ্ণো রাজ্ঞযা, প্রবর্ত মানস্য, অদ্য ব্রহ্মণঃ, দ্বিতীয পরার্থে, শ্বেতবরাহ কল্পে, বৈবশ্বত মন্বন্তরে, কলিযুগে, প্রথম পাদে, (ভারত দেশঃ - জম্বূ দ্বীপে, ভরত বর্​ষে, ভরত খণ্ডে, মেরোঃ দক্ষিণ/উত্তর দিগ্ভাগে; অমেরিকা - ক্রৌঞ্চ দ্বীপে, রমণক বর্​ষে, ঐন্দ্রিক খণ্ডে, সপ্ত সমুদ্রান্তরে, কপিলারণ্যে), শোভন গৃহে, সমস্ত দেবতা ব্রাহ্মণ, হরিহর গুরুচরণ সন্নিথৌ, অস্মিন্, বর্তমান, ব্যাবহারিক, চান্দ্রমান, ... সং​বঁত্সরে, ... অযনে, ... ঋতে, ... মাসে, ... পক্ষে, ... তিথৌ, ... বাসরে, ... শুভ নক্ষত্র, শুভ যোগ, শুভ করণ, এবঙ্গুণ, বিশেষণ, বিশিষ্ঠাযাং, শুভ তিথৌ, শ্রীমান্, ... গোত্রঃ, ... নামধেযঃ, ... গোত্রস্য, ... নামধেযোহংঃ প্রাতঃ/মধ্যাহ্নিক/সাযং সন্ধ্যাং উপাসিষ্যে ॥

মার্জনঃ

ওঁ আপো॒হিষ্ঠা ম॑যো॒ভুবঃ॑ । তা ন॑ ঊ॒র্জে দ॑ধাতন । ম॒হেরণা॑য॒ চক্ষ॑সে । যো বঃ॑ শি॒বত॑মো॒ রসঃ॑ । তস্য॑ ভাজযতে॒ হ নঃ॒ । উ॒শ॒তীরি॑ব মা॒তরঃ॑ । তস্মা॒ অর॑ঙ্গ মাম বঃ । যস্য॒ ক্ষযা॑য॒ জিন্ব॑থ । আপো॑ জ॒নয॑থা চ নঃ । (তৈ. অর. 4-42)

(ইতি শিরসি মার্জযেত্)

(হস্তেন জলং গৃহীত্বা)

প্রাতঃ কাল মন্ত্রাচমনঃ

সূর্য শ্চ, মামন্যু শ্চ, মন্যুপতয শ্চ, মন্যু॑কৃতে॒ভ্যঃ । পাপেভ্যো॑ রক্ষ॒ন্তাম্ । যদ্রাত্র্যা পাপ॑ মকা॒র্​ষম্ । মনসা বাচা॑ হ॒স্তাভ্যাম্ । পদ্ভ্যা মুদরে॑ণ শি॒ঞ্চা । রাত্রি॒ স্তদ॑বলু॒ম্পতু । যত্কিঞ্চ॑ দুরি॒তং মযি॑ । ইদমহং মা মমৃ॑ত যো॒ নৌ । সূর্যে জ্যোতিষি জুহো॑মি স্বা॒হা᳚ ॥ (তৈ. অর. 10. 24)

মধ্যাহ্ন কাল মন্ত্রাচমনঃ

আপঃ॑ পুনন্তু পৃথি॒বীং পৃ॑থি॒বী পূ॒তা পু॑নাতু॒ মাম্ । পু॒নন্তু॒ ব্রহ্ম॑ণ॒স্পতি॒ র্ব্রহ্মা॑ পূ॒তা পু॑নাতু॒ মাম্ । যদুচ্ছি॑ষ্ট॒ মভো᳚জ্যং॒ যদ্বা॑ দু॒শ্চরি॑তং॒ মম॑ । সর্বং॑ পুনন্তু॒ মা মাপো॑ঽস॒তাঞ্চ॑ প্রতি॒গ্রহ॒গ্গ্॒ স্বাহা᳚ ॥ (তৈ. অর. পরিশিষ্টঃ 10. 30)

সাযঙ্কাল মন্ত্রাচমনঃ

অগ্নি শ্চ মা মন্যু শ্চ মন্যুপতয শ্চ মন্যু॑কৃতেভ্যঃ । পাপেভ্যো॑ রক্ষ॒ন্তাম্ । যদহ্না পাপ॑ মকা॒র্​ষম্ । মনসা বাচা॑ হস্তা॒ভ্যাম্ । পদ্ভ্যা মুদরে॑ণ শি॒ঞ্চা । অহ স্তদ॑বলু॒ম্পতু । য ত্কিঞ্চ॑ দুরি॒তং মযি॑ । ইদ মহং মা মমৃ॑ত যো॒নৌ । সত্যে জ্যোতিষি জুহোমি স্বা॒হা ॥ (তৈ. অর. 10. 24)

(ইতি মন্ত্রেণ জলং পিবেত্)

আচম্য (ওঁ কেশবায স্বাহা, ... শ্রী কৃষ্ণ পরব্রহ্মণে নমো নমঃ)

দ্বিতীয মার্জনঃ

দ॒ধি॒ ক্রাব্​ণ্ণো॑ অকারিষম্ । জি॒ষ্ণো রশ্ব॑স্য বা॒জি॑নঃ ।

সু॒রভিনো॒ মুখা॑কর॒ত্প্রণ॒ আযূগ্ং॑ষি তারিষত্ ॥

(সূর্যপক্ষে লোকযাত্রা নির্বাহক ইত্যর্থঃ)

ওঁ আপো॒ হিষ্ঠা ম॑যো॒ভুবঃ॑ । তা ন॑ ঊ॒র্জে দ॑ধাতন । ম॒হেরণা॑য॒ চক্ষ॑সে । যো বঃ॑ শি॒বত॑মো॒ রসঃ॑ । তস্য॑ ভাজযতে॒ হ নঃ॒ । উ॒শ॒তীরি॑ব মা॒তরঃ॑ । তস্মা॒ অর॑ঙ্গ মাম বঃ । যস্য॒ ক্ষযা॑য॒ জিন্ব॑থ । আপো॑ জ॒নয॑থা চ নঃ ॥ (তৈ. অর. 4. 42)

পুনঃ মার্জনঃ

হির॑ণ্যবর্ণা॒ শ্শুচ॑যঃ পাব॒কাঃ যা সু॑জা॒তঃ ক॒শ্যপো॒ যা স্বিন্দ্রঃ॑ । অ॒গ্নিং-যাঁ গর্ভ॑ন্দধি॒রে বিরূ॑পা॒ স্তান॒ আপ॒শ্শগ্গ্ স্যো॒না ভ॑বন্তু । যা সা॒গ্ং॒ রাজা॒ বরু॑ণো॒ যাতি॒ মধ্যে॑ সত্যানৃ॒তে অ॑ব॒পশ্যং॒ জনা॑নাম্ । ম॒ধু॒ শ্চুত॒শ্শুচ॑যো॒ যাঃ পা॑ব॒কা স্তান॒ আপ॒শ্শগ্গ্ স্যো॒না ভ॑বন্তু । যাসাং᳚ দে॒বা দি॒বি কৃ॒ণ্বন্তি॑ ভ॒ক্ষং-যাঁ অ॒ন্তরি॑ক্ষে বহু॒থা ভব॑ন্তি । যাঃ পৃ॑থি॒বীং পয॑সো॒ন্দন্তি॑ শ্শু॒ক্রাস্তান॒ আপ॒শগ্গ্ স্যো॒না ভ॑বন্তু । যাঃ শি॒বেন॑ মা॒ চক্ষু॑ষা পশ্যতাপশ্শি॒বযা॑ ত॒নু বোপ॑স্পৃশত॒ ত্বচ॑ ম্মে । সর্বাগ্ং॑ অ॒গ্নীগ্ং র॑প্সু॒ষদো॑ হু॒বে বো॒ মযি॒ বর্চো॒ বল॒ মোজো॒ নিধ॑ত্ত ॥ (তৈ. সং. 5. 6. 1)

(মার্জনং কুর্যাত্)

অঘমর্​ষণ মন্ত্রঃ পাপবিমোচনং

(হস্তেন জলমাদায নিশ্শ্বস্য বামতো নিক্ষিতপেত্)

দ্রু॒প॒দা দি॑ব মুঞ্চতু । দ্রু॒প॒দা দি॒বে ন্মু॑মুচা॒নঃ ।

স্বি॒ন্ন স্স্না॒ত্বী মলা॑ দিবঃ । পূ॒তং পবিত্রে॑ণে॒ বাজ্যং᳚ আপ॑ শ্শুন্দন্তু॒ মৈন॑সঃ ॥ (তৈ. ব্রা. 266)

আচম্য (ওঁ কেশবায স্বাহা, ... শ্রী কৃষ্ণ পরব্রহ্মণে নমো নমঃ)

প্রাণাযামম্য

লঘুসঙ্কল্পঃ

পূর্বোক্ত এবঙ্গুণ বিশেষণ বিশিষ্ঠাযাং শুভতিথৌ মমোপাত্ত দুরিত ক্ষযদ্বারা শ্রী পরমেশ্বর মুদ্দিস্য শ্রী পরমেশ্বর প্রীত্যর্থং প্রাতস্সন্ধ্যাঙ্গ যথা কালোচিত অর্ঘ্যপ্রদানং করিষ্যে ॥

প্রাতঃ কালার্ঘ্য মন্ত্রং

ওঁ ভূর্ভুব॒স্সুবঃ॑ ॥ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥ 3 ॥

মধ্যাহ্নার্ঘ্য মন্ত্রং

ওঁ হ॒গ্ং॒ সশ্শু॑চি॒ষ দ্বসু॑রন্তরিক্ষ॒স দ্দোতা॑ বেদি॒ষদতি॑থি র্দুরোণ॒সত্ । নৃ॒ষ দ্ব॑র॒স দৃ॑ত॒স দ্ব্যো॑ম॒ সদ॒ব্জা গো॒জা ঋ॑ত॒জা অ॑দ্রি॒জা ঋ॒তম্-বৃ॒হত্ ॥ (তৈ. অর. 10. 4)

সাযং কালার্ঘ্য মন্ত্রং

ওঁ ভূর্ভুব॒স্সুবঃ॑ ॥ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥ ওঁ ভূঃ । ওঁ ভুবঃ । ওগ্ং সুবঃ । ওঁ মহঃ । ওঁ জনঃ । ওঁ তপঃ । ওগ্ং স॒ত্যম্ । ওঁ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥ ওমাপো॒ জ্যোতী॒ রসো॒ঽমৃতং॒ ব্রহ্ম॒ ভূ-র্ভুব॒-স্সুব॒রোম্ ॥

(ইত্যঞ্জলিত্রযং-বিঁসৃজেত্)

কালাতিক্রমণ প্রাযশ্চিত্তং

আচম্য...

পূর্বোক্ত এবঙ্গুণ বিশেষণ বিশিষ্ঠাযাং শুভতিথৌ মমোপাত্ত দুরিত ক্ষযদ্বারা শ্রী পরমেশ্বর মুদ্দিস্য শ্রী পরমেশ্বর প্রীত্যর্থং কালাতিক্রম দোষপরিহারার্থং চতুর্থা অর্ঘ্যপ্রদানং করিষ্যে ॥

ওঁ ভূর্ভুব॒স্সুবঃ॑ ॥ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥ ওঁ ভূঃ । ওঁ ভুবঃ । ওগ্ং সুবঃ । ওঁ মহঃ । ওঁ জনঃ । ওঁ তপঃ । ওগ্ং স॒ত্যম্ । ওঁ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥ ওমাপো॒ জ্যোতী॒ রসো॒ঽমৃতং॒ ব্রহ্ম॒ ভূ-র্ভুব॒-স্সুব॒রোম্ ॥

(ইতি জলং-বিঁসৃজেত্)

সজল প্রদক্ষিণং

ওঁ উ॒দ্যন্ত॑মস্তং॒-যঁন্ত॑-মাদি॒ত্য-ম॑ভিথ্যা॒য-ন্কু॒র্বন্ব্রা᳚হ্ম॒ণো বি॒দ্বান্-থ্স॒কল॑ম্ভ॒দ্রম॑শ্নুতে॒ অসাবা॑দি॒ত্যো ব্র॒হ্মেতি॒ ॥ ব্রহ্মৈ॒ব সন্-ব্রহ্মা॒প্যেতি॒ য এ॒বং-বেঁদ ॥ অসাবাদিত্যো ব্রহ্ম ॥ (তৈ. অর. 2. 2)

(এবং অর্ঘ্যত্রযং দদ্যাত্ কালাতিক্রমণে পূর্ববত্)

(পশ্চাত্ হস্তেন জলমাদায প্রদক্ষিণং কুর্যাত্)

(দ্বিরাচম্য প্রাণাযাম ত্রযং কৃত্বা)

আচম্য (ওঁ কেশবায স্বাহা, ... শ্রী কৃষ্ণ পরব্রহ্মণে নমো নমঃ)

সন্ধ্যাঙ্গ তর্পণং

প্রাতঃকাল তর্পণং

সন্ধ্যাং তর্পযামি, গাযত্রীং তর্পযামি, ব্রাহ্মীং তর্পযামি, নিমৃজীং তর্পযামি ॥

মধ্যাহ্ন তর্পণং

সন্ধ্যাং তর্পযামি, সাবিত্রীং তর্পযামি, রৌদ্রীং তর্পযামি, নিমৃজীং তর্পযামি ॥

সাযঙ্কাল তর্পণং

সন্ধ্যাং তর্পযামি, সরস্বতীং তর্পযামি, বৈষ্ণবীং তর্পযামি, নিমৃজীং তর্পযামি ॥

(পুনরাচমনং কুর্যাত্)

গাযত্রী অবাহন

ওমিত্যেকাক্ষ॑রং ব্র॒হ্ম । অগ্নির্দেবতা ব্রহ্ম॑ ইত্যা॒র্​ষম্ । গাযত্রং ছন্দং পরমাত্মং॑ সরূ॒পম্ । সাযুজ্যং-বিঁ॑নিযো॒গ॒ম্ ॥ (তৈ. অর. 10. 33)

আযা॑তু॒ বর॑দা দে॒বী॒ অ॒ক্ষরং॑ ব্রহ্ম॒সম্মি॒তম্ । গা॒য॒ত্রীং᳚ ছন্দ॑সাং মা॒তেদং ব্র॑হ্ম জু॒ষস্ব॑ মে । যদহ্না᳚-ত্কুরু॑তে পা॒পং॒ তদহ্না᳚-ত্প্রতি॒মুচ্য॑তে । যদ্রাত্রিযা᳚-ত্কুরু॑তে পা॒পং॒ তদ্রাত্রিযা᳚-ত্প্রতি॒মুচ্য॑তে । সর্ব॑ ব॒র্ণে ম॑হাদে॒বি॒ স॒ন্ধ্যাবি॑দ্যে স॒রস্ব॑তি ॥

ওজো॑ঽসি॒ সহো॑ঽসি॒ বল॑মসি॒ ভ্রাজো॑ঽসি দে॒বানাং॒ ধাম॒নামা॑সি॒ বিশ্ব॑মসি বি॒শ্বাযু॒-স্সর্ব॑মসি স॒র্বাযু-রভিভূরোম্ । গাযত্রী-মাবা॑হযা॒মি॒ সাবিত্রী-মাবা॑হযা॒মি॒ সরস্বতী-মাবা॑হযা॒মি॒ ছন্দর্​ষী-নাবা॑হযা॒মি॒ শ্রিয-মাবাহ॑যা॒মি॒ গাযত্রিযা গাযত্রী চ্ছন্দো বিশ্বামিত্রঋষি স্সবিতা দেবতাঽগ্নির্মুখং ব্রহ্মা শিরো বিষ্ণুর্​হৃদযগ্ং রুদ্র-শ্শিখা পৃথিবী যোনিঃ প্রাণাপান ব্যানোদান সমানা সপ্রাণা শ্বেতবর্ণা সাঙ্খ্যাযন সগোত্রা গাযত্রী চতুর্বিগ্ং শত্যক্ষরা ত্রিপদা॑ ষট্কু॒ক্ষিঃ॒ পঞ্চ-শীর্​ষোপনযনে বি॑নিযো॒গঃ॒ । ওঁ ভূঃ । ওঁ ভুবঃ । ওগ্ং সুবঃ । ওঁ মহঃ । ওঁ জনঃ । ওঁ তপঃ । ওগ্ং স॒ত্যম্ । ওঁ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচোদযা᳚ত্ ॥ ওমাপো॒ জ্যোতী॒ রসো॒ঽমৃতং॒ ব্রহ্ম॒ ভূ-র্ভুব॒-স্সুব॒রোম্ ॥ (মহানারাযণ উপনিষত্)

আচম্য (ওঁ কেশবায স্বাহা, ... শ্রী কৃষ্ণ পরব্রহ্মণে নমো নমঃ)

জপসঙ্কল্পঃ

পূর্বোক্ত এবঙ্গুণ বিশেষণ বিশিষ্ঠাযাং শুভতিথৌ মমোপাত্ত দুরিত ক্ষযদ্বারা শ্রী পরমেশ্বর মুদ্দিস্য শ্রী পরমেশ্বর প্রীত্যর্থং সন্ধ্যাঙ্গ যথাশক্তি গাযত্রী মহামন্ত্র জপং করিষ্যে ॥

করন্যাসঃ

ওঁ তথ্স॑বি॒তুঃ ব্রহ্মাত্মনে অঙ্গুষ্টাভ্যাং নমঃ ।

বরে᳚ণ্যং॒ বিষ্ণবাত্মনে তর্জনীভ্যাং নমঃ ।

ভর্গো॑ দে॒বস্য॑ রুদ্রাত্মনে মধ্যমাভ্যাং নমঃ ।

ধীমহি সত্যাত্মনে অনামিকাভ্যাং নমঃ ।

ধিযো॒ যো নঃ॑ জ্ঞানাত্মনে কনিষ্টিকাভ্যাং নমঃ ।

প্রচোদযা᳚ত্ সর্বাত্মনে করতল করপৃষ্টাভ্যাং নমঃ ।

অঙ্গন্যাসঃ

ওঁ তথ্স॑বি॒তুঃ ব্রহ্মাত্মনে হৃদযায নমঃ ।

বরে᳚ণ্যং॒ বিষ্ণবাত্মনে শিরসে স্বাহা ।

ভর্গো॑ দে॒বস্য॑ রুদ্রাত্মনে শিখাযৈ বষট্ ।

ধীমহি সত্যাত্মনে কবচায হুম্ ।

ধিযো॒ যো নঃ॑ জ্ঞানাত্মনে নেত্রত্রযায বৌষট্ ।

প্রচোদযা᳚ত্ সর্বাত্মনে অস্ত্রাযফট্ ।

ওঁ ভূর্ভুব॒স্সুব॒রোমিতি দিগ্ভন্ধঃ ।

ধ্যানম্

মুক্তাবিদ্রুম হেমনীল ধবলচ্চাযৈ-র্মুখৈ-স্ত্রীক্ষণৈঃ ।

যুক্তামিন্দুনি বদ্ধ-রত্ন-মকুটাং তত্বার্থ বর্ণাত্মিকাম্ ।

গাযত্রীং-বঁরদাভযাঙ্কুশ কশাশ্শুভ্রঙ্কপালঙ্গদাম্ ।

শঙ্খঞ্চক্র মধারবিন্দ যুগলং হস্তৈর্বহন্তীং ভজে ॥

চতুর্বিংশতি মুদ্রা প্রদর্​শনং

সুমুখং সম্পুটিঞ্চৈব বিততং-বিঁস্তৃতং তথা ।

দ্বিমুখং ত্রিমুখঞ্চৈব চতুঃ পঞ্চ মুখং তথা ।

ষণ্মুখোঽথো মুখং চৈব ব্যাপকাঞ্জলিকং তথা ।

শকটং-যঁমপাশং চ গ্রথিতং সম্মুখোন্মুখম্ ।

প্রলম্বং মুষ্টিকং চৈব মত্স্যঃ কূর্মো বরাহকম্ ।

সিংহাক্রান্তং মহাক্রান্তং মুদ্গরং পল্লবং তথা ।

চতুর্বিংশতি মুদ্রা বৈ গাযত্র্যাং সুপ্রতিষ্ঠিতাঃ ।

ইতিমুদ্রা ন জানাতি গাযত্রী নিষ্ফলা ভবেত্ ॥

যো দেব স্সবিতাঽস্মাকং ধিযো ধর্মাদিগোচরাঃ ।

প্রেরযেত্তস্য যদ্ভর্গস্ত দ্বরেণ্য মুপাস্মহে ॥

গাযত্রী মন্ত্রং

ওঁ ভূর্ভুব॒স্সুবঃ॑ ॥ তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি ।

ধিযো॒ যো নঃ॑ প্রচোদযা᳚ত্ ॥

অষ্টমুদ্রা প্রদর্​শনং

সুরভির্জ্ঞান চক্রে চ যোনিঃ কূর্মোঽথ পঙ্কজম্ ।

লিঙ্গং নির্যাণ মুদ্রা চেত্যষ্ট মুদ্রাঃ প্রকীর্তিতাঃ ॥

ওঁ তত্সদ্ব্রহ্মার্পণমস্তু ।

আচম্য (ওঁ কেশবায স্বাহা, ... শ্রী কৃষ্ণ পরব্রহ্মণে নমো নমঃ)

দ্বিঃ পরিমুজ্য ।

সকৃদুপ স্পৃশ্য ।

যত্সব্যং পাণিম্ ।

পাদম্ ।

প্রোক্ষতি শিরঃ ।

চক্ষুষী ।

নাসিকে ।

শ্রোত্রে ।

হৃদযমালভ্য ।

প্রাতঃকাল সূর্যোপস্থানং

ওঁ মি॒ত্রস্য॑ চ॒র্​ষণী॒ ধৃত॒ শ্রবো॑ দে॒বস্য॑ সান॒ সিম্ । স॒ত্যং চি॒ত্রশ্র॑ বস্তমম্ । মি॒ত্রো জনান্॑ যাতযতি প্রজা॒নন্-মি॒ত্রো দা॑ধার পৃথি॒বী মু॒তদ্যাম্ । মি॒ত্রঃ কৃ॒ষ্টী রনি॑মিষা॒ঽভি চ॑ষ্টে স॒ত্যায॑ হ॒ব্যং ঘৃ॒তব॑দ্বিধেম । প্রসমি॑ত্ত্র॒ মর্ত্যো॑ অস্তু॒ প্রয॑স্বা॒ ন্যস্ত॑ আদিত্য॒ শিক্ষ॑তি ব্র॒তেন॑ । ন হ॑ন্যতে॒ ন জী॑যতে॒ ত্বোতো॒নৈন॒ মগ্ংহো॑ অশ্নো॒ ত্যন্তি॑তো॒ ন দূ॒রাত্ ॥ (তৈ. সং. 3.4.11)

মধ্যাহ্ন সূর্যোপস্থানং

ওঁ আ স॒ত্যেন॒ রজ॑সা॒ বর্ত॑মানো নিবে॒শ॑য ন্ন॒মৃতং॒ মর্ত্য॑ঞ্চ । হি॒রণ্যযে॑ন সবি॒তা রথে॒নাঽদে॒বো যা॑তি॒ ভুব॑না নি॒পশ্যন্॑ ॥

উদ্ব॒য ন্তম॑স॒ স্পরি॒ পশ্য॑ন্তো॒ জ্যোতি॒ রুত্ত॑রম্ । দে॒বন্দে॑ব॒ত্রা সূর্য॒ মগ॑ন্ম জ্যোতি॑ রুত্ত॒মং ॥

উদু॒ত্যং জা॒তবে॑দসং দে॒বং-বঁ॑হন্তি কে॒তবঃ॑ । দৃ॒শে বিশ্বা॑ য॒ সূর্য᳚ম্ ॥ চি॒ত্রং দে॒বানা॒ মুদ॑গা॒ দনী॑কং॒ চক্ষু॑-র্মি॒ত্রস্য॒ বরু॑ণ স্যা॒গ্নেঃ । অপ্রা॒ দ্যাবা॑ পৃথি॒বী অন্ত॒রি॑ক্ষ॒গ্ং সূর্য॑ আ॒ত্মা জগ॑ত স্ত॒স্থুষ॑শ্চ ॥

তচ্চক্ষু॑-র্দে॒বহি॑তং পু॒রস্তা᳚চ্চু॒ক্র মু॒চ্চর॑ত্ । পশ্যে॑ম শ॒রদ॑শ্শ॒তং জীবে॑ম শ॒রদ॑শ্শ॒তং নন্দা॑ম শ॒রদ॑শ্শ॒তং মোদা॑ম শ॒রদ॑শ্শ॒তং ভবা॑ম শ॒রদ॑শ্শ॒তগ্ং শৃ॒ণবা॑ম শ॒রদ॑শ্শ॒তং পব্র॑বাম শ॒রদ॑শ্শ॒তমজী॑তাস্যাম শ॒রদ॑শ্শ॒তং জোক্চ॒ সূর্যং॑ দৃ॒ষে ॥ য উদ॑গান্মহ॒তোঽর্ণবা᳚ দ্বি॒ভ্রাজ॑মান স্সরি॒রস্য॒ মধ্যা॒থ্সমা॑ বৃষ॒ভো লো॑হিতা॒ক্ষসূর্যো॑ বিপ॒শ্চিন্মন॑সা পুনাতু ॥

সাযঙ্কাল সূর্যোপস্থানং

ওঁ ই॒মম্মে॑ বরুণ শৃধী॒ হব॑ ম॒দ্যা চ॑ মৃডয । ত্বা ম॑ব॒স্যু রাচ॑কে ॥ তত্বা॑ যামি॒ ব্রহ্ম॑ণা॒ বন্দ॑মান॒ স্ত দাশা᳚স্তে॒ যজ॑মানো হ॒বির্ভিঃ॑ । অহে॑ডমানো বরুণে॒হ বো॒ধ্যুরু॑শ॒গ্ং॒ সমা॑ন॒ আযুঃ॒ প্রমো॑ষীঃ ॥

যচ্চি॒দ্ধিতে॒ বিশো॑যথা॒ প্রদে॑ব বরুণব্র॒তম্ । মি॒নী॒মসি॒দ্য বি॑দ্যবি । যত্কিঞ্চে॒দং-বঁ॑রুণ॒দৈব্যে॒ জনে॑ঽভিদ্রো॒হ-ম্ম॑নু॒ষ্যা᳚শ্চরা॑মসি । অচি॑ত্তী॒ যত্তব॒ ধর্মা॑যুযোপি॒-মমান॒-স্তস্মা॒ দেন॑সো দেবরীরিষঃ । কি॒ত॒বাসো॒ যদ্রি॑রি॒পুর্নদী॒বি যদ্বা॑ঘা স॒ত্যমু॒তযন্ন বি॒দ্ম । সর্বা॒তাবিষ্য॑ শিধি॒রেব॑দে॒বাঽথা॑তেস্যাম বরুণ প্রি॒যাসঃ॑ ॥ (তৈ. সং. 1.1.1)

দিগ্দেবতা নমস্কারঃ

(এতৈর্নমস্কারং কুর্যাত্)

ওঁ নমঃ॒ প্রাচ্যৈ॑ দি॒শে যাশ্চ॑ দে॒বতা॑ এ॒তস্যাং॒ প্রতি॑বসন্ত্যে॒ তাভ্য॑শ্চ॒ নমঃ॑ ।

ওঁ নমো দক্ষি॑ণাযৈ দি॒শে যাশ্চ॑ দে॒বতা॑ এ॒তস্যাং॒ প্রতি॑বসন্ত্যে॒ তাভ্য॑শ্চ॒ নমঃ॑ ।

ওঁ নমঃ॒ প্রতী᳚চ্যৈ দি॒শে যাশ্চ॑ দে॒বতা॑ এ॒তস্যাং॒ প্রতি॑বসন্ত্যে॒ তাভ্য॑শ্চ॒ নমঃ॑ ।

ওঁ নম॒ উদী᳚চ্যৈ দি॒শে যাশ্চ॑ দে॒বতা॑ এ॒তস্যাং॒ প্রতি॑বসন্ত্যে॒ তাভ্য॑শ্চ॒ নমঃ॑ ।

ওঁ নম॑ ঊ॒র্ধ্বাযৈ॑ দি॒শে যাশ্চ॑ দে॒বতা॑ এ॒তস্যাং॒ প্রতি॑বসন্ত্যে॒ তাভ্য॑শ্চ॒ নমঃ॑ ।

ওঁ নমোঽধ॑রাযৈ দি॒শে যাশ্চ॑ দে॒বতা॑ এ॒তস্যাং॒ প্রতি॑বসন্ত্যে॒ তাভ্য॑শ্চ॒ নমঃ॑ ।

ওঁ নমো॑ঽবান্ত॒রাযৈ॑ দি॒শে যাশ্চ॑ দে॒বতা॑ এ॒তস্যাং॒ প্রতি॑বসন্ত্যে॒ তাভ্য॑শ্চ॒ নমঃ॑ ।

মুনি নমস্কারঃ

নমো গঙ্গা যমুনযো-র্মধ্যে যে॑ বস॒ন্তি॒ তে মে প্রসন্নাত্মান শ্চিরঞ্জীবিতং-বঁ॑র্ধয॒ন্তি॒ নমো গঙ্গা যমুনযো-র্মুনি॑ভ্যশ্চ॒ নমো নমো গঙ্গা যমুনযো-র্মুনি॑ভ্যশ্চ॒ ন॑মঃ ॥

সন্ধ্যাদেবতা নমস্কারঃ

সন্ধ্যা॑যৈ॒ নমঃ॑ । সাবি॑ত্র্যৈ॒ নমঃ॑ । গায॑ত্র্যৈ॒ নমঃ॑ । সর॑স্বত্যৈ॒ নমঃ॑ । সর্বা॑ভ্যো দে॒বতা॑ভ্যো॒ নমঃ॑ । দে॒বেভ্যো॒ নমঃ॑ । ঋষি॑ভ্যো॒ নমঃ॑ । মুনি॑ভ্যো॒ নমঃ॑ । গুরু॑ভ্যো॒ নমঃ॑ । পিতৃ॑ভ্যো॒ নমঃ॑ । কামোঽকার্​ষী᳚ র্নমো॒ নমঃ । মন্যু রকার্​ষী᳚ র্নমো॒ নমঃ । পৃথিব্যাপস্তে॒জো বাযু॑রাকা॒শাত্ নমঃ ॥ (তৈ. অর. 2.18.52)

ওঁ নমো ভগবতে বাসু॑দেবা॒য । যা॒গ্ং সদা॑ সর্বভূতা॒নি॒ চ॒রাণি॑ স্থাব॒রাণি॑ চ । সা॒যং॒ প্রা॒ত র্ন॑মস্য॒ন্তি॒ সা॒ মা॒ সন্ধ্যা॑ঽভিরক্ষতু ॥

শিবায বিষ্ণুরূপায শিবরূপায বিষ্ণবে ।

শিবস্য হৃদযং-বিঁষ্ণুর্বিষ্ণোশ্চ হৃদযং শিবঃ ॥

যথা শিবমযো বিষ্ণুরেবং-বিঁষ্ণুমযঃ শিবঃ ।

যথাঽন্তরং ন পশ্যামি তথা মে স্বস্তিরাযুষি ॥

নমো ব্রহ্মণ্য দেবায গো ব্রাহ্মণ হিতায চ ।

জগদ্ধিতায কৃষ্ণায গোবিন্দায নমো নমঃ ॥

গাযত্রী উদ্বাসন (প্রস্থানং)

উ॒ত্তমে॑ শিখ॑রে জা॒তে॒ ভূ॒ম্যাং প॑র্বত॒মূর্থ॑নি । ব্রা॒হ্মণে᳚ভ্যোঽভ্য॑নুজ্ঞা॒তা॒ গ॒চ্চদে॑বি য॒থাসু॑খম্ । স্তুতো মযা বরদা বে॑দমা॒তা॒ প্রচোদযন্তী পবনে᳚ দ্বিজা॒তা । আযুঃ পৃথিব্যাং দ্রবিণং ব্র॑হ্মব॒র্চ॒সং॒ মহ্যং দত্বা প্রজাতুং ব্র॑হ্মলো॒কম্ ॥ (মহানারাযণ উপনিষত্)

ভগবন্নমস্কারঃ

নমোঽস্ত্বনন্তায সহস্রমূর্তযে সহস্র পাদাক্ষি শিরোরু বাহবে ।

সহস্র নাম্নে পুরুষায শাশ্বতে সহস্রকোটী যুগ ধারিণে নমঃ ॥

ভূম্যাকাশাভি বন্দনং

ই॒দং দ্যা॑বা পৃথি॒বী স॒ত্যম॑স্তু॒ । পিত॒-র্মাতর্যদি॒ হোপ॑ বৃ॒বেবা᳚ম্ ।

ভূ॒তং দে॒বানা॑ মবমে অবো॑ভিঃ । বিদ্যা মে॒ষং-বৃঁ॒জিনং॑ জী॒রদা॑নুম্ ॥

আকাশাত্পতিতং তোযং-যঁথা গচ্ছতি সাগরম্ ।

সর্বদেব নমস্কারঃ কেশবং প্রতিগচ্ছতি ॥

শ্রী কেশবং প্রতিগচ্ছত্যোন্নম ইতি ।

সর্ববেদেষু যত্পুণ্যম্ । সর্বতীর্থেষু যত্ফলম্ ।

তত্ফলং পুরুষ আপ্নোতি স্তুত্বাদেবং জনার্ধনম্ ॥

স্তুত্বাদেবং জনার্ধন ওঁ নম ইতি ॥

বাসনা-দ্বাসুদেবস্য বাসিতং তে জগত্রযম্ ।

সর্বভূত নিবাসোঽসি শ্রীবাসুদেব নমোঽস্তুতে ॥

শ্রী বাসুদেব নমোঽস্তুতে ওঁ নম ইতি ।

অভিবাদঃ (প্রবর)

চতুস্সাগর পর্যন্তং গো ব্রাহ্মণেভ্যঃ শুভং ভবতু । ... প্রবরান্বিত ... গোত্রঃ ... সূত্রঃ ... শাখাধ্যাযী ... অহং ভো অভিবাদযে ॥

ঈশ্বরার্পণং

কাযেন বাচা মনসেন্দ্রিযৈর্বা বুদ্ধ্যাঽঽত্মনা বা প্রকৃতে স্স্বভাবাত্ ।

করোমি যদ্যত্সকলং পরস্মৈ শ্রীমন্নারাযণাযেতি সমর্পযামি ॥

হরিঃ ওঁ তত্সত্ । তত্সর্বং শ্রী পরমেশ্বরার্পণমস্তু ।