Nitya Parayana Slokas

ନିତ୍ଯ ପାରାଯଣ ଶ୍ଲୋକାଃ

ଶ୍ଲୋକ 1

ପ୍ରଭାତ ଶ୍ଲୋକଃ

କରାଗ୍ରେ ଵସତେ ଲକ୍ଷ୍ମୀଃ କରମଧ୍ଯେ ସରସ୍ଵତୀ ।

କରମୂଲେ ସ୍ଥିତା ଗୌରୀ ପ୍ରଭାତେ କରଦର୍​ଶନମ୍ ॥

ପ୍ରଭାତ ଭୂମି ଶ୍ଲୋକଃ

ସମୁଦ୍ର ଵସନେ ଦେଵୀ ପର୍ଵତ ସ୍ତନ ମଣ୍ଡଲେ ।

ଵିଷ୍ଣୁପତ୍ନି ନମସ୍ତୁଭ୍ଯମ୍, ପାଦସ୍ପର୍​ଶ-ଙ୍କ୍ଷମସ୍ଵମେ ॥

ସୂର୍ଯୋଦଯ ଶ୍ଲୋକଃ

ବ୍ରହ୍ମସ୍ଵରୂପ ମୁଦଯେ ମଧ୍ଯାହ୍ନେତୁ ମହେଶ୍ଵରମ୍ ।

ସାହ-ନ୍ଧ୍ଯାଯେତ୍ସଦା ଵିଷ୍ଣୁ-ନ୍ତ୍ରିମୂର୍ତି-ଞ୍ଚ ଦିଵାକରମ୍ ॥

ସ୍ନାନ ଶ୍ଲୋକଃ

ଗଙ୍ଗେ ଚ ଯମୁନେ ଚୈଵ ଗୋଦାଵରୀ ସରସ୍ଵତୀ

ନର୍ମଦେ ସିନ୍ଧୁ କାଵେରୀ ଜଲେସ୍ମିନ୍ ସନ୍ନିଧି-ଙ୍କୁରୁ ॥

ନମସ୍କାର ଶ୍ଲୋକଃ

ତ୍ଵମେଵ ମାତା ଚ ପିତା ତ୍ଵମେଵ, ତ୍ଵମେଵ ବନ୍ଧୁଶ୍ଚ ସଖା ତ୍ଵମେଵ ।

ତ୍ଵମେଵ ଵିଦ୍ଯା ଦ୍ରଵିଣ-ନ୍ତ୍ଵମେଵ, ତ୍ଵମେଵ ସର୍ଵ-ମ୍ମମ ଦେଵଦେଵ ॥

ଭସ୍ମ ଧାରଣ ଶ୍ଲୋକଃ

ଶ୍ରୀକର-ଞ୍ଚ ପଵିତ୍ର-ଞ୍ଚ ଶୋକ ନିଵାରଣମ୍ ।

ଲୋକେ ଵଶୀକର-ମ୍ପୁଂସା-ମ୍ଭସ୍ମ-ନ୍ତ୍ର୍ଯୈଲୋକ୍ଯ ପାଵନମ୍ ॥

ଭୋଜନ ପୂର୍ଵ ଶ୍ଲୋକାଃ

ବ୍ରହ୍ମାର୍ପଣ-ମ୍ବ୍ରହ୍ମ ହଵିଃ ବ୍ରହ୍ମାଗ୍ନୌ ବ୍ରହ୍ମଣାହୁତମ୍ ।

ବ୍ରହ୍ମୈଵ ତେନ ଗନ୍ତଵ୍ଯ-ମ୍ବ୍ରହ୍ମ କର୍ମ ସମାଧିନଃ ॥

ଅହଂ-ଵୈଁଶ୍ଵାନରୋ ଭୂତ୍ଵା ପ୍ରାଣିନା-ନ୍ଦେହମାଶ୍ରିତଃ ।

ପ୍ରାଣାପାନ ସମାଯୁକ୍ତଃ ପଚାମ୍ଯନ୍ନ-ଞ୍ଚତୁର୍ଵିଧମ୍ ॥

ଅନ୍ନପୂର୍ଣେ ସଦା ପୂର୍ଣେ ଶଙ୍କରପ୍ରାଣଵଲ୍ଲଭେ ।

ଜ୍ଞାନଵୈରାଗ୍ଯ ସିଦ୍ଧ୍ଯର୍ଥ-ମ୍ଭିକ୍ଷା-ନ୍ଦେହି ଚ ପାର୍ଵତି ॥

ତ୍ଵଦୀଯଂ-ଵଁସ୍ତୁ ଗୋଵିନ୍ଦ ତୁଭ୍ଯମେଵ ସମର୍ପଯେ ।

ଗୃହାଣ ସୁମୁଖୋ ଭୂତ୍ଵା ପ୍ରସୀଦ ପରମେଶ୍ଵର ॥

ଭୋଜନାନନ୍ତର ଶ୍ଲୋକଃ

ଅଗସ୍ତ୍ଯଂ-ଵୈଁନତେଯ-ଞ୍ଚ ଶମୀ-ଞ୍ଚ ବଡବାଲନମ୍ ।

ଆହାର ପରିଣାମାର୍ଥଂ ସ୍ମରାମି ଚ ଵୃକୋଦରମ୍ ॥

ସନ୍ଧ୍ଯା ଦୀପ ଦର୍​ଶନ ଶ୍ଲୋକଃ

ଦୀପଜ୍ଯୋତିଃ ପର-ମ୍ବ୍ରହ୍ମ ଦୀପଜ୍ଯୋତିର୍ଜନାର୍ଦନଃ ।

ଦୀପୋ ହରତୁ ମେ ପାପ-ନ୍ଦୀପଜ୍ଯୋତିର୍ନମୋ-ଽସ୍ତୁତେ ॥

ଶୁଭ-ଙ୍କରୋତି କଲ୍ଯାଣଂ ଆରୋଗ୍ଯ-ନ୍ଧନସମ୍ପଦଃ ।

ଶତ୍ରୁ-ବୁଦ୍ଧି-ଵିନାଶାଯ ଦୀପଜ୍ଯୋତିର୍ନମୋ-ଽସ୍ତୁତେ ॥

ନିଦ୍ରା/ଶଯନ ଶ୍ଲୋକଃ

ରାମଂ ସ୍କନ୍ଦଂ ହନୁମନ୍ତଂ-ଵୈଁନତେଯଂ-ଵୃଁକୋଦରମ୍ ।

ଶଯନେ ଯ-ସ୍ସ୍ମରେନ୍ନିତ୍ଯ-ନ୍ଦୁସ୍ଵପ୍ନ-ସ୍ତସ୍ଯନଶ୍ଯତି ॥

ଅପରାଧ କ୍ଷମାପଣ ସ୍ତୋତ୍ରଂ

ଅପରାଧ ସହସ୍ରାଣି, କ୍ରିଯନ୍ତେ-ଽହର୍ନିଶ-ମ୍ମଯା ।

ଦାସୋ-ଽଯମିତି ମା-ମ୍ମତ୍ଵା, କ୍ଷମସ୍ଵ ପରମେଶ୍ଵର ॥

କରଚରଣ କୃତଂ-ଵାଁ କର୍ମ ଵାକ୍କାଯଜଂ-ଵାଁ

ଶ୍ରଵଣ ନଯନଜଂ-ଵାଁ ମାନସଂ-ଵାଁପରାଧମ୍ ।

ଵିହିତ ମଵିହିତଂ-ଵାଁ ସର୍ଵମେତ-ତ୍କ୍ଷମସ୍ଵ

ଶିଵ ଶିଵ କରୁଣାବ୍ଧେ ଶ୍ରୀ ମହାଦେଵ ଶମ୍ଭୋ ॥

କାଯେନ ଵାଚା ମନସେନ୍ଦ୍ରିଯୈର୍ଵା

ବୁଦ୍ଧ୍ଯାତ୍ମନା ଵା ପ୍ରକୃତେ-ସ୍ସ୍ଵଭାଵାତ୍ ।

କରୋମି ଯଦ୍ଯତ୍ସକଲ-ମ୍ପରସ୍ମୈ

ନାରାଯଣାଯେତି ସମର୍ପଯାମି ॥

ଦେଵତା ସ୍ତୋତ୍ରାଃ

କାର୍ଯ ପ୍ରାରମ୍ଭ ସ୍ତୋତ୍ରାଃ

ଶୁକ୍ଲା-ମ୍ବରଧରଂ-ଵିଁଷ୍ଣୁଂ ଶଶିଵର୍ଣ-ଞ୍ଚତୁର୍ଭୁଜମ୍ ।

ପ୍ରସନ୍ନଵଦନ-ନ୍ଧ୍ଯାଯେ-ଥ୍ସର୍ଵ ଵିଘ୍ନୋପଶାନ୍ତଯେ ॥

ଯସ୍ଯଦ୍ଵିରଦ ଵକ୍ତ୍ରାଦ୍ଯାଃ ପାରିଷଦ୍ଯାଃ ପରଶ୍ଶତମ୍ ।

ଵିଘ୍ନ-ନ୍ନିଘ୍ନନ୍ତୁ ସତତଂ-ଵିଁଷ୍ଵକ୍ସେନ-ନ୍ତମାଶ୍ରଯେ ॥

ଗଣେଶ ସ୍ତୋତ୍ରଂ

ଵକ୍ରତୁଣ୍ଡ ମହାକାଯ ସୂର୍ଯକୋଟି ସମପ୍ରଭଃ ।

ନିର୍ଵିଘ୍ନ-ଙ୍କୁରୁ ମେ ଦେଵ ସର୍ଵ କାର୍ଯେଷୁ ସର୍ଵଦା ॥

ଅଗଜାନନ ପଦ୍ମାର୍କ-ଙ୍ଗଜାନନ ମହର୍ନିଶମ୍ ।

ଅନେକଦନ୍-ତ-ମ୍ଭକ୍ତାନାମ୍-ଏକଦନ୍ତ-ମୁପାସ୍ମହେ ॥

ଵିଷ୍ଣୁ ସ୍ତୋତ୍ରଂ

ଶାନ୍ତାକାର-ମ୍ଭୁଜଗଶଯନ-ମ୍ପଦ୍ମନାଭଂ ସୁରେଶଂ

ଵିଶ୍ଵାଧାର-ଙ୍ଗଗନ ସଦୃଶ-ମ୍ମେଘଵର୍ଣଂ ଶୁଭାଙ୍ଗମ୍ ।

ଲକ୍ଷ୍ମୀକାନ୍ତ-ଙ୍କମଲନଯନଂ-ଯୋଁଗିହୃଦ୍ଧ୍ଯାନଗମ୍ଯଂ

ଵନ୍ଦେ ଵିଷ୍ଣୁ-ମ୍ଭଵଭଯହରଂ ସର୍ଵଲୋକୈକନାଥମ୍ ॥

ଗାଯତ୍ରି ମନ୍ତ୍ରଂ

ଓ-ମ୍ଭୂର୍ଭୁଵ॒ସ୍ସୁଵଃ॒ । ତଥ୍ସ॑ଵି॒ତୁର୍ଵରେ᳚ଣ୍ଯଂ॒ ।

ଭର୍ଗୋ॑ ଦେ॒ଵସ୍ଯ॑ ଧୀମହି । ଧିଯୋ॒ ଯୋ ନଃ॑ ପ୍ରଚୋଦଯା᳚ତ୍ ॥

ଶିଵ ସ୍ତୋତ୍ରଂ

ତ୍ର୍ଯ॑ମ୍ବକଂ-ଯଁଜାମହେ ସୁଗ॒ନ୍ଧି-ମ୍ପୁ॑ଷ୍ଟି॒ଵର୍ଧ॑ନମ୍ ।

ଉ॒ର୍ଵା॒ରୁ॒କମି॑ଵ॒ ବନ୍ଧ॑ନା-ନ୍ମୃତ୍ଯୋ॑ର୍-ମୁକ୍ଷୀଯ॒ ମା-ଽମୃତା᳚ତ୍ ॥

ଵନ୍ଦେ ଶମ୍ଭୁମୁମାପତିଂ ସୁରଗୁରୁଂ-ଵଁନ୍ଦେ ଜଗତ୍କାରଣଂ

ଵନ୍ଦେ ପନ୍ନଗଭୂଷଣଂ ଶଶିଧରଂ-ଵଁନ୍ଦେ ପଶୂନା-ମ୍ପତିମ୍‌ ।

ଵନ୍ଦେ ସୂର୍ଯଶଶାଙ୍କ ଵହ୍ନିନଯନଂ-ଵଁନ୍ଦେ ମୁକୁନ୍ଦପ୍ରିଯଂ

ଵନ୍ଦେ ଭକ୍ତଜନାଶ୍ରଯ-ଞ୍ଚ ଵରଦଂ-ଵଁନ୍ଦେ ଶିଵଂ ଶଙ୍କରମ୍‌ ॥

ସୁବ୍ରହ୍ମଣ୍ଯ ସ୍ତୋତ୍ରଂ

ଶକ୍ତିହସ୍ତଂ-ଵିଁରୂପାକ୍ଷଂ ଶିଖିଵାହଂ ଷଡାନନଂ

ଦାରୁଣଂ ରିପୁରୋଗଘ୍ନ-ମ୍ଭାଵଯେ କୁକ୍କୁଟ ଧ୍ଵଜମ୍ ।

ସ୍କନ୍ଦଂ ଷଣ୍ମୁଖ-ନ୍ଦେଵଂ ଶିଵତେଜ-ଞ୍ଚତୁର୍ଭୁଜଂ

କୁମାରଂ ସ୍ଵାମିନାଧ-ନ୍ତ-ଙ୍କାର୍ତିକେଯ-ନ୍ନମାମ୍ଯହମ୍ ॥

ଗୁରୁ ଶ୍ଲୋକଃ

ଗୁରୁର୍ବ୍ରହ୍ମ ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ ।

ଗୁରୁ-ସ୍ସାକ୍ଷା-ତ୍ପରବ୍ରହ୍ମ ତସ୍ମୈ ଶ୍ରୀ ଗୁରଵେ ନମଃ ॥

ହନୁମ ସ୍ତୋତ୍ରାଃ

ମନୋଜଵ-ମ୍ମାରୁତ ତୁଲ୍ଯଵେଗ-ଞ୍ଜିତେନ୍ଦ୍ରିଯ-ମ୍ବୁଦ୍ଧିମତାଂ-ଵଁରିଷ୍ଟମ୍ ।

ଵାତାତ୍ମଜଂ-ଵାଁନରଯୂଧ ମୁଖ୍ଯଂ ଶ୍ରୀରାମଦୂତଂ ଶିରସା ନମାମି ॥

ବୁଦ୍ଧିର୍ବଲଂ-ଯଁଶୋଧୈର୍ଯ-ନ୍ନିର୍ଭଯତ୍ଵମରୋଗତା ।

ଅଜାଡ୍ଯଂ-ଵାଁକ୍ପଟୁତ୍ଵ-ଞ୍ଚ ହନୁମସ୍ସ୍ମରଣା-ଦ୍ଭଵେତ୍ ॥

ଜଯତ୍ଯତି ବଲୋ ରାମୋ ଲକ୍ଷ୍ମଣସ୍ଯ ମହାବଲଃ ।

ରାଜା ଜଯତି ସୁଗ୍ରୀଵୋ ରାଘଵେଣାଭି ପାଲିତଃ ॥

ଦାସୋ-ଽହ-ଙ୍କୋସଲେନ୍ଦ୍ରସ୍ଯ ରାମସ୍ଯାକ୍ଲିଷ୍ଟ କର୍ମଣଃ ।

ହନୁମାନ୍ ଶତ୍ରୁସୈନ୍ଯାନା-ନ୍ନିହନ୍ତା ମାରୁତାତ୍ମଜଃ ॥

ଶ୍ରୀରାମ ସ୍ତୋତ୍ରାଂ

ଶ୍ରୀ ରାମ ରାମ ରାମେତି ରମେ ରାମେ ମନୋରମେ

ସହସ୍ରନାମ ତତ୍ତୁଲ୍ଯଂ ରାମ ନାମ ଵରାନନେ

ଶ୍ରୀ ରାମଚନ୍ଦ୍ର-ଶ୍ଶ୍ରିତପାରିଜାତ-ସ୍ସମସ୍ତ କଲ୍ଯାଣ ଗୁଣାଭିରାମଃ ।

ସୀତାମୁଖାମ୍ଭୋରୁହା-ଚଞ୍ଚରୀକୋ ନିରନ୍ତର-ମ୍ମଙ୍ଗଲମାତନୋତୁ ॥

ଶ୍ରୀକୃଷ୍ଣ ସ୍ତୋତ୍ରଂ

ମନ୍ଦାରମୂଲେ ମଦନାଭିରାମଂ

ବିମ୍ବାଧରାପୂରିତ ଵେଣୁନାଦମ୍ ।

ଗୋଗୋପ ଗୋପୀଜନ ମଧ୍ଯସଂସ୍ଥଂ

ଗୋପ-ମ୍ଭଜେ ଗୋକୁଲ ପୂର୍ଣଚନ୍ଦ୍ରମ୍ ॥

ଗରୁଡ ସ୍ଵାମି ସ୍ତୋତ୍ରଂ

କୁଙ୍କୁମାଙ୍କିତଵର୍ଣାଯ କୁନ୍ଦେନ୍ଦୁ ଧଵଲାଯ ଚ ।

ଵିଷ୍ଣୁ ଵାହ ନମସ୍ତୁଭ୍ଯ-ମ୍ପକ୍ଷିରାଜାଯ ତେ ନମଃ ॥

ଦକ୍ଷିଣାମୂର୍ତି ସ୍ତୋତ୍ରଂ

ଗୁରଵେ ସର୍ଵଲୋକାନା-ମ୍ଭିଷଜେ ଭଵରୋଗିଣାମ୍ ।

ନିଧଯେ ସର୍ଵ ଵିଦ୍ଯାନାଂ ଶ୍ରୀ ଦକ୍ଷିଣାମୂର୍ତଯେ ନମ ॥

ସରସ୍ଵତୀ ଶ୍ଲୋକଃ

ସରସ୍ଵତୀ ନମସ୍ତୁଭ୍ଯଂ-ଵଁରଦେ କାମରୂପିଣୀ ।

ଵିଦ୍ଯାରମ୍ଭ-ଙ୍କରିଷ୍ଯାମି ସିଦ୍ଧିର୍ଭଵତୁ ମେ ସଦା ॥

ଯା କୁନ୍ଦେନ୍ଦୁ ତୁଷାର ହାର ଧଵଲା, ଯା ଶୁଭ୍ର ଵସ୍ତ୍ରାଵୃତା [ଵସ୍ତ୍ରାନ୍ଵିତା] ।

ଯା ଵୀଣା ଵରଦଣ୍ଡ ମଣ୍ଡିତ କରା, ଯା ଶ୍ଵେତ ପଦ୍ମାସନା ।

ଯା ବ୍ରହ୍ମାଚ୍ଯୁତ ଶଙ୍କର ପ୍ରଭୃତିଭିର୍-ଦେଵୈ-ସ୍ସଦା ପୂଜିତା ।

ସା ମା-ମ୍ପାତୁ ସରସ୍ଵତୀ ଭଗଵତୀ ନିଶ୍ଶେଷଜାଡ୍ଯାପହା ॥

ଲକ୍ଷ୍ମୀ ଶ୍ଲୋକଃ

ଲକ୍ଷ୍ମୀ-ଙ୍କ୍ଷୀରସମୁଦ୍ର ରାଜ ତନଯାଂ ଶ୍ରୀରଙ୍ଗ ଧାମେଶ୍ଵରୀମ୍ ।

ଦାସୀଭୂତ ସମସ୍ତ ଦେଵ ଵନିତାଂ-ଲୋଁକୈକ ଦୀପାଙ୍କୁରାମ୍ ।

ଶ୍ରୀମନ୍ମନ୍ଧ କଟାକ୍ଷ ଲବ୍ଧ ଵିଭଵ ବ୍ରହ୍ମେନ୍ଦ୍ର ଗଙ୍ଗାଧରାମ୍ ।

ତ୍ଵା-ନ୍ତ୍ରୈଲୋକ୍ଯକୁଟୁମ୍ବିନୀଂ ସରସିଜାଂ-ଵଁନ୍ଦେ ମୁକୁନ୍ଦପ୍ରିଯାମ୍ ॥

ଦୁର୍ଗା ଦେଵୀ ସ୍ତୋତ୍ରଂ

ସର୍ଵ ସ୍ଵରୂପେ ସର୍ଵେଶେ ସର୍ଵ ଶକ୍ତି ସମନ୍ଵିତେ ।

ଭଯେଭ୍ଯସ୍ତାହି ନୋ ଦେଵି ଦୁର୍ଗାଦେଵି ନମୋସ୍ତୁତେ ॥

ତ୍ରିପୁରସୁନ୍ଦରୀ ସ୍ତୋତ୍ରଂ

ଓଙ୍କାର ପଞ୍ଜର ଶୁକୀଂ ଉପନିଷଦୁଦ୍ଯାନ କେଲି କଲକଣ୍ଠୀମ୍ ।

ଆଗମ ଵିପିନ ମଯୂରୀଂ ଆର୍ଯାଂ ଅନ୍ତର୍ଵିଭାଵଯେଦ୍ଗୌରୀମ୍ ॥

ଦେଵୀ ଶ୍ଲୋକଃ

ସର୍ଵ ମଙ୍ଗଲ ମାଙ୍ଗଲ୍ଯେ ଶିଵେ ସର୍ଵାର୍ଥ ସାଧିକେ ।

ଶରଣ୍ଯେ ତ୍ର୍ଯମ୍ବକେ ଦେଵି ନାରାଯଣି ନମୋସ୍ତୁତେ ॥

ଵେଙ୍କଟେଶ୍ଵର ଶ୍ଲୋକଃ

ଶ୍ରିଯଃ କାନ୍ତାଯ କଲ୍ଯାଣନିଧଯେ ନିଧଯେ-ଽର୍ଥିନାମ୍ ।

ଶ୍ରୀ ଵେଙ୍କଟ ନିଵାସାଯ ଶ୍ରୀନିଵାସାଯ ମଙ୍ଗଲମ୍ ॥

ବୌଦ୍ଧ ପ୍ରାର୍ଥନ

ବୁଦ୍ଧଂ ଶରଣ-ଙ୍ଗଚ୍ଛାମି

ଧର୍ମଂ ଶରଣ-ଙ୍ଗଚ୍ଛାମି

ସଙ୍ଘଂ ଶରଣ-ଙ୍ଗଚ୍ଛାମି

ଶାନ୍ତି ମନ୍ତ୍ରଂ

ଅସତୋମା ସଦ୍ଗମଯା ।

ତମସୋମା ଜ୍ଯୋତିର୍ଗମଯା ।

ମୃତ୍ଯୋର୍ମା ଅମୃତଙ୍ଗମଯା ।

ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ

ସର୍ଵେ ଭଵନ୍ତୁ ସୁଖିନ-ସ୍ସର୍ଵେ ସନ୍ତୁ ନିରାମଯାଃ ।

ସର୍ଵେ ଭଦ୍ରାଣି ପଶ୍ଯନ୍ତୁ ମା କଶ୍ଚିଦ୍ଦୁଃଖ ଭାଗ୍ଭଵେତ୍ ॥

ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ

ଓଁ ସର୍ଵେଷାଂ ସ୍ଵସ୍ତିର୍ଭଵତୁ,

ସର୍ଵେଷାଂ ଶାନ୍ତିର୍ଭଵତୁ ।

ସର୍ଵେଷା-ମ୍ପୂର୍ଣ-ମ୍ଭଵତୁ,

ସର୍ଵେଷା-ମ୍ମଙ୍ଗଲ-ମ୍ଭଵତୁ ।

ଓଁ ଶାନ୍ତି-ଶ୍ଶାନ୍ତି-ଶ୍ଶାନ୍ତିଃ

ଓଁ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ଯ॑-ଙ୍କରଵାଵହୈ ।

ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ।

ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥

ସ୍ଵସ୍ତି ମନ୍ତ୍ରାଃ

ସ୍ଵସ୍ତି ପ୍ରଜାଭ୍ଯଃ ପରିପାଲଯନ୍ତାଂ

ନ୍ଯାଯେନ ମାର୍ଗେଣ ମହୀ-ମ୍ମହୀଶାଃ ।

ଗୋବ୍ରାହ୍ମଣେଭ୍ଯ-ଶ୍ଶୁଭମସ୍ତୁ ନିତ୍ଯଂ

ଲୋକା-ସ୍ସମସ୍ତା-ସ୍ସୁଖିନୋ ଭଵନ୍ତୁ ॥

କାଲେ ଵର୍​ଷତୁ ପର୍ଜନ୍ଯଃ ପୃଥିଵୀ ସସ୍ଯଶାଲିନୀ ।

ଦେଶୋଯ-ଙ୍କ୍ଷୋଭରହିତୋ ବ୍ରାହ୍ମଣାସ୍ସନ୍ତୁ ନିର୍ଭଯାଃ ॥

ଵିଶେଷ ମନ୍ତ୍ରାଃ

ପଞ୍ଚାକ୍ଷରୀ ମନ୍ତ୍ରଂ - ଓ-ନ୍ନମଶ୍ଶିଵାଯ

ଅଷ୍ଟାକ୍ଷରୀ ମନ୍ତ୍ରଂ - ଓ-ନ୍ନମୋ ନାରାଯଣାଯ

ଦ୍ଵାଦଶାକ୍ଷରୀ ମନ୍ତ୍ରଂ - ଓ-ନ୍ନମୋ ଭଗଵତେ ଵାସୁଦେଵାଯ