Navaratna Malika Stotram
Navaratna Malika Stotram
ନଵରତ୍ନ ମାଲିକା ସ୍ତୋତ୍ରମ୍
ଶ୍ଲୋକ 1
ହାରନୂପୁରକିରୀଟକୁଣ୍ଡଲଵିଭୂଷିତାଵଯଵଶୋଭିନୀଂ
କାରଣେଶଵରମୌଲିକୋଟିପରିକଲ୍ପ୍ଯମାନପଦପୀଠିକାମ୍ ।
କାଲକାଲଫଣିପାଶବାଣଧନୁରଙ୍କୁଶାମରୁଣମେଖଲାଂ
ଫାଲଭୂତିଲକଲୋଚନାଂ ମନସି ଭାଵଯାମି ପରଦେଵତାମ୍
ଶ୍ଲୋକ 2
ଗନ୍ଧସାରଘନସାରଚାରୁନଵନାଗଵଲ୍ଲିରସଵାସିନୀଂ
ସାନ୍ଧ୍ଯରାଗମଧୁରାଧରାଭରଣସୁନ୍ଦରାନନଶୁଚିସ୍ମିତାମ୍ ।
ମନ୍ଧରାଯତଵିଲୋଚନାମମଲବାଲଚନ୍ଦ୍ରକୃତଶେଖରୀଂ
ଇନ୍ଦିରାରମଣସୋଦରୀଂ ମନସି ଭାଵଯାମି ପରଦେଵତାମ୍
॥ 1 ॥
ଶ୍ଲୋକ 3
ସ୍ମେରଚାରୁମୁଖମଣ୍ଡଲାଂ ଵିମଲଗଣ୍ଡଲମ୍ବିମଣିମଣ୍ଡଲାଂ
ହାରଦାମପରିଶୋଭମାନକୁଚଭାରଭୀରୁତନୁମଧ୍ଯମାମ୍ ।
ଵୀରଗର୍ଵହରନୂପୁରାଂ ଵିଵିଧକାରଣେଶଵରପୀଠିକାଂ
ମାରଵୈରିସହଚାରିଣୀଂ ମନସି ଭାଵଯାମି ପରଦେଵତାମ୍
॥ 2 ॥
ଶ୍ଲୋକ 4
ଭୂରିଭାରଧରକୁଣ୍ଡଲୀନ୍ଦ୍ରମଣିବଦ୍ଧଭୂଵଲଯପୀଠିକାଂ
ଵାରିରାଶିମଣିମେଖଲାଵଲଯଵହ୍ନିମଣ୍ଡଲଶରୀରିଣୀମ୍ ।
ଵାରିସାରଵହକୁଣ୍ଡଲାଂ ଗଗନଶେଖରୀଂ ଚ ପରମାତ୍ମିକାଂ
ଚାରୁଚନ୍ଦ୍ରଵିଲୋଚନାଂ ମନସି ଭାଵଯାମି ପରଦେଵତାମ୍
॥ 3 ॥
ଶ୍ଲୋକ 5
କୁଣ୍ଡଲତ୍ରିଵିଧକୋଣମଣ୍ଡଲଵିହାରଷଡ୍ଦଲସମୁଲ୍ଲସ-
ତ୍ପୁଣ୍ଡରୀକମୁଖଭେଦିନୀଂ ଚ ପ୍ରଚଣ୍ଡଭାନୁଭାସମୁଜ୍ଜ୍ଵଲାମ୍ ।
ମଣ୍ଡଲେନ୍ଦୁପରିଵାହିତାମୃତତରଙ୍ଗିଣୀମରୁଣରୂପିଣୀଂ
ମଣ୍ଡଲାନ୍ତମଣିଦୀପିକାଂ ମନସି ଭାଵଯାମି ପରଦେଵତାମ୍
॥ 4 ॥
ଶ୍ଲୋକ 6
ଵାରଣାନନମଯୂରଵାହମୁଖଦାହଵାରଣପଯୋଧରାଂ
ଚାରଣାଦିସୁରସୁନ୍ଦରୀଚିକୁରଶେକରୀକୃତପଦାମ୍ବୁଜାମ୍ ।
କାରଣାଧିପତିପଞ୍ଚକପ୍ରକୃତିକାରଣପ୍ରଥମମାତୃକାଂ
ଵାରଣାନ୍ତମୁଖପାରଣାଂ ମନସି ଭାଵଯାମି ପରଦେଵତାମ୍
॥ 5 ॥
ଶ୍ଲୋକ 7
ପଦ୍ମକାନ୍ତିପଦପାଣିପଲ୍ଲଵପଯୋଧରାନନସରୋରୁହାଂ
ପଦ୍ମରାଗମଣିମେଖଲାଵଲଯନୀଵିଶୋଭିତନିତମ୍ବିନୀମ୍ ।
ପଦ୍ମସମ୍ଭଵସଦାଶିଵାନ୍ତମଯପଞ୍ଚରତ୍ନପଦପୀଠିକାଂ
ପଦ୍ମିନୀଂ ପ୍ରଣଵରୂପିଣୀଂ ମନସି ଭାଵଯାମି ପରଦେଵତାମ୍
॥ 6 ॥
ଶ୍ଲୋକ 8
ଆଗମପ୍ରଣଵପୀଠିକାମମଲଵର୍ଣମଙ୍ଗଲଶରୀରିଣୀଂ
ଆଗମାଵଯଵଶୋଭିନୀମଖିଲଵେଦସାରକୃତଶେଖରୀମ୍ ।
ମୂଲମନ୍ତ୍ରମୁଖମଣ୍ଡଲାଂ ମୁଦିତନାଦବିନ୍ଦୁନଵଯୌଵନାଂ
ମାତୃକାଂ ତ୍ରିପୁରସୁନ୍ଦରୀଂ ମନସି ଭାଵଯାମି ପରଦେଵତାମ୍
॥ 7 ॥
ଶ୍ଲୋକ 9
କାଲିକାତିମିରକୁନ୍ତଲାନ୍ତଘନଭୃଙ୍ଗମଙ୍ଗଲଵିରାଜିନୀଂ
ଚୂଲିକାଶିଖରମାଲିକାଵଲଯମଲ୍ଲିକାସୁରଭିସୌରଭାମ୍ ।
ଵାଲିକାମଧୁରଗଣ୍ଡମଣ୍ଡଲମନୋହରାନନସରୋରୁହାଂ
କାଲିକାମଖିଲନାଯିକାଂ ମନସି ଭାଵଯାମି ପରଦେଵତାମ୍
॥ 8 ॥
ଶ୍ଲୋକ 10
ନିତ୍ଯମେଵ ନିଯମେନ ଜଲ୍ପତାଂ – ଭୁକ୍ତିମୁକ୍ତିଫଲଦାମଭୀଷ୍ଟଦାମ୍ ।
ଶଙ୍କରେଣ ରଚିତାଂ ସଦା ଜପେନ୍ନାମରତ୍ନନଵରତ୍ନମାଲିକାମ୍
॥ 9 ॥