Navaratna Malika Stotram

navaratna mAlikA stotram

shloka 1

hAranUpurakirITakuNDalavibhUShitAvayavashobhinIM

kAraNeshavaramaulikoTiparikalpyamAnapadapIThikAm |

kAlakAlaphaNipAshabANadhanura~NkushAmaruNamekhalAM

phAlabhUtilakalochanAM manasi bhAvayAmi paradevatAm || 1 ||

gandhasAraghanasArachArunavanAgavallirasavAsinIM

sAndhyarAgamadhurAdharAbharaNasundarAnanashuchismitAm |

mandharAyatavilochanAmamalabAlachandrakRRitashekharIM

indirAramaNasodarIM manasi bhAvayAmi paradevatAm || 2 ||

smerachArumukhamaNDalAM vimalagaNDalambimaNimaNDalAM

hAradAmaparishobhamAnakuchabhArabhIrutanumadhyamAm |

vIragarvaharanUpurAM vividhakAraNeshavarapIThikAM

mAravairisahachAriNIM manasi bhAvayAmi paradevatAm || 3 ||

bhUribhAradharakuNDalIndramaNibaddhabhUvalayapIThikAM

vArirAshimaNimekhalAvalayavahnimaNDalasharIriNIm |

vArisAravahakuNDalAM gaganashekharIM cha paramAtmikAM

chAruchandravilochanAM manasi bhAvayAmi paradevatAm || 4 ||

kuNDalatrividhakoNamaNDalavihAraShaDdalasamullasa-

tpuNDarIkamukhabhedinIM cha prachaNDabhAnubhAsamujjvalAm |

maNDalenduparivAhitAmRRitatara~NgiNImaruNarUpiNIM

maNDalAntamaNidIpikAM manasi bhAvayAmi paradevatAm || 5 ||

vAraNAnanamayUravAhamukhadAhavAraNapayodharAM

chAraNAdisurasundarIchikurashekarIkRRitapadAmbujAm |

kAraNAdhipatipa~nchakaprakRRitikAraNaprathamamAtRRikAM

vAraNAntamukhapAraNAM manasi bhAvayAmi paradevatAm || 6 ||

padmakAntipadapANipallavapayodharAnanasaroruhAM

padmarAgamaNimekhalAvalayanIvishobhitanitambinIm |

padmasambhavasadAshivAntamayapa~ncharatnapadapIThikAM

padminIM praNavarUpiNIM manasi bhAvayAmi paradevatAm || 7 ||

AgamapraNavapIThikAmamalavarNama~NgalasharIriNIM

AgamAvayavashobhinImakhilavedasArakRRitashekharIm |

mUlamantramukhamaNDalAM muditanAdabindunavayauvanAM

mAtRRikAM tripurasundarIM manasi bhAvayAmi paradevatAm || 8 ||

kAlikAtimirakuntalAntaghanabhRRiNgamaNgalavirAjinIM

chUlikAshikharamAlikAvalayamallikAsurabhisaurabhAm |

vAlikAmadhuragaNDamaNDalamanoharAnanasaroruhAM

kAlikAmakhilanAyikAM manasi bhAvayAmi paradevatAm || 9 ||

nityameva niyamena jalpatAM – bhuktimuktiphaladAmabhIShTadAm |

sha~NkareNa rachitAM sadA japennAmaratnanavaratnamAlikAm || 10 ||