Navaratna Malika Stotram
Navaratna Malika Stotram
navaratna mAlikA stotram
zloka 1
hAranUpurakirITakuNDalavibhUSitAvayavazobhinIM
kAraNezavaramaulikoTiparikalpyamAnapadapIThikAm |
kAlakAlaphaNipAzabANadhanuraGkuzAmaruNamekhalAM
phAlabhUtilakalocanAM manasi bhAvayAmi paradevatAm || 1 ||
gandhasAraghanasAracArunavanAgavallirasavAsinIM
sAndhyarAgamadhurAdharAbharaNasundarAnanazucismitAm |
mandharAyatavilocanAmamalabAlacandrakRtazekharIM
indirAramaNasodarIM manasi bhAvayAmi paradevatAm || 2 ||
smeracArumukhamaNDalAM vimalagaNDalambimaNimaNDalAM
hAradAmaparizobhamAnakucabhArabhIrutanumadhyamAm |
vIragarvaharanUpurAM vividhakAraNezavarapIThikAM
mAravairisahacAriNIM manasi bhAvayAmi paradevatAm || 3 ||
bhUribhAradharakuNDalIndramaNibaddhabhUvalayapIThikAM
vArirAzimaNimekhalAvalayavahnimaNDalazarIriNIm |
vArisAravahakuNDalAM gaganazekharIM ca paramAtmikAM
cArucandravilocanAM manasi bhAvayAmi paradevatAm || 4 ||
kuNDalatrividhakoNamaNDalavihAraSaDdalasamullasa-
tpuNDarIkamukhabhedinIM ca pracaNDabhAnubhAsamujjvalAm |
maNDalenduparivAhitAmRtataraGgiNImaruNarUpiNIM
maNDalAntamaNidIpikAM manasi bhAvayAmi paradevatAm || 5 ||
vAraNAnanamayUravAhamukhadAhavAraNapayodharAM
cAraNAdisurasundarIcikurazekarIkRtapadAmbujAm |
kAraNAdhipatipaJcakaprakRtikAraNaprathamamAtRkAM
vAraNAntamukhapAraNAM manasi bhAvayAmi paradevatAm || 6 ||
padmakAntipadapANipallavapayodharAnanasaroruhAM
padmarAgamaNimekhalAvalayanIvizobhitanitambinIm |
padmasambhavasadAzivAntamayapaJcaratnapadapIThikAM
padminIM praNavarUpiNIM manasi bhAvayAmi paradevatAm || 7 ||
AgamapraNavapIThikAmamalavarNamaGgalazarIriNIM
AgamAvayavazobhinImakhilavedasArakRtazekharIm |
mUlamantramukhamaNDalAM muditanAdabindunavayauvanAM
mAtRkAM tripurasundarIM manasi bhAvayAmi paradevatAm || 8 ||
kAlikAtimirakuntalAntaghanabhRGgamaGgalavirAjinIM
cUlikAzikharamAlikAvalayamallikAsurabhisaurabhAm |
vAlikAmadhuragaNDamaNDalamanoharAnanasaroruhAM
kAlikAmakhilanAyikAM manasi bhAvayAmi paradevatAm || 9 ||
nityameva niyamena jalpatAM – bhuktimuktiphaladAmabhISTadAm |
zaGkareNa racitAM sadA japennAmaratnanavaratnamAlikAm || 10 ||