Navaratna Malika Stotram
Navaratna Malika Stotram
নবরত্ন মালিকা স্তোত্রম্
শ্লোক 1
হারনূপুরকিরীটকুণ্ডলবিভূষিতাবযবশোভিনীং
কারণেশবরমৌলিকোটিপরিকল্প্যমানপদপীঠিকাম্ ।
কালকালফণিপাশবাণধনুরঙ্কুশামরুণমেখলাং
ফালভূতিলকলোচনাং মনসি ভাবযামি পরদেবতাম্
শ্লোক 2
গন্ধসারঘনসারচারুনবনাগবল্লিরসবাসিনীং
সান্ধ্যরাগমধুরাধরাভরণসুন্দরাননশুচিস্মিতাম্ ।
মন্ধরাযতবিলোচনামমলবালচন্দ্রকৃতশেখরীং
ইন্দিরারমণসোদরীং মনসি ভাবযামি পরদেবতাম্
॥ 1 ॥
শ্লোক 3
স্মেরচারুমুখমণ্ডলাং বিমলগণ্ডলম্বিমণিমণ্ডলাং
হারদামপরিশোভমানকুচভারভীরুতনুমধ্যমাম্ ।
বীরগর্বহরনূপুরাং বিবিধকারণেশবরপীঠিকাং
মারবৈরিসহচারিণীং মনসি ভাবযামি পরদেবতাম্
॥ 2 ॥
শ্লোক 4
ভূরিভারধরকুণ্ডলীন্দ্রমণিবদ্ধভূবলযপীঠিকাং
বারিরাশিমণিমেখলাবলযবহ্নিমণ্ডলশরীরিণীম্ ।
বারিসারবহকুণ্ডলাং গগনশেখরীং চ পরমাত্মিকাং
চারুচন্দ্রবিলোচনাং মনসি ভাবযামি পরদেবতাম্
॥ 3 ॥
শ্লোক 5
কুণ্ডলত্রিবিধকোণমণ্ডলবিহারষড্দলসমুল্লস-
ত্পুণ্ডরীকমুখভেদিনীং চ প্রচণ্ডভানুভাসমুজ্জ্বলাম্ ।
মণ্ডলেন্দুপরিবাহিতামৃততরঙ্গিণীমরুণরূপিণীং
মণ্ডলান্তমণিদীপিকাং মনসি ভাবযামি পরদেবতাম্
॥ 4 ॥
শ্লোক 6
বারণাননমযূরবাহমুখদাহবারণপযোধরাং
চারণাদিসুরসুন্দরীচিকুরশেকরীকৃতপদাম্বুজাম্ ।
কারণাধিপতিপঞ্চকপ্রকৃতিকারণপ্রথমমাতৃকাং
বারণান্তমুখপারণাং মনসি ভাবযামি পরদেবতাম্
॥ 5 ॥
শ্লোক 7
পদ্মকান্তিপদপাণিপল্লবপযোধরাননসরোরুহাং
পদ্মরাগমণিমেখলাবলযনীবিশোভিতনিতম্বিনীম্ ।
পদ্মসম্ভবসদাশিবান্তমযপঞ্চরত্নপদপীঠিকাং
পদ্মিনীং প্রণবরূপিণীং মনসি ভাবযামি পরদেবতাম্
॥ 6 ॥
শ্লোক 8
আগমপ্রণবপীঠিকামমলবর্ণমঙ্গলশরীরিণীং
আগমাবযবশোভিনীমখিলবেদসারকৃতশেখরীম্ ।
মূলমন্ত্রমুখমণ্ডলাং মুদিতনাদবিন্দুনবযৌবনাং
মাতৃকাং ত্রিপুরসুন্দরীং মনসি ভাবযামি পরদেবতাম্
॥ 7 ॥
শ্লোক 9
কালিকাতিমিরকুন্তলান্তঘনভৃঙ্গমঙ্গলবিরাজিনীং
চূলিকাশিখরমালিকাবলযমল্লিকাসুরভিসৌরভাম্ ।
বালিকামধুরগণ্ডমণ্ডলমনোহরাননসরোরুহাং
কালিকামখিলনাযিকাং মনসি ভাবযামি পরদেবতাম্
॥ 8 ॥
শ্লোক 10
নিত্যমেব নিযমেন জল্পতাং – ভুক্তিমুক্তিফলদামভীষ্টদাম্ ।
শঙ্করেণ রচিতাং সদা জপেন্নামরত্ননবরত্নমালিকাম্
॥ 9 ॥