Navagraha Suktam

navagraha sUktam

shloka 1

OM shuklAmbaradharaM-vi.NShNuM shashivarNa-~nchaturbhujam|

prasannavadana-ndhyAyetsarva vighnopashAntaye ||

o-mbhUH o-mbhuvaH' ogM_ suvaH' o-mmahaH' o-~njanaH o-ntapaH' ogM sa_tyaM o-ntatsa'vi_turvare᳚Nya_-mbhargo'de_vasya' dhImahi dhiyo_ yo naH'

pracho_dayA᳚t || OM Apo_ jyotI_raso_-.amRRita_-mbrahma_ bhUrbhuva_ssuva_rom ||

mamopAtta-samasta-duritakShayadvArA shrIparameshvara prItyarthaM AdityAdi navagraha devatA prasAda siddhyarthaM AdityAdi navagraha namaskArAn kariShye ||

OM Asa_tyena_ raja'sA_ varta'mAno nive_shaya'nna_mRRita_-mmartya'ncha | hi_ra_Nyaye'na savi_tA rathe_nA-.a.ade_vo yA'ti_bhuva'nA vi_pashyan' || a_gni-ndU_taM-vRRi.N'NImahe_ hotA'raM-vi.N_shvave'dasam | a_sya ya_jnasya' su_kratum᳚ || yeShA_mIshe' pashu_patiH' pashU_nA-nchatu'ShpadAmu_ta cha' dvi_padA᳚m | niShkrI'to_-.ayaM-ya.N_jniya'-mbhA_game'tu rA_yaspoShA_ yaja'mAnasya santu ||

OM adhidevatA pratyadhidevatA sahitAya Adi'tyAya_ namaH' || 1 ||

OM ApyA'yasva_ same'tu te vi_shvata'ssoma_ vRRiShNi'yam | bhavA_ vAja'sya saNga_the || a_psume_ somo' abravIda_ntarvishvA'ni bheSha_jA | a_gnincha' vi_shvasha'mbhuva_mApa'shcha vi_shvabhe'ShajIH || gau_rI mi'mAya sali_lAni_ takSha_tyeka'padI dvi_padI_ sA chatu'ShpadI | a_ShTApa'dI_ nava'padI babhU_vuShI' sa_hasrA᳚kSharA para_me vyo'mann ||

OM adhidevatA pratyadhidevatA sahitAya somA'ya_ namaH' || 2 ||

OM a_gnirmU_rdhA di_vaH ka_kutpatiH' pRRithi_vyA a_yam | a_pAgMretAgM'si jinvati || syo_nA pRRi'thivi_ bhavA'-.anRRikSha_rA ni_vesha'nI | yachChA'na_shsharma' sa_prathAH᳚ || kShetra'sya_ pati'nA va_yagMhi_te ne'va jayAmasi | gAmashva'-mpoShayi_t.MvA sa no' mRRiDAtI_dRRishe᳚ ||

OM adhidevatA pratyadhidevatA sahitAya a~NgA'rakAya_ namaH' || 3 ||

OM udbu'dhyasvAgne_ prati'jAgRRihyenamiShTApU_rte sagMsRRi'jethAma_ya~ncha' | punaH' kRRi_Nvagg{}stvA' pi_taraM_-yu.NvA'nama_nvAtAgM'sI_ttvayi_ tantu'me_tam || i_daM-vi.NShNu_rvicha'krame tre_dhA nida'dhe pa_dam | samU'DhamasyapAgM su_re || viShNo' ra_rATa'masi_ viShNoH᳚ pRRi_ShThama'si_ viShNo_shshnaptre᳚stho_ viShNo_ssyUra'si_ viShNo᳚rdhru_vama'si vaiShNa_vama'si_ viShNa've tvA ||

OM adhidevatA pratyadhidevatA sahitAya budhA'ya_ namaH' || 4 ||

o-mbRRiha'spate_ ati_yada_ryo ar​hA᳚ddyu_madvi_bhAti_ kratu'ma_jjane'Shu |yaddI_daya_chchava'sartaprajAta_ tada_smAsu_ dravi'Nandhehi chi_tram || indra'marutva i_ha pA'hi_ somaM_-ya.NthA' shAryA_te api'bassu_tasya' | tava_ praNI'tI_ tava' shUra_sharma_nnAvi'vAsanti ka_vaya'ssuya_jnAH || brahma'jajnA_na-mpra'tha_ma-mpu_rastA_dvisI'ma_tassu_rucho' ve_na A'vaH | sabu_dhniyA' upa_mA a'sya vi_ShThAssa_tashcha_ yoni_masa'tashcha_ vivaH' ||

OM adhidevatA pratyadhidevatA sahitAya bRRiha_spata'ye_ namaH' || 5 ||

o-mprava'shshu_krAya' bhA_nave' bharadhvam | ha_vya-mma_ti-nchA_gnaye_ supU'tam | yo daivyA'ni_ mAnu'ShA ja_nUgMShi' a_ntarvishvA'ni vi_dma nA_ jigA'ti || i_ndrA_NImA_su nAri'Shu su_pat.MI'ma_hama'shravam | na hya'syA apa_rancha_na ja_rasA_ mara'te_ patiH' || indraM'-vo.N vi_shvata_spari_ havA'mahe_ jane᳚bhyaH | a_smAka'mastu_ keva'laH||

OM adhidevatA pratyadhidevatA sahitAya shukrA'ya_ namaH' || 6 ||

OM shanno' de_vIra_bhiShTa'ya_ Apo' bhavantu pI_taye᳚ | shaM​yo.Nra_bhisra'vantu naH || prajA'pate_ na tvade_tAnya_nyo vishvA' jA_tAni_ pari_tA ba'bhUva | yatkA'mAste juhu_mastanno' astu va_yagg{}syA'ma_ pata'yo rayI_NAm || i_maM-ya.N'maprasta_ramAhi sIdA-.a~Ngi'robhiH pi_tRRibhi'ssaM​vi.NdA_naH | AtvA_ mantrAH᳚ kavisha_stA va'hantve_nA rA'jan, ha_viShA' mAdayasva ||

OM adhidevatA pratyadhidevatA sahitAya shanaishcha'rAya_ namaH' || 7 ||

o-NkayA' nashchi_tra Abhu'vadU_tI sa_dAvRRi'dha_ssakhA᳚ | kayA_ shachi'ShThayA vRRi_tA || A-.ayaNgauH pRRishni'rakramI_dasa'nanmA_tara_-mpunaH' | pi_tara'~ncha pra_yantsuvaH' || yatte' de_vI nir{}RRi'tirAba_bandha_ dAma' grI_vAsva'vicha_rtyam | i_dante_ tadviShyA_myAyu'Sho_ na madhyA_dathA'jI_vaH pi_tuma'ddhi_ pramu'ktaH ||

OM adhidevatA pratyadhidevatA sahitAya rAha've_ namaH' || 8 ||

o-Nke_tuNkRRi_Nvanna'ke_tave_ pesho' maryA ape_shase᳚ | samu_Shadbhi'rajAyathAH || bra_hmA de_vAnA᳚-mpada_vIH ka'vI_nAmRRiShi_rviprA'NA-mmahi_Sho mRRi_gANA᳚m | shye_nogRRidhrA'NA_g_svadhi'ti_rvanA'nA_gM_ somaH' pa_vitra_matye'ti_ rebhan' || sachi'tra chi_tra-nchi_tayan᳚tama_sme chitra'kShatra chi_trata'maM-va.Nyo_dhAm | cha_ndraM ra_yi-mpu'ru_vIram᳚ bRRi_hanta_-nchandra'cha_ndrAbhi'rgRRiNa_te yu'vasva ||

OM adhidevatA pratyadhidevatA sahitebhyaH ketu'bhyo_ namaH' || 9 ||

|| OM AdityAdi navagraha deva'tAbhyo_ namo_ namaH' ||

|| OM shAnti_-shshAnti_-shshAntiH' ||