Navagraha Suktam
Navagraha Suktam
Navagraha Suktam
navagraha sūktam
Śloka 1
oṃ śuklāmbaradharaṃ-vi~ṣṇuṃ śaśivarṇa-ñcaturbhujam|
prasannavadana-ndhyāyetsarva vighnopaśāntaye ||
o-mbhūḥ o-mbhuvaḥ̭ ogṃ॒ suvaḥ̭ o-mmahaḥ̭ o-ñjanaḥ o-ntapaḥ̭ ogṃ sa॒tyaṃ o-ntatsa̭vi॒turvare᳚ṇya॒-mbhargo̭de॒vasya̭ dhīmahi dhiyo॒ yo naḥ̭
praco॒dayā᳚t || oṃ āpo॒ jyotī॒raso॒-'mṛta॒-mbrahma॒ bhūrbhuva॒ssuva॒rom ||
mamopātta-samasta-duritakṣayadvārā śrīparameśvara prītyarthaṃ ādityādi navagraha devatā prasāda siddhyarthaṃ ādityādi navagraha namaskārān kariṣye ||
oṃ āsa॒tyena॒ raja̭sā॒ varta̭māno nive॒śaya̭nna॒mṛta॒-mmartya̭ñca | hi॒ra॒ṇyayḙna savi॒tā rathe॒nā-''de॒vo yā̭ti॒bhuva̭nā vi॒paśyaṋ || a॒gni-ndū॒taṃ-vṛ̭ṇīmahe॒ hotā̭raṃ-vi॒śvavḙdasam | a॒sya ya॒jñasya̭ su॒kratum᳚ || yeṣā॒mīśḙ paśu॒patiḥ̭ paśū॒nā-ñcatṷṣpadāmu॒ta ca̭ dvi॒padā᳚m | niṣkrī̭to॒-'yaṃ-ya~॒jñiya̭-mbhā॒gamḙtu rā॒yaspoṣā॒ yaja̭mānasya santu ||
oṃ adhidevatā pratyadhidevatā sahitāya ādi̭tyāya॒ namaḥ̭ || 1 ||
oṃ āpyā̭yasva॒ samḙtu te vi॒śvata̭ssoma॒ vṛṣṇi̭yam | bhavā॒ vāja̭sya saṅga॒the || a॒psume॒ somo̭ abravīda॒ntarviśvā̭ni bheṣa॒jā | a॒gniñca̭ vi॒śvaśa̭mbhuva॒māpa̭śca vi॒śvabhḙṣajīḥ || gau॒rī mi̭māya sali॒lāni॒ takṣa॒tyeka̭padī dvi॒padī॒ sā catṷṣpadī | a॒ṣṭāpa̭dī॒ nava̭padī babhū॒vuṣī̭ sa॒hasrā᳚kṣarā para॒me vyo̭mann ||
oṃ adhidevatā pratyadhidevatā sahitāya somā̭ya॒ namaḥ̭ || 2 ||
oṃ a॒gnirmū॒rdhā di॒vaḥ ka॒kutpatiḥ̭ pṛthi॒vyā a॒yam | a॒pāgṃretāgṃ̭si jinvati || syo॒nā pṛ̭thivi॒ bhavā̭-'nṛkṣa॒rā ni॒veśa̭nī | yacchā̭na॒śśarma̭ sa॒prathāḥ᳚ || kṣetra̭sya॒ pati̭nā va॒yagṃhi॒te nḙva jayāmasi | gāmaśva̭-mpoṣayi॒t.ṃvā sa no̭ mṛḍātī॒dṛśe᳚ ||
oṃ adhidevatā pratyadhidevatā sahitāya aṅgā̭rakāya॒ namaḥ̭ || 3 ||
oṃ udbṷdhyasvāgne॒ prati̭jāgṛhyenamiṣṭāpū॒rte sagṃsṛ̭jethāma॒yañca̭ | punaḥ̭ kṛ॒ṇvaggstvā̭ pi॒taraṃ॒-yuvā̭nama॒nvātāgṃ̭sī॒ttvayi॒ tantṷme॒tam || i॒daṃ-viṣṇu॒rvica̭krame tre॒dhā nida̭dhe pa॒dam | samṷ̄ḍhamasyapāgṃ su॒re || viṣṇo̭ ra॒rāṭa̭masi॒ viṣṇoḥ᳚ pṛ॒ṣṭhama̭si॒ viṣṇo॒śśnaptre᳚stho॒ viṣṇo॒ssyūra̭si॒ viṣṇo᳚rdhru॒vama̭si vaiṣṇa॒vama̭si॒ viṣṇa̭ve tvā ||
oṃ adhidevatā pratyadhidevatā sahitāya budhā̭ya॒ namaḥ̭ || 4 ||
o-mbṛha̭spate॒ ati॒yada॒ryo arhā᳚ddyu॒madvi॒bhāti॒ kratṷma॒jjanḙṣu |yaddī॒daya॒ccava̭sartaprajāta॒ tada॒smāsu॒ dravi̭ṇandhehi ci॒tram || indra̭marutva i॒ha pā̭hi॒ somaṃ॒-ya~thā̭ śāryā॒te api̭bassu॒tasya̭ | tava॒ praṇī̭tī॒ tava̭ śūra॒śarma॒nnāvi̭vāsanti ka॒vaya̭ssuya॒jñāḥ || brahma̭jajñā॒na-mpra̭tha॒ma-mpu॒rastā॒dvisī̭ma॒tassu॒ruco̭ ve॒na ā̭vaḥ | sabu॒dhniyā̭ upa॒mā a̭sya vi॒ṣṭhāssa॒taśca॒ yoni॒masa̭taśca॒ vivaḥ̭ ||
oṃ adhidevatā pratyadhidevatā sahitāya bṛha॒spata̭ye॒ namaḥ̭ || 5 ||
o-mprava̭śśu॒krāya̭ bhā॒navḙ bharadhvam | ha॒vya-mma॒ti-ñcā॒gnaye॒ supṷ̄tam | yo daivyā̭ni॒ mānṷṣā ja॒nūgṃṣi̭ a॒ntarviśvā̭ni vi॒dma nā॒ jigā̭ti || i॒ndrā॒ṇīmā॒su nāri̭ṣu su॒pat.ṃī̭ma॒hama̭śravam | na hya̭syā apa॒rañca॒na ja॒rasā॒ mara̭te॒ patiḥ̭ || indraṃ̭-vo~ vi॒śvata॒spari॒ havā̭mahe॒ jane᳚bhyaḥ | a॒smāka̭mastu॒ keva̭laḥ||
oṃ adhidevatā pratyadhidevatā sahitāya śukrā̭ya॒ namaḥ̭ || 6 ||
oṃ śanno̭ de॒vīra॒bhiṣṭa̭ya॒ āpo̭ bhavantu pī॒taye᳚ | śaṃyora॒bhisra̭vantu naḥ || prajā̭pate॒ na tvade॒tānya॒nyo viśvā̭ jā॒tāni॒ pari॒tā ba̭bhūva | yatkā̭māste juhu॒mastanno̭ astu va॒yaggsyā̭ma॒ pata̭yo rayī॒ṇām || i॒maṃ-ya̭maprasta॒ramāhi sīdā-'ṅgi̭robhiḥ pi॒tṛbhi̭ssaṃvi~dā॒naḥ | ātvā॒ mantrāḥ᳚ kaviśa॒stā va̭hantve॒nā rā̭jan, ha॒viṣā̭ mādayasva ||
oṃ adhidevatā pratyadhidevatā sahitāya śanaiśca̭rāya॒ namaḥ̭ || 7 ||
o-ṅkayā̭ naści॒tra ābhṷvadū॒tī sa॒dāvṛ̭dha॒ssakhā᳚ | kayā॒ śaci̭ṣṭhayā vṛ॒tā || ā-'yaṅgauḥ pṛśni̭rakramī॒dasa̭nanmā॒tara॒-mpunaḥ̭ | pi॒tara̭ñca pra॒yantsuvaḥ̭ || yattḙ de॒vī nirṛ̭tirāba॒bandha॒ dāma̭ grī॒vāsva̭vica॒rtyam | i॒dante॒ tadviṣyā॒myāyṷṣo॒ na madhyā॒dathā̭jī॒vaḥ pi॒tuma̭ddhi॒ pramṷktaḥ ||
oṃ adhidevatā pratyadhidevatā sahitāya rāha̭ve॒ namaḥ̭ || 8 ||
o-ṅke॒tuṅkṛ॒ṇvanna̭ke॒tave॒ peśo̭ maryā ape॒śase᳚ | samu॒ṣadbhi̭rajāyathāḥ || bra॒hmā de॒vānā᳚-mpada॒vīḥ ka̭vī॒nāmṛṣi॒rviprā̭ṇā-mmahi॒ṣo mṛ॒gāṇā᳚m | śye॒nogṛdhrā̭ṇā॒g॒svadhi̭ti॒rvanā̭nā॒gṃ॒ somaḥ̭ pa॒vitra॒matyḙti॒ rebhaṋ || saci̭tra ci॒tra-ñci॒tayan᳚tama॒sme citra̭kṣatra ci॒trata̭maṃ-va~yo॒dhām | ca॒ndraṃ ra॒yi-mpṷru॒vīram᳚ bṛ॒hanta॒-ñcandra̭ca॒ndrābhi̭rgṛṇa॒te yṷvasva ||
oṃ adhidevatā pratyadhidevatā sahitebhyaḥ ketṷbhyo॒ namaḥ̭ || 9 ||
|| oṃ ādityādi navagraha deva̭tābhyo॒ namo॒ namaḥ̭ ||
|| oṃ śānti॒-śśānti॒-śśāntiḥ̭ ||