നവഗ്രഹ സൂക്തമ്

നവഗ്രഹ സൂക്തമ്

ശ്ലോക 1

ഓം ശുക്ലാമ്ബരധരം-വിഁഷ്ണും ശശിവര്ണ-ഞ്ചതുര്ഭുജമ്।

പ്രസന്നവദന-ന്ധ്യായേത്സര്വ വിഘ്നോപശാന്തയേ ॥

ഓ-മ്ഭൂഃ ഓ-മ്ഭുവഃ॑ ഓഗ്ം॒ സുവഃ॑ ഓ-മ്മഹഃ॑ ഓ-ഞ്ജനഃ ഓ-ന്തപഃ॑ ഓഗ്ം സ॒ത്യം ഓ-ന്തത്സ॑വി॒തുര്വരേ᳚ണ്യ॒-മ്ഭര്ഗോ॑ദേ॒വസ്യ॑ ധീമഹി ധിയോ॒ യോ നഃ॑

പ്രചോ॒ദയാ᳚ത് ॥ ഓം ആപോ॒ ജ്യോതീ॒രസോ॒-ഽമൃത॒-മ്ബ്രഹ്മ॒ ഭൂര്ഭുവ॒സ്സുവ॒രോമ് ॥

മമോപാത്ത-സമസ്ത-ദുരിതക്ഷയദ്വാരാ ശ്രീപരമേശ്വര പ്രീത്യര്ഥം ആദിത്യാദി നവഗ്രഹ ദേവതാ പ്രസാദ സിദ്ധ്യര്ഥം ആദിത്യാദി നവഗ്രഹ നമസ്കാരാന് കരിഷ്യേ ॥

ഓം ആസ॒ത്യേന॒ രജ॑സാ॒ വര്ത॑മാനോ നിവേ॒ശയ॑ന്ന॒മൃത॒-മ്മര്ത്യ॑ഞ്ച । ഹി॒ര॒ണ്യയേ॑ന സവി॒താ രഥേ॒നാ-ഽഽദേ॒വോ യാ॑തി॒ഭുവ॑നാ വി॒പശ്യന്॑ ॥ അ॒ഗ്നി-ന്ദൂ॒തം-വൃഁ॑ണീമഹേ॒ ഹോതാ॑രം-വിഁ॒ശ്വവേ॑ദസമ് । അ॒സ്യ യ॒ജ്ഞസ്യ॑ സു॒ക്രതുമ്᳚ ॥ യേഷാ॒മീശേ॑ പശു॒പതിഃ॑ പശൂ॒നാ-ഞ്ചതു॑ഷ്പദാമു॒ത ച॑ ദ്വി॒പദാ᳚മ് । നിഷ്ക്രീ॑തോ॒-ഽയം-യഁ॒ജ്ഞിയ॑-മ്ഭാ॒ഗമേ॑തു രാ॒യസ്പോഷാ॒ യജ॑മാനസ്യ സന്തു ॥

ഓം അധിദേവതാ പ്രത്യധിദേവതാ സഹിതായ ആദി॑ത്യായ॒ നമഃ॑

ശ്ലോക 2

ഓം ആപ്യാ॑യസ്വ॒ സമേ॑തു തേ വി॒ശ്വത॑സ്സോമ॒ വൃഷ്ണി॑യമ് । ഭവാ॒ വാജ॑സ്യ സങ്ഗ॒ഥേ ॥ അ॒പ്സുമേ॒ സോമോ॑ അബ്രവീദ॒ന്തര്വിശ്വാ॑നി ഭേഷ॒ജാ । അ॒ഗ്നിഞ്ച॑ വി॒ശ്വശ॑മ്ഭുവ॒മാപ॑ശ്ച വി॒ശ്വഭേ॑ഷജീഃ ॥ ഗൌ॒രീ മി॑മായ സലി॒ലാനി॒ തക്ഷ॒ത്യേക॑പദീ ദ്വി॒പദീ॒ സാ ചതു॑ഷ്പദീ । അ॒ഷ്ടാപ॑ദീ॒ നവ॑പദീ ബഭൂ॒വുഷീ॑ സ॒ഹസ്രാ᳚ക്ഷരാ പര॒മേ വ്യോ॑മന്ന് ॥

ഓം അധിദേവതാ പ്രത്യധിദേവതാ സഹിതായ സോമാ॑യ॒ നമഃ॑

॥ 1 ॥

ശ്ലോക 3

ഓം അ॒ഗ്നിര്മൂ॒ര്ധാ ദി॒വഃ ക॒കുത്പതിഃ॑ പൃഥി॒വ്യാ അ॒യമ് । അ॒പാഗ്ംരേതാഗ്ം॑സി ജിന്വതി ॥ സ്യോ॒നാ പൃ॑ഥിവി॒ ഭവാ॑-ഽനൃക്ഷ॒രാ നി॒വേശ॑നീ । യച്ഛാ॑ന॒ശ്ശര്മ॑ സ॒പ്രഥാഃ᳚ ॥ ക്ഷേത്ര॑സ്യ॒ പതി॑നാ വ॒യഗ്ംഹി॒തേ നേ॑വ ജയാമസി । ഗാമശ്വ॑-മ്പോഷയി॒ത്.ംവാ സ നോ॑ മൃഡാതീ॒ദൃശേ᳚ ॥

ഓം അധിദേവതാ പ്രത്യധിദേവതാ സഹിതായ അങ്ഗാ॑രകായ॒ നമഃ॑

॥ 2 ॥

ശ്ലോക 4

ഓം ഉദ്ബു॑ധ്യസ്വാഗ്നേ॒ പ്രതി॑ജാഗൃഹ്യേനമിഷ്ടാപൂ॒ര്തേ സഗ്ംസൃ॑ജേഥാമ॒യഞ്ച॑ । പുനഃ॑ കൃ॒ണ്വഗ്ഗ്‍സ്ത്വാ॑ പി॒തരം॒-യുഁവാ॑നമ॒ന്വാതാഗ്ം॑സീ॒ത്ത്വയി॒ തന്തു॑മേ॒തമ് ॥ ഇ॒ദം-വിഁഷ്ണു॒ര്വിച॑ക്രമേ ത്രേ॒ധാ നിദ॑ധേ പ॒ദമ് । സമൂ॑ഢമസ്യപാഗ്ം സു॒രേ ॥ വിഷ്ണോ॑ ര॒രാട॑മസി॒ വിഷ്ണോഃ᳚ പൃ॒ഷ്ഠമ॑സി॒ വിഷ്ണോ॒ശ്ശ്നപ്ത്രേ᳚സ്ഥോ॒ വിഷ്ണോ॒സ്സ്യൂര॑സി॒ വിഷ്ണോ᳚ര്ധ്രു॒വമ॑സി വൈഷ്ണ॒വമ॑സി॒ വിഷ്ണ॑വേ ത്വാ ॥

ഓം അധിദേവതാ പ്രത്യധിദേവതാ സഹിതായ ബുധാ॑യ॒ നമഃ॑

॥ 3 ॥

ശ്ലോക 5

ഓ-മ്ബൃഹ॑സ്പതേ॒ അതി॒യദ॒ര്യോ അര്​ഹാ᳚ദ്ദ്യു॒മദ്വി॒ഭാതി॒ ക്രതു॑മ॒ജ്ജനേ॑ഷു ।യദ്ദീ॒ദയ॒ച്ചവ॑സര്തപ്രജാത॒ തദ॒സ്മാസു॒ ദ്രവി॑ണന്ധേഹി ചി॒ത്രമ് ॥ ഇന്ദ്ര॑മരുത്വ ഇ॒ഹ പാ॑ഹി॒ സോമം॒-യഁഥാ॑ ശാര്യാ॒തേ അപി॑ബസ്സു॒തസ്യ॑ । തവ॒ പ്രണീ॑തീ॒ തവ॑ ശൂര॒ശര്മ॒ന്നാവി॑വാസന്തി ക॒വയ॑സ്സുയ॒ജ്ഞാഃ ॥ ബ്രഹ്മ॑ജജ്ഞാ॒ന-മ്പ്ര॑ഥ॒മ-മ്പു॒രസ്താ॒ദ്വിസീ॑മ॒തസ്സു॒രുചോ॑ വേ॒ന ആ॑വഃ । സബു॒ധ്നിയാ॑ ഉപ॒മാ അ॑സ്യ വി॒ഷ്ഠാസ്സ॒തശ്ച॒ യോനി॒മസ॑തശ്ച॒ വിവഃ॑ ॥

ഓം അധിദേവതാ പ്രത്യധിദേവതാ സഹിതായ ബൃഹ॒സ്പത॑യേ॒ നമഃ॑

॥ 4 ॥

ശ്ലോക 6

ഓ-മ്പ്രവ॑ശ്ശു॒ക്രായ॑ ഭാ॒നവേ॑ ഭരധ്വമ് । ഹ॒വ്യ-മ്മ॒തി-ഞ്ചാ॒ഗ്നയേ॒ സുപൂ॑തമ് । യോ ദൈവ്യാ॑നി॒ മാനു॑ഷാ ജ॒നൂഗ്ംഷി॑ അ॒ന്തര്വിശ്വാ॑നി വി॒ദ്മ നാ॒ ജിഗാ॑തി ॥ ഇ॒ന്ദ്രാ॒ണീമാ॒സു നാരി॑ഷു സു॒പത്.ംഈ॑മ॒ഹമ॑ശ്രവമ് । ന ഹ്യ॑സ്യാ അപ॒രഞ്ച॒ന ജ॒രസാ॒ മര॑തേ॒ പതിഃ॑ ॥ ഇന്ദ്രം॑-വോഁ വി॒ശ്വത॒സ്പരി॒ ഹവാ॑മഹേ॒ ജനേ᳚ഭ്യഃ । അ॒സ്മാക॑മസ്തു॒ കേവ॑ലഃ॥

ഓം അധിദേവതാ പ്രത്യധിദേവതാ സഹിതായ ശുക്രാ॑യ॒ നമഃ॑

॥ 5 ॥

ശ്ലോക 7

ഓം ശന്നോ॑ ദേ॒വീര॒ഭിഷ്ട॑യ॒ ആപോ॑ ഭവന്തു പീ॒തയേ᳚ । ശം​യോഁര॒ഭിസ്ര॑വന്തു നഃ ॥ പ്രജാ॑പതേ॒ ന ത്വദേ॒താന്യ॒ന്യോ വിശ്വാ॑ ജാ॒താനി॒ പരി॒താ ബ॑ഭൂവ । യത്കാ॑മാസ്തേ ജുഹു॒മസ്തന്നോ॑ അസ്തു വ॒യഗ്ഗ്‍സ്യാ॑മ॒ പത॑യോ രയീ॒ണാമ് ॥ ഇ॒മം-യഁ॑മപ്രസ്ത॒രമാഹി സീദാ-ഽങ്ഗി॑രോഭിഃ പി॒തൃഭി॑സ്സം​വിഁദാ॒നഃ । ആത്വാ॒ മന്ത്രാഃ᳚ കവിശ॒സ്താ വ॑ഹന്ത്വേ॒നാ രാ॑ജന്, ഹ॒വിഷാ॑ മാദയസ്വ ॥

ഓം അധിദേവതാ പ്രത്യധിദേവതാ സഹിതായ ശനൈശ്ച॑രായ॒ നമഃ॑

॥ 6 ॥

ശ്ലോക 8

ഓ-ങ്കയാ॑ നശ്ചി॒ത്ര ആഭു॑വദൂ॒തീ സ॒ദാവൃ॑ധ॒സ്സഖാ᳚ । കയാ॒ ശചി॑ഷ്ഠയാ വൃ॒താ ॥ ആ-ഽയങ്ഗൌഃ പൃശ്നി॑രക്രമീ॒ദസ॑നന്മാ॒തര॒-മ്പുനഃ॑ । പി॒തര॑ഞ്ച പ്ര॒യന്ത്സുവഃ॑ ॥ യത്തേ॑ ദേ॒വീ നിര്‍ഋ॑തിരാബ॒ബന്ധ॒ ദാമ॑ ഗ്രീ॒വാസ്വ॑വിച॒ര്ത്യമ് । ഇ॒ദന്തേ॒ തദ്വിഷ്യാ॒മ്യായു॑ഷോ॒ ന മധ്യാ॒ദഥാ॑ജീ॒വഃ പി॒തുമ॑ദ്ധി॒ പ്രമു॑ക്തഃ ॥

ഓം അധിദേവതാ പ്രത്യധിദേവതാ സഹിതായ രാഹ॑വേ॒ നമഃ॑

॥ 7 ॥

ശ്ലോക 9

ഓ-ങ്കേ॒തുങ്കൃ॒ണ്വന്ന॑കേ॒തവേ॒ പേശോ॑ മര്യാ അപേ॒ശസേ᳚ । സമു॒ഷദ്ഭി॑രജായഥാഃ ॥ ബ്ര॒ഹ്മാ ദേ॒വാനാ᳚-മ്പദ॒വീഃ ക॑വീ॒നാമൃഷി॒ര്വിപ്രാ॑ണാ-മ്മഹി॒ഷോ മൃ॒ഗാണാ᳚മ് । ശ്യേ॒നോഗൃധ്രാ॑ണാ॒ഗ്॒സ്വധി॑തി॒ര്വനാ॑നാ॒ഗ്ം॒ സോമഃ॑ പ॒വിത്ര॒മത്യേ॑തി॒ രേഭന്॑ ॥ സചി॑ത്ര ചി॒ത്ര-ഞ്ചി॒തയന്᳚തമ॒സ്മേ ചിത്ര॑ക്ഷത്ര ചി॒ത്രത॑മം-വഁയോ॒ധാമ് । ച॒ന്ദ്രം ര॒യി-മ്പു॑രു॒വീരമ്᳚ ബൃ॒ഹന്ത॒-ഞ്ചന്ദ്ര॑ച॒ന്ദ്രാഭി॑ര്ഗൃണ॒തേ യു॑വസ്വ ॥

ഓം അധിദേവതാ പ്രത്യധിദേവതാ സഹിതേഭ്യഃ കേതു॑ഭ്യോ॒ നമഃ॑

॥ 8 ॥

ശ്ലോക 10

॥ ഓം ആദിത്യാദി നവഗ്രഹ ദേവ॑താഭ്യോ॒ നമോ॒ നമഃ॑ ॥

॥ ഓം ശാന്തി॒-ശ്ശാന്തി॒-ശ്ശാന്തിഃ॑ ॥