নবগ্রহ সূক্তম্

নবগ্রহ সূক্তম্

শ্লোক 1

ওঁ শুক্লাম্বরধরং-বিঁষ্ণুং শশিবর্ণ-ঞ্চতুর্ভুজম্।

প্রসন্নবদন-ন্ধ্যাযেত্সর্ব বিঘ্নোপশান্তযে ॥

ও-ম্ভূঃ ও-ম্ভুবঃ॑ ওগ্ং॒ সুবঃ॑ ও-ম্মহঃ॑ ও-ঞ্জনঃ ও-ন্তপঃ॑ ওগ্ং স॒ত্যং ও-ন্তত্স॑বি॒তুর্বরে᳚ণ্য॒-ম্ভর্গো॑দে॒বস্য॑ ধীমহি ধিযো॒ যো নঃ॑

প্রচো॒দযা᳚ত্ ॥ ওঁ আপো॒ জ্যোতী॒রসো॒-ঽমৃত॒-ম্ব্রহ্ম॒ ভূর্ভুব॒স্সুব॒রোম্ ॥

মমোপাত্ত-সমস্ত-দুরিতক্ষযদ্বারা শ্রীপরমেশ্বর প্রীত্যর্থং আদিত্যাদি নবগ্রহ দেবতা প্রসাদ সিদ্ধ্যর্থং আদিত্যাদি নবগ্রহ নমস্কারান্ করিষ্যে ॥

ওঁ আস॒ত্যেন॒ রজ॑সা॒ বর্ত॑মানো নিবে॒শয॑ন্ন॒মৃত॒-ম্মর্ত্য॑ঞ্চ । হি॒র॒ণ্যযে॑ন সবি॒তা রথে॒না-ঽঽদে॒বো যা॑তি॒ভুব॑না বি॒পশ্যন্॑ ॥ অ॒গ্নি-ন্দূ॒তং-বৃঁ॑ণীমহে॒ হোতা॑রং-বিঁ॒শ্ববে॑দসম্ । অ॒স্য য॒জ্ঞস্য॑ সু॒ক্রতুম্᳚ ॥ যেষা॒মীশে॑ পশু॒পতিঃ॑ পশূ॒না-ঞ্চতু॑ষ্পদামু॒ত চ॑ দ্বি॒পদা᳚ম্ । নিষ্ক্রী॑তো॒-ঽযং-যঁ॒জ্ঞিয॑-ম্ভা॒গমে॑তু রা॒যস্পোষা॒ যজ॑মানস্য সন্তু ॥

ওঁ অধিদেবতা প্রত্যধিদেবতা সহিতায আদি॑ত্যায॒ নমঃ॑

শ্লোক 2

ওঁ আপ্যা॑যস্ব॒ সমে॑তু তে বি॒শ্বত॑স্সোম॒ বৃষ্ণি॑যম্ । ভবা॒ বাজ॑স্য সঙ্গ॒থে ॥ অ॒প্সুমে॒ সোমো॑ অব্রবীদ॒ন্তর্বিশ্বা॑নি ভেষ॒জা । অ॒গ্নিঞ্চ॑ বি॒শ্বশ॑ম্ভুব॒মাপ॑শ্চ বি॒শ্বভে॑ষজীঃ ॥ গৌ॒রী মি॑মায সলি॒লানি॒ তক্ষ॒ত্যেক॑পদী দ্বি॒পদী॒ সা চতু॑ষ্পদী । অ॒ষ্টাপ॑দী॒ নব॑পদী বভূ॒বুষী॑ স॒হস্রা᳚ক্ষরা পর॒মে ব্যো॑মন্ন্ ॥

ওঁ অধিদেবতা প্রত্যধিদেবতা সহিতায সোমা॑য॒ নমঃ॑

॥ 1 ॥

শ্লোক 3

ওঁ অ॒গ্নির্মূ॒র্ধা দি॒বঃ ক॒কুত্পতিঃ॑ পৃথি॒ব্যা অ॒যম্ । অ॒পাগ্ংরেতাগ্ং॑সি জিন্বতি ॥ স্যো॒না পৃ॑থিবি॒ ভবা॑-ঽনৃক্ষ॒রা নি॒বেশ॑নী । যচ্ছা॑ন॒শ্শর্ম॑ স॒প্রথাঃ᳚ ॥ ক্ষেত্র॑স্য॒ পতি॑না ব॒যগ্ংহি॒তে নে॑ব জযামসি । গামশ্ব॑-ম্পোষযি॒ত্.ংবা স নো॑ মৃডাতী॒দৃশে᳚ ॥

ওঁ অধিদেবতা প্রত্যধিদেবতা সহিতায অঙ্গা॑রকায॒ নমঃ॑

॥ 2 ॥

শ্লোক 4

ওঁ উদ্বু॑ধ্যস্বাগ্নে॒ প্রতি॑জাগৃহ্যেনমিষ্টাপূ॒র্তে সগ্ংসৃ॑জেথাম॒যঞ্চ॑ । পুনঃ॑ কৃ॒ণ্বগ্গ্‍স্ত্বা॑ পি॒তরং॒-যুঁবা॑নম॒ন্বাতাগ্ং॑সী॒ত্ত্বযি॒ তন্তু॑মে॒তম্ ॥ ই॒দং-বিঁষ্ণু॒র্বিচ॑ক্রমে ত্রে॒ধা নিদ॑ধে প॒দম্ । সমূ॑ঢমস্যপাগ্ং সু॒রে ॥ বিষ্ণো॑ র॒রাট॑মসি॒ বিষ্ণোঃ᳚ পৃ॒ষ্ঠম॑সি॒ বিষ্ণো॒শ্শ্নপ্ত্রে᳚স্থো॒ বিষ্ণো॒স্স্যূর॑সি॒ বিষ্ণো᳚র্ধ্রু॒বম॑সি বৈষ্ণ॒বম॑সি॒ বিষ্ণ॑বে ত্বা ॥

ওঁ অধিদেবতা প্রত্যধিদেবতা সহিতায বুধা॑য॒ নমঃ॑

॥ 3 ॥

শ্লোক 5

ও-ম্বৃহ॑স্পতে॒ অতি॒যদ॒র্যো অর্​হা᳚দ্দ্যু॒মদ্বি॒ভাতি॒ ক্রতু॑ম॒জ্জনে॑ষু ।যদ্দী॒দয॒চ্চব॑সর্তপ্রজাত॒ তদ॒স্মাসু॒ দ্রবি॑ণন্ধেহি চি॒ত্রম্ ॥ ইন্দ্র॑মরুত্ব ই॒হ পা॑হি॒ সোমং॒-যঁথা॑ শার্যা॒তে অপি॑বস্সু॒তস্য॑ । তব॒ প্রণী॑তী॒ তব॑ শূর॒শর্ম॒ন্নাবি॑বাসন্তি ক॒বয॑স্সুয॒জ্ঞাঃ ॥ ব্রহ্ম॑জজ্ঞা॒ন-ম্প্র॑থ॒ম-ম্পু॒রস্তা॒দ্বিসী॑ম॒তস্সু॒রুচো॑ বে॒ন আ॑বঃ । সবু॒ধ্নিযা॑ উপ॒মা অ॑স্য বি॒ষ্ঠাস্স॒তশ্চ॒ যোনি॒মস॑তশ্চ॒ বিবঃ॑ ॥

ওঁ অধিদেবতা প্রত্যধিদেবতা সহিতায বৃহ॒স্পত॑যে॒ নমঃ॑

॥ 4 ॥

শ্লোক 6

ও-ম্প্রব॑শ্শু॒ক্রায॑ ভা॒নবে॑ ভরধ্বম্ । হ॒ব্য-ম্ম॒তি-ঞ্চা॒গ্নযে॒ সুপূ॑তম্ । যো দৈব্যা॑নি॒ মানু॑ষা জ॒নূগ্ংষি॑ অ॒ন্তর্বিশ্বা॑নি বি॒দ্ম না॒ জিগা॑তি ॥ ই॒ন্দ্রা॒ণীমা॒সু নারি॑ষু সু॒পত্.ংঈ॑ম॒হম॑শ্রবম্ । ন হ্য॑স্যা অপ॒রঞ্চ॒ন জ॒রসা॒ মর॑তে॒ পতিঃ॑ ॥ ইন্দ্রং॑-বোঁ বি॒শ্বত॒স্পরি॒ হবা॑মহে॒ জনে᳚ভ্যঃ । অ॒স্মাক॑মস্তু॒ কেব॑লঃ॥

ওঁ অধিদেবতা প্রত্যধিদেবতা সহিতায শুক্রা॑য॒ নমঃ॑

॥ 5 ॥

শ্লোক 7

ওঁ শন্নো॑ দে॒বীর॒ভিষ্ট॑য॒ আপো॑ ভবন্তু পী॒তযে᳚ । শং​যোঁর॒ভিস্র॑বন্তু নঃ ॥ প্রজা॑পতে॒ ন ত্বদে॒তান্য॒ন্যো বিশ্বা॑ জা॒তানি॒ পরি॒তা ব॑ভূব । যত্কা॑মাস্তে জুহু॒মস্তন্নো॑ অস্তু ব॒যগ্গ্‍স্যা॑ম॒ পত॑যো রযী॒ণাম্ ॥ ই॒মং-যঁ॑মপ্রস্ত॒রমাহি সীদা-ঽঙ্গি॑রোভিঃ পি॒তৃভি॑স্সং​বিঁদা॒নঃ । আত্বা॒ মন্ত্রাঃ᳚ কবিশ॒স্তা ব॑হন্ত্বে॒না রা॑জন্, হ॒বিষা॑ মাদযস্ব ॥

ওঁ অধিদেবতা প্রত্যধিদেবতা সহিতায শনৈশ্চ॑রায॒ নমঃ॑

॥ 6 ॥

শ্লোক 8

ও-ঙ্কযা॑ নশ্চি॒ত্র আভু॑বদূ॒তী স॒দাবৃ॑ধ॒স্সখা᳚ । কযা॒ শচি॑ষ্ঠযা বৃ॒তা ॥ আ-ঽযঙ্গৌঃ পৃশ্নি॑রক্রমী॒দস॑নন্মা॒তর॒-ম্পুনঃ॑ । পি॒তর॑ঞ্চ প্র॒যন্ত্সুবঃ॑ ॥ যত্তে॑ দে॒বী নির্‍ঋ॑তিরাব॒বন্ধ॒ দাম॑ গ্রী॒বাস্ব॑বিচ॒র্ত্যম্ । ই॒দন্তে॒ তদ্বিষ্যা॒ম্যাযু॑ষো॒ ন মধ্যা॒দথা॑জী॒বঃ পি॒তুম॑দ্ধি॒ প্রমু॑ক্তঃ ॥

ওঁ অধিদেবতা প্রত্যধিদেবতা সহিতায রাহ॑বে॒ নমঃ॑

॥ 7 ॥

শ্লোক 9

ও-ঙ্কে॒তুঙ্কৃ॒ণ্বন্ন॑কে॒তবে॒ পেশো॑ মর্যা অপে॒শসে᳚ । সমু॒ষদ্ভি॑রজাযথাঃ ॥ ব্র॒হ্মা দে॒বানা᳚-ম্পদ॒বীঃ ক॑বী॒নামৃষি॒র্বিপ্রা॑ণা-ম্মহি॒ষো মৃ॒গাণা᳚ম্ । শ্যে॒নোগৃধ্রা॑ণা॒গ্॒স্বধি॑তি॒র্বনা॑না॒গ্ং॒ সোমঃ॑ প॒বিত্র॒মত্যে॑তি॒ রেভন্॑ ॥ সচি॑ত্র চি॒ত্র-ঞ্চি॒তযন্᳚তম॒স্মে চিত্র॑ক্ষত্র চি॒ত্রত॑মং-বঁযো॒ধাম্ । চ॒ন্দ্রং র॒যি-ম্পু॑রু॒বীরম্᳚ বৃ॒হন্ত॒-ঞ্চন্দ্র॑চ॒ন্দ্রাভি॑র্গৃণ॒তে যু॑বস্ব ॥

ওঁ অধিদেবতা প্রত্যধিদেবতা সহিতেভ্যঃ কেতু॑ভ্যো॒ নমঃ॑

॥ 8 ॥

শ্লোক 10

॥ ওঁ আদিত্যাদি নবগ্রহ দেব॑তাভ্যো॒ নমো॒ নমঃ॑ ॥

॥ ওঁ শান্তি॒-শ্শান্তি॒-শ্শান্তিঃ॑ ॥