Nava Graha Stotram

නවග්රහ ස්තෝත්රම්

ශ්ලොක 1

නවග්රහ ධ්යාන ශ්ලෝකම්

ආදිත්යාය ච සෝමාය මඞ්ගලාය බුධාය ච .

ගුරු ශුක්ර ශනිභ්යශ්ච රාහවේ කේතවේ නමඃ ..

රවිඃ

ජපාකුසුම සඞ්කාශං කාශ්යපේයං මහාද්යුතිම් .

තමෝ(අ)රිං සර්ව පාපඝ්නං ප්රණතෝස්මි දිවාකරම් ..

චන්ද්රඃ

දධිශඞ්ඛ තුෂාරාභං ක්ෂීරාර්ණව සමුද්භවම් (ක්ෂීරෝදාර්ණව සම්භවම්) .

නමාමි ශශිනං සෝමං ශම්භෝ-ර්මකුට භූෂණම් ..

කුජඃ

ධරණී ගර්භ සම්භූතං විද්යුත්කාන්ති සමප්රභම් .

කුමාරං ශක්තිහස්තං තං කුජං [මඞ්ගලං] ප්රණමාම්යහම් ..

බුධඃ

ප්රියඞ්ගු කලිකාශ්යාමං රූපේණා ප්රතිමං බුධම් .

සෞම්යං සෞම්ය (සත්ව) ගුණෝපේතං තං බුධං ප්රණමාම්යහම් ..

ගුරුඃ

දේවානාං ච ඍෂීණාං ච ගුරුං කාඤ්චනසන්නිභම් .

බුද්ධිමන්තං ත්රිලෝකේශං තං නමාමි බෘහස්පතිම් ..

ශුක්රඃ

හිමකුන්ද මෘණාලාභං දෛත්යානං පරමං ගුරුම් .

සර්වශාස්ත්ර ප්රවක්තාරං භාර්ගවං ප්රණමාම්යහම් ..

ශනිඃ

නීලාඤ්ජන සමාභාසං රවිපුත්රං යමාග්රජම් .

ඡායා මාර්තාණ්ඩ සම්භූතං තං නමාමි ශනෛශ්චරම් ..

රාහුඃ

අර්ධකායං මහාවීරං චන්ද්රාදිත්ය විමර්ධනම් .

සිංහිකා ගර්භ සම්භූතං තං රාහුං ප්රණමාම්යහම් ..

කේතුඃ

පලාශ පුෂ්ප සඞ්කාශං තාරකාග්රහමස්තකම් .

රෞද්රං රෞද්රාත්මකං ඝෝරං තං කේතුං ප්රණමාම්යහම් ..

ඵලශ්රුතිඃ

ඉති ව්යාස මුඛෝද්ගීතං යඃ පඨේත්සු සමාහිතඃ .

දිවා වා යදි වා රාත්රෞ විඝ්නශාන්ති-ර්භවිෂ්යති ..

නරනාරී-නෘපාණාං ච භවේ-ද්දුඃස්වප්න-නාශනම් .

ඓශ්වර්යමතුලං තේෂාමාරෝග්යං පුෂ්ටි වර්ධනම් ..

ග්රහනක්ෂත්රජාඃ පීඩාස්තස්කරාග්නි සමුද්භවාඃ .

තාස්සර්වාඃ ප්රශමං යාන්ති ව්යාසෝ බ්රූතේ න සංශයඃ ..

ඉති ව්යාස විරචිතං නවග්රහ ස්තෝත්රං සම්පූර්ණම් .