Nava Graha Stotram

ନଵଗ୍ରହ ସ୍ତୋତ୍ରମ୍

ଶ୍ଲୋକ 1

ନଵଗ୍ରହ ଧ୍ଯାନ ଶ୍ଲୋକମ୍

ଆଦିତ୍ଯାଯ ଚ ସୋମାଯ ମଙ୍ଗଲାଯ ବୁଧାଯ ଚ ।

ଗୁରୁ ଶୁକ୍ର ଶନିଭ୍ଯଶ୍ଚ ରାହଵେ କେତଵେ ନମଃ ॥

ରଵିଃ

ଜପାକୁସୁମ ସଙ୍କାଶଂ କାଶ୍ଯପେଯଂ ମହାଦ୍ଯୁତିମ୍ ।

ତମୋଽରିଂ ସର୍ଵ ପାପଘ୍ନଂ ପ୍ରଣତୋସ୍ମି ଦିଵାକରମ୍ ॥

ଚନ୍ଦ୍ରଃ

ଦଧିଶଙ୍ଖ ତୁଷାରାଭଂ କ୍ଷୀରାର୍ଣଵ ସମୁଦ୍ଭଵମ୍ (କ୍ଷୀରୋଦାର୍ଣଵ ସମ୍ଭଵମ୍) ।

ନମାମି ଶଶିନଂ ସୋମଂ ଶମ୍ଭୋ-ର୍ମକୁଟ ଭୂଷଣମ୍ ॥

କୁଜଃ

ଧରଣୀ ଗର୍ଭ ସମ୍ଭୂତଂ ଵିଦ୍ଯୁତ୍କାନ୍ତି ସମପ୍ରଭମ୍ ।

କୁମାରଂ ଶକ୍ତିହସ୍ତଂ ତଂ କୁଜଂ [ମଙ୍ଗଲଂ] ପ୍ରଣମାମ୍ଯହମ୍ ॥

ବୁଧଃ

ପ୍ରିଯଙ୍ଗୁ କଲିକାଶ୍ଯାମଂ ରୂପେଣା ପ୍ରତିମଂ ବୁଧମ୍ ।

ସୌମ୍ଯଂ ସୌମ୍ଯ (ସତ୍ଵ) ଗୁଣୋପେତଂ ତଂ ବୁଧଂ ପ୍ରଣମାମ୍ଯହମ୍ ॥

ଗୁରୁଃ

ଦେଵାନାଂ ଚ ଋଷୀଣାଂ ଚ ଗୁରୁଂ କାଞ୍ଚନସନ୍ନିଭମ୍ ।

ବୁଦ୍ଧିମନ୍ତଂ ତ୍ରିଲୋକେଶଂ ତଂ ନମାମି ବୃହସ୍ପତିମ୍ ॥

ଶୁକ୍ରଃ

ହିମକୁନ୍ଦ ମୃଣାଲାଭଂ ଦୈତ୍ଯାନଂ ପରମଂ ଗୁରୁମ୍ ।

ସର୍ଵଶାସ୍ତ୍ର ପ୍ରଵକ୍ତାରଂ ଭାର୍ଗଵଂ ପ୍ରଣମାମ୍ଯହମ୍ ॥

ଶନିଃ

ନୀଲାଞ୍ଜନ ସମାଭାସଂ ରଵିପୁତ୍ରଂ ଯମାଗ୍ରଜମ୍ ।

ଛାଯା ମାର୍ତାଣ୍ଡ ସମ୍ଭୂତଂ ତଂ ନମାମି ଶନୈଶ୍ଚରମ୍ ॥

ରାହୁଃ

ଅର୍ଧକାଯଂ ମହାଵୀରଂ ଚନ୍ଦ୍ରାଦିତ୍ଯ ଵିମର୍ଧନମ୍ ।

ସିଂହିକା ଗର୍ଭ ସମ୍ଭୂତଂ ତଂ ରାହୁଂ ପ୍ରଣମାମ୍ଯହମ୍ ॥

କେତୁଃ

ପଲାଶ ପୁଷ୍ପ ସଙ୍କାଶଂ ତାରକାଗ୍ରହମସ୍ତକମ୍ ।

ରୌଦ୍ରଂ ରୌଦ୍ରାତ୍ମକଂ ଘୋରଂ ତଂ କେତୁଂ ପ୍ରଣମାମ୍ଯହମ୍ ॥

ଫଲଶ୍ରୁତିଃ

ଇତି ଵ୍ଯାସ ମୁଖୋଦ୍ଗୀତଂ ଯଃ ପଠେତ୍ସୁ ସମାହିତଃ ।

ଦିଵା ଵା ଯଦି ଵା ରାତ୍ରୌ ଵିଘ୍ନଶାନ୍ତି-ର୍ଭଵିଷ୍ଯତି ॥

ନରନାରୀ-ନୃପାଣାଂ ଚ ଭଵେ-ଦ୍ଦୁଃସ୍ଵପ୍ନ-ନାଶନମ୍ ।

ଐଶ୍ଵର୍ଯମତୁଲଂ ତେଷାମାରୋଗ୍ଯଂ ପୁଷ୍ଟି ଵର୍ଧନମ୍ ॥

ଗ୍ରହନକ୍ଷତ୍ରଜାଃ ପୀଡାସ୍ତସ୍କରାଗ୍ନି ସମୁଦ୍ଭଵାଃ ।

ତାସ୍ସର୍ଵାଃ ପ୍ରଶମଂ ଯାନ୍ତି ଵ୍ଯାସୋ ବ୍ରୂତେ ନ ସଂଶଯଃ ॥

ଇତି ଵ୍ଯାସ ଵିରଚିତଂ ନଵଗ୍ରହ ସ୍ତୋତ୍ରଂ ସମ୍ପୂର୍ଣମ୍ ।