Nava Graha Stotram

navagraha stotram

Śloka 1

navagraha dhyāna ślokam

ādityāya ca somāya maṅgalāya budhāya ca |

guru śukra śanibhyaśca rāhave ketave namaḥ ||

raviḥ

japākusuma saṅkāśaṃ kāśyapeyaṃ mahādyutim |

tamo'riṃ sarva pāpaghnaṃ praṇatosmi divākaram ||

candraḥ

dadhiśaṅkha tuṣārābhaṃ kṣīrārṇava samudbhavam (kṣīrodārṇava sambhavam) |

namāmi śaśinaṃ somaṃ śambho-rmakuṭa bhūṣaṇam ||

kujaḥ

dharaṇī garbha sambhūtaṃ vidyutkānti samaprabham |

kumāraṃ śaktihastaṃ taṃ kujaṃ [maṅgalaṃ] praṇamāmyaham ||

budhaḥ

priyaṅgu kalikāśyāmaṃ rūpeṇā pratimaṃ budham |

saumyaṃ saumya (satva) guṇopetaṃ taṃ budhaṃ praṇamāmyaham ||

guruḥ

devānāṃ ca ṛṣīṇāṃ ca guruṃ kāñcanasannibham |

buddhimantaṃ trilokeśaṃ taṃ namāmi bṛhaspatim ||

śukraḥ

himakunda mṛṇālābhaṃ daityānaṃ paramaṃ gurum |

sarvaśāstra pravaktāraṃ bhārgavaṃ praṇamāmyaham ||

śaniḥ

nīlāñjana samābhāsaṃ raviputraṃ yamāgrajam |

chāyā mārtāṇḍa sambhūtaṃ taṃ namāmi śanaiścaram ||

rāhuḥ

ardhakāyaṃ mahāvīraṃ candrāditya vimardhanam |

siṃhikā garbha sambhūtaṃ taṃ rāhuṃ praṇamāmyaham ||

ketuḥ

palāśa puṣpa saṅkāśaṃ tārakāgrahamastakam |

raudraṃ raudrātmakaṃ ghoraṃ taṃ ketuṃ praṇamāmyaham ||

phalaśrutiḥ

iti vyāsa mukhodgītaṃ yaḥ paṭhetsu samāhitaḥ |

divā vā yadi vā rātrau vighnaśānti-rbhaviṣyati ||

naranārī-nṛpāṇāṃ ca bhave-dduḥsvapna-nāśanam |

aiśvaryamatulaṃ teṣāmārogyaṃ puṣṭi vardhanam ||

grahanakṣatrajāḥ pīḍāstaskarāgni samudbhavāḥ |

tāssarvāḥ praśamaṃ yānti vyāso brūte na saṃśayaḥ ||

iti vyāsa viracitaṃ navagraha stotraṃ sampūrṇam |