Nava Graha Stotram

navagraha stotram

zloka 1

navagraha dhyAna zlokam

AdityAya ca somAya maGgalAya budhAya ca |

guru zukra zanibhyazca rAhave ketave namaH ||

raviH

japAkusuma saGkAzaM kAzyapeyaM mahAdyutim |

tamo'riM sarva pApaghnaM praNatosmi divAkaram ||

candraH

dadhizaGkha tuSArAbhaM kSIrArNava samudbhavam (kSIrodArNava sambhavam) |

namAmi zazinaM somaM zambho-rmakuTa bhUSaNam ||

kujaH

dharaNI garbha sambhUtaM vidyutkAnti samaprabham |

kumAraM zaktihastaM taM kujaM [maGgalaM] praNamAmyaham ||

budhaH

priyaGgu kalikAzyAmaM rUpeNA pratimaM budham |

saumyaM saumya (satva) guNopetaM taM budhaM praNamAmyaham ||

guruH

devAnAM ca RSINAM ca guruM kAJcanasannibham |

buddhimantaM trilokezaM taM namAmi bRhaspatim ||

zukraH

himakunda mRNAlAbhaM daityAnaM paramaM gurum |

sarvazAstra pravaktAraM bhArgavaM praNamAmyaham ||

zaniH

nIlAJjana samAbhAsaM raviputraM yamAgrajam |

chAyA mArtANDa sambhUtaM taM namAmi zanaizcaram ||

rAhuH

ardhakAyaM mahAvIraM candrAditya vimardhanam |

siMhikA garbha sambhUtaM taM rAhuM praNamAmyaham ||

ketuH

palAza puSpa saGkAzaM tArakAgrahamastakam |

raudraM raudrAtmakaM ghoraM taM ketuM praNamAmyaham ||

phalazrutiH

iti vyAsa mukhodgItaM yaH paThetsu samAhitaH |

divA vA yadi vA rAtrau vighnazAnti-rbhaviSyati ||

naranArI-nRpANAM ca bhave-dduHsvapna-nAzanam |

aizvaryamatulaM teSAmArogyaM puSTi vardhanam ||

grahanakSatrajAH pIDAstaskarAgni samudbhavAH |

tAssarvAH prazamaM yAnti vyAso brUte na saMzayaH ||

iti vyAsa viracitaM navagraha stotraM sampUrNam |