Nava Graha Peedahara Stotram

navagraha pIDAhara stotram

shloka 1

grahANAmAdirAdityo lokarakShaNakArakaH |

viShamasthAnasambhUtAM pIDAM haratu me raviH || 1 ||

rohiNIshaH sudhAmUrtiH sudhAgAtraH sudhAshanaH |

viShamasthAnasambhUtAM pIDAM haratu me vidhuH || 2 ||

bhUmiputro mahAtejA jagatAM bhayakRRit sadA |

vRRiShTikRRidvRRiShTihartA cha pIDAM haratu me kujaH || 3 ||

utpAtarUpo jagatAM chandraputro mahAdyutiH |

sUryapriyakaro vidvAn pIDAM haratu me budhaH || 4 ||

devamantrI vishAlAkShaH sadA lokahite rataH |

anekashiShyasampUrNaH pIDAM haratu me guruH || 5 ||

daityamantrI gurusteShAM prANadashcha mahAmatiH |

prabhustArAgrahANAM cha pIDAM haratu me bhRRiguH || 6 ||

sUryaputro dIrghadeho vishAlAkShaH shivapriyaH |

mandachAraH prasannAtmA pIDAM haratu me shaniH || 7 ||

mahAshirA mahAvaktro dIrghadaMShTro mahAbalaH |

atanushchordhvakeshashcha pIDAM haratu me shikhI || 8 ||

anekarUpavarNaishcha shatasho.atha sahasrashaH |

utpAtarUpo jagatAM pIDAM haratu me tamaH || 9 ||