Nava Graha Kavacham

navagraha kavacham

shloka 1

shiro me pAtu mArtANDo kapAlaM rohiNIpatiH |

mukhama~NgArakaH pAtu kaNThashcha shashinandanaH || 1 ||

buddhiM jIvaH sadA pAtu hRRidayaM bhRRigunandanaH |

jaTharaM cha shaniH pAtu jihvAM me ditinandanaH || 2 ||

pAdau ketuH sadA pAtu vArAH sarvA~Ngameva cha |

tithayo.aShTau dishaH pAntu nakShatrANi vapuH sadA || 3 ||

aMsau rAshiH sadA pAtu yogAshcha sthairyameva cha |

guhyaM li~NgaM sadA pAntu sarve grahAH shubhapradAH || 4 ||

aNimAdIni sarvANi labhate yaH paThed dhRRivam |

etAM rakShAM paThed yastu bhaktyA sa prayataH sudhIH || 5 ||

sa chirAyuH sukhI putrI raNe cha vijayI bhavet |

aputro labhate putraM dhanArthI dhanamApnuyAt || 6 ||

dArArthI labhate bhAryAM surUpAM sumanoharAm |

rogI rogAtpramuchyeta baddho muchyeta bandhanAt || 7 ||

jale sthale chAntarikShe kArAgAre visheShataH |

yaH kare dhArayennityaM bhayaM tasya na vidyate || 8 ||

brahmahatyA surApAnaM steyaM gurva~NganAgamaH |

sarvapApaiH pramuchyeta kavachasya cha dhAraNAt || 9 ||

nArI vAmabhuje dhRRitvA sukhaishvaryasamanvitA |

kAkavandhyA janmavandhyA mRRitavatsA cha yA bhavet |

bahvapatyA jIvavatsA kavachasya prasAdataH || 10 ||

iti grahayAmale uttarakhaNDe navagraha kavachaM samAptam |