Nava Graha Kavacham

navagraha kavacam

zloka 1

ziro me pAtu mArtANDo kapAlaM rohiNIpatiH |

mukhamaGgArakaH pAtu kaNThazca zazinandanaH || 1 ||

buddhiM jIvaH sadA pAtu hRdayaM bhRgunandanaH |

jaTharaM ca zaniH pAtu jihvAM me ditinandanaH || 2 ||

pAdau ketuH sadA pAtu vArAH sarvAGgameva ca |

tithayo'STau dizaH pAntu nakSatrANi vapuH sadA || 3 ||

aMsau rAziH sadA pAtu yogAzca sthairyameva ca |

guhyaM liGgaM sadA pAntu sarve grahAH zubhapradAH || 4 ||

aNimAdIni sarvANi labhate yaH paThed dhRvam |

etAM rakSAM paThed yastu bhaktyA sa prayataH sudhIH || 5 ||

sa cirAyuH sukhI putrI raNe ca vijayI bhavet |

aputro labhate putraM dhanArthI dhanamApnuyAt || 6 ||

dArArthI labhate bhAryAM surUpAM sumanoharAm |

rogI rogAtpramucyeta baddho mucyeta bandhanAt || 7 ||

jale sthale cAntarikSe kArAgAre vizeSataH |

yaH kare dhArayennityaM bhayaM tasya na vidyate || 8 ||

brahmahatyA surApAnaM steyaM gurvaGganAgamaH |

sarvapApaiH pramucyeta kavacasya ca dhAraNAt || 9 ||

nArI vAmabhuje dhRtvA sukhaizvaryasamanvitA |

kAkavandhyA janmavandhyA mRtavatsA ca yA bhavet |

bahvapatyA jIvavatsA kavacasya prasAdataH || 10 ||

iti grahayAmale uttarakhaNDe navagraha kavacaM samAptam |