Nava Graha Kavacham

নবগ্রহ কবচম্

শ্লোক 1

শিরো মে পাতু মার্তাণ্ডো কপালং রোহিণীপতিঃ ।

মুখমঙ্গারকঃ পাতু কণ্ঠশ্চ শশিনন্দনঃ

শ্লোক 2

বুদ্ধিং জীবঃ সদা পাতু হৃদযং ভৃগুনন্দনঃ ।

জঠরং চ শনিঃ পাতু জিহ্বাং মে দিতিনন্দনঃ

॥ 1 ॥

শ্লোক 3

পাদৌ কেতুঃ সদা পাতু বারাঃ সর্বাঙ্গমেব চ ।

তিথযোঽষ্টৌ দিশঃ পান্তু নক্ষত্রাণি বপুঃ সদা

॥ 2 ॥

শ্লোক 4

অংসৌ রাশিঃ সদা পাতু যোগাশ্চ স্থৈর্যমেব চ ।

গুহ্যং লিঙ্গং সদা পান্তু সর্বে গ্রহাঃ শুভপ্রদাঃ

॥ 3 ॥

শ্লোক 5

অণিমাদীনি সর্বাণি লভতে যঃ পঠেদ্ ধৃবম্ ।

এতাং রক্ষাং পঠেদ্ যস্তু ভক্ত্যা স প্রযতঃ সুধীঃ

॥ 4 ॥

শ্লোক 6

স চিরাযুঃ সুখী পুত্রী রণে চ বিজযী ভবেত্ ।

অপুত্রো লভতে পুত্রং ধনার্থী ধনমাপ্নুযাত্

॥ 5 ॥

শ্লোক 7

দারার্থী লভতে ভার্যাং সুরূপাং সুমনোহরাম্ ।

রোগী রোগাত্প্রমুচ্যেত বদ্ধো মুচ্যেত বন্ধনাত্

॥ 6 ॥

শ্লোক 8

জলে স্থলে চান্তরিক্ষে কারাগারে বিশেষতঃ ।

যঃ করে ধারযেন্নিত্যং ভযং তস্য ন বিদ্যতে

॥ 7 ॥

শ্লোক 9

ব্রহ্মহত্যা সুরাপানং স্তেযং গুর্বঙ্গনাগমঃ ।

সর্বপাপৈঃ প্রমুচ্যেত কবচস্য চ ধারণাত্

॥ 8 ॥

শ্লোক 10

নারী বামভুজে ধৃত্বা সুখৈশ্বর্যসমন্বিতা ।

কাকবন্ধ্যা জন্মবন্ধ্যা মৃতবত্সা চ যা ভবেত্ ।

বহ্বপত্যা জীববত্সা কবচস্য প্রসাদতঃ

॥ 9 ॥

শ্লোক 11

ইতি গ্রহযামলে উত্তরখণ্ডে নবগ্রহ কবচং সমাপ্তম্ ।