নটরাজ স্তোত্রং (পতঞ্জলি কৃতম্)

নটরাজ স্তোত্রং (পতঞ্জলি কৃতম্)

শ্লোক 1

অথ চরণশৃঙ্গরহিত শ্রী নটরাজ স্তোত্রং

সদঞ্চিত-মুদঞ্চিত নিকুঞ্চিত পদং ঝলঝলং-চলিত মঞ্জু কটকম্ ।

পতঞ্জলি দৃগঞ্জন-মনঞ্জন-মচঞ্চলপদং জনন ভঞ্জন করম্ ।

কদম্বরুচিমম্বরবসং পরমমম্বুদ কদম্ব কবিডম্বক গলম্

চিদম্বুধি মণিং বুধ হৃদম্বুজ রবিং পর চিদম্বর নটং হৃদি ভজ

শ্লোক 2

হরং ত্রিপুর ভঞ্জন-মনন্তকৃতকঙ্কণ-মখণ্ডদয-মন্তরহিতং

বিরিঞ্চিসুরসংহতিপুরন্ধর বিচিন্তিতপদং তরুণচন্দ্রমকুটম্ ।

পরং পদ বিখণ্ডিতযমং ভসিত মণ্ডিততনুং মদনবঞ্চন পরং

চিরন্তনমমুং প্রণবসঞ্চিতনিধিং পর চিদম্বর নটং হৃদি ভজ

॥ 1 ॥

শ্লোক 3

অবন্তমখিলং জগদভঙ্গ গুণতুঙ্গমমতং ধৃতবিধুং সুরসরিত্-

তরঙ্গ নিকুরুম্ব ধৃতি লম্পট জটং শমনদম্ভসুহরং ভবহরম্ ।

শিবং দশদিগন্তর বিজৃম্ভিতকরং করলসন্মৃগশিশুং পশুপতিং

হরং শশিধনঞ্জযপতঙ্গনযনং পর চিদম্বর নটং হৃদি ভজ

॥ 2 ॥

শ্লোক 4

অনন্তনবরত্নবিলসত্কটককিঙ্কিণিঝলং ঝলঝলং ঝলরবং

মুকুন্দবিধি হস্তগতমদ্দল লযধ্বনিধিমিদ্ধিমিত নর্তন পদম্ ।

শকুন্তরথ বর্হিরথ নন্দিমুখ ভৃঙ্গিরিটিসঙ্ঘনিকটং ভযহরম্

সনন্দ সনক প্রমুখ বন্দিত পদং পর চিদম্বর নটং হৃদি ভজ

॥ 3 ॥

শ্লোক 5

অনন্তমহসং ত্রিদশবন্দ্য চরণং মুনি হৃদন্তর বসন্তমমলম্

কবন্ধ বিযদিন্দ্ববনি গন্ধবহ বহ্নিমখ বন্ধুরবিমঞ্জু বপুষম্ ।

অনন্তবিভবং ত্রিজগদন্তর মণিং ত্রিনযনং ত্রিপুর খণ্ডন পরম্

সনন্দ মুনি বন্দিত পদং সকরুণং পর চিদম্বর নটং হৃদি ভজ

॥ 4 ॥

শ্লোক 6

অচিন্ত্যমলিবৃন্দ রুচি বন্ধুরগলং কুরিত কুন্দ নিকুরুম্ব ধবলম্

মুকুন্দ সুর বৃন্দ বল হন্তৃ কৃত বন্দন লসন্তমহিকুণ্ডল ধরম্ ।

অকম্পমনুকম্পিত রতিং সুজন মঙ্গলনিধিং গজহরং পশুপতিম্

ধনঞ্জয নুতং প্রণত রঞ্জনপরং পর চিদম্বর নটং হৃদি ভজ

॥ 5 ॥

শ্লোক 7

পরং সুরবরং পুরহরং পশুপতিং জনিত দন্তিমুখ ষণ্মুখমমুং

মৃডং কনক পিঙ্গল জটং সনক পঙ্কজ রবিং সুমনসং হিমরুচিম্ ।

অসঙ্ঘমনসং জলধি জন্মগরলং কবলযন্ত মতুলং গুণনিধিম্

সনন্দ বরদং শমিতমিন্দু বদনং পর চিদম্বর নটং হৃদি ভজ

॥ 6 ॥

শ্লোক 8

অজং ক্ষিতিরথং ভুজগপুঙ্গবগুণং কনক শৃঙ্গি ধনুষং করলসত্

কুরঙ্গ পৃথু টঙ্ক পরশুং রুচির কুঙ্কুম রুচিং ডমরুকং চ দধতম্ ।

মুকুন্দ বিশিখং নমদবন্ধ্য ফলদং নিগম বৃন্দ তুরগং নিরুপমং

স চণ্ডিকমমুং ঝটিতি সংহৃতপুরং পর চিদম্বর নটং হৃদি ভজ

॥ 7 ॥

শ্লোক 9

অনঙ্গপরিপন্থিনমজং ক্ষিতি ধুরন্ধরমলং করুণযন্তমখিলং

জ্বলন্তমনলং দধতমন্তকরিপুং সততমিন্দ্র সুরবন্দিতপদম্ ।

উদঞ্চদরবিন্দকুল বন্ধুশত বিম্বরুচি সংহতি সুগন্ধি বপুষং

পতঞ্জলি নুতং প্রণব পঞ্জর শুকং পর চিদম্বর নটং হৃদি ভজ

॥ 8 ॥

শ্লোক 10

ইতি স্তবমমুং ভুজগপুঙ্গব কৃতং প্রতিদিনং পঠতি যঃ কৃতমুখঃ

সদঃ প্রভুপদ দ্বিতযদর্শনপদং সুললিতং চরণ শৃঙ্গ রহিতম্ ।

সরঃ প্রভব সম্ভব হরিত্পতি হরিপ্রমুখ দিব্যনুত শঙ্করপদং

স গচ্ছতি পরং ন তু জনুর্জলনিধিং পরমদুঃখজনকং দুরিতদম্

॥ 9 ॥

শ্লোক 11

ইতি শ্রী পতঞ্জলিমুনি প্রণীতং চরণশৃঙ্গরহিত নটরাজ স্তোত্রং সম্পূর্ণম্ ॥