ನಾರಾಯಣೀಯಂ ದಶಕ 84 - ಸಮನ್ತಪಞ್ಚಕತೀರ್ಥಯಾತ್ರಾ - ಬನ್ಧುಮಿತ್ರಾದಿ ಸಮಾಗಮಮ್

ನಾರಾಯಣೀಯಂ ದಶಕ 84 - ಸಮನ್ತಪಞ್ಚಕತೀರ್ಥಯಾತ್ರಾ - ಬನ್ಧುಮಿತ್ರಾದಿ ಸಮಾಗಮಮ್

ಶ್ಲೋಕ 1

ಕ್ವಚಿದಥ ತಪನೋಪರಾಗಕಾಲೇ ಪುರಿ ನಿದಧತ್ ಕೃತವರ್ಮಕಾಮಸೂನೂ ।

ಯದುಕುಲಮಹಿಲಾವೃತಃ ಸುತೀರ್ಥಂ ಸಮುಪಗತೋಽಸಿ ಸಮನ್ತಪಞ್ಚಕಾಖ್ಯಮ್

ಶ್ಲೋಕ 2

ಬಹುತರಜನತಾಹಿತಾಯ ತತ್ರ ತ್ವಮಪಿ ಪುನನ್ ವಿನಿಮಜ್ಯ ತೀರ್ಥತೋಯಮ್ ।

ದ್ವಿಜಗಣಪರಿಮುಕ್ತವಿತ್ತರಾಶಿಃ ಸಮಮಿಲಥಾಃ ಕುರುಪಾಣ್ಡವಾದಿಮಿತ್ರೈಃ

॥1॥

ಶ್ಲೋಕ 3

ತವ ಖಲು ದಯಿತಾಜನೈಃ ಸಮೇತಾ ದ್ರುಪದಸುತಾ ತ್ವಯಿ ಗಾಢಭಕ್ತಿಭಾರಾ ।

ತದುದಿತಭವದಾಹೃತಿಪ್ರಕಾರೈಃ ಅತಿಮುಮುದೇ ಸಮಮನ್ಯಭಾಮಿನೀಭಿಃ

॥2॥

ಶ್ಲೋಕ 4

ತದನು ಚ ಭಗವನ್ ನಿರೀಕ್ಷ್ಯ ಗೋಪಾನತಿಕುತುಕಾದುಪಗಮ್ಯ ಮಾನಯಿತ್ವಾ।

ಚಿರತರವಿರಹಾತುರಾಙ್ಗರೇಖಾಃ ಪಶುಪವಧೂಃ ಸರಸಂ ತ್ವಮನ್ವಯಾಸೀಃ

॥3॥

ಶ್ಲೋಕ 5

ಸಪದಿ ಚ ಭವದೀಕ್ಷಣೋತ್ಸವೇನ ಪ್ರಮುಷಿತಮಾನಹೃದಾಂ ನಿತಮ್ಬಿನೀನಾಮ್ ।

ಅತಿರಸಪರಿಮುಕ್ತಕಞ್ಚುಲೀಕೇ ಪರಿಚಯಹೃದ್ಯತರೇ ಕುಚೇ ನ್ಯಲೈಷೀಃ

॥4॥

ಶ್ಲೋಕ 6

ರಿಪುಜನಕಲಹೈಃ ಪುನಃ ಪುನರ್ಮೇ ಸಮುಪಗತೈರಿಯತೀ ವಿಲಮ್ಬನಾಽಭೂತ್ ।

ಇತಿ ಕೃತಪರಿರಮ್ಭಣೇತ್ವಯಿ ದ್ರಾಕ್ ಅತಿವಿವಶಾ ಖಲು ರಾಧಿಕಾ ನಿಲಿಲ್ಯೇ

॥5॥

ಶ್ಲೋಕ 7

ಅಪಗತವಿರಹವ್ಯಥಾಸ್ತದಾ ತಾ ರಹಸಿ ವಿಧಾಯ ದದಾಥ ತತ್ತ್ವಬೋಧಮ್ ।

ಪರಮಸುಖಚಿದಾತ್ಮಕೋಽಹಮಾತ್ಮೇತ್ಯುದಯತು ವಃ ಸ್ಫುಟಮೇವ ಚೇತಸೀತಿ

॥6॥

ಶ್ಲೋಕ 8

ಸುಖರಸಪರಿಮಿಶ್ರಿತೋ ವಿಯೋಗಃ ಕಿಮಪಿ ಪುರಾಽಭವದುದ್ಧವೋಪದೇಶೈಃ ।

ಸಮಭವದಮುತಃ ಪರಂ ತು ತಾಸಾಂ ಪರಮಸುಖೈಕ್ಯಮಯೀ ಭವದ್ವಿಚಿನ್ತಾ

॥7॥

ಶ್ಲೋಕ 9

ಮುನಿವರನಿವಹೈಸ್ತವಾಥ ಪಿತ್ರಾ ದುರಿತಶಮಾಯ ಶುಭಾನಿ ಪೃಚ್ಛ್ಯಮಾನೈಃ ।

ತ್ವಯಿ ಸತಿ ಕಿಮಿದಂ ಶುಭಾನ್ತರೈಃ ರಿತ್ಯುರುಹಸಿತೈರಪಿ ಯಾಜಿತಸ್ತದಾಽಸೌ

॥8॥

ಶ್ಲೋಕ 10

ಸುಮಹತಿ ಯಜನೇ ವಿತಾಯಮಾನೇ ಪ್ರಮುದಿತಮಿತ್ರಜನೇ ಸಹೈವ ಗೋಪಾಃ ।

ಯದುಜನಮಹಿತಾಸ್ತ್ರಿಮಾಸಮಾತ್ರಂ ಭವದನುಷಙ್ಗರಸಂ ಪುರೇವ ಭೇಜು ಃ

॥9॥

ಶ್ಲೋಕ 11

ವ್ಯಪಗಮಸಮಯೇ ಸಮೇತ್ಯ ರಾಧಾಂ ದೃಢಮುಪಗೂಹ್ಯ ನಿರೀಕ್ಷ್ಯ ವೀತಖೇದಾಮ್ ।

ಪ್ರಮುದಿತಹೃದಯಃ ಪುರಂ ಪ್ರಯಾತಃ ಪವನಪುರೇಶ್ವರ ಪಾಹಿ ಮಾಂ ಗದೇಭ್ಯಃ

॥10॥

ಶ್ಲೋಕ 12