Narayaniyam Dashaka 69
નારાયણીયં દશક 69 - રાસક્રીડા
Narayaniyam Dashaka 69
નારાયણીયં દશક 69 - રાસક્રીડા
શ્લોક 1
કેશપાશધૃતપિઞ્છિકાવિતતિસઞ્ચલન્મકરકુણ્ડલં
હારજાલવનમાલિકાલલિતમઙ્ગરાગઘનસૌરભમ્ ।
પીતચેલધૃતકાઞ્ચિકાઞ્ચિતમુદઞ્ચદંશુમણિનૂપુરં
રાસકેલિપરિભૂષિતં તવ હિ રૂપમીશ કલયામહે
શ્લોક 2
તાવદેવ કૃતમણ્ડને કલિતકઞ્ચુલીકકુચમણ્ડલે
ગણ્ડલોલમણિકુણ્ડલે યુવતિમણ્ડલેઽથ પરિમણ્ડલે ।
અન્તરા સકલસુન્દરીયુગલમિન્દિરારમણ સઞ્ચરન્
મઞ્જુલાં તદનુ રાસકેલિમયિ કઞ્જનાભ સમુપાદધાઃ
॥1॥
શ્લોક 3
વાસુદેવ તવ ભાસમાનમિહ રાસકેલિરસસૌરભં
દૂરતોઽપિ ખલુ નારદાગદિતમાકલય્ય કુતુકાકુલા ।
વેષભૂષણવિલાસપેશલવિલાસિનીશતસમાવૃતા
નાકતો યુગપદાગતા વિયતિ વેગતોઽથ સુરમણ્ડલી
॥2॥
શ્લોક 4
વેણુનાદકૃતતાનદાનકલગાનરાગગતિયોજના-
લોભનીયમૃદુપાદપાતકૃતતાલમેલનમનોહરમ્ ।
પાણિસઙ્ક્વણિતકઙ્કણં ચ મુહુરંસલમ્બિતકરામ્બુજં
શ્રોણિબિમ્બચલદમ્બરં ભજત રાસકેલિરસડમ્બરમ્
॥3॥
શ્લોક 5
સ્પર્ધયા વિરચિતાનુગાનકૃતતારતારમધુરસ્વરે
નર્તનેઽથ લલિતાઙ્ગહારલુલિતાઙ્ગહારમણિભૂષણે ।
સમ્મદેન કૃતપુષ્પવર્ષમલમુન્મિષદ્દિવિષદાં કુલં
ચિન્મયે ત્વયિ નિલીયમાનમિવ સમ્મુમોહ સવધૂકુલમ્
॥4॥
શ્લોક 6
સ્વિન્નસન્નતનુવલ્લરી તદનુ કાપિ નામ પશુપાઙ્ગના
કાન્તમંસમવલમ્બતે સ્મ તવ તાન્તિભારમુકુલેક્ષણા ॥
કાચિદાચલિતકુન્તલા નવપટીરસારઘનસૌરભં
વઞ્ચનેન તવ સઞ્ચુચુમ્બ ભુજમઞ્ચિતોરુપુલકાઙ્કુરા
॥5॥
શ્લોક 7
કાપિ ગણ્ડભુવિ સન્નિધાય નિજગણ્ડમાકુલિતકુણ્ડલં
પુણ્યપૂરનિધિરન્વવાપ તવ પૂગચર્વિતરસામૃતમ્ ।
ઇન્દિરાવિહૃતિમન્દિરં ભુવનસુન્દરં હિ નટનાન્તરે
ત્વામવાપ્ય દધુરઙ્ગનાઃ કિમુ ન સમ્મદોન્મદદશાન્તરમ્
॥6॥
શ્લોક 8
ગાનમીશ વિરતં ક્રમેણ કિલ વાદ્યમેલનમુપારતં
બ્રહ્મસમ્મદરસાકુલાઃ સદસિ કેવલં નનૃતુરઙ્ગનાઃ ।
નાવિદન્નપિ ચ નીવિકાં કિમપિ કુન્તલીમપિ ચ કઞ્ચુલીં
જ્યોતિષામપિ કદમ્બકં દિવિ વિલમ્બિતં કિમપરં બ્રુવે
॥7॥
શ્લોક 9
મોદસીમ્નિ ભુવનં વિલાપ્ય વિહૃતિં સમાપ્ય ચ તતો વિભો
કેલિસમ્મૃદિતનિર્મલાઙ્ગનવઘર્મલેશસુભગાત્મનામ્ ।
મન્મથાસહનચેતસાં પશુપયોષિતાં સુકૃતચોદિત-
સ્તાવદાકલિતમૂર્તિરાદધિથ મારવીરપરમોત્સવાન્
॥8॥
શ્લોક 10
કેલિભેદપરિલોલિતાભિરતિલાલિતાભિરબલાલિભિઃ
સ્વૈરમીશ નનુ સૂરજાપયસિ ચારુનામ વિહૃતિં વ્યધાઃ ।
કાનનેઽપિ ચ વિસારિશીતલકિશોરમારુતમનોહરે
સૂનસૌરભમયે વિલેસિથ વિલાસિનીશતવિમોહનમ્
॥9॥
શ્લોક 11
કામિનીરિતિ હિ યામિનીષુ ખલુ કામનીયકનિધે ભવાન્
પૂર્ણસમ્મદરસાર્ણવં કમપિ યોગિગમ્યમનુભાવયન્ ।
બ્રહ્મશઙ્કરમુખાનપીહ પશુપાઙ્ગનાસુ બહુમાનયન્
ભક્તલોકગમનીયરૂપ કમનીય કૃષ્ણ પરિપાહિ મામ્
॥10॥