Narayaniyam Dashaka 2
નારાયણીયં દશક 2 - ભગવતઃ સ્વરૂપમાધુર્યં તથા ભક્તિમહત્ત્વમ્
Narayaniyam Dashaka 2
નારાયણીયં દશક 2 - ભગવતઃ સ્વરૂપમાધુર્યં તથા ભક્તિમહત્ત્વમ્
શ્લોક 1
સૂર્યસ્પર્ધિકિરીટમૂર્ધ્વતિલકપ્રોદ્ભાસિફાલાન્તરં
કારુણ્યાકુલનેત્રમાર્દ્રહસિતોલ્લાસં સુનાસાપુટમ્।
ગણ્ડોદ્યન્મકરાભકુણ્ડલયુગં કણ્ઠોજ્વલત્કૌસ્તુભં
ત્વદ્રૂપં વનમાલ્યહારપટલશ્રીવત્સદીપ્રં ભજે
શ્લોક 2
કેયૂરાઙ્ગદકઙ્કણોત્તમમહારત્નાઙ્ગુલીયાઙ્કિત-
શ્રીમદ્બાહુચતુષ્કસઙ્ગતગદાશઙ્ખારિપઙ્કેરુહામ્ ।
કાઞ્ચિત્ કાઞ્ચનકાઞ્ચિલાઞ્ચ્છિતલસત્પીતામ્બરાલમ્બિની-
માલમ્બે વિમલામ્બુજદ્યુતિપદાં મૂર્તિં તવાર્તિચ્છિદમ્
॥1॥
શ્લોક 3
યત્ત્ત્રૈલોક્યમહીયસોઽપિ મહિતં સમ્મોહનં મોહનાત્
કાન્તં કાન્તિનિધાનતોઽપિ મધુરં માધુર્યધુર્યાદપિ ।
સૌન્દર્યોત્તરતોઽપિ સુન્દરતરં ત્વદ્રૂપમાશ્ચર્યતોઽ-
પ્યાશ્ચર્યં ભુવને ન કસ્ય કુતુકં પુષ્ણાતિ વિષ્ણો વિભો
॥2॥
શ્લોક 4
તત્તાદૃઙ્મધુરાત્મકં તવ વપુઃ સમ્પ્રાપ્ય સમ્પન્મયી
સા દેવી પરમોત્સુકા ચિરતરં નાસ્તે સ્વભક્તેષ્વપિ ।
તેનાસ્યા બત કષ્ટમચ્યુત વિભો ત્વદ્રૂપમાનોજ્ઞક -
પ્રેમસ્થૈર્યમયાદચાપલબલાચ્ચાપલ્યવાર્તોદભૂત્
॥3॥
શ્લોક 5
લક્ષ્મીસ્તાવકરામણીયકહૃતૈવેયં પરેષ્વસ્થિરે-
ત્યસ્મિન્નન્યદપિ પ્રમાણમધુના વક્ષ્યામિ લક્ષ્મીપતે ।
યે ત્વદ્ધ્યાનગુણાનુકીર્તનરસાસક્તા હિ ભક્તા જના-
સ્તેષ્વેષા વસતિ સ્થિરૈવ દયિતપ્રસ્તાવદત્તાદરા
॥4॥
શ્લોક 6
એવમ્ભૂતમનોજ્ઞતાનવસુધાનિષ્યન્દસન્દોહનં
ત્વદ્રૂપં પરચિદ્રસાયનમયં ચેતોહરં શૃણ્વતામ્ ।
સદ્યઃ પ્રેરયતે મતિં મદયતે રોમાઞ્ચયત્યઙ્ગકં
વ્યાસિઞ્ચત્યપિ શીતવાષ્પવિસરૈરાનન્દમૂર્છોદ્ભવૈઃ
॥5॥
શ્લોક 7
એવમ્ભૂતતયા હિ ભક્ત્યભિહિતો યોગસ્સ યોગદ્વયાત્
કર્મજ્ઞાનમયાત્ ભૃશોત્તમતરો યોગીશ્વરૈર્ગીયતે ।
સૌન્દર્યૈકરસાત્મકે ત્વયિ ખલુ પ્રેમપ્રકર્ષાત્મિકા
ભક્તિર્નિશ્રમમેવ વિશ્વપુરુષૈર્લભ્યા રમાવલ્લભ
॥6॥
શ્લોક 8
નિષ્કામં નિયતસ્વધર્મચરણં યત્ કર્મયોગાભિધં
તદ્દૂરેત્યફલં યદૌપનિષદજ્ઞાનોપલભ્યં પુનઃ ।
તત્ત્વવ્યક્તતયા સુદુર્ગમતરં ચિત્તસ્ય તસ્માદ્વિભો
ત્વત્પ્રેમાત્મકભક્તિરેવ સતતં સ્વાદીયસી શ્રેયસી
॥7॥
શ્લોક 9
અત્યાયાસકરાણિ કર્મપટલાન્યાચર્ય નિર્યન્મલા
બોધે ભક્તિપથેઽથવાઽપ્યુચિતતામાયાન્તિ કિં તાવતા ।
ક્લિષ્ટ્વા તર્કપથે પરં તવ વપુર્બ્રહ્માખ્યમન્યે પુન-
શ્ચિત્તાર્દ્રત્વમૃતે વિચિન્ત્ય બહુભિસ્સિદ્ધ્યન્તિ જન્માન્તરૈઃ
॥8॥
શ્લોક 10
ત્વદ્ભક્તિસ્તુ કથારસામૃતઝરીનિર્મજ્જનેન સ્વયં
સિદ્ધ્યન્તી વિમલપ્રબોધપદવીમક્લેશતસ્તન્વતી ।
સદ્યસ્સિદ્ધિકરી જયત્યયિ વિભો સૈવાસ્તુ મે ત્વત્પદ-
પ્રેમપ્રૌઢિરસાર્દ્રતા દ્રુતતરં વાતાલયાધીશ્વર
॥9॥