Narayaniyam Dashaka 2
নারাযণীযং দশক 2 - ভগবতঃ স্বরূপমাধুর্যং তথা ভক্তিমহত্ত্বম্
Narayaniyam Dashaka 2
নারাযণীযং দশক 2 - ভগবতঃ স্বরূপমাধুর্যং তথা ভক্তিমহত্ত্বম্
শ্লোক 1
সূর্যস্পর্ধিকিরীটমূর্ধ্বতিলকপ্রোদ্ভাসিফালান্তরং
কারুণ্যাকুলনেত্রমার্দ্রহসিতোল্লাসং সুনাসাপুটম্।
গণ্ডোদ্যন্মকরাভকুণ্ডলযুগং কণ্ঠোজ্বলত্কৌস্তুভং
ত্বদ্রূপং বনমাল্যহারপটলশ্রীবত্সদীপ্রং ভজে
শ্লোক 2
কেযূরাঙ্গদকঙ্কণোত্তমমহারত্নাঙ্গুলীযাঙ্কিত-
শ্রীমদ্বাহুচতুষ্কসঙ্গতগদাশঙ্খারিপঙ্কেরুহাম্ ।
কাঞ্চিত্ কাঞ্চনকাঞ্চিলাঞ্চ্ছিতলসত্পীতাম্বরালম্বিনী-
মালম্বে বিমলাম্বুজদ্যুতিপদাং মূর্তিং তবার্তিচ্ছিদম্
॥1॥
শ্লোক 3
যত্ত্ত্রৈলোক্যমহীযসোঽপি মহিতং সম্মোহনং মোহনাত্
কান্তং কান্তিনিধানতোঽপি মধুরং মাধুর্যধুর্যাদপি ।
সৌন্দর্যোত্তরতোঽপি সুন্দরতরং ত্বদ্রূপমাশ্চর্যতোঽ-
প্যাশ্চর্যং ভুবনে ন কস্য কুতুকং পুষ্ণাতি বিষ্ণো বিভো
॥2॥
শ্লোক 4
তত্তাদৃঙ্মধুরাত্মকং তব বপুঃ সম্প্রাপ্য সম্পন্মযী
সা দেবী পরমোত্সুকা চিরতরং নাস্তে স্বভক্তেষ্বপি ।
তেনাস্যা বত কষ্টমচ্যুত বিভো ত্বদ্রূপমানোজ্ঞক -
প্রেমস্থৈর্যমযাদচাপলবলাচ্চাপল্যবার্তোদভূত্
॥3॥
শ্লোক 5
লক্ষ্মীস্তাবকরামণীযকহৃতৈবেযং পরেষ্বস্থিরে-
ত্যস্মিন্নন্যদপি প্রমাণমধুনা বক্ষ্যামি লক্ষ্মীপতে ।
যে ত্বদ্ধ্যানগুণানুকীর্তনরসাসক্তা হি ভক্তা জনা-
স্তেষ্বেষা বসতি স্থিরৈব দযিতপ্রস্তাবদত্তাদরা
॥4॥
শ্লোক 6
এবম্ভূতমনোজ্ঞতানবসুধানিষ্যন্দসন্দোহনং
ত্বদ্রূপং পরচিদ্রসাযনমযং চেতোহরং শৃণ্বতাম্ ।
সদ্যঃ প্রেরযতে মতিং মদযতে রোমাঞ্চযত্যঙ্গকং
ব্যাসিঞ্চত্যপি শীতবাষ্পবিসরৈরানন্দমূর্ছোদ্ভবৈঃ
॥5॥
শ্লোক 7
এবম্ভূততযা হি ভক্ত্যভিহিতো যোগস্স যোগদ্বযাত্
কর্মজ্ঞানমযাত্ ভৃশোত্তমতরো যোগীশ্বরৈর্গীযতে ।
সৌন্দর্যৈকরসাত্মকে ত্বযি খলু প্রেমপ্রকর্ষাত্মিকা
ভক্তির্নিশ্রমমেব বিশ্বপুরুষৈর্লভ্যা রমাবল্লভ
॥6॥
শ্লোক 8
নিষ্কামং নিযতস্বধর্মচরণং যত্ কর্মযোগাভিধং
তদ্দূরেত্যফলং যদৌপনিষদজ্ঞানোপলভ্যং পুনঃ ।
তত্ত্বব্যক্ততযা সুদুর্গমতরং চিত্তস্য তস্মাদ্বিভো
ত্বত্প্রেমাত্মকভক্তিরেব সততং স্বাদীযসী শ্রেযসী
॥7॥
শ্লোক 9
অত্যাযাসকরাণি কর্মপটলান্যাচর্য নির্যন্মলা
বোধে ভক্তিপথেঽথবাঽপ্যুচিততামাযান্তি কিং তাবতা ।
ক্লিষ্ট্বা তর্কপথে পরং তব বপুর্ব্রহ্মাখ্যমন্যে পুন-
শ্চিত্তার্দ্রত্বমৃতে বিচিন্ত্য বহুভিস্সিদ্ধ্যন্তি জন্মান্তরৈঃ
॥8॥
শ্লোক 10
ত্বদ্ভক্তিস্তু কথারসামৃতঝরীনির্মজ্জনেন স্বযং
সিদ্ধ্যন্তী বিমলপ্রবোধপদবীমক্লেশতস্তন্বতী ।
সদ্যস্সিদ্ধিকরী জযত্যযি বিভো সৈবাস্তু মে ত্বত্পদ-
প্রেমপ্রৌঢিরসার্দ্রতা দ্রুততরং বাতালযাধীশ্বর
॥9॥