Narayaniyam Dashaka 1
Narayaniyam Dashaka 1
ଦଶକଂ 1 - ଭଗଵତଃ ସ୍ଵରୂପଂ ତଥା ମାହାତ୍ମ୍ଯମ୍
ଶ୍ଲୋକ 1
ସାନ୍ଦ୍ରାନନ୍ଦାଵବୋଧାତ୍ମକମନୁପମିତଂ କାଲଦେଶାଵଧିଭ୍ଯାଂ
ନିର୍ମୁକ୍ତଂ ନିତ୍ଯମୁକ୍ତଂ ନିଗମଶତସହସ୍ରେଣ ନିର୍ଭାସ୍ଯମାନମ୍ ।
ଅସ୍ପଷ୍ଟଂ ଦୃଷ୍ଟମାତ୍ରେ ପୁନରୁରୁପୁରୁଷାର୍ଥାତ୍ମକଂ ବ୍ରହ୍ମ ତତ୍ଵଂ
ତତ୍ତାଵଦ୍ଭାତି ସାକ୍ଷାଦ୍ ଗୁରୁପଵନପୁରେ ହନ୍ତ ଭାଗ୍ଯଂ ଜନାନାମ୍
ଶ୍ଲୋକ 2
ଏଵନ୍ଦୁର୍ଲଭ୍ଯଵସ୍ତୁନ୍ଯପି ସୁଲଭତଯା ହସ୍ତଲବ୍ଧେ ଯଦନ୍ଯତ୍
ତନ୍ଵା ଵାଚା ଧିଯା ଵା ଭଜତି ବତ ଜନଃ କ୍ଷୁଦ୍ରତୈଵ ସ୍ଫୁଟେଯମ୍ ।
ଏତେ ତାଵଦ୍ଵଯଂ ତୁ ସ୍ଥିରତରମନସା ଵିଶ୍ଵପୀଡାପହତ୍ଯୈ
ନିଶ୍ଶେଷାତ୍ମାନମେନଂ ଗୁରୁପଵନପୁରାଧୀଶମେଵାଶ୍ରଯାମଃ
॥ 1 ॥
ଶ୍ଲୋକ 3
ସତ୍ତ୍ଵଂ ଯତ୍ତତ୍ ପରାଭ୍ଯାମପରିକଲନତୋ ନିର୍ମଲଂ ତେନ ତାଵତ୍
ଭୂତୈର୍ଭୂତେନ୍ଦ୍ରିଯୈସ୍ତେ ଵପୁରିତି ବହୁଶଃ ଶ୍ରୂଯତେ ଵ୍ଯାସଵାକ୍ଯମ୍।
ତତ୍ ସ୍ଵଚ୍ଛ୍ତ୍ଵାଦ୍ଯଦାଚ୍ଛାଦିତପରସୁଖଚିଦ୍ଗର୍ଭନିର୍ଭାସରୂପଂ
ତସ୍ମିନ୍ ଧନ୍ଯା ରମନ୍ତେ ଶ୍ରୁତିମତିମଧୁରେ ସୁଗ୍ରହେ ଵିଗ୍ରହେ ତେ
॥ 2 ॥
ଶ୍ଲୋକ 4
ନିଷ୍କମ୍ପେ ନିତ୍ଯପୂର୍ଣେ ନିରଵଧିପରମାନନ୍ଦପୀଯୂଷରୂପେ
ନିର୍ଲୀନାନେକମୁକ୍ତାଵଲିସୁଭଗତମେ ନିର୍ମଲବ୍ରହ୍ମସିନ୍ଧୌ ।
କଲ୍ଲୋଲୋଲ୍ଲାସତୁଲ୍ଯଂ ଖଲୁ ଵିମଲତରଂ ସତ୍ତ୍ଵମାହୁସ୍ତଦାତ୍ମା
କସ୍ମାନ୍ନୋ ନିଷ୍କଲସ୍ତ୍ଵଂ ସକଲ ଇତି ଵଚସ୍ତ୍ଵତ୍କଲାସ୍ଵେଵ ଭୂମନ୍
॥ 3 ॥
ଶ୍ଲୋକ 5
ନିର୍ଵ୍ଯାପାରୋଽପି ନିଷ୍କାରଣମଜ ଭଜସେ ଯତ୍କ୍ରିଯାମୀକ୍ଷଣାଖ୍ଯାଂ
ତେନୈଵୋଦେତି ଲୀନା ପ୍ରକୃତିରସତିକଲ୍ପାଽପି କଲ୍ପାଦିକାଲେ।
ତସ୍ଯାଃ ସଂଶୁଦ୍ଧମଂଶଂ କମପି ତମତିରୋଧାଯକଂ ସତ୍ତ୍ଵରୂପଂ
ସ ତ୍ଵଂ ଧୃତ୍ଵା ଦଧାସି ସ୍ଵମହିମଵିଭଵାକୁଣ୍ଠ ଵୈକୁଣ୍ଠ ରୂପଂ
॥ 4 ॥
ଶ୍ଲୋକ 6
ତତ୍ତେ ପ୍ରତ୍ଯଗ୍ରଧାରାଧରଲଲିତକଲାଯାଵଲୀକେଲିକାରଂ
ଲାଵଣ୍ଯସ୍ଯୈକସାରଂ ସୁକୃତିଜନଦୃଶାଂ ପୂର୍ଣପୁଣ୍ଯାଵତାରମ୍।
ଲକ୍ଷ୍ମୀନିଶ୍ଶଙ୍କଲୀଲାନିଲଯନମମୃତସ୍ଯନ୍ଦସନ୍ଦୋହମନ୍ତଃ
ସିଞ୍ଚତ୍ ସଞ୍ଚିନ୍ତକାନାଂ ଵପୁରନୁକଲଯେ ମାରୁତାଗାରନାଥ
॥5॥
ଶ୍ଲୋକ 7
କଷ୍ଟା ତେ ସୃଷ୍ଟିଚେଷ୍ଟା ବହୁତରଭଵଖେଦାଵହା ଜୀଵଭାଜା-
ମିତ୍ଯେଵଂ ପୂର୍ଵମାଲୋଚିତମଜିତ ମଯା ନୈଵମଦ୍ଯାଭିଜାନେ।
ନୋଚେଜ୍ଜୀଵାଃ କଥଂ ଵା ମଧୁରତରମିଦଂ ତ୍ଵଦ୍ଵପୁଶ୍ଚିଦ୍ରସାର୍ଦ୍ରଂ
ନେତ୍ରୈଃ ଶ୍ରୋତ୍ରୈଶ୍ଚ ପୀତ୍ଵା ପରମରସସୁଧାମ୍ଭୋଧିପୂରେ ରମେରନ୍
॥6॥
ଶ୍ଲୋକ 8
ନମ୍ରାଣାଂ ସନ୍ନିଧତ୍ତେ ସତତମପି ପୁରସ୍ତୈରନଭ୍ଯର୍ଥିତାନ -
ପ୍ଯର୍ଥାନ୍ କାମାନଜସ୍ରଂ ଵିତରତି ପରମାନନ୍ଦସାନ୍ଦ୍ରାଂ ଗତିଂ ଚ।
ଇତ୍ଥଂ ନିଶ୍ଶେଷଲଭ୍ଯୋ ନିରଵଧିକଫଲଃ ପାରିଜାତୋ ହରେ ତ୍ଵଂ
କ୍ଷୁଦ୍ରଂ ତଂ ଶକ୍ରଵାଟୀଦ୍ରୁମମଭିଲଷତି ଵ୍ଯର୍ଥମର୍ଥିଵ୍ରଜୋଽଯମ୍
॥7॥
ଶ୍ଲୋକ 9
କାରୁଣ୍ଯାତ୍କାମମନ୍ଯଂ ଦଦତି ଖଲୁ ପରେ ସ୍ଵାତ୍ମଦସ୍ତ୍ଵଂ ଵିଶେଷା-
ଦୈଶ୍ଵର୍ଯାଦୀଶତେଽନ୍ଯେ ଜଗତି ପରଜନେ ସ୍ଵାତ୍ମନୋଽପୀଶ୍ଵରସ୍ତ୍ଵମ୍।
ତ୍ଵଯ୍ଯୁଚ୍ଚୈରାରମନ୍ତି ପ୍ରତିପଦମଧୁରେ ଚେତନାଃ ସ୍ଫୀତଭାଗ୍ଯା-
ସ୍ତ୍ଵଂ ଚାତ୍ମାରାମ ଏଵେତ୍ଯତୁଲଗୁଣଗଣାଧାର ଶୌରେ ନମସ୍ତେ
॥8॥
ଶ୍ଲୋକ 10
ଐଶ୍ଵର୍ଯଂ ଶଙ୍କରାଦୀଶ୍ଵରଵିନିଯମନଂ ଵିଶ୍ଵତେଜୋହରାଣାଂ
ତେଜସ୍ସଂହାରି ଵୀର୍ଯଂ ଵିମଲମପି ଯଶୋ ନିସ୍ପୃହୈଶ୍ଚୋପଗୀତମ୍।
ଅଙ୍ଗାସଙ୍ଗା ସଦା ଶ୍ରୀରଖିଲଵିଦସି ନ କ୍ଵାପି ତେ ସଙ୍ଗଵାର୍ତା
ତଦ୍ଵାତାଗାରଵାସିନ୍ ମୁରହର ଭଗଵଚ୍ଛବ୍ଦମୁଖ୍ଯାଶ୍ରଯୋଽସି
॥9॥