Narayaniyam Dashaka 100
నారాయణీయం దశక 100 - భగవతః కేశాదిపాదవర్ణనమ్
Narayaniyam Dashaka 100
నారాయణీయం దశక 100 - భగవతః కేశాదిపాదవర్ణనమ్
శ్లోక 1
అగ్రే పశ్యామి తేజో నిబిడతరకలాయావలీలోభనీయం
పీయూషాప్లావితోఽహం తదను తదుదరే దివ్యకైశోరవేషమ్ ।
తారుణ్యారమ్భరమ్యం పరమసుఖరసాస్వాదరోమాఞ్చితాఙ్గై-
రావీతం నారదాద్యైర్విలసదుపనిషత్సున్దరీమణ్డలైశ్చ
శ్లోక 2
నీలాభం కుఞ్చితాగ్రం ఘనమమలతరం సంయతం చారుభఙ్గ్యా
రత్నోత్తంసాభిరామం వలయితముదయచ్చన్ద్రకైః పిఞ్ఛజాలైః ।
మన్దారస్రఙ్నివీతం తవ పృథుకబరీభారమాలోకయేఽహం
స్నిగ్ధశ్వేతోర్ధ్వపుణ్డ్రామపి చ సులలితాం ఫాలబాలేన్దువీథీమ్ ॥2
హృద్యం పూర్ణానుకమ్పార్ణవమృదులహరీచఞ్చలభ్రూవిలాసై-
రానీలస్నిగ్ధపక్ష్మావలిపరిలసితం నేత్రయుగ్మం విభో తే ।
సాన్ద్రచ్ఛాయం విశాలారుణకమలదలాకారమాముగ్ధతారం
కారుణ్యాలోకలీలాశిశిరితభువనం క్షిప్యతాం మయ్యనాథే
॥1॥
శ్లోక 3
ఉత్తుఙ్గోల్లాసినాసం హరిమణిముకురప్రోల్లసద్గణ్డపాలీ-
వ్యాలోలత్కర్ణపాశాఞ్చితమకరమణీకుణ్డలద్వన్ద్వదీప్రమ్ ।
ఉన్మీలద్దన్తపఙ్క్తిస్ఫురదరుణతరచ్ఛాయబిమ్బాధరాన్తః-
ప్రీతిప్రస్యన్దిమన్దస్మితమధురతరం వక్త్రముద్భాసతాం మే
॥3॥
శ్లోక 4
బాహుద్వన్ద్వేన రత్నోజ్జ్వలవలయభృతా శోణపాణిప్రవాలే-
నోపాత్తాం వేణునాలీ ప్రసృతనఖమయూఖాఙ్గులీసఙ్గశారామ్ ।
కృత్వా వక్త్రారవిన్దే సుమధురవికసద్రాగముద్భావ్యమానైః
శబ్దబ్రహ్మామృతైస్త్వం శిశిరితభువనైః సిఞ్చ మే కర్ణవీథీమ్
॥4॥
శ్లోక 5
ఉత్సర్పత్కౌస్తుభశ్రీతతిభిరరుణితం కోమలం కణ్ఠదేశం
వక్షః శ్రీవత్సరమ్యం తరలతరసముద్దీప్రహారప్రతానమ్ ।
నానావర్ణప్రసూనావలికిసలయినీం వన్యమాలాం విలోల-
ల్లోలమ్బాం లమ్బమానామురసి తవ తథా భావయే రత్నమాలామ్
॥5॥
శ్లోక 6
అఙ్గే పఞ్చాఙ్గరాగైరతిశయవికసత్సౌరభాకృష్టలోకం
లీనానేకత్రిలోకీవితతిమపి కృశాం బిభ్రతం మధ్యవల్లీమ్ ।
శక్రాశ్మన్యస్తతప్తోజ్జ్వలకనకనిభం పీతచేలం దధానం
ధ్యాయామో దీప్తరశ్మిస్ఫుటమణిరశనాకిఙ్కిణీమణ్డితం త్వామ్
॥6॥
శ్లోక 7
ఊరూ చారూ తవోరూ ఘనమసృణరుచౌ చిత్తచోరౌ రమాయాః
విశ్వక్షోభం విశఙ్క్య ధ్రువమనిశముభౌ పీతచేలావృతాఙ్గౌ ।
ఆనమ్రాణాం పురస్తాన్న్యసనధృతసమస్తార్థపాలీసముద్గ-
చ్ఛాయం జానుద్వయం చ క్రమపృథులమనోజ్ఞే చ జఙ్ఘే నిషేవే
॥7॥
శ్లోక 8
మఞ్జీరం మఞ్జునాదైరివ పదభజనం శ్రేయ ఇత్యాలపన్తం
పాదాగ్రం భ్రాన్తిమజ్జత్ప్రణతజనమనోమన్దరోద్ధారకూర్మమ్ ।
ఉత్తుఙ్గాతామ్రరాజన్నఖరహిమకరజ్యోత్స్నయా చాఽశ్రితానాం
సన్తాపధ్వాన్తహన్త్రీం తతిమనుకలయే మఙ్గలామఙ్గులీనామ్
॥8॥
శ్లోక 9
యోగీన్ద్రాణాం త్వదఙ్గేష్వధికసుమధురం ముక్తిభాజాం నివాసో
భక్తానాం కామవర్షద్యుతరుకిసలయం నాథ తే పాదమూలమ్ ।
నిత్యం చిత్తస్థితం మే పవనపురపతే కృష్ణ కారుణ్యసిన్ధో
హృత్వా నిశ్శేషతాపాన్ ప్రదిశతు పరమానన్దసన్దోహలక్ష్మీమ్
॥9॥
శ్లోక 10
అజ్ఞాత్వా తే మహత్వం యదిహ నిగదితం విశ్వనాథ క్షమేథాః
స్తోత్రం చైతత్సహస్రోత్తరమధికతరం త్వత్ప్రసాదాయ భూయాత్ ।
ద్వేధా నారాయణీయం శ్రుతిషు చ జనుషా స్తుత్యతావర్ణనేన
స్ఫీతం లీలావతారైరిదమిహ కురుతామాయురారోగ్యసౌఖ్యమ్
॥10॥