നാരായണീയം ദശക 100 - ഭഗവതഃ കേശാദിപാദവര്ണനമ്

നാരായണീയം ദശക 100 - ഭഗവതഃ കേശാദിപാദവര്ണനമ്

ശ്ലോക 1

അഗ്രേ പശ്യാമി തേജോ നിബിഡതരകലായാവലീലോഭനീയം

പീയൂഷാപ്ലാവിതോഽഹം തദനു തദുദരേ ദിവ്യകൈശോരവേഷമ് ।

താരുണ്യാരമ്ഭരമ്യം പരമസുഖരസാസ്വാദരോമാഞ്ചിതാങ്ഗൈ-

രാവീതം നാരദാദ്യൈര്വിലസദുപനിഷത്സുന്ദരീമണ്ഡലൈശ്ച

ശ്ലോക 2

നീലാഭം കുഞ്ചിതാഗ്രം ഘനമമലതരം സംയതം ചാരുഭങ്ഗ്യാ

രത്നോത്തംസാഭിരാമം വലയിതമുദയച്ചന്ദ്രകൈഃ പിഞ്ഛജാലൈഃ ।

മന്ദാരസ്രങ്നിവീതം തവ പൃഥുകബരീഭാരമാലോകയേഽഹം

സ്നിഗ്ധശ്വേതോര്ധ്വപുണ്ഡ്രാമപി ച സുലലിതാം ഫാലബാലേന്ദുവീഥീമ് ॥2

ഹൃദ്യം പൂര്ണാനുകമ്പാര്ണവമൃദുലഹരീചഞ്ചലഭ്രൂവിലാസൈ-

രാനീലസ്നിഗ്ധപക്ഷ്മാവലിപരിലസിതം നേത്രയുഗ്മം വിഭോ തേ ।

സാന്ദ്രച്ഛായം വിശാലാരുണകമലദലാകാരമാമുഗ്ധതാരം

കാരുണ്യാലോകലീലാശിശിരിതഭുവനം ക്ഷിപ്യതാം മയ്യനാഥേ

॥1॥

ശ്ലോക 3

ഉത്തുങ്ഗോല്ലാസിനാസം ഹരിമണിമുകുരപ്രോല്ലസദ്ഗണ്ഡപാലീ-

വ്യാലോലത്കര്ണപാശാഞ്ചിതമകരമണീകുണ്ഡലദ്വന്ദ്വദീപ്രമ് ।

ഉന്മീലദ്ദന്തപങ്ക്തിസ്ഫുരദരുണതരച്ഛായബിമ്ബാധരാന്തഃ-

പ്രീതിപ്രസ്യന്ദിമന്ദസ്മിതമധുരതരം വക്ത്രമുദ്ഭാസതാം മേ

॥3॥

ശ്ലോക 4

ബാഹുദ്വന്ദ്വേന രത്നോജ്ജ്വലവലയഭൃതാ ശോണപാണിപ്രവാലേ-

നോപാത്താം വേണുനാലീ പ്രസൃതനഖമയൂഖാങ്ഗുലീസങ്ഗശാരാമ് ।

കൃത്വാ വക്ത്രാരവിന്ദേ സുമധുരവികസദ്രാഗമുദ്ഭാവ്യമാനൈഃ

ശബ്ദബ്രഹ്മാമൃതൈസ്ത്വം ശിശിരിതഭുവനൈഃ സിഞ്ച മേ കര്ണവീഥീമ്

॥4॥

ശ്ലോക 5

ഉത്സര്പത്കൌസ്തുഭശ്രീതതിഭിരരുണിതം കോമലം കണ്ഠദേശം

വക്ഷഃ ശ്രീവത്സരമ്യം തരലതരസമുദ്ദീപ്രഹാരപ്രതാനമ് ।

നാനാവര്ണപ്രസൂനാവലികിസലയിനീം വന്യമാലാം വിലോല-

ല്ലോലമ്ബാം ലമ്ബമാനാമുരസി തവ തഥാ ഭാവയേ രത്നമാലാമ്

॥5॥

ശ്ലോക 6

അങ്ഗേ പഞ്ചാങ്ഗരാഗൈരതിശയവികസത്സൌരഭാകൃഷ്ടലോകം

ലീനാനേകത്രിലോകീവിതതിമപി കൃശാം ബിഭ്രതം മധ്യവല്ലീമ് ।

ശക്രാശ്മന്യസ്തതപ്തോജ്ജ്വലകനകനിഭം പീതചേലം ദധാനം

ധ്യായാമോ ദീപ്തരശ്മിസ്ഫുടമണിരശനാകിങ്കിണീമണ്ഡിതം ത്വാമ്

॥6॥

ശ്ലോക 7

ഊരൂ ചാരൂ തവോരൂ ഘനമസൃണരുചൌ ചിത്തചോരൌ രമായാഃ

വിശ്വക്ഷോഭം വിശങ്ക്യ ധ്രുവമനിശമുഭൌ പീതചേലാവൃതാങ്ഗൌ ।

ആനമ്രാണാം പുരസ്താന്ന്യസനധൃതസമസ്താര്ഥപാലീസമുദ്ഗ-

ച്ഛായം ജാനുദ്വയം ച ക്രമപൃഥുലമനോജ്ഞേ ച ജങ്ഘേ നിഷേവേ

॥7॥

ശ്ലോക 8

മഞ്ജീരം മഞ്ജുനാദൈരിവ പദഭജനം ശ്രേയ ഇത്യാലപന്തം

പാദാഗ്രം ഭ്രാന്തിമജ്ജത്പ്രണതജനമനോമന്ദരോദ്ധാരകൂര്മമ് ।

ഉത്തുങ്ഗാതാമ്രരാജന്നഖരഹിമകരജ്യോത്സ്നയാ ചാഽശ്രിതാനാം

സന്താപധ്വാന്തഹന്ത്രീം തതിമനുകലയേ മങ്ഗലാമങ്ഗുലീനാമ്

॥8॥

ശ്ലോക 9

യോഗീന്ദ്രാണാം ത്വദങ്ഗേഷ്വധികസുമധുരം മുക്തിഭാജാം നിവാസോ

ഭക്താനാം കാമവര്ഷദ്യുതരുകിസലയം നാഥ തേ പാദമൂലമ് ।

നിത്യം ചിത്തസ്ഥിതം മേ പവനപുരപതേ കൃഷ്ണ കാരുണ്യസിന്ധോ

ഹൃത്വാ നിശ്ശേഷതാപാന് പ്രദിശതു പരമാനന്ദസന്ദോഹലക്ഷ്മീമ്

॥9॥

ശ്ലോക 10

അജ്ഞാത്വാ തേ മഹത്വം യദിഹ നിഗദിതം വിശ്വനാഥ ക്ഷമേഥാഃ

സ്തോത്രം ചൈതത്സഹസ്രോത്തരമധികതരം ത്വത്പ്രസാദായ ഭൂയാത് ।

ദ്വേധാ നാരായണീയം ശ്രുതിഷു ച ജനുഷാ സ്തുത്യതാവര്ണനേന

സ്ഫീതം ലീലാവതാരൈരിദമിഹ കുരുതാമായുരാരോഗ്യസൌഖ്യമ്

॥10॥

ശ്ലോക 11