নারাযণীযং দশক 100 - ভগবতঃ কেশাদিপাদবর্ণনম্

নারাযণীযং দশক 100 - ভগবতঃ কেশাদিপাদবর্ণনম্

শ্লোক 1

অগ্রে পশ্যামি তেজো নিবিডতরকলাযাবলীলোভনীযং

পীযূষাপ্লাবিতোঽহং তদনু তদুদরে দিব্যকৈশোরবেষম্ ।

তারুণ্যারম্ভরম্যং পরমসুখরসাস্বাদরোমাঞ্চিতাঙ্গৈ-

রাবীতং নারদাদ্যৈর্বিলসদুপনিষত্সুন্দরীমণ্ডলৈশ্চ

শ্লোক 2

নীলাভং কুঞ্চিতাগ্রং ঘনমমলতরং সংযতং চারুভঙ্গ্যা

রত্নোত্তংসাভিরামং বলযিতমুদযচ্চন্দ্রকৈঃ পিঞ্ছজালৈঃ ।

মন্দারস্রঙ্নিবীতং তব পৃথুকবরীভারমালোকযেঽহং

স্নিগ্ধশ্বেতোর্ধ্বপুণ্ড্রামপি চ সুললিতাং ফালবালেন্দুবীথীম্ ॥2

হৃদ্যং পূর্ণানুকম্পার্ণবমৃদুলহরীচঞ্চলভ্রূবিলাসৈ-

রানীলস্নিগ্ধপক্ষ্মাবলিপরিলসিতং নেত্রযুগ্মং বিভো তে ।

সান্দ্রচ্ছাযং বিশালারুণকমলদলাকারমামুগ্ধতারং

কারুণ্যালোকলীলাশিশিরিতভুবনং ক্ষিপ্যতাং ময্যনাথে

॥1॥

শ্লোক 3

উত্তুঙ্গোল্লাসিনাসং হরিমণিমুকুরপ্রোল্লসদ্গণ্ডপালী-

ব্যালোলত্কর্ণপাশাঞ্চিতমকরমণীকুণ্ডলদ্বন্দ্বদীপ্রম্ ।

উন্মীলদ্দন্তপঙ্ক্তিস্ফুরদরুণতরচ্ছাযবিম্বাধরান্তঃ-

প্রীতিপ্রস্যন্দিমন্দস্মিতমধুরতরং বক্ত্রমুদ্ভাসতাং মে

॥3॥

শ্লোক 4

বাহুদ্বন্দ্বেন রত্নোজ্জ্বলবলযভৃতা শোণপাণিপ্রবালে-

নোপাত্তাং বেণুনালী প্রসৃতনখমযূখাঙ্গুলীসঙ্গশারাম্ ।

কৃত্বা বক্ত্রারবিন্দে সুমধুরবিকসদ্রাগমুদ্ভাব্যমানৈঃ

শব্দব্রহ্মামৃতৈস্ত্বং শিশিরিতভুবনৈঃ সিঞ্চ মে কর্ণবীথীম্

॥4॥

শ্লোক 5

উত্সর্পত্কৌস্তুভশ্রীততিভিররুণিতং কোমলং কণ্ঠদেশং

বক্ষঃ শ্রীবত্সরম্যং তরলতরসমুদ্দীপ্রহারপ্রতানম্ ।

নানাবর্ণপ্রসূনাবলিকিসলযিনীং বন্যমালাং বিলোল-

ল্লোলম্বাং লম্বমানামুরসি তব তথা ভাবযে রত্নমালাম্

॥5॥

শ্লোক 6

অঙ্গে পঞ্চাঙ্গরাগৈরতিশযবিকসত্সৌরভাকৃষ্টলোকং

লীনানেকত্রিলোকীবিততিমপি কৃশাং বিভ্রতং মধ্যবল্লীম্ ।

শক্রাশ্মন্যস্ততপ্তোজ্জ্বলকনকনিভং পীতচেলং দধানং

ধ্যাযামো দীপ্তরশ্মিস্ফুটমণিরশনাকিঙ্কিণীমণ্ডিতং ত্বাম্

॥6॥

শ্লোক 7

ঊরূ চারূ তবোরূ ঘনমসৃণরুচৌ চিত্তচোরৌ রমাযাঃ

বিশ্বক্ষোভং বিশঙ্ক্য ধ্রুবমনিশমুভৌ পীতচেলাবৃতাঙ্গৌ ।

আনম্রাণাং পুরস্তান্ন্যসনধৃতসমস্তার্থপালীসমুদ্গ-

চ্ছাযং জানুদ্বযং চ ক্রমপৃথুলমনোজ্ঞে চ জঙ্ঘে নিষেবে

॥7॥

শ্লোক 8

মঞ্জীরং মঞ্জুনাদৈরিব পদভজনং শ্রেয ইত্যালপন্তং

পাদাগ্রং ভ্রান্তিমজ্জত্প্রণতজনমনোমন্দরোদ্ধারকূর্মম্ ।

উত্তুঙ্গাতাম্ররাজন্নখরহিমকরজ্যোত্স্নযা চাঽশ্রিতানাং

সন্তাপধ্বান্তহন্ত্রীং ততিমনুকলযে মঙ্গলামঙ্গুলীনাম্

॥8॥

শ্লোক 9

যোগীন্দ্রাণাং ত্বদঙ্গেষ্বধিকসুমধুরং মুক্তিভাজাং নিবাসো

ভক্তানাং কামবর্ষদ্যুতরুকিসলযং নাথ তে পাদমূলম্ ।

নিত্যং চিত্তস্থিতং মে পবনপুরপতে কৃষ্ণ কারুণ্যসিন্ধো

হৃত্বা নিশ্শেষতাপান্ প্রদিশতু পরমানন্দসন্দোহলক্ষ্মীম্

॥9॥

শ্লোক 10

অজ্ঞাত্বা তে মহত্বং যদিহ নিগদিতং বিশ্বনাথ ক্ষমেথাঃ

স্তোত্রং চৈতত্সহস্রোত্তরমধিকতরং ত্বত্প্রসাদায ভূযাত্ ।

দ্বেধা নারাযণীযং শ্রুতিষু চ জনুষা স্তুত্যতাবর্ণনেন

স্ফীতং লীলাবতারৈরিদমিহ কুরুতামাযুরারোগ্যসৌখ্যম্

॥10॥

শ্লোক 11