നാരായണ കവചമ്

നാരായണ കവചമ്

ശ്ലോക 1

ന്യാസഃ

അങ്ഗന്യാസഃ

ഓം ഓം പാദയോഃ നമഃ ।

ഓം നം ജാനുനോഃ നമഃ ।

ഓം മോം ഊര്വോഃ നമഃ ।

ഓം നാം ഉദരേ നമഃ ।

ഓം രാം ഹൃദി നമഃ ।

ഓം യം ഉരസി നമഃ ।

ഓം ണാം മുഖേ നമഃ ।

ഓം യം ശിരസി നമഃ ।

കരന്യാസഃ

ഓം ഓം ദക്ഷിണതര്ജന്യാം നമഃ ।

ഓം നം ദക്ഷിണമധ്യമായാം നമഃ ।

ഓം മോം ദക്ഷിണാനാമികായാം നമഃ ।

ഓം ഭം ദക്ഷിണകനിഷ്ഠികായാം നമഃ ।

ഓം ഗം വാമകനിഷ്ഠികായാം നമഃ ।

ഓം വം വാമാനികായാം നമഃ ।

ഓം തേം വാമമധ്യമായാം നമഃ ।

ഓം വാം വാമതര്ജന്യാം നമഃ ।

ഓം സും ദക്ഷിണാങ്ഗുഷ്ഠോര്ധ്വപര്വണി നമഃ ।

ഓം ദേം ദക്ഷിണാങ്ഗുഷ്ഠാധഃ പര്വണി നമഃ ।

ഓം വാം വാമാങ്ഗുഷ്ഠോര്ധ്വപര്വണി നമഃ ।

ഓം യം വാമാങ്ഗുഷ്ഠാധഃ പര്വണി നമഃ ।

വിഷ്ണുഷഡക്ഷരന്യാസഃ

ഓം ഓം ഹൃദയേ നമഃ ।

ഓം വിം മൂര്ധ്നൈ നമഃ ।

ഓം ഷം ഭ്രുര്വോര്മധ്യേ നമഃ ।

ഓം ണം ശിഖായാം നമഃ ।

ഓം വേം നേത്രയോഃ നമഃ ।

ഓം നം സര്വസന്ധിഷു നമഃ ।

ഓം മഃ പ്രാച്യാം അസ്ത്രായ ഫട് ।

ഓം മഃ ആഗ്നേയ്യാം അസ്ത്രായ ഫട് ।

ഓം മഃ ദക്ഷിണസ്യാം അസ്ത്രായ ഫട് ।

ഓം മഃ നൈഋത്യേ അസ്ത്രായ ഫട് ।

ഓം മഃ പ്രതീച്യാം അസ്ത്രായ ഫട് ।

ഓം മഃ വായവ്യേ അസ്ത്രായ ഫട് ।

ഓം മഃ ഉദീച്യാം അസ്ത്രായ ഫട് ।

ഓം മഃ ഐശാന്യാം അസ്ത്രായ ഫട് ।

ഓം മഃ ഊര്ധ്വായാം അസ്ത്രായ ഫട് ।

ഓം മഃ അധരായാം അസ്ത്രായ ഫട് ।

ശ്രീ ഹരിഃ

അഥ ശ്രീനാരായണകവച

രാജോവാച

യയാ ഗുപ്തഃ സഹസ്രാക്ഷഃ സവാഹാന് രിപുസൈനികാന് ।

ക്രീഡന്നിവ വിനിര്ജിത്യ ത്രിലോക്യാ ബുഭുജേ ശ്രിയമ്

ശ്ലോക 2

ഭഗവംസ്തന്മമാഖ്യാഹി വര്മ നാരായണാത്മകമ് ।

യഥാഽഽതതായിനഃ ശത്രൂന് യേന ഗുപ്തോഽജയന്മൃധേ

॥ 1 ॥

ശ്ലോക 3

ശ്രീ ശുക ഉവാച

വൃതഃ പുരോഹിതസ്ത്വാഷ്ട്രോ മഹേന്ദ്രായാനുപൃച്ഛതേ ।

നാരായണാഖ്യം വര്മാഹ തദിഹൈകമനാഃ ശൃണു

॥ 2 ॥

ശ്ലോക 4

ശ്രീവിശ്വരൂപ ഉവാച

ധൌതാങ്ഘ്രിപാണിരാചമ്യ സപവിത്ര ഉദങ്മുഖഃ ।

കൃതസ്വാങ്ഗകരന്യാസോ മന്ത്രാഭ്യാം വാഗ്യതഃ ശുചിഃ

॥ 3 ॥

ശ്ലോക 5

നാരായണമയം വര്മ സന്നഹ്യേദ്ഭയ ആഗതേ ।

ദൈവഭൂതാത്മകര്മഭ്യോ നാരായണമയഃ പുമാന്

॥ 4 ॥

ശ്ലോക 6

പാദയോര്ജാനുനോരൂര്വോരുദരേ ഹൃദ്യഥോരസി ।

മുഖേ ശിരസ്യാനുപൂര്വ്യാദോങ്കാരാദീനി വിന്യസേത്

॥ 5 ॥

ശ്ലോക 7

ഓം നമോ നാരായണായേതി വിപര്യയമഥാപി വാ ।

കരന്യാസം തതഃ കുര്യാദ്ദ്വാദശാക്ഷരവിദ്യയാ

॥ 6 ॥

ശ്ലോക 8

പ്രണവാദിയകാരാന്തമങ്ഗുല്യങ്ഗുഷ്ഠപര്വസു ।

ന്യസേദ്ധൃദയ ഓങ്കാരം വികാരമനു മൂര്ധനി

॥ 7 ॥

ശ്ലോക 9

ഷകാരം തു ഭ്രുവോര്മധ്യേ ണകാരം ശിഖയാ ന്യസേത് ।

വേകാരം നേത്രയോര്യുഞ്ജ്യാന്നകാരം സര്വസന്ധിഷു

॥ 8 ॥

ശ്ലോക 10

മകാരമസ്ത്രമുദ്ദിശ്യ മന്ത്രമൂര്തിര്ഭവേദ്ബുധഃ ।

സവിസര്ഗം ഫഡന്തം തത്സര്വദിക്ഷു വിനിര്ദിശേത്

॥ 9 ॥

ശ്ലോക 11

ഓം വിഷ്ണവേ നമഃ ॥

ഇത്യാത്മാനം പരം ധ്യായേദ്ധ്യേയം ഷട്ഛക്തിഭിര്യുതമ് ।

വിദ്യാതേജസ്തപോമൂര്തിമിമം മന്ത്രമുദാഹരേത്

॥ 10 ॥

ശ്ലോക 12

ഓം ഹരിര്വിദധ്യാന്മമ സര്വരക്ഷാം

ന്യസ്താങ്ഘ്രിപദ്മഃ പതഗേന്ദ്ര പൃഷ്ഠേ ।

ദരാരിചര്മാസിഗദേഷുചാപ-

-പാശാന്ദധാനോഽഷ്ടഗുണോഽഷ്ടബാഹുഃ

॥ 11 ॥

ശ്ലോക 13

ജലേഷു മാം രക്ഷതു മത്സ്യമൂര്തി-

-ര്യാദോഗണേഭ്യോ വരുണസ്യ പാശാത് ।

സ്ഥലേഷു മായാവടുവാമനോഽവ്യാ-

-ത്ത്രിവിക്രമഃ ഖേഽവതു വിശ്വരൂപഃ

॥ 12 ॥

ശ്ലോക 14

ദുര്ഗേഷ്വടവ്യാജിമുഖാദിഷു പ്രഭുഃ

പായാന്നൃസിംഹോഽസുരയൂഥപാരിഃ ।

വിമുഞ്ചതോ യസ്യ മഹാട്ടഹാസം

ദിശോ വിനേദുര്ന്യപതംശ്ച ഗര്ഭാഃ

॥ 13 ॥

ശ്ലോക 15

രക്ഷത്വസൌ മാധ്വനി യജ്ഞകല്പഃ

സ്വദംഷ്ട്രയോന്നീതധരോ വരാഹഃ ।

രാമോഽദ്രികൂടേഷ്വഥ വിപ്രവാസേ

സലക്ഷ്മണോഽവ്യാദ്ഭരതാഗ്രജോഽസ്മാന്

॥ 14 ॥

ശ്ലോക 16

മാമുഗ്രധര്മാദഖിലാത്പ്രമാദാ-

-ന്നാരായണഃ പാതു നരശ്ച ഹാസാത് ।

ദത്തസ്ത്വയോഗാദഥ യോഗനാഥഃ

പായാദ്ഗുണേശഃ കപിലഃ കര്മബന്ധാത്

॥ 15 ॥

ശ്ലോക 17

സനത്കുമാരോഽവതു കാമദേവാ-

-ദ്ധയാനനോ മാം പഥി ദേവഹേലനാത് ।

ദേവര്ഷിവര്യഃ പുരുഷാര്ചനാന്തരാ-

-ത്കൂര്മോ ഹരിര്മാം നിരയാദശേഷാത്

॥ 16 ॥

ശ്ലോക 18

ധന്വന്തരിര്ഭഗവാന്പാത്വപഥ്യാ-

-ദ്ദ്വന്ദ്വാദ്ഭയാദൃഷഭോ നിര്ജിതാത്മാ ।

യജ്ഞശ്ച ലോകാദവതാജ്ജനാന്താ-

-ദ്ബലോ ഗണാത്ക്രോധവശാദഹീന്ദ്രഃ

॥ 17 ॥

ശ്ലോക 19

ദ്വൈപായനോ ഭഗവാനപ്രബോധാ-

-ദ്ബുദ്ധസ്തു പാഷണ്ഡഗണാത്പ്രമാദാത് ।

കല്കിഃ കലേഃ കാലമലാത്പ്രപാതു

ധര്മാവനായോരുകൃതാവതാരഃ

॥ 18 ॥

ശ്ലോക 20

മാം കേശവോ ഗദയാ പ്രാതരവ്യാ-

-ദ്ഗോവിന്ദ ആസങ്ഗവമാത്തവേണുഃ ।

നാരായണഃ പ്രാഹ്ണ ഉദാത്തശക്തി-

-ര്മധ്യന്ദിനേ വിഷ്ണുരരീന്ദ്രപാണിഃ

॥ 19 ॥

ശ്ലോക 21

ദേവോഽപരാഹ്ണേ മധുഹോഗ്രധന്വാ

സായം ത്രിധാമാവതു മാധവോ മാമ് ।

ദോഷേ ഹൃഷീകേശ ഉതാര്ധരാത്രേ

നിശീഥ ഏകോഽവതു പദ്മനാഭഃ

॥ 20 ॥

ശ്ലോക 22

ശ്രീവത്സധാമാഽപരരാത്ര ഈശഃ

പ്രത്യുഷ ഈശോഽസിധരോ ജനാര്ദനഃ ।

ദാമോദരോഽവ്യാദനുസന്ധ്യം പ്രഭാതേ

വിശ്വേശ്വരോ ഭഗവാന്കാലമൂര്തിഃ

॥ 21 ॥

ശ്ലോക 23

ചക്രം യുഗാന്താനലതിഗ്മനേമി

ഭ്രമത്സമന്താദ്ഭഗവത്പ്രയുക്തമ് ।

ദന്ദഗ്ധി ദന്ദഗ്ധ്യരിസൈന്യമാശു

കക്ഷം യഥാ വാതസഖോ ഹുതാശഃ

॥ 22 ॥

ശ്ലോക 24

ഗദേഽശനിസ്പര്ശനവിസ്ഫുലിങ്ഗേ

നിഷ്പിണ്ഢി നിഷ്പിണ്ഢ്യജിതപ്രിയാസി ।

കൂഷ്മാണ്ഡവൈനായകയക്ഷരക്ഷോ

ഭൂതഗ്രഹാംശ്ചൂര്ണയ ചൂര്ണയാരീന്

॥ 23 ॥

ശ്ലോക 25

ത്വം യാതുധാനപ്രമഥപ്രേതമാതൃ-

-പിശാചവിപ്രഗ്രഹഘോരദൃഷ്ടീന് ।

ദരേന്ദ്ര വിദ്രാവയ കൃഷ്ണപൂരിതോ

ഭീമസ്വനോഽരേര്ഹൃദയാനി കമ്പയന്

॥ 24 ॥

ശ്ലോക 26

ത്വം തിഗ്മധാരാസിവരാരിസൈന്യ-

-മീശപ്രയുക്തോ മമ ഛിന്ധി ഛിന്ധി ।

ചക്ഷൂംഷി ചര്മന് ശതചന്ദ്ര ഛാദയ

ദ്വിഷാമഘോനാം ഹര പാപചക്ഷുഷാമ്

॥ 25 ॥

ശ്ലോക 27

യന്നോ ഭയം ഗ്രഹേഭ്യോഽഭൂത്കേതുഭ്യോ നൃഭ്യ ഏവ ച ।

സരീസൃപേഭ്യോ ദംഷ്ട്രിഭ്യോ ഭൂതേഭ്യോഽഘേഭ്യ ഏവ ച

॥ 26 ॥

ശ്ലോക 28

സര്വാണ്യേതാനി ഭഗവന്നാമരൂപാസ്ത്രകീര്തനാത് ।

പ്രയാന്തു സങ്ക്ഷയം സദ്യോ യേ നഃ ശ്രേയഃപ്രതീപകാഃ

॥ 27 ॥

ശ്ലോക 29

ഗരുഡോ ഭഗവാന് സ്തോത്രസ്തോമശ്ഛന്ദോമയഃ പ്രഭുഃ ।

രക്ഷത്വശേഷകൃച്ഛ്രേഭ്യോ വിഷ്വക്സേനഃ സ്വനാമഭിഃ

॥ 28 ॥

ശ്ലോക 30

സര്വാപദ്ഭ്യോ ഹരേര്നാമരൂപയാനായുധാനി നഃ ।

ബുദ്ധീന്ദ്രിയമനഃപ്രാണാന്പാന്തു പാര്ഷദഭൂഷണാഃ

॥ 29 ॥

ശ്ലോക 31

യഥാ ഹി ഭഗവാനേവ വസ്തുതഃ സദസച്ച യത് ।

സത്യേനാനേന നഃ സര്വേ യാന്തു നാശമുപദ്രവാഃ

॥ 30 ॥

ശ്ലോക 32

യഥൈകാത്മ്യാനുഭാവാനാം വികല്പരഹിതഃ സ്വയമ് ।

ഭൂഷണായുധലിങ്ഗാഖ്യാ ധത്തേ ശക്തീഃ സ്വമായയാ

॥ 31 ॥

ശ്ലോക 33

തേനൈവ സത്യമാനേന സര്വജ്ഞോ ഭഗവാന് ഹരിഃ ।

പാതു സര്വൈഃ സ്വരൂപൈര്നഃ സദാ സര്വത്ര സര്വഗഃ

॥ 32 ॥

ശ്ലോക 34

വിദിക്ഷു ദിക്ഷൂര്ധ്വമധഃ സമന്താ-

-ദന്തര്ബഹിര്ഭഗവാന്നാരസിംഹഃ ।

പ്രഹാപയഁല്ലോകഭയം സ്വനേന

സ്വതേജസാ ഗ്രസ്തസമസ്തതേജാഃ

॥ 33 ॥

ശ്ലോക 35

മഘവന്നിദമാഖ്യാതം വര്മ നാരായണാത്മകമ് ।

വിജേഷ്യസ്യഞ്ജസാ യേന ദംശിതോഽസുരയൂഥപാന്

॥ 34 ॥

ശ്ലോക 36

ഏതദ്ധാരയമാണസ്തു യം യം പശ്യതി ചക്ഷുഷാ ।

പദാ വാ സംസ്പൃശേത്സദ്യഃ സാധ്വസാത്സ വിമുച്യതേ

॥ 35 ॥

ശ്ലോക 37

ന കുതശ്ചിദ്ഭയം തസ്യ വിദ്യാം ധാരയതോ ഭവേത് ।

രാജദസ്യുഗ്രഹാദിഭ്യോ വ്യാധ്യാദിഭ്യശ്ച കര്ഹിചിത്

॥ 36 ॥

ശ്ലോക 38

ഇമാം വിദ്യാം പുരാ കശ്ചിത്കൌശികോ ധാരയന് ദ്വിജഃ ।

യോഗധാരണയാ സ്വാങ്ഗം ജഹൌ സ മരുധന്വനി

॥ 37 ॥

ശ്ലോക 39

തസ്യോപരി വിമാനേന ഗന്ധര്വപതിരേകദാ ।

യയൌ ചിത്രരഥഃ സ്ത്രീഭിര്വൃതോ യത്ര ദ്വിജക്ഷയഃ

॥ 38 ॥

ശ്ലോക 40

ഗഗനാന്ന്യപതത്സദ്യഃ സവിമാനോ ഹ്യവാക്ഛിരാഃ ।

സ വാലഖില്യവചനാദസ്ഥീന്യാദായ വിസ്മിതഃ ।

പ്രാപ്യ പ്രാച്യാം സരസ്വത്യാം സ്നാത്വാ ധാമ സ്വമന്വഗാത്

॥ 39 ॥

ശ്ലോക 41

ശ്രീ ശുക ഉവാച

യ ഇദം ശൃണുയാത്കാലേ യോ ധാരയതി ചാദൃതഃ ।

തം നമസ്യന്തി ഭൂതാനി മുച്യതേ സര്വതോ ഭയാത്

॥ 40 ॥

ശ്ലോക 42

ഏതാം വിദ്യാമധിഗതോ വിശ്വരൂപാച്ഛതക്രതുഃ ।

ത്രൈലോക്യലക്ഷ്മീം ബുഭുജേ വിനിര്ജിത്യ മൃധേഽസുരാന്

॥ 41 ॥

ശ്ലോക 43

ഇതി ശ്രീമദ്ഭാഗവതേ മഹാപുരാണേ ഷഷ്ഠസ്കന്ധേ നാരായണവര്മോപദേശോ നാമാഷ്ടമോഽധ്യായഃ ।