નારાયણ કવચમ્

નારાયણ કવચમ્

શ્લોક 1

ન્યાસઃ

અઙ્ગન્યાસઃ

ૐ ૐ પાદયોઃ નમઃ ।

ૐ નં જાનુનોઃ નમઃ ।

ૐ મોં ઊર્વોઃ નમઃ ।

ૐ નાં ઉદરે નમઃ ।

ૐ રાં હૃદિ નમઃ ।

ૐ યં ઉરસિ નમઃ ।

ૐ ણાં મુખે નમઃ ।

ૐ યં શિરસિ નમઃ ।

કરન્યાસઃ

ૐ ૐ દક્ષિણતર્જન્યાં નમઃ ।

ૐ નં દક્ષિણમધ્યમાયાં નમઃ ।

ૐ મોં દક્ષિણાનામિકાયાં નમઃ ।

ૐ ભં દક્ષિણકનિષ્ઠિકાયાં નમઃ ।

ૐ ગં વામકનિષ્ઠિકાયાં નમઃ ।

ૐ વં વામાનિકાયાં નમઃ ।

ૐ તેં વામમધ્યમાયાં નમઃ ।

ૐ વાં વામતર્જન્યાં નમઃ ।

ૐ સું દક્ષિણાઙ્ગુષ્ઠોર્ધ્વપર્વણિ નમઃ ।

ૐ દેં દક્ષિણાઙ્ગુષ્ઠાધઃ પર્વણિ નમઃ ।

ૐ વાં વામાઙ્ગુષ્ઠોર્ધ્વપર્વણિ નમઃ ।

ૐ યં વામાઙ્ગુષ્ઠાધઃ પર્વણિ નમઃ ।

વિષ્ણુષડક્ષરન્યાસઃ

ૐ ૐ હૃદયે નમઃ ।

ૐ વિં મૂર્ધ્નૈ નમઃ ।

ૐ ષં ભ્રુર્વોર્મધ્યે નમઃ ।

ૐ ણં શિખાયાં નમઃ ।

ૐ વેં નેત્રયોઃ નમઃ ।

ૐ નં સર્વસન્ધિષુ નમઃ ।

ૐ મઃ પ્રાચ્યાં અસ્ત્રાય ફટ્ ।

ૐ મઃ આગ્નેય્યાં અસ્ત્રાય ફટ્ ।

ૐ મઃ દક્ષિણસ્યાં અસ્ત્રાય ફટ્ ।

ૐ મઃ નૈઋત્યે અસ્ત્રાય ફટ્ ।

ૐ મઃ પ્રતીચ્યાં અસ્ત્રાય ફટ્ ।

ૐ મઃ વાયવ્યે અસ્ત્રાય ફટ્ ।

ૐ મઃ ઉદીચ્યાં અસ્ત્રાય ફટ્ ।

ૐ મઃ ઐશાન્યાં અસ્ત્રાય ફટ્ ।

ૐ મઃ ઊર્ધ્વાયાં અસ્ત્રાય ફટ્ ।

ૐ મઃ અધરાયાં અસ્ત્રાય ફટ્ ।

શ્રી હરિઃ

અથ શ્રીનારાયણકવચ

રાજોવાચ

યયા ગુપ્તઃ સહસ્રાક્ષઃ સવાહાન્ રિપુસૈનિકાન્ ।

ક્રીડન્નિવ વિનિર્જિત્ય ત્રિલોક્યા બુભુજે શ્રિયમ્

શ્લોક 2

ભગવંસ્તન્મમાખ્યાહિ વર્મ નારાયણાત્મકમ્ ।

યથાઽઽતતાયિનઃ શત્રૂન્ યેન ગુપ્તોઽજયન્મૃધે

॥ 1 ॥

શ્લોક 3

શ્રી શુક ઉવાચ

વૃતઃ પુરોહિતસ્ત્વાષ્ટ્રો મહેન્દ્રાયાનુપૃચ્છતે ।

નારાયણાખ્યં વર્માહ તદિહૈકમનાઃ શૃણુ

॥ 2 ॥

શ્લોક 4

શ્રીવિશ્વરૂપ ઉવાચ

ધૌતાઙ્ઘ્રિપાણિરાચમ્ય સપવિત્ર ઉદઙ્મુખઃ ।

કૃતસ્વાઙ્ગકરન્યાસો મન્ત્રાભ્યાં વાગ્યતઃ શુચિઃ

॥ 3 ॥

શ્લોક 5

નારાયણમયં વર્મ સન્નહ્યેદ્ભય આગતે ।

દૈવભૂતાત્મકર્મભ્યો નારાયણમયઃ પુમાન્

॥ 4 ॥

શ્લોક 6

પાદયોર્જાનુનોરૂર્વોરુદરે હૃદ્યથોરસિ ।

મુખે શિરસ્યાનુપૂર્વ્યાદોઙ્કારાદીનિ વિન્યસેત્

॥ 5 ॥

શ્લોક 7

ૐ નમો નારાયણાયેતિ વિપર્યયમથાપિ વા ।

કરન્યાસં તતઃ કુર્યાદ્દ્વાદશાક્ષરવિદ્યયા

॥ 6 ॥

શ્લોક 8

પ્રણવાદિયકારાન્તમઙ્ગુલ્યઙ્ગુષ્ઠપર્વસુ ।

ન્યસેદ્ધૃદય ઓઙ્કારં વિકારમનુ મૂર્ધનિ

॥ 7 ॥

શ્લોક 9

ષકારં તુ ભ્રુવોર્મધ્યે ણકારં શિખયા ન્યસેત્ ।

વેકારં નેત્રયોર્યુઞ્જ્યાન્નકારં સર્વસન્ધિષુ

॥ 8 ॥

શ્લોક 10

મકારમસ્ત્રમુદ્દિશ્ય મન્ત્રમૂર્તિર્ભવેદ્બુધઃ ।

સવિસર્ગં ફડન્તં તત્સર્વદિક્ષુ વિનિર્દિશેત્

॥ 9 ॥

શ્લોક 11

ૐ વિષ્ણવે નમઃ ॥

ઇત્યાત્માનં પરં ધ્યાયેદ્ધ્યેયં ષટ્છક્તિભિર્યુતમ્ ।

વિદ્યાતેજસ્તપોમૂર્તિમિમં મન્ત્રમુદાહરેત્

॥ 10 ॥

શ્લોક 12

ૐ હરિર્વિદધ્યાન્મમ સર્વરક્ષાં

ન્યસ્તાઙ્ઘ્રિપદ્મઃ પતગેન્દ્ર પૃષ્ઠે ।

દરારિચર્માસિગદેષુચાપ-

-પાશાન્દધાનોઽષ્ટગુણોઽષ્ટબાહુઃ

॥ 11 ॥

શ્લોક 13

જલેષુ માં રક્ષતુ મત્સ્યમૂર્તિ-

-ર્યાદોગણેભ્યો વરુણસ્ય પાશાત્ ।

સ્થલેષુ માયાવટુવામનોઽવ્યા-

-ત્ત્રિવિક્રમઃ ખેઽવતુ વિશ્વરૂપઃ

॥ 12 ॥

શ્લોક 14

દુર્ગેષ્વટવ્યાજિમુખાદિષુ પ્રભુઃ

પાયાન્નૃસિંહોઽસુરયૂથપારિઃ ।

વિમુઞ્ચતો યસ્ય મહાટ્ટહાસં

દિશો વિનેદુર્ન્યપતંશ્ચ ગર્ભાઃ

॥ 13 ॥

શ્લોક 15

રક્ષત્વસૌ માધ્વનિ યજ્ઞકલ્પઃ

સ્વદંષ્ટ્રયોન્નીતધરો વરાહઃ ।

રામોઽદ્રિકૂટેષ્વથ વિપ્રવાસે

સલક્ષ્મણોઽવ્યાદ્ભરતાગ્રજોઽસ્માન્

॥ 14 ॥

શ્લોક 16

મામુગ્રધર્માદખિલાત્પ્રમાદા-

-ન્નારાયણઃ પાતુ નરશ્ચ હાસાત્ ।

દત્તસ્ત્વયોગાદથ યોગનાથઃ

પાયાદ્ગુણેશઃ કપિલઃ કર્મબન્ધાત્

॥ 15 ॥

શ્લોક 17

સનત્કુમારોઽવતુ કામદેવા-

-દ્ધયાનનો માં પથિ દેવહેલનાત્ ।

દેવર્ષિવર્યઃ પુરુષાર્ચનાન્તરા-

-ત્કૂર્મો હરિર્માં નિરયાદશેષાત્

॥ 16 ॥

શ્લોક 18

ધન્વન્તરિર્ભગવાન્પાત્વપથ્યા-

-દ્દ્વન્દ્વાદ્ભયાદૃષભો નિર્જિતાત્મા ।

યજ્ઞશ્ચ લોકાદવતાજ્જનાન્તા-

-દ્બલો ગણાત્ક્રોધવશાદહીન્દ્રઃ

॥ 17 ॥

શ્લોક 19

દ્વૈપાયનો ભગવાનપ્રબોધા-

-દ્બુદ્ધસ્તુ પાષણ્ડગણાત્પ્રમાદાત્ ।

કલ્કિઃ કલેઃ કાલમલાત્પ્રપાતુ

ધર્માવનાયોરુકૃતાવતારઃ

॥ 18 ॥

શ્લોક 20

માં કેશવો ગદયા પ્રાતરવ્યા-

-દ્ગોવિન્દ આસઙ્ગવમાત્તવેણુઃ ।

નારાયણઃ પ્રાહ્ણ ઉદાત્તશક્તિ-

-ર્મધ્યન્દિને વિષ્ણુરરીન્દ્રપાણિઃ

॥ 19 ॥

શ્લોક 21

દેવોઽપરાહ્ણે મધુહોગ્રધન્વા

સાયં ત્રિધામાવતુ માધવો મામ્ ।

દોષે હૃષીકેશ ઉતાર્ધરાત્રે

નિશીથ એકોઽવતુ પદ્મનાભઃ

॥ 20 ॥

શ્લોક 22

શ્રીવત્સધામાઽપરરાત્ર ઈશઃ

પ્રત્યુષ ઈશોઽસિધરો જનાર્દનઃ ।

દામોદરોઽવ્યાદનુસન્ધ્યં પ્રભાતે

વિશ્વેશ્વરો ભગવાન્કાલમૂર્તિઃ

॥ 21 ॥

શ્લોક 23

ચક્રં યુગાન્તાનલતિગ્મનેમિ

ભ્રમત્સમન્તાદ્ભગવત્પ્રયુક્તમ્ ।

દન્દગ્ધિ દન્દગ્ધ્યરિસૈન્યમાશુ

કક્ષં યથા વાતસખો હુતાશઃ

॥ 22 ॥

શ્લોક 24

ગદેઽશનિસ્પર્શનવિસ્ફુલિઙ્ગે

નિષ્પિણ્ઢિ નિષ્પિણ્ઢ્યજિતપ્રિયાસિ ।

કૂષ્માણ્ડવૈનાયકયક્ષરક્ષો

ભૂતગ્રહાંશ્ચૂર્ણય ચૂર્ણયારીન્

॥ 23 ॥

શ્લોક 25

ત્વં યાતુધાનપ્રમથપ્રેતમાતૃ-

-પિશાચવિપ્રગ્રહઘોરદૃષ્ટીન્ ।

દરેન્દ્ર વિદ્રાવય કૃષ્ણપૂરિતો

ભીમસ્વનોઽરેર્હૃદયાનિ કમ્પયન્

॥ 24 ॥

શ્લોક 26

ત્વં તિગ્મધારાસિવરારિસૈન્ય-

-મીશપ્રયુક્તો મમ છિન્ધિ છિન્ધિ ।

ચક્ષૂંષિ ચર્મન્ શતચન્દ્ર છાદય

દ્વિષામઘોનાં હર પાપચક્ષુષામ્

॥ 25 ॥

શ્લોક 27

યન્નો ભયં ગ્રહેભ્યોઽભૂત્કેતુભ્યો નૃભ્ય એવ ચ ।

સરીસૃપેભ્યો દંષ્ટ્રિભ્યો ભૂતેભ્યોઽઘેભ્ય એવ ચ

॥ 26 ॥

શ્લોક 28

સર્વાણ્યેતાનિ ભગવન્નામરૂપાસ્ત્રકીર્તનાત્ ।

પ્રયાન્તુ સઙ્ક્ષયં સદ્યો યે નઃ શ્રેયઃપ્રતીપકાઃ

॥ 27 ॥

શ્લોક 29

ગરુડો ભગવાન્ સ્તોત્રસ્તોમશ્છન્દોમયઃ પ્રભુઃ ।

રક્ષત્વશેષકૃચ્છ્રેભ્યો વિષ્વક્સેનઃ સ્વનામભિઃ

॥ 28 ॥

શ્લોક 30

સર્વાપદ્ભ્યો હરેર્નામરૂપયાનાયુધાનિ નઃ ।

બુદ્ધીન્દ્રિયમનઃપ્રાણાન્પાન્તુ પાર્ષદભૂષણાઃ

॥ 29 ॥

શ્લોક 31

યથા હિ ભગવાનેવ વસ્તુતઃ સદસચ્ચ યત્ ।

સત્યેનાનેન નઃ સર્વે યાન્તુ નાશમુપદ્રવાઃ

॥ 30 ॥

શ્લોક 32

યથૈકાત્મ્યાનુભાવાનાં વિકલ્પરહિતઃ સ્વયમ્ ।

ભૂષણાયુધલિઙ્ગાખ્યા ધત્તે શક્તીઃ સ્વમાયયા

॥ 31 ॥

શ્લોક 33

તેનૈવ સત્યમાનેન સર્વજ્ઞો ભગવાન્ હરિઃ ।

પાતુ સર્વૈઃ સ્વરૂપૈર્નઃ સદા સર્વત્ર સર્વગઃ

॥ 32 ॥

શ્લોક 34

વિદિક્ષુ દિક્ષૂર્ધ્વમધઃ સમન્તા-

-દન્તર્બહિર્ભગવાન્નારસિંહઃ ।

પ્રહાપયઁલ્લોકભયં સ્વનેન

સ્વતેજસા ગ્રસ્તસમસ્તતેજાઃ

॥ 33 ॥

શ્લોક 35

મઘવન્નિદમાખ્યાતં વર્મ નારાયણાત્મકમ્ ।

વિજેષ્યસ્યઞ્જસા યેન દંશિતોઽસુરયૂથપાન્

॥ 34 ॥

શ્લોક 36

એતદ્ધારયમાણસ્તુ યં યં પશ્યતિ ચક્ષુષા ।

પદા વા સંસ્પૃશેત્સદ્યઃ સાધ્વસાત્સ વિમુચ્યતે

॥ 35 ॥

શ્લોક 37

ન કુતશ્ચિદ્ભયં તસ્ય વિદ્યાં ધારયતો ભવેત્ ।

રાજદસ્યુગ્રહાદિભ્યો વ્યાધ્યાદિભ્યશ્ચ કર્હિચિત્

॥ 36 ॥

શ્લોક 38

ઇમાં વિદ્યાં પુરા કશ્ચિત્કૌશિકો ધારયન્ દ્વિજઃ ।

યોગધારણયા સ્વાઙ્ગં જહૌ સ મરુધન્વનિ

॥ 37 ॥

શ્લોક 39

તસ્યોપરિ વિમાનેન ગન્ધર્વપતિરેકદા ।

યયૌ ચિત્રરથઃ સ્ત્રીભિર્વૃતો યત્ર દ્વિજક્ષયઃ

॥ 38 ॥

શ્લોક 40

ગગનાન્ન્યપતત્સદ્યઃ સવિમાનો હ્યવાક્છિરાઃ ।

સ વાલખિલ્યવચનાદસ્થીન્યાદાય વિસ્મિતઃ ।

પ્રાપ્ય પ્રાચ્યાં સરસ્વત્યાં સ્નાત્વા ધામ સ્વમન્વગાત્

॥ 39 ॥

શ્લોક 41

શ્રી શુક ઉવાચ

ય ઇદં શૃણુયાત્કાલે યો ધારયતિ ચાદૃતઃ ।

તં નમસ્યન્તિ ભૂતાનિ મુચ્યતે સર્વતો ભયાત્

॥ 40 ॥

શ્લોક 42

એતાં વિદ્યામધિગતો વિશ્વરૂપાચ્છતક્રતુઃ ।

ત્રૈલોક્યલક્ષ્મીં બુભુજે વિનિર્જિત્ય મૃધેઽસુરાન્

॥ 41 ॥

શ્લોક 43

ઇતિ શ્રીમદ્ભાગવતે મહાપુરાણે ષષ્ઠસ્કન્ધે નારાયણવર્મોપદેશો નામાષ્ટમોઽધ્યાયઃ ।