Narasimha Kavacham

ශ්රී නරසිංහ කවචම්

ශ්ලොක 1

නෘසිංහකවචං වක්ෂ්යේ ප්රහ්ලාදේනෝදිතං පුරා .

සර්වරක්ෂාකරං පුණ්යං සර්වෝපද්රවනාශනම් .. 1 ..

සර්වසම්පත්කරං චෛව ස්වර්ගමෝක්ෂප්රදායකම් .

ධ්යාත්වා නෘසිංහං දේවේශං හේමසිංහාසනස්ථිතම් .. 2 ..

විවෘතාස්යං ත්රිනයනං ශරදින්දුසමප්රභම් .

ලක්ෂ්ම්යාලිඞ්ගිතවාමාඞ්ගං විභූතිභිරුපාශ්රිතම් .. 3 ..

චතුර්භුජං කෝමලාඞ්ගං ස්වර්ණකුණ්ඩලශෝභිතම් .

සරෝජශෝභිතෝරස්කං රත්නකේයූරමුද්රිතම් .. 4 .. [රත්නකේයූරශෝභිතම්]

තප්තකාඤ්චනසඞ්කාශං පීතනිර්මලවාසනම් .

ඉන්ද්රාදිසුරමෞලිස්ථස්ඵුරන්මාණික්යදීප්තිභිඃ .. 5 ..

විරාජිතපදද්වන්ද්වං ශඞ්ඛචක්රාදිහේතිභිඃ .

ගරුත්මතා සවිනයං ස්තූයමානං මුදාන්විතම් .. 6 ..

ස්වහෘත්කමලසංවාසං කෘත්වා තු කවචං පඨේත් .

නෘසිංහෝ මේ ශිරඃ පාතු ලෝකරක්ෂාත්මසම්භවඃ .. 7 ..

සර්වගෝ(අ)පි ස්තම්භවාසඃ ඵාලං මේ රක්ෂතු ධ්වනිම් .

නෘසිංහෝ මේ දෘශෞ පාතු සෝමසූර්යාග්නිලෝචනඃ .. 8 ..

ස්මෘතිං මේ පාතු නෘහරිර්මුනිවර්යස්තුතිප්රියඃ .

නාසාං මේ සිංහනාසස්තු මුඛං ලක්ෂ්මීමුඛප්රියඃ .. 9 ..

සර්වවිද්යාධිපඃ පාතු නෘසිංහෝ රසනාං මම .

වක්ත්රං පාත්වින්දුවදනඃ සදා ප්රහ්ලාදවන්දිතඃ .. 10 ..

නෘසිංහඃ පාතු මේ කණ්ඨං ස්කන්ධෞ භූභරණාන්තකෘත් .

දිව්යාස්ත්රශෝභිතභුජෝ නෘසිංහඃ පාතු මේ භුජෞ .. 11 ..

කරෞ මේ දේවවරදෝ නෘසිංහඃ පාතු සර්වතඃ .

හෘදයං යෝගිසාධ්යශ්ච නිවාසං පාතු මේ හරිඃ .. 12 ..

මධ්යං පාතු හිරණ්යාක්ෂවක්ෂඃකුක්ෂිවිදාරණඃ .

නාභිං මේ පාතු නෘහරිඃ ස්වනාභි බ්රහ්මසංස්තුතඃ .. 13 ..

බ්රහ්මාණ්ඩකෝටයඃ කට්යාං යස්යාසෞ පාතු මේ කටිම් .

ගුහ්යං මේ පාතු ගුහ්යානාං මන්ත්රාණාං ගුහ්යරූපධෘක් .. 14 ..

ඌරූ මනෝභවඃ පාතු ජානුනී නරරූපධෘක් .

ජඞ්ඝේ පාතු ධරාභාරහර්තා යෝ(අ)සෞ නෘකේසරී .. 15 ..

සුරරාජ්යප්රදඃ පාතු පාදෞ මේ නෘහරීශ්වරඃ .

සහස්රශීර්ෂා පුරුෂඃ පාතු මේ සර්වශස්තනුම් .. 16 ..

මහෝග්රඃ පූර්වතඃ පාතු මහාවීරාග්රජෝ(අ)ග්නිතඃ .

මහාවිෂ්ණුර්දක්ෂිණේ තු මහාජ්වාලස්තු නෛරෘතෞ .. 17 ..

පශ්චිමේ පාතු සර්වේශෝ දිශි මේ සර්වතෝමුඛඃ .

නෘසිංහඃ පාතු වායව්යාං සෞම්යාං භූෂණවිග්රහඃ .. 18 ..

ඊශාන්යාං පාතු භද්රෝ මේ සර්වමඞ්ගලදායකඃ .

සංසාරභයදඃ පාතු මෘත්යෝර්මෘත්යුර්නෘකේසරී .. 19 ..

ඉදං නෘසිංහකවචං ප්රහ්ලාදමුඛමණ්ඩිතම් .

භක්තිමාන්යඃ පඨේන්නිත්යං සර්වපාපෛඃ ප්රමුච්යතේ .. 20 ..

පුත්රවාන් ධනවාන් ලෝකේ දීර්ඝායුරුපජායතේ .

යං යං කාමයතේ කාමං තං තං ප්රාප්නෝත්යසංශයම් .. 21 ..

සර්වත්ර ජයමාප්නෝති සර්වත්ර විජයී භවේත් .

භූම්යන්තරික්ෂදිව්යානාං ග්රහාණාං විනිවාරණම් .. 22 ..

වෘශ්චිකෝරගසම්භූතවිෂාපහරණං පරම් .

බ්රහ්මරාක්ෂසයක්ෂාණාං දූරෝත්සාරණකාරණම් .. 23 ..

භූර්ජේ වා තාලපත්රේ වා කවචං ලිඛිතං ශුභම් .

කරමූලේ ධෘතං යේන සිධ්යේයුඃ කර්මසිද්ධයඃ .. 24 ..

දේවාසුරමනුෂ්යේෂු ස්වං ස්වමේව ජයං ලභේත් .

ඒකසන්ධ්යං ත්රිසන්ධ්යං වා යඃ පඨේන්නියතෝ නරඃ .. 25 ..

සර්වමඞ්ගලමාඞ්ගල්යං භුක්තිං මුක්තිං ච වින්දති .

ද්වාත්රිංශතිසහස්රාණි පඨේච්ඡුද්ධාත්මනාං නෘණාම් .. 26 ..

කවචස්යාස්ය මන්ත්රස්ය මන්ත්රසිද්ධිඃ ප්රජායතේ .

අනේන මන්ත්රරාජේන කෘත්වා භස්මාභිමන්ත්රණම් .. 27 ..

තිලකං වින්යසේද්යස්තු තස්ය ග්රහභයං හරේත් .

ත්රිවාරං ජපමානස්තු දත්තං වාර්යභිමන්ත්ර්ය ච .. 28 ..

ප්රාශයේද්යෝ නරෝ මන්ත්රං නෘසිංහධ්යානමාචරේත් .

තස්ය රෝගාඃ ප්රණශ්යන්ති යේ ච ස්යුඃ කුක්ෂිසම්භවාඃ .. 29 ..

කිමත්ර බහුනෝක්තේන නෘසිංහසදෘශෝ භවේත් .

මනසා චින්තිතං යත්තු ස තච්චාප්නෝත්යසංශයම් .. 30 ..

ගර්ජන්තං ගර්ජයන්තං නිජභුජපටලං ස්ඵෝටයන්තං හඨන්තං

රූප්යන්තං තාපයන්තං දිවි භුවි දිතිජං ක්ෂේපයන්තං ක්ෂිපන්තම් .

ක්රන්දන්තං රෝෂයන්තං දිශි දිශි සතතං සංහරන්තං භරන්තං

වීක්ෂන්තං ඝූර්ණයන්තං ශරනිකරශතෛර්දිව්යසිංහං නමාමි ..

ඉති ශ්රීබ්රහ්මාණ්ඩපුරාණේ ප්රහ්ලාදෝක්තං ශ්රී නෘසිංහ කවචම් .