Narasimha Kavacham

ଶ୍ରୀ ନରସିଂହ କଵଚମ୍

ଶ୍ଲୋକ 1

ନୃସିଂହକଵଚଂ ଵକ୍ଷ୍ଯେ ପ୍ରହ୍ଲାଦେନୋଦିତଂ ପୁରା ।

ସର୍ଵରକ୍ଷାକରଂ ପୁଣ୍ଯଂ ସର୍ଵୋପଦ୍ରଵନାଶନମ୍

ଶ୍ଲୋକ 2

ସର୍ଵସମ୍ପତ୍କରଂ ଚୈଵ ସ୍ଵର୍ଗମୋକ୍ଷପ୍ରଦାଯକମ୍ ।

ଧ୍ଯାତ୍ଵା ନୃସିଂହଂ ଦେଵେଶଂ ହେମସିଂହାସନସ୍ଥିତମ୍

॥ 1 ॥

ଶ୍ଲୋକ 3

ଵିଵୃତାସ୍ଯଂ ତ୍ରିନଯନଂ ଶରଦିନ୍ଦୁସମପ୍ରଭମ୍ ।

ଲକ୍ଷ୍ମ୍ଯାଲିଙ୍ଗିତଵାମାଙ୍ଗଂ ଵିଭୂତିଭିରୁପାଶ୍ରିତମ୍

॥ 2 ॥

ଶ୍ଲୋକ 4

ଚତୁର୍ଭୁଜଂ କୋମଲାଙ୍ଗଂ ସ୍ଵର୍ଣକୁଣ୍ଡଲଶୋଭିତମ୍ ।

ସରୋଜଶୋଭିତୋରସ୍କଂ ରତ୍ନକେଯୂରମୁଦ୍ରିତମ୍

॥ 3 ॥

ଶ୍ଲୋକ 5

॥ 4 ॥ [ରତ୍ନକେଯୂରଶୋଭିତମ୍]

ତପ୍ତକାଞ୍ଚନସଙ୍କାଶଂ ପୀତନିର୍ମଲଵାସନମ୍ ।

ଇନ୍ଦ୍ରାଦିସୁରମୌଲିସ୍ଥସ୍ଫୁରନ୍ମାଣିକ୍ଯଦୀପ୍ତିଭିଃ

ଶ୍ଲୋକ 6

ଵିରାଜିତପଦଦ୍ଵନ୍ଦ୍ଵଂ ଶଙ୍ଖଚକ୍ରାଦିହେତିଭିଃ ।

ଗରୁତ୍ମତା ସଵିନଯଂ ସ୍ତୂଯମାନଂ ମୁଦାନ୍ଵିତମ୍

॥ 5 ॥

ଶ୍ଲୋକ 7

ସ୍ଵହୃତ୍କମଲସଂଵାସଂ କୃତ୍ଵା ତୁ କଵଚଂ ପଠେତ୍ ।

ନୃସିଂହୋ ମେ ଶିରଃ ପାତୁ ଲୋକରକ୍ଷାତ୍ମସମ୍ଭଵଃ

॥ 6 ॥

ଶ୍ଲୋକ 8

ସର୍ଵଗୋଽପି ସ୍ତମ୍ଭଵାସଃ ଫାଲଂ ମେ ରକ୍ଷତୁ ଧ୍ଵନିମ୍ ।

ନୃସିଂହୋ ମେ ଦୃଶୌ ପାତୁ ସୋମସୂର୍ଯାଗ୍ନିଲୋଚନଃ

॥ 7 ॥

ଶ୍ଲୋକ 9

ସ୍ମୃତିଂ ମେ ପାତୁ ନୃହରିର୍ମୁନିଵର୍ଯସ୍ତୁତିପ୍ରିଯଃ ।

ନାସାଂ ମେ ସିଂହନାସସ୍ତୁ ମୁଖଂ ଲକ୍ଷ୍ମୀମୁଖପ୍ରିଯଃ

॥ 8 ॥

ଶ୍ଲୋକ 10

ସର୍ଵଵିଦ୍ଯାଧିପଃ ପାତୁ ନୃସିଂହୋ ରସନାଂ ମମ ।

ଵକ୍ତ୍ରଂ ପାତ୍ଵିନ୍ଦୁଵଦନଃ ସଦା ପ୍ରହ୍ଲାଦଵନ୍ଦିତଃ

॥ 9 ॥

ଶ୍ଲୋକ 11

ନୃସିଂହଃ ପାତୁ ମେ କଣ୍ଠଂ ସ୍କନ୍ଧୌ ଭୂଭରଣାନ୍ତକୃତ୍ ।

ଦିଵ୍ଯାସ୍ତ୍ରଶୋଭିତଭୁଜୋ ନୃସିଂହଃ ପାତୁ ମେ ଭୁଜୌ

॥ 10 ॥

ଶ୍ଲୋକ 12

କରୌ ମେ ଦେଵଵରଦୋ ନୃସିଂହଃ ପାତୁ ସର୍ଵତଃ ।

ହୃଦଯଂ ଯୋଗିସାଧ୍ଯଶ୍ଚ ନିଵାସଂ ପାତୁ ମେ ହରିଃ

॥ 11 ॥

ଶ୍ଲୋକ 13

ମଧ୍ଯଂ ପାତୁ ହିରଣ୍ଯାକ୍ଷଵକ୍ଷଃକୁକ୍ଷିଵିଦାରଣଃ ।

ନାଭିଂ ମେ ପାତୁ ନୃହରିଃ ସ୍ଵନାଭି ବ୍ରହ୍ମସଂସ୍ତୁତଃ

॥ 12 ॥

ଶ୍ଲୋକ 14

ବ୍ରହ୍ମାଣ୍ଡକୋଟଯଃ କଟ୍ଯାଂ ଯସ୍ଯାସୌ ପାତୁ ମେ କଟିମ୍ ।

ଗୁହ୍ଯଂ ମେ ପାତୁ ଗୁହ୍ଯାନାଂ ମନ୍ତ୍ରାଣାଂ ଗୁହ୍ଯରୂପଧୃକ୍

॥ 13 ॥

ଶ୍ଲୋକ 15

ଊରୂ ମନୋଭଵଃ ପାତୁ ଜାନୁନୀ ନରରୂପଧୃକ୍ ।

ଜଙ୍ଘେ ପାତୁ ଧରାଭାରହର୍ତା ଯୋଽସୌ ନୃକେସରୀ

॥ 14 ॥

ଶ୍ଲୋକ 16

ସୁରରାଜ୍ଯପ୍ରଦଃ ପାତୁ ପାଦୌ ମେ ନୃହରୀଶ୍ଵରଃ ।

ସହସ୍ରଶୀର୍ଷା ପୁରୁଷଃ ପାତୁ ମେ ସର୍ଵଶସ୍ତନୁମ୍

॥ 15 ॥

ଶ୍ଲୋକ 17

ମହୋଗ୍ରଃ ପୂର୍ଵତଃ ପାତୁ ମହାଵୀରାଗ୍ରଜୋଽଗ୍ନିତଃ ।

ମହାଵିଷ୍ଣୁର୍ଦକ୍ଷିଣେ ତୁ ମହାଜ୍ଵାଲସ୍ତୁ ନୈରୃତୌ

॥ 16 ॥

ଶ୍ଲୋକ 18

ପଶ୍ଚିମେ ପାତୁ ସର୍ଵେଶୋ ଦିଶି ମେ ସର୍ଵତୋମୁଖଃ ।

ନୃସିଂହଃ ପାତୁ ଵାଯଵ୍ଯାଂ ସୌମ୍ଯାଂ ଭୂଷଣଵିଗ୍ରହଃ

॥ 17 ॥

ଶ୍ଲୋକ 19

ଈଶାନ୍ଯାଂ ପାତୁ ଭଦ୍ରୋ ମେ ସର୍ଵମଙ୍ଗଲଦାଯକଃ ।

ସଂସାରଭଯଦଃ ପାତୁ ମୃତ୍ଯୋର୍ମୃତ୍ଯୁର୍ନୃକେସରୀ

॥ 18 ॥

ଶ୍ଲୋକ 20

ଇଦଂ ନୃସିଂହକଵଚଂ ପ୍ରହ୍ଲାଦମୁଖମଣ୍ଡିତମ୍ ।

ଭକ୍ତିମାନ୍ଯଃ ପଠେନ୍ନିତ୍ଯଂ ସର୍ଵପାପୈଃ ପ୍ରମୁଚ୍ଯତେ

॥ 19 ॥

ଶ୍ଲୋକ 21

ପୁତ୍ରଵାନ୍ ଧନଵାନ୍ ଲୋକେ ଦୀର୍ଘାଯୁରୁପଜାଯତେ ।

ଯଂ ଯଂ କାମଯତେ କାମଂ ତଂ ତଂ ପ୍ରାପ୍ନୋତ୍ଯସଂଶଯମ୍

॥ 20 ॥

ଶ୍ଲୋକ 22

ସର୍ଵତ୍ର ଜଯମାପ୍ନୋତି ସର୍ଵତ୍ର ଵିଜଯୀ ଭଵେତ୍ ।

ଭୂମ୍ଯନ୍ତରିକ୍ଷଦିଵ୍ଯାନାଂ ଗ୍ରହାଣାଂ ଵିନିଵାରଣମ୍

॥ 21 ॥

ଶ୍ଲୋକ 23

ଵୃଶ୍ଚିକୋରଗସମ୍ଭୂତଵିଷାପହରଣଂ ପରମ୍ ।

ବ୍ରହ୍ମରାକ୍ଷସଯକ୍ଷାଣାଂ ଦୂରୋତ୍ସାରଣକାରଣମ୍

॥ 22 ॥

ଶ୍ଲୋକ 24

ଭୂର୍ଜେ ଵା ତାଲପତ୍ରେ ଵା କଵଚଂ ଲିଖିତଂ ଶୁଭମ୍ ।

କରମୂଲେ ଧୃତଂ ଯେନ ସିଧ୍ଯେଯୁଃ କର୍ମସିଦ୍ଧଯଃ

॥ 23 ॥

ଶ୍ଲୋକ 25

ଦେଵାସୁରମନୁଷ୍ଯେଷୁ ସ୍ଵଂ ସ୍ଵମେଵ ଜଯଂ ଲଭେତ୍ ।

ଏକସନ୍ଧ୍ଯଂ ତ୍ରିସନ୍ଧ୍ଯଂ ଵା ଯଃ ପଠେନ୍ନିଯତୋ ନରଃ

॥ 24 ॥

ଶ୍ଲୋକ 26

ସର୍ଵମଙ୍ଗଲମାଙ୍ଗଲ୍ଯଂ ଭୁକ୍ତିଂ ମୁକ୍ତିଂ ଚ ଵିନ୍ଦତି ।

ଦ୍ଵାତ୍ରିଂଶତିସହସ୍ରାଣି ପଠେଚ୍ଛୁଦ୍ଧାତ୍ମନାଂ ନୃଣାମ୍

॥ 25 ॥

ଶ୍ଲୋକ 27

କଵଚସ୍ଯାସ୍ଯ ମନ୍ତ୍ରସ୍ଯ ମନ୍ତ୍ରସିଦ୍ଧିଃ ପ୍ରଜାଯତେ ।

ଅନେନ ମନ୍ତ୍ରରାଜେନ କୃତ୍ଵା ଭସ୍ମାଭିମନ୍ତ୍ରଣମ୍

॥ 26 ॥

ଶ୍ଲୋକ 28

ତିଲକଂ ଵିନ୍ଯସେଦ୍ଯସ୍ତୁ ତସ୍ଯ ଗ୍ରହଭଯଂ ହରେତ୍ ।

ତ୍ରିଵାରଂ ଜପମାନସ୍ତୁ ଦତ୍ତଂ ଵାର୍ଯଭିମନ୍ତ୍ର୍ଯ ଚ

॥ 27 ॥

ଶ୍ଲୋକ 29

ପ୍ରାଶଯେଦ୍ଯୋ ନରୋ ମନ୍ତ୍ରଂ ନୃସିଂହଧ୍ଯାନମାଚରେତ୍ ।

ତସ୍ଯ ରୋଗାଃ ପ୍ରଣଶ୍ଯନ୍ତି ଯେ ଚ ସ୍ଯୁଃ କୁକ୍ଷିସମ୍ଭଵାଃ

॥ 28 ॥

ଶ୍ଲୋକ 30

କିମତ୍ର ବହୁନୋକ୍ତେନ ନୃସିଂହସଦୃଶୋ ଭଵେତ୍ ।

ମନସା ଚିନ୍ତିତଂ ଯତ୍ତୁ ସ ତଚ୍ଚାପ୍ନୋତ୍ଯସଂଶଯମ୍

॥ 29 ॥

ଶ୍ଲୋକ 31

ଗର୍ଜନ୍ତଂ ଗର୍ଜଯନ୍ତଂ ନିଜଭୁଜପଟଲଂ ସ୍ଫୋଟଯନ୍ତଂ ହଠନ୍ତଂ

ରୂପ୍ଯନ୍ତଂ ତାପଯନ୍ତଂ ଦିଵି ଭୁଵି ଦିତିଜଂ କ୍ଷେପଯନ୍ତଂ କ୍ଷିପନ୍ତମ୍ ।

କ୍ରନ୍ଦନ୍ତଂ ରୋଷଯନ୍ତଂ ଦିଶି ଦିଶି ସତତଂ ସଂହରନ୍ତଂ ଭରନ୍ତଂ

ଵୀକ୍ଷନ୍ତଂ ଘୂର୍ଣଯନ୍ତଂ ଶରନିକରଶତୈର୍ଦିଵ୍ଯସିଂହଂ ନମାମି ॥

ଇତି ଶ୍ରୀବ୍ରହ୍ମାଣ୍ଡପୁରାଣେ ପ୍ରହ୍ଲାଦୋକ୍ତଂ ଶ୍ରୀ ନୃସିଂହ କଵଚମ୍ ।