Narasimha Kavacham

shrI narasiMha kavacham

shloka 1

nRRisiMhakavachaM vakShye prahlAdenoditaM purA |

sarvarakShAkaraM puNyaM sarvopadravanAshanam || 1 ||

sarvasampatkaraM chaiva svargamokShapradAyakam |

dhyAtvA nRRisiMhaM deveshaM hemasiMhAsanasthitam || 2 ||

vivRRitAsyaM trinayanaM sharadindusamaprabham |

lakShmyAliNgitavAmANgaM vibhUtibhirupAshritam || 3 ||

chaturbhujaM komalA~NgaM svarNakuNDalashobhitam |

sarojashobhitoraskaM ratnakeyUramudritam || 4 || [ratnakeyUrashobhitam]

taptakAnchanasaNkAshaM pItanirmalavAsanam |

indrAdisuramaulisthasphuranmANikyadIptibhiH || 5 ||

virAjitapadadvandvaM sha~NkhachakrAdihetibhiH |

garutmatA savinayaM stUyamAnaM mudAnvitam || 6 ||

svahRRitkamalasaMvAsaM kRRitvA tu kavachaM paThet |

nRRisiMho me shiraH pAtu lokarakShAtmasambhavaH || 7 ||

sarvago.api stambhavAsaH phAlaM me rakShatu dhvanim |

nRRisiMho me dRRishau pAtu somasUryAgnilochanaH || 8 ||

smRRitiM me pAtu nRRiharirmunivaryastutipriyaH |

nAsAM me siMhanAsastu mukhaM lakShmImukhapriyaH || 9 ||

sarvavidyAdhipaH pAtu nRRisiMho rasanAM mama |

vaktraM pAtvinduvadanaH sadA prahlAdavanditaH || 10 ||

nRRisiMhaH pAtu me kaNThaM skandhau bhUbharaNAntakRRit |

divyAstrashobhitabhujo nRRisiMhaH pAtu me bhujau || 11 ||

karau me devavarado nRRisiMhaH pAtu sarvataH |

hRRidayaM yogisAdhyashcha nivAsaM pAtu me hariH || 12 ||

madhyaM pAtu hiraNyAkShavakShaHkukShividAraNaH |

nAbhiM me pAtu nRRihariH svanAbhi brahmasaMstutaH || 13 ||

brahmANDakoTayaH kaTyAM yasyAsau pAtu me kaTim |

guhyaM me pAtu guhyAnAM mantrANAM guhyarUpadhRRik || 14 ||

UrU manobhavaH pAtu jAnunI nararUpadhRRik |

ja~Nghe pAtu dharAbhArahartA yo.asau nRRikesarI || 15 ||

surarAjyapradaH pAtu pAdau me nRRiharIshvaraH |

sahasrashIrShA puruShaH pAtu me sarvashastanum || 16 ||

mahograH pUrvataH pAtu mahAvIrAgrajo.agnitaH |

mahAviShNurdakShiNe tu mahAjvAlastu nairRRitau || 17 ||

pashchime pAtu sarvesho dishi me sarvatomukhaH |

nRRisiMhaH pAtu vAyavyAM saumyAM bhUShaNavigrahaH || 18 ||

IshAnyAM pAtu bhadro me sarvama~NgaladAyakaH |

saMsArabhayadaH pAtu mRRityormRRityurnRRikesarI || 19 ||

idaM nRRisiMhakavachaM prahlAdamukhamaNDitam |

bhaktimAnyaH paThennityaM sarvapApaiH pramuchyate || 20 ||

putravAn dhanavAn loke dIrghAyurupajAyate |

yaM yaM kAmayate kAmaM taM taM prApnotyasaMshayam || 21 ||

sarvatra jayamApnoti sarvatra vijayI bhavet |

bhUmyantarikShadivyAnAM grahANAM vinivAraNam || 22 ||

vRRishchikoragasambhUtaviShApaharaNaM param |

brahmarAkShasayakShANAM dUrotsAraNakAraNam || 23 ||

bhUrje vA tAlapatre vA kavachaM likhitaM shubham |

karamUle dhRRitaM yena sidhyeyuH karmasiddhayaH || 24 ||

devAsuramanuShyeShu svaM svameva jayaM labhet |

ekasandhyaM trisandhyaM vA yaH paThenniyato naraH || 25 ||

sarvamaNgalamANgalyaM bhuktiM muktiM cha vindati |

dvAtriMshatisahasrANi paThechChuddhAtmanAM nRRiNAm || 26 ||

kavachasyAsya mantrasya mantrasiddhiH prajAyate |

anena mantrarAjena kRRitvA bhasmAbhimantraNam || 27 ||

tilakaM vinyasedyastu tasya grahabhayaM haret |

trivAraM japamAnastu dattaM vAryabhimantrya cha || 28 ||

prAshayedyo naro mantraM nRRisiMhadhyAnamAcharet |

tasya rogAH praNashyanti ye cha syuH kukShisambhavAH || 29 ||

kimatra bahunoktena nRRisiMhasadRRisho bhavet |

manasA chintitaM yattu sa tachchApnotyasaMshayam || 30 ||

garjantaM garjayantaM nijabhujapaTalaM sphoTayantaM haThantaM

rUpyantaM tApayantaM divi bhuvi ditijaM kShepayantaM kShipantam |

krandantaM roShayantaM dishi dishi satataM saMharantaM bharantaM

vIkShantaM ghUrNayantaM sharanikarashatairdivyasiMhaM namAmi ||

iti shrIbrahmANDapurANe prahlAdoktaM shrI nRRisiMha kavacham |