Narasimha Kavacham
Narasimha Kavacham
zrI narasiMha kavacam
nRsiMhakavacaM vakSye prahlAdenoditaM purA |
sarvarakSAkaraM puNyaM sarvopadravanAzanam || 1 ||
sarvasampatkaraM caiva svargamokSapradAyakam |
dhyAtvA nRsiMhaM devezaM hemasiMhAsanasthitam || 2 ||
vivRtAsyaM trinayanaM zaradindusamaprabham |
lakSmyAliGgitavAmAGgaM vibhUtibhirupAzritam || 3 ||
caturbhujaM komalAGgaM svarNakuNDalazobhitam |
sarojazobhitoraskaM ratnakeyUramudritam || 4 || [ratnakeyUrazobhitam]
taptakAJcanasaGkAzaM pItanirmalavAsanam |
indrAdisuramaulisthasphuranmANikyadIptibhiH || 5 ||
virAjitapadadvandvaM zaGkhacakrAdihetibhiH |
garutmatA savinayaM stUyamAnaM mudAnvitam || 6 ||
svahRtkamalasaMvAsaM kRtvA tu kavacaM paThet |
nRsiMho me ziraH pAtu lokarakSAtmasambhavaH || 7 ||
sarvago'pi stambhavAsaH phAlaM me rakSatu dhvanim |
nRsiMho me dRzau pAtu somasUryAgnilocanaH || 8 ||
smRtiM me pAtu nRharirmunivaryastutipriyaH |
nAsAM me siMhanAsastu mukhaM lakSmImukhapriyaH || 9 ||
sarvavidyAdhipaH pAtu nRsiMho rasanAM mama |
vaktraM pAtvinduvadanaH sadA prahlAdavanditaH || 10 ||
nRsiMhaH pAtu me kaNThaM skandhau bhUbharaNAntakRt |
divyAstrazobhitabhujo nRsiMhaH pAtu me bhujau || 11 ||
karau me devavarado nRsiMhaH pAtu sarvataH |
hRdayaM yogisAdhyazca nivAsaM pAtu me hariH || 12 ||
madhyaM pAtu hiraNyAkSavakSaHkukSividAraNaH |
nAbhiM me pAtu nRhariH svanAbhi brahmasaMstutaH || 13 ||
brahmANDakoTayaH kaTyAM yasyAsau pAtu me kaTim |
guhyaM me pAtu guhyAnAM mantrANAM guhyarUpadhRk || 14 ||
UrU manobhavaH pAtu jAnunI nararUpadhRk |
jaGghe pAtu dharAbhArahartA yo'sau nRkesarI || 15 ||
surarAjyapradaH pAtu pAdau me nRharIzvaraH |
sahasrazIrSA puruSaH pAtu me sarvazastanum || 16 ||
mahograH pUrvataH pAtu mahAvIrAgrajo'gnitaH |
mahAviSNurdakSiNe tu mahAjvAlastu nairRtau || 17 ||
pazcime pAtu sarvezo dizi me sarvatomukhaH |
nRsiMhaH pAtu vAyavyAM saumyAM bhUSaNavigrahaH || 18 ||
IzAnyAM pAtu bhadro me sarvamaGgaladAyakaH |
saMsArabhayadaH pAtu mRtyormRtyurnRkesarI || 19 ||
idaM nRsiMhakavacaM prahlAdamukhamaNDitam |
bhaktimAnyaH paThennityaM sarvapApaiH pramucyate || 20 ||
putravAn dhanavAn loke dIrghAyurupajAyate |
yaM yaM kAmayate kAmaM taM taM prApnotyasaMzayam || 21 ||
sarvatra jayamApnoti sarvatra vijayI bhavet |
bhUmyantarikSadivyAnAM grahANAM vinivAraNam || 22 ||
vRzcikoragasambhUtaviSApaharaNaM param |
brahmarAkSasayakSANAM dUrotsAraNakAraNam || 23 ||
bhUrje vA tAlapatre vA kavacaM likhitaM zubham |
karamUle dhRtaM yena sidhyeyuH karmasiddhayaH || 24 ||
devAsuramanuSyeSu svaM svameva jayaM labhet |
ekasandhyaM trisandhyaM vA yaH paThenniyato naraH || 25 ||
sarvamaGgalamAGgalyaM bhuktiM muktiM ca vindati |
dvAtriMzatisahasrANi paThecchuddhAtmanAM nRNAm || 26 ||
kavacasyAsya mantrasya mantrasiddhiH prajAyate |
anena mantrarAjena kRtvA bhasmAbhimantraNam || 27 ||
tilakaM vinyasedyastu tasya grahabhayaM haret |
trivAraM japamAnastu dattaM vAryabhimantrya ca || 28 ||
prAzayedyo naro mantraM nRsiMhadhyAnamAcaret |
tasya rogAH praNazyanti ye ca syuH kukSisambhavAH || 29 ||
kimatra bahunoktena nRsiMhasadRzo bhavet |
manasA cintitaM yattu sa taccApnotyasaMzayam || 30 ||
garjantaM garjayantaM nijabhujapaTalaM sphoTayantaM haThantaM
rUpyantaM tApayantaM divi bhuvi ditijaM kSepayantaM kSipantam |
krandantaM roSayantaM dizi dizi satataM saMharantaM bharantaM
vIkSantaM ghUrNayantaM zaranikarazatairdivyasiMhaM namAmi ||
iti zrIbrahmANDapurANe prahlAdoktaM zrI nRsiMha kavacam |
About This Stotram
Overview
The Narasimha Kavacham is a Sanskrit protective hymn of 30 verses invoking Lord Narasimha, the man-lion avatar of Vishnu who appeared to protect Prahlada from the demon Hiranyakashipu. The kavacham structure assigns specific divine protection to each part of the devotee's body and surroundings, functioning as a spiritual armor. It belongs to the Vaishnava tradition and is associated with Tantric and Puranic devotional practice.
What are the benefits of chanting Narasimha Kavacham?
- Invokes protection from physical, mental, and spiritual harm
- Removes fear and builds courage in difficult circumstances
- Guards against hostile forces and negative energies
- Supports regular devotional practice focused on the protective aspect of Vishnu
When is the best time to recite this?
The Narasimha Kavacham is recited in the morning and evening, and is considered particularly apt on Narasimha Jayanti (the appearance day of Lord Narasimha). It is also chanted before undertaking challenging tasks or during periods of perceived danger.
What is the historical and traditional background?
Authorship of the Narasimha Kavacham is traditionally attributed to Prahlada, the devoted son who was saved by Narasimha's appearance. The text is placed within Vaishnava Tantric and Puranic literature, possibly connected to the Narasimha Purana or related Agamic sources, though the precise scriptural location is debated among scholars. Kavachams as a literary genre developed primarily during the Puranic period, offering practitioners structured verse-by-verse protection through divine invocation. The text remains in active use across South and North Indian Vaishnava communities.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Narasimha Satakam — a hundred-verse stotram honoring the same deity, offering praise alongside the protection focused on in the kavacham
- Ugra Narasimha Stotram — another hymn addressing the fierce form of Narasimha, closely related in theme and devotional context