ശ്രീ നരസിംഹ കവചമ്

ശ്രീ നരസിംഹ കവചമ്

ശ്ലോക 1

നൃസിംഹകവചം വക്ഷ്യേ പ്രഹ്ലാദേനോദിതം പുരാ ।

സര്വരക്ഷാകരം പുണ്യം സര്വോപദ്രവനാശനമ്

ശ്ലോക 2

സര്വസമ്പത്കരം ചൈവ സ്വര്ഗമോക്ഷപ്രദായകമ് ।

ധ്യാത്വാ നൃസിംഹം ദേവേശം ഹേമസിംഹാസനസ്ഥിതമ്

॥ 1 ॥

ശ്ലോക 3

വിവൃതാസ്യം ത്രിനയനം ശരദിന്ദുസമപ്രഭമ് ।

ലക്ഷ്മ്യാലിങ്ഗിതവാമാങ്ഗം വിഭൂതിഭിരുപാശ്രിതമ്

॥ 2 ॥

ശ്ലോക 4

ചതുര്ഭുജം കോമലാങ്ഗം സ്വര്ണകുണ്ഡലശോഭിതമ് ।

സരോജശോഭിതോരസ്കം രത്നകേയൂരമുദ്രിതമ്

॥ 3 ॥

ശ്ലോക 5

॥ 4 ॥ [രത്നകേയൂരശോഭിതമ്]

തപ്തകാഞ്ചനസങ്കാശം പീതനിര്മലവാസനമ് ।

ഇന്ദ്രാദിസുരമൌലിസ്ഥസ്ഫുരന്മാണിക്യദീപ്തിഭിഃ

ശ്ലോക 6

വിരാജിതപദദ്വന്ദ്വം ശങ്ഖചക്രാദിഹേതിഭിഃ ।

ഗരുത്മതാ സവിനയം സ്തൂയമാനം മുദാന്വിതമ്

॥ 5 ॥

ശ്ലോക 7

സ്വഹൃത്കമലസംവാസം കൃത്വാ തു കവചം പഠേത് ।

നൃസിംഹോ മേ ശിരഃ പാതു ലോകരക്ഷാത്മസമ്ഭവഃ

॥ 6 ॥

ശ്ലോക 8

സര്വഗോഽപി സ്തമ്ഭവാസഃ ഫാലം മേ രക്ഷതു ധ്വനിമ് ।

നൃസിംഹോ മേ ദൃശൌ പാതു സോമസൂര്യാഗ്നിലോചനഃ

॥ 7 ॥

ശ്ലോക 9

സ്മൃതിം മേ പാതു നൃഹരിര്മുനിവര്യസ്തുതിപ്രിയഃ ।

നാസാം മേ സിംഹനാസസ്തു മുഖം ലക്ഷ്മീമുഖപ്രിയഃ

॥ 8 ॥

ശ്ലോക 10

സര്വവിദ്യാധിപഃ പാതു നൃസിംഹോ രസനാം മമ ।

വക്ത്രം പാത്വിന്ദുവദനഃ സദാ പ്രഹ്ലാദവന്ദിതഃ

॥ 9 ॥

ശ്ലോക 11

നൃസിംഹഃ പാതു മേ കണ്ഠം സ്കന്ധൌ ഭൂഭരണാന്തകൃത് ।

ദിവ്യാസ്ത്രശോഭിതഭുജോ നൃസിംഹഃ പാതു മേ ഭുജൌ

॥ 10 ॥

ശ്ലോക 12

കരൌ മേ ദേവവരദോ നൃസിംഹഃ പാതു സര്വതഃ ।

ഹൃദയം യോഗിസാധ്യശ്ച നിവാസം പാതു മേ ഹരിഃ

॥ 11 ॥

ശ്ലോക 13

മധ്യം പാതു ഹിരണ്യാക്ഷവക്ഷഃകുക്ഷിവിദാരണഃ ।

നാഭിം മേ പാതു നൃഹരിഃ സ്വനാഭി ബ്രഹ്മസംസ്തുതഃ

॥ 12 ॥

ശ്ലോക 14

ബ്രഹ്മാണ്ഡകോടയഃ കട്യാം യസ്യാസൌ പാതു മേ കടിമ് ।

ഗുഹ്യം മേ പാതു ഗുഹ്യാനാം മന്ത്രാണാം ഗുഹ്യരൂപധൃക്

॥ 13 ॥

ശ്ലോക 15

ഊരൂ മനോഭവഃ പാതു ജാനുനീ നരരൂപധൃക് ।

ജങ്ഘേ പാതു ധരാഭാരഹര്താ യോഽസൌ നൃകേസരീ

॥ 14 ॥

ശ്ലോക 16

സുരരാജ്യപ്രദഃ പാതു പാദൌ മേ നൃഹരീശ്വരഃ ।

സഹസ്രശീര്ഷാ പുരുഷഃ പാതു മേ സര്വശസ്തനുമ്

॥ 15 ॥

ശ്ലോക 17

മഹോഗ്രഃ പൂര്വതഃ പാതു മഹാവീരാഗ്രജോഽഗ്നിതഃ ।

മഹാവിഷ്ണുര്ദക്ഷിണേ തു മഹാജ്വാലസ്തു നൈരൃതൌ

॥ 16 ॥

ശ്ലോക 18

പശ്ചിമേ പാതു സര്വേശോ ദിശി മേ സര്വതോമുഖഃ ।

നൃസിംഹഃ പാതു വായവ്യാം സൌമ്യാം ഭൂഷണവിഗ്രഹഃ

॥ 17 ॥

ശ്ലോക 19

ഈശാന്യാം പാതു ഭദ്രോ മേ സര്വമങ്ഗലദായകഃ ।

സംസാരഭയദഃ പാതു മൃത്യോര്മൃത്യുര്നൃകേസരീ

॥ 18 ॥

ശ്ലോക 20

ഇദം നൃസിംഹകവചം പ്രഹ്ലാദമുഖമണ്ഡിതമ് ।

ഭക്തിമാന്യഃ പഠേന്നിത്യം സര്വപാപൈഃ പ്രമുച്യതേ

॥ 19 ॥

ശ്ലോക 21

പുത്രവാന് ധനവാന് ലോകേ ദീര്ഘായുരുപജായതേ ।

യം യം കാമയതേ കാമം തം തം പ്രാപ്നോത്യസംശയമ്

॥ 20 ॥

ശ്ലോക 22

സര്വത്ര ജയമാപ്നോതി സര്വത്ര വിജയീ ഭവേത് ।

ഭൂമ്യന്തരിക്ഷദിവ്യാനാം ഗ്രഹാണാം വിനിവാരണമ്

॥ 21 ॥

ശ്ലോക 23

വൃശ്ചികോരഗസമ്ഭൂതവിഷാപഹരണം പരമ് ।

ബ്രഹ്മരാക്ഷസയക്ഷാണാം ദൂരോത്സാരണകാരണമ്

॥ 22 ॥

ശ്ലോക 24

ഭൂര്ജേ വാ താലപത്രേ വാ കവചം ലിഖിതം ശുഭമ് ।

കരമൂലേ ധൃതം യേന സിധ്യേയുഃ കര്മസിദ്ധയഃ

॥ 23 ॥

ശ്ലോക 25

ദേവാസുരമനുഷ്യേഷു സ്വം സ്വമേവ ജയം ലഭേത് ।

ഏകസന്ധ്യം ത്രിസന്ധ്യം വാ യഃ പഠേന്നിയതോ നരഃ

॥ 24 ॥

ശ്ലോക 26

സര്വമങ്ഗലമാങ്ഗല്യം ഭുക്തിം മുക്തിം ച വിന്ദതി ।

ദ്വാത്രിംശതിസഹസ്രാണി പഠേച്ഛുദ്ധാത്മനാം നൃണാമ്

॥ 25 ॥

ശ്ലോക 27

കവചസ്യാസ്യ മന്ത്രസ്യ മന്ത്രസിദ്ധിഃ പ്രജായതേ ।

അനേന മന്ത്രരാജേന കൃത്വാ ഭസ്മാഭിമന്ത്രണമ്

॥ 26 ॥

ശ്ലോക 28

തിലകം വിന്യസേദ്യസ്തു തസ്യ ഗ്രഹഭയം ഹരേത് ।

ത്രിവാരം ജപമാനസ്തു ദത്തം വാര്യഭിമന്ത്ര്യ ച

॥ 27 ॥

ശ്ലോക 29

പ്രാശയേദ്യോ നരോ മന്ത്രം നൃസിംഹധ്യാനമാചരേത് ।

തസ്യ രോഗാഃ പ്രണശ്യന്തി യേ ച സ്യുഃ കുക്ഷിസമ്ഭവാഃ

॥ 28 ॥

ശ്ലോക 30

കിമത്ര ബഹുനോക്തേന നൃസിംഹസദൃശോ ഭവേത് ।

മനസാ ചിന്തിതം യത്തു സ തച്ചാപ്നോത്യസംശയമ്

॥ 29 ॥

ശ്ലോക 31

ഗര്ജന്തം ഗര്ജയന്തം നിജഭുജപടലം സ്ഫോടയന്തം ഹഠന്തം

രൂപ്യന്തം താപയന്തം ദിവി ഭുവി ദിതിജം ക്ഷേപയന്തം ക്ഷിപന്തമ് ।

ക്രന്ദന്തം രോഷയന്തം ദിശി ദിശി സതതം സംഹരന്തം ഭരന്തം

വീക്ഷന്തം ഘൂര്ണയന്തം ശരനികരശതൈര്ദിവ്യസിംഹം നമാമി ॥

ഇതി ശ്രീബ്രഹ്മാണ്ഡപുരാണേ പ്രഹ്ലാദോക്തം ശ്രീ നൃസിംഹ കവചമ് ।