શ્રી નરસિંહ કવચમ્

શ્રી નરસિંહ કવચમ્

શ્લોક 1

નૃસિંહકવચં વક્ષ્યે પ્રહ્લાદેનોદિતં પુરા ।

સર્વરક્ષાકરં પુણ્યં સર્વોપદ્રવનાશનમ્

શ્લોક 2

સર્વસમ્પત્કરં ચૈવ સ્વર્ગમોક્ષપ્રદાયકમ્ ।

ધ્યાત્વા નૃસિંહં દેવેશં હેમસિંહાસનસ્થિતમ્

॥ 1 ॥

શ્લોક 3

વિવૃતાસ્યં ત્રિનયનં શરદિન્દુસમપ્રભમ્ ।

લક્ષ્મ્યાલિઙ્ગિતવામાઙ્ગં વિભૂતિભિરુપાશ્રિતમ્

॥ 2 ॥

શ્લોક 4

ચતુર્ભુજં કોમલાઙ્ગં સ્વર્ણકુણ્ડલશોભિતમ્ ।

સરોજશોભિતોરસ્કં રત્નકેયૂરમુદ્રિતમ્

॥ 3 ॥

શ્લોક 5

॥ 4 ॥ [રત્નકેયૂરશોભિતમ્]

તપ્તકાઞ્ચનસઙ્કાશં પીતનિર્મલવાસનમ્ ।

ઇન્દ્રાદિસુરમૌલિસ્થસ્ફુરન્માણિક્યદીપ્તિભિઃ

શ્લોક 6

વિરાજિતપદદ્વન્દ્વં શઙ્ખચક્રાદિહેતિભિઃ ।

ગરુત્મતા સવિનયં સ્તૂયમાનં મુદાન્વિતમ્

॥ 5 ॥

શ્લોક 7

સ્વહૃત્કમલસંવાસં કૃત્વા તુ કવચં પઠેત્ ।

નૃસિંહો મે શિરઃ પાતુ લોકરક્ષાત્મસમ્ભવઃ

॥ 6 ॥

શ્લોક 8

સર્વગોઽપિ સ્તમ્ભવાસઃ ફાલં મે રક્ષતુ ધ્વનિમ્ ।

નૃસિંહો મે દૃશૌ પાતુ સોમસૂર્યાગ્નિલોચનઃ

॥ 7 ॥

શ્લોક 9

સ્મૃતિં મે પાતુ નૃહરિર્મુનિવર્યસ્તુતિપ્રિયઃ ।

નાસાં મે સિંહનાસસ્તુ મુખં લક્ષ્મીમુખપ્રિયઃ

॥ 8 ॥

શ્લોક 10

સર્વવિદ્યાધિપઃ પાતુ નૃસિંહો રસનાં મમ ।

વક્ત્રં પાત્વિન્દુવદનઃ સદા પ્રહ્લાદવન્દિતઃ

॥ 9 ॥

શ્લોક 11

નૃસિંહઃ પાતુ મે કણ્ઠં સ્કન્ધૌ ભૂભરણાન્તકૃત્ ।

દિવ્યાસ્ત્રશોભિતભુજો નૃસિંહઃ પાતુ મે ભુજૌ

॥ 10 ॥

શ્લોક 12

કરૌ મે દેવવરદો નૃસિંહઃ પાતુ સર્વતઃ ।

હૃદયં યોગિસાધ્યશ્ચ નિવાસં પાતુ મે હરિઃ

॥ 11 ॥

શ્લોક 13

મધ્યં પાતુ હિરણ્યાક્ષવક્ષઃકુક્ષિવિદારણઃ ।

નાભિં મે પાતુ નૃહરિઃ સ્વનાભિ બ્રહ્મસંસ્તુતઃ

॥ 12 ॥

શ્લોક 14

બ્રહ્માણ્ડકોટયઃ કટ્યાં યસ્યાસૌ પાતુ મે કટિમ્ ।

ગુહ્યં મે પાતુ ગુહ્યાનાં મન્ત્રાણાં ગુહ્યરૂપધૃક્

॥ 13 ॥

શ્લોક 15

ઊરૂ મનોભવઃ પાતુ જાનુની નરરૂપધૃક્ ।

જઙ્ઘે પાતુ ધરાભારહર્તા યોઽસૌ નૃકેસરી

॥ 14 ॥

શ્લોક 16

સુરરાજ્યપ્રદઃ પાતુ પાદૌ મે નૃહરીશ્વરઃ ।

સહસ્રશીર્ષા પુરુષઃ પાતુ મે સર્વશસ્તનુમ્

॥ 15 ॥

શ્લોક 17

મહોગ્રઃ પૂર્વતઃ પાતુ મહાવીરાગ્રજોઽગ્નિતઃ ।

મહાવિષ્ણુર્દક્ષિણે તુ મહાજ્વાલસ્તુ નૈરૃતૌ

॥ 16 ॥

શ્લોક 18

પશ્ચિમે પાતુ સર્વેશો દિશિ મે સર્વતોમુખઃ ।

નૃસિંહઃ પાતુ વાયવ્યાં સૌમ્યાં ભૂષણવિગ્રહઃ

॥ 17 ॥

શ્લોક 19

ઈશાન્યાં પાતુ ભદ્રો મે સર્વમઙ્ગલદાયકઃ ।

સંસારભયદઃ પાતુ મૃત્યોર્મૃત્યુર્નૃકેસરી

॥ 18 ॥

શ્લોક 20

ઇદં નૃસિંહકવચં પ્રહ્લાદમુખમણ્ડિતમ્ ।

ભક્તિમાન્યઃ પઠેન્નિત્યં સર્વપાપૈઃ પ્રમુચ્યતે

॥ 19 ॥

શ્લોક 21

પુત્રવાન્ ધનવાન્ લોકે દીર્ઘાયુરુપજાયતે ।

યં યં કામયતે કામં તં તં પ્રાપ્નોત્યસંશયમ્

॥ 20 ॥

શ્લોક 22

સર્વત્ર જયમાપ્નોતિ સર્વત્ર વિજયી ભવેત્ ।

ભૂમ્યન્તરિક્ષદિવ્યાનાં ગ્રહાણાં વિનિવારણમ્

॥ 21 ॥

શ્લોક 23

વૃશ્ચિકોરગસમ્ભૂતવિષાપહરણં પરમ્ ।

બ્રહ્મરાક્ષસયક્ષાણાં દૂરોત્સારણકારણમ્

॥ 22 ॥

શ્લોક 24

ભૂર્જે વા તાલપત્રે વા કવચં લિખિતં શુભમ્ ।

કરમૂલે ધૃતં યેન સિધ્યેયુઃ કર્મસિદ્ધયઃ

॥ 23 ॥

શ્લોક 25

દેવાસુરમનુષ્યેષુ સ્વં સ્વમેવ જયં લભેત્ ।

એકસન્ધ્યં ત્રિસન્ધ્યં વા યઃ પઠેન્નિયતો નરઃ

॥ 24 ॥

શ્લોક 26

સર્વમઙ્ગલમાઙ્ગલ્યં ભુક્તિં મુક્તિં ચ વિન્દતિ ।

દ્વાત્રિંશતિસહસ્રાણિ પઠેચ્છુદ્ધાત્મનાં નૃણામ્

॥ 25 ॥

શ્લોક 27

કવચસ્યાસ્ય મન્ત્રસ્ય મન્ત્રસિદ્ધિઃ પ્રજાયતે ।

અનેન મન્ત્રરાજેન કૃત્વા ભસ્માભિમન્ત્રણમ્

॥ 26 ॥

શ્લોક 28

તિલકં વિન્યસેદ્યસ્તુ તસ્ય ગ્રહભયં હરેત્ ।

ત્રિવારં જપમાનસ્તુ દત્તં વાર્યભિમન્ત્ર્ય ચ

॥ 27 ॥

શ્લોક 29

પ્રાશયેદ્યો નરો મન્ત્રં નૃસિંહધ્યાનમાચરેત્ ।

તસ્ય રોગાઃ પ્રણશ્યન્તિ યે ચ સ્યુઃ કુક્ષિસમ્ભવાઃ

॥ 28 ॥

શ્લોક 30

કિમત્ર બહુનોક્તેન નૃસિંહસદૃશો ભવેત્ ।

મનસા ચિન્તિતં યત્તુ સ તચ્ચાપ્નોત્યસંશયમ્

॥ 29 ॥

શ્લોક 31

ગર્જન્તં ગર્જયન્તં નિજભુજપટલં સ્ફોટયન્તં હઠન્તં

રૂપ્યન્તં તાપયન્તં દિવિ ભુવિ દિતિજં ક્ષેપયન્તં ક્ષિપન્તમ્ ।

ક્રન્દન્તં રોષયન્તં દિશિ દિશિ સતતં સંહરન્તં ભરન્તં

વીક્ષન્તં ઘૂર્ણયન્તં શરનિકરશતૈર્દિવ્યસિંહં નમામિ ॥

ઇતિ શ્રીબ્રહ્માણ્ડપુરાણે પ્રહ્લાદોક્તં શ્રી નૃસિંહ કવચમ્ ।