শ্রী নরসিংহ কবচম্

শ্রী নরসিংহ কবচম্

শ্লোক 1

নৃসিংহকবচং বক্ষ্যে প্রহ্লাদেনোদিতং পুরা ।

সর্বরক্ষাকরং পুণ্যং সর্বোপদ্রবনাশনম্

শ্লোক 2

সর্বসম্পত্করং চৈব স্বর্গমোক্ষপ্রদাযকম্ ।

ধ্যাত্বা নৃসিংহং দেবেশং হেমসিংহাসনস্থিতম্

॥ 1 ॥

শ্লোক 3

বিবৃতাস্যং ত্রিনযনং শরদিন্দুসমপ্রভম্ ।

লক্ষ্ম্যালিঙ্গিতবামাঙ্গং বিভূতিভিরুপাশ্রিতম্

॥ 2 ॥

শ্লোক 4

চতুর্ভুজং কোমলাঙ্গং স্বর্ণকুণ্ডলশোভিতম্ ।

সরোজশোভিতোরস্কং রত্নকেযূরমুদ্রিতম্

॥ 3 ॥

শ্লোক 5

॥ 4 ॥ [রত্নকেযূরশোভিতম্]

তপ্তকাঞ্চনসঙ্কাশং পীতনির্মলবাসনম্ ।

ইন্দ্রাদিসুরমৌলিস্থস্ফুরন্মাণিক্যদীপ্তিভিঃ

শ্লোক 6

বিরাজিতপদদ্বন্দ্বং শঙ্খচক্রাদিহেতিভিঃ ।

গরুত্মতা সবিনযং স্তূযমানং মুদান্বিতম্

॥ 5 ॥

শ্লোক 7

স্বহৃত্কমলসংবাসং কৃত্বা তু কবচং পঠেত্ ।

নৃসিংহো মে শিরঃ পাতু লোকরক্ষাত্মসম্ভবঃ

॥ 6 ॥

শ্লোক 8

সর্বগোঽপি স্তম্ভবাসঃ ফালং মে রক্ষতু ধ্বনিম্ ।

নৃসিংহো মে দৃশৌ পাতু সোমসূর্যাগ্নিলোচনঃ

॥ 7 ॥

শ্লোক 9

স্মৃতিং মে পাতু নৃহরির্মুনিবর্যস্তুতিপ্রিযঃ ।

নাসাং মে সিংহনাসস্তু মুখং লক্ষ্মীমুখপ্রিযঃ

॥ 8 ॥

শ্লোক 10

সর্ববিদ্যাধিপঃ পাতু নৃসিংহো রসনাং মম ।

বক্ত্রং পাত্বিন্দুবদনঃ সদা প্রহ্লাদবন্দিতঃ

॥ 9 ॥

শ্লোক 11

নৃসিংহঃ পাতু মে কণ্ঠং স্কন্ধৌ ভূভরণান্তকৃত্ ।

দিব্যাস্ত্রশোভিতভুজো নৃসিংহঃ পাতু মে ভুজৌ

॥ 10 ॥

শ্লোক 12

করৌ মে দেববরদো নৃসিংহঃ পাতু সর্বতঃ ।

হৃদযং যোগিসাধ্যশ্চ নিবাসং পাতু মে হরিঃ

॥ 11 ॥

শ্লোক 13

মধ্যং পাতু হিরণ্যাক্ষবক্ষঃকুক্ষিবিদারণঃ ।

নাভিং মে পাতু নৃহরিঃ স্বনাভি ব্রহ্মসংস্তুতঃ

॥ 12 ॥

শ্লোক 14

ব্রহ্মাণ্ডকোটযঃ কট্যাং যস্যাসৌ পাতু মে কটিম্ ।

গুহ্যং মে পাতু গুহ্যানাং মন্ত্রাণাং গুহ্যরূপধৃক্

॥ 13 ॥

শ্লোক 15

ঊরূ মনোভবঃ পাতু জানুনী নররূপধৃক্ ।

জঙ্ঘে পাতু ধরাভারহর্তা যোঽসৌ নৃকেসরী

॥ 14 ॥

শ্লোক 16

সুররাজ্যপ্রদঃ পাতু পাদৌ মে নৃহরীশ্বরঃ ।

সহস্রশীর্ষা পুরুষঃ পাতু মে সর্বশস্তনুম্

॥ 15 ॥

শ্লোক 17

মহোগ্রঃ পূর্বতঃ পাতু মহাবীরাগ্রজোঽগ্নিতঃ ।

মহাবিষ্ণুর্দক্ষিণে তু মহাজ্বালস্তু নৈরৃতৌ

॥ 16 ॥

শ্লোক 18

পশ্চিমে পাতু সর্বেশো দিশি মে সর্বতোমুখঃ ।

নৃসিংহঃ পাতু বাযব্যাং সৌম্যাং ভূষণবিগ্রহঃ

॥ 17 ॥

শ্লোক 19

ঈশান্যাং পাতু ভদ্রো মে সর্বমঙ্গলদাযকঃ ।

সংসারভযদঃ পাতু মৃত্যোর্মৃত্যুর্নৃকেসরী

॥ 18 ॥

শ্লোক 20

ইদং নৃসিংহকবচং প্রহ্লাদমুখমণ্ডিতম্ ।

ভক্তিমান্যঃ পঠেন্নিত্যং সর্বপাপৈঃ প্রমুচ্যতে

॥ 19 ॥

শ্লোক 21

পুত্রবান্ ধনবান্ লোকে দীর্ঘাযুরুপজাযতে ।

যং যং কামযতে কামং তং তং প্রাপ্নোত্যসংশযম্

॥ 20 ॥

শ্লোক 22

সর্বত্র জযমাপ্নোতি সর্বত্র বিজযী ভবেত্ ।

ভূম্যন্তরিক্ষদিব্যানাং গ্রহাণাং বিনিবারণম্

॥ 21 ॥

শ্লোক 23

বৃশ্চিকোরগসম্ভূতবিষাপহরণং পরম্ ।

ব্রহ্মরাক্ষসযক্ষাণাং দূরোত্সারণকারণম্

॥ 22 ॥

শ্লোক 24

ভূর্জে বা তালপত্রে বা কবচং লিখিতং শুভম্ ।

করমূলে ধৃতং যেন সিধ্যেযুঃ কর্মসিদ্ধযঃ

॥ 23 ॥

শ্লোক 25

দেবাসুরমনুষ্যেষু স্বং স্বমেব জযং লভেত্ ।

একসন্ধ্যং ত্রিসন্ধ্যং বা যঃ পঠেন্নিযতো নরঃ

॥ 24 ॥

শ্লোক 26

সর্বমঙ্গলমাঙ্গল্যং ভুক্তিং মুক্তিং চ বিন্দতি ।

দ্বাত্রিংশতিসহস্রাণি পঠেচ্ছুদ্ধাত্মনাং নৃণাম্

॥ 25 ॥

শ্লোক 27

কবচস্যাস্য মন্ত্রস্য মন্ত্রসিদ্ধিঃ প্রজাযতে ।

অনেন মন্ত্ররাজেন কৃত্বা ভস্মাভিমন্ত্রণম্

॥ 26 ॥

শ্লোক 28

তিলকং বিন্যসেদ্যস্তু তস্য গ্রহভযং হরেত্ ।

ত্রিবারং জপমানস্তু দত্তং বার্যভিমন্ত্র্য চ

॥ 27 ॥

শ্লোক 29

প্রাশযেদ্যো নরো মন্ত্রং নৃসিংহধ্যানমাচরেত্ ।

তস্য রোগাঃ প্রণশ্যন্তি যে চ স্যুঃ কুক্ষিসম্ভবাঃ

॥ 28 ॥

শ্লোক 30

কিমত্র বহুনোক্তেন নৃসিংহসদৃশো ভবেত্ ।

মনসা চিন্তিতং যত্তু স তচ্চাপ্নোত্যসংশযম্

॥ 29 ॥

শ্লোক 31

গর্জন্তং গর্জযন্তং নিজভুজপটলং স্ফোটযন্তং হঠন্তং

রূপ্যন্তং তাপযন্তং দিবি ভুবি দিতিজং ক্ষেপযন্তং ক্ষিপন্তম্ ।

ক্রন্দন্তং রোষযন্তং দিশি দিশি সততং সংহরন্তং ভরন্তং

বীক্ষন্তং ঘূর্ণযন্তং শরনিকরশতৈর্দিব্যসিংহং নমামি ॥

ইতি শ্রীব্রহ্মাণ্ডপুরাণে প্রহ্লাদোক্তং শ্রী নৃসিংহ কবচম্ ।