Nakshatra Suktam (Nakshatreshti)

nakSatra sUktam (nakSatreSTi)

zloka 1

taittirIya brAhmaNa - aSTakaM 3, praznaH 1,

taittirIya saMhitA - kANDa 3, prapAThakaH 5, anuvAkaM 1

nakSatraM - kRttikA, devatA - agniH

OM a॒gnirnaH॑ pAtu॒ kRtti॑kAH | nakSa॑tra-nde॒vami॑ndri॒yam |

i॒damA॑sAM-vi~cakSa॒Nam | ha॒virA॒sa-Jju॑hotana |

yasya॒ bhAnti॑ ra॒zmayo॒ yasya॑ ke॒tavaH॑ | yasye॒mA vizvA॒ bhuva॑nAni॒ sarvA᳚ |

sa kRtti॑kAbhi-ra॒bhisaM॒​va~sA॑naH | a॒gnirno॑ de॒vassu॑vi॒te da॑dhAtu || 1

nakSatraM - rohiNI, devatA - prajApatiH

pra॒jApa॑te rohi॒NIve॑tu॒ patnI᳚ | vi॒zvarU॑pA bRha॒tI ci॒trabhA॑nuH |

sA no॑ ya॒jJasya॑ suvi॒te da॑dhAtu | yathA॒ jIve॑ma za॒rada॒ssavI॑rAH |

ro॒hi॒NI de॒vyuda॑gAtpu॒rastA᳚t | vizvA॑ rU॒pANi॑ prati॒moda॑mAnA |

pra॒jApa॑tigM ha॒viSA॑ va॒rdhaya॑ntI | pri॒yA de॒vAnA॒-mupa॑yAtu ya॒jJam || 2

nakSatraM - mRgazIr​SaH, devatA - somaH

somo॒ rAjA॑ mRgazI॒r॒SeNa॒ Agann॑ | zi॒va-nnakSa॑tra-mpri॒yama॑sya॒ dhAma॑ |

A॒pyAya॑mAno bahu॒dhA jane॑Su | retaH॑ pra॒jAM-ya~ja॑mAne dadhAtu |

yatte॒ nakSa॑tra-mmRgazI॒r॒Samasti॑ | pri॒yagM rA॑ja-npri॒yata॑ma-mpri॒yANA᳚m |

tasmai॑ te soma ha॒viSA॑ vidhema | zanna॑ edhi dvi॒pade॒ zaJcatu॑Spade || 3

nakSatraM - ArdrA, devatA - rudraH

A॒rdrayA॑ ru॒draH pratha॑mA na eti | zreSTho॑ de॒vAnA॒-mpati॑raghni॒yAnA᳚m |

nakSa॑tramasya ha॒viSA॑ vidhema | mA naH॑ pra॒jAgM rI॑riSa॒nmota vI॒rAn |

he॒tI ru॒drasya॒ pari॑No vRNaktu | A॒rdrA nakSa॑tra-JjuSatAgM ha॒virnaH॑ |

pra॒mu॒JcamA॑nau duri॒tAni॒ vizvA᳚ | apA॒ghazagM॑ sannu-datA॒marA॑tim || 4

nakSatraM - punarvasu, devatA - aditiH

puna॑rno de॒vyadi॑ti-spRNotu | puna॑rvasU naH॒ puna॒retAM᳚-ya~॒jJam |

puna॑rno de॒vA a॒bhiya॑ntu॒ sarve᳚ | punaH॑ punarvo ha॒viSA॑ yajAmaH |

e॒vA na de॒vya-di॑tirana॒rvA | vizva॑sya bha॒rtrI jaga॑taH prati॒SThA |

puna॑rvasU ha॒viSA॑ va॒rdhaya॑ntI | pri॒ya-nde॒vAnA॒-mapye॑tu॒ pAthaH॑ || 5

nakSatraM - puSyaH, devatA - bRhaspatiH

bRha॒spatiH॑ pratha॒maJjAya॑mAnaH | ti॒Sya॑-nnakSa॑trama॒bhi samba॑bhUva |

zreSTho॑ de॒vAnA॒-mpRta॑nAsu ji॒SNuH | di॒zo-'nu॒ sarvA॒ abha॑yanno astu |

ti॒SyaH॑ pu॒rastA॑du॒ta ma॑dhya॒to naH॑ | bRha॒spati॑rnaH॒ pari॑pAtu pa॒zcAt |

bAdhe॑ tA॒ndveSo॒ abha॑ya-GkRNutAm | su॒vIrya॑sya॒ pata॑yasyAma || 6

nakSatraM -AzreSam, devatA - sarpAH

i॒dagM sa॒rpebhyo॑ ha॒vira॑stu॒ juSTa᳚m | A॒zre॒SA yeSA॑manu॒yanti॒ cetaH॑ |

ye a॒ntari॑kSa-mpRthi॒vIM-kSi॒yanti॑ | tena॑ ssa॒rpAso॒ hava॒mAga॑miSThAH |

ye ro॑ca॒ne sUrya॒syApi॑ sa॒rpAH | ye diva॑-nde॒vI-manu॑sa॒Jcara॑nti |

yeSA॑mAzre॒SA a॑nu॒yanti॒ kAma᳚m | tebhya॑-ssa॒rpebhyo॒ madhu॑-majjuhomi || 7

nakSatraM - maghA, devatA - pitaraH

upa॑hUtAH pi॒taro॒ ye ma॒ghAsu॑ | mano॑javasa-ssu॒kRta॑-ssukR॒tyAH |

te no॒ nakSa॑tre॒ hava॒mAga॑miSThAH | sva॒dhAbhi॑rya॒jJa-mpraya॑ta-JjuSantAm |

ye a॑gnida॒gdhA ye-'na॑gni-dagdhAH | ye॑-'mullo॒ka-mpi॒taraH॑, kSi॒yanti॑ |

yAg​zca॑ vi॒dmayAgM u॑ ca॒ na pra॑vi॒dma | ma॒ghAsu॑ ya॒jJagM sukR॑ta-JjuSantAm || 8

nakSatraM - pUrvaphalgunI, devatA - aryamA

gavA॒-mpatiH॒ phalgu॑nI-nAmasi॒ tvam | tada॑ryamanvaruNa mitra॒ cAru॑ |

ta-ntvA॑ va॒yagM sa॑ni॒tAragM॑ sanI॒nAm | jI॒vA jIva॑nta॒mupa॒ saM​vi~॑zema |

yene॒mA vizvA॒ bhuva॑nAni॒ saJji॑tA | yasya॑ de॒vA a॑nusaM॒​ya~nti॒ cetaH॑ |

a॒rya॒mA rAjA॒-'jara॒stu vi॑SmAn | phalgu॑nInA-mRSa॒bho ro॑ravIti || 9

nakSatraM - uttara phalgunI, devatA - bhagaH

zreSTho॑ de॒vAnA᳚-mbhagavo bhagAsi | tattvA॑ viduH॒ phalgu॑nI॒-stasya॑ vittAt |

a॒smabhyaM॑-kSa॒trama॒jaragM॑ su॒vIrya᳚m | goma॒dazva॑-va॒dupa॒sannu॑-de॒ha |

bhago॑ha dA॒tA bhaga॒ itpra॑dA॒tA | bhago॑ de॒vIH phalgu॑nI॒-rAvi॑veza |

bhaga॒syetta-mpra॑sa॒va-Gga॑mema | yatra॑ de॒vai-ssa॑dha॒mAda॑-mmadema || 10

nakSatraM - hastaH, devatA - savitA

AyA॑tu de॒va-ssa॑vi॒to pa॑yAtu | hi॒ra॒Nyaye॑na su॒vRtA॒ rathe॑na |

vaha॒na॒, hastagM॑ su॒bhagaM॑-vi~dma॒nApa॑sam | pra॒yaccha॑nta॒-mpapu॑ri॒-mpuNya॒maccha॑ |

hastaH॒ praya॑ccha tva॒mRtaM॒-va~sI॑yaH | dakSi॑Nena॒ prati॑gRbhNIma enat |

dA॒tAra॑-ma॒dya sa॑vi॒tA vi॑deya | yo no॒ hastA॑ya prasu॒vAti॑ ya॒jJam || 11

nakSatraM - citrA, devatA - tvaSTA

tvaSTA॒ nakSa॑tra-ma॒bhye॑ti ci॒trAm | su॒bhagM sa॑saM​yu~va॒tigM roca॑mAnAm |

ni॒ve॒zaya॑-nna॒mRtA॒-nmartyAg॑zca | rU॒pANi॑ pi॒gM॒za-nbhuva॑nAni॒ vizvA᳚ |

tanna॒stvaSTA॒ tadu॑ ci॒trA vica॑STAm | tannakSa॑tra-mbhUri॒dA a॑stu॒ mahya᳚m |

tannaH॑ pra॒jAM-vI~॒rava॑tIgM sanotu | gobhi॑rno॒ azvai॒-ssama॑naktu ya॒jJam || 12

nakSatraM - svAtI, devatA - vAyuH

vA॒yu-rnakSa॑tra-ma॒bhye॑ti॒ niSTyA᳚m | ti॒gmazR॑Ggo vRSa॒bho roru॑vANaH |

sa॒mI॒raya॒-nbhuva॑nA mAta॒rizvA᳚ | apa॒ dveSAgM॑si nudatA॒marA॑tIH |

tanno॑ vA॒yastadu॒ niSTyA॑ zRNotu | tannakSa॑tra-mbhUri॒dA a॑stu॒ mahya᳚m |

tanno॑ de॒vAso॒ anu॑ jAnantu॒ kAma᳚m | yathA॒ tare॑ma duri॒tAni॒ vizvA᳚ || 13

nakSatraM - vizAkhA, devatA - indrAgnI

dU॒rama॒smacchatra॑vo yantu bhI॒tAH | tadi॑ndrA॒gnI kR॑NutA॒-ntadvizA॑khe |

tanno॑ de॒vA anu॑madantu ya॒jJam | pa॒zcA-tpu॒rastA॒-dabha॑yanno astu |

nakSa॑trANA॒-madhi॑patnI॒ vizA॑khe | zreSThA॑-vindrA॒gnI bhuva॑nasya go॒pau |

viSU॑ca॒-zzatrU॑napa॒bAdha॑mAnau | apa॒kSudha॑-nnudatA॒marA॑tim || 14

paurNamAsi

pU॒rNA pa॒zcAdu॒ta pU॒rNA pu॒rastA᳚t | unma॑dhya॒taH pau᳚rNamA॒sI ji॑gAya |

tasyA᳚-nde॒vA adhi॑ saM॒-va~sa॑ntaH | u॒tta॒me nAka॑ i॒ha mA॑dayantAm |

pR॒thvI su॒varcA॑ yuva॒ti-ssa॒joSAH᳚ | pau॒rNa॒mA॒syuda॑gA॒-cchobha॑mAnA |

A॒pyA॒yaya॑ntI duri॒tAni॒ vizvA᳚ | u॒ru-nduhAM॒-ya~ja॑mAnAya ya॒jJam || 15

nakSatraM - anUrAdhA, devatA - mitraH

R॒ddhyAsma॑ ha॒vyai-rnama॑sopa॒-sadya॑ | mi॒tra-nde॒va-mmi॑tra॒dheya॑nno astu |

a॒nU॒rA॒dhAn, ha॒viSA॑ va॒rdhaya॑ntaH | za॒ta-JjI॑vema za॒rada॒-ssavI॑rAH |

ci॒traM-nakSa॑tra॒-muda॑gA-tpu॒rastA᳚t | a॒nU॒rA॒dhA sa॒ iti॒ yadvada॑nti |

tanmi॒tra e॑ti pa॒thibhi॑-rdeva॒yAnaiH᳚ | hi॒ra॒Nyayai॒-rvita॑tai-ra॒ntari॑kSe || 16

nakSatraM - jyeSThA, devatA - indraH

indro᳚ jye॒SThA manu॒ nakSa॑trameti | yasmi॑n vR॒traM-vR~॑tra॒ tUrye॑ ta॒tAra॑ |

tasmi॑nva॒ya-ma॒mRta॒-nduhA॑nAH | kSudha॑ntarema॒ duri॑ti॒-nduri॑STim |

pu॒ra॒nda॒rAya॑ vRSa॒bhAya॑ dhR॒SNave᳚ | aSA॑DhAya॒ saha॑mAnAya mI॒DhuSe᳚ |

indrA॑ya jye॒SThA madhu॑ma॒dduhA॑nA | u॒ru-GkR॑Notu॒ yaja॑mAnAya lo॒kam || 17

nakSatraM - mUlam, devatA - prajApatiH

mUla॑-mpra॒jAM-vI॒rava॑tIM-videya | parA᳚cyetu॒ nir-R॑tiH parA॒cA |

gobhi॒-rnakSa॑tra-mpa॒zubhi॒-ssama॑ktam | aha॑-rbhUyA॒-dyaja॑mAnAya॒ mahya᳚m |

aha॑rno a॒dya su॑vi॒te da॑dhAtu | mUla॒-nnakSa॑tra॒miti॒ yadvada॑nti |

parA॑cIM-vA~॒cA nir-R॑ti-nnudAmi | zi॒va-mpra॒jAyai॑ zi॒vama॑stu॒ mahya᳚m || 18

nakSatraM - pUrvASADhA, devatA - ApaH

yA di॒vyA ApaH॒ paya॑sA sambabhU॒vuH | yA a॒ntari॑kSa u॒ta pArthi॑vI॒ryAH |

yAsA॑maSA॒DhA a॑nu॒yanti॒ kAma᳚m | tA na॒ Apa॒-zzagg​ syo॒nA bha॑vantu |

yAzca॒ kUpyA॒ yAzca॑ nA॒dyA᳚-ssamu॒driyAH᳚ | yAzca॑ vaiza॒ntIru॒ta prA॑sa॒cIryAH |

yAsA॑maSA॒DhA madhu॑ bha॒kSaya॑nti | tA na॒ Apa॒-zzagg​ syo॒nA bha॑vantu || 19

nakSatraM - uttarASADhA, devatA - vizvedevaH

tanno॒ vizve॒ upa॑ zRNvantu de॒vAH | tada॑SA॒DhA a॒bhisaM​ya~॑ntu ya॒jJam |

tannakSa॑tra-mprathatA-mpa॒zubhyaH॑ | kR॒Si-rvR॒STi-ryaja॑mAnAya kalpatAm |

zu॒bhrAH ka॒nyA॑ yuva॒taya॑-ssu॒peza॑saH | ka॒rma॒kRta॑-ssu॒kRto॑ vI॒ryA॑vatIH |

vizvA᳚-nde॒vAn, ha॒viSA॑ va॒rdhaya॑ntIH |

a॒SA॒DhAH kAma॒ mupa॑yAntu ya॒jJam || 20

nakSatraM - abhijit, devatA - brahmA

yasmi॒-nbrahmA॒bhyaja॑ya॒-thsarva॑me॒tat | a॒muJca॑ lo॒ka mi॒damU॑ca॒ sarva᳚m |

tanno॒ nakSa॑tra-mabhi॒ji-dvi॒jitya॑ | zriya॑-ndadhA॒tva-hR॑NIyamAnam |

u॒bhau lo॒kau brahma॑NA॒ saJji॑te॒mau | tanno॒ nakSa॑tra-mabhi॒ji-dvica॑STAm |

tasmi॑n va॒ya-mpRta॑nA॒ ssaJja॑yema | tanno॑ de॒vAso॒ anu॑jAnantu॒ kAma᳚m || 21

nakSatraM - zravaNam, devatA - viSNuH

zR॒Nvanti॑ zro॒NA-ma॒mRta॑sya go॒pAm | puNyA॑masyA॒ upa॑zRNomi॒ vAca᳚m |

ma॒hI-nde॒vIM-vi~SNu॑patnI majU॒ryAm | pra॒tIcI॑ menAgM ha॒viSA॑ yajAmaH |

tre॒dhA viSNu॑-rurugA॒yo vica॑krame | ma॒hI-ndiva॑-mpRthi॒vI-ma॒ntari॑kSam |

tacchro॒Naiti॒ zrava॑-i॒cchamA॑nA | puNya॒gg॒ zlokaM॒-ya~ja॑mAnAya kRNva॒tI || 22

nakSatraM - zraviSTA, devatA - vasavaH

a॒STau de॒vA vasa॑vasso॒myAsaH॑ | cata॑sro de॒vI ra॒jarA॒-zzravi॑SThAH |

te ya॒jJa-mpA᳚ntu॒ raja॑saH pa॒rastA᳚t | saM॒​va~॒thsa॒rINa॑-ma॒mRtagg॑ sva॒sti |

ya॒jJa-nnaH॑ pAntu॒ vasa॑vaH pu॒rastA᳚t | da॒kSi॒Na॒to॑-'bhiya॑ntu॒ zravi॑SThAH |

puNya॒nnakSa॑trama॒bhi saM​vi~॑zAma | mA no॒ arA॑ti-ra॒ghaza॒gM॒ sAgann॑ || 23

nakSatraM - zatabhiSak, devatA - varuNaH

kSa॒trasya॒ rAjA॒ varu॑No-'dhirA॒jaH | nakSa॑trANAgM za॒tabhi॑Sa॒g vasi॑SThaH |

tau de॒vebhyaH॑ kRNuto dI॒rghamAyaH॑ | za॒tagM sa॒hasrA॑ bheSa॒jAni॑ dhattaH |

ya॒jJanno॒ rAjA॒ varu॑Na॒ upa॑yAtu | tanno॒ vizve॑ a॒bhisaM​ya~॑ntu de॒vAH |

tanno॒ nakSa॑tragM za॒tabhi॑Sag juSA॒Nam | dI॒rghamAyuH॒ prati॑ra-dbheSa॒jAni॑ || 24

nakSatraM - pUrvaproSThapadA, devatA - ajayekapAdaH

a॒ja eka॑pA॒- duda॑gA-tpu॒rastA᳚t | vizvA॑ bhU॒tAni॑ prati॒ moda॑mAnaH |

tasya॑ de॒vAH pra॑sa॒vaM-ya~॑nti॒ sarve᳚ | pro॒STha॒pa॒dAso॑ a॒mRta॑sya go॒pAH |

vi॒bhrAja॑mAna-ssamidhA॒na u॒graH | A-'ntari॑kSa-maruha॒da-dga॒ndyAm |

tagM sUrya॑-nde॒va-ma॒jameka॑pAdam | pro॒STha॒pa॒dAso॒ anu॑yanti॒ sarve᳚ || 25

nakSatraM - uttaraproSThapadA, devatA - ahirbuddhniyaH

ahi॑-rbu॒ddhniyaH॒ pratha॑mAna eti | zreSTho॑ de॒vAnA॑mu॒ta mAnu॑SANAm |

ta-mbrA᳚hma॒NA-sso॑ma॒pA-sso॒myAsaH॑ | pro॒STha॒pa॒dAso॑ a॒bhira॑kSanti॒ sarve᳚ |

ca॒tvAra॒ eka॑ma॒bhi karma॑ de॒vAH | pro॒STha॒pa॒dAsa॒ iti॒ yAn, vada॑nti |

te bu॒ddhaniya॑-mpari॒Sadyagg॑ stu॒vantaH॑ | ahigM॑ rakSanti॒ nama॑sopa॒ sadya॑ || 26

nakSatraM - revatI, devatA - pUSA

pU॒SA re॒vatyanve॑ti॒ panthA᳚m | pu॒STi॒patI॑ pazu॒pA vAja॑bastyau |

i॒mAni॑ ha॒vyA praya॑tA juSA॒NA | su॒gairno॒ yAnai॒rupa॑yAtAM-ya~॒jJam |

kSu॒drA-npa॒zU-nra॑kSatu re॒vatI॑ naH | gAvo॑ no॒ azvA॒gM॒ anve॑tu pU॒SA |

anna॒gM॒ rakSa॑ntau bahu॒dhA virU॑pam | vAjagM॑ sanutAM॒-ya~ja॑mAnAya ya॒jJam || 27

nakSatraM - azvinI, devatA - azvinI deva

tada॒zvinA॑-vazva॒yujo-pa॑yAtAm | zubha॒Ggami॑SThau su॒yame॑bhi॒razvaiH᳚ |

svannakSa॑tragM ha॒viSA॒ yaja॑ntau | maddhvA॒-sampR॑ktau॒ yaju॑SA॒ sama॑ktau |

yau de॒vAnA᳚-mbhi॒Sajau॑ havyavA॒hau | vizva॑sya dU॒tA-va॒mRta॑sya go॒pau |

tau nakSa॑traM-jujuSA॒No-pa॑yAtAm | namo॒-'zvibhyA᳚-GkRNumo-'zva॒gyubhyA᳚m || 28

nakSatraM - apabharaNI, devatA - yamaH

apa॑ pA॒pmAna॒-mbhara॑NI-rbharantu | tadya॒mo rAjA॒ bhaga॑vA॒n॒, vica॑STAm |

lo॒kasya॒ rAjA॑ maha॒to ma॒hAn, hi | su॒gannaH॒ panthA॒mabha॑ya-GkRNotu |

yasmi॒-nnakSa॑tre ya॒ma eti॒ rAjA᳚ | yasmi॑nnena-ma॒bhyaSi॑Jcanta de॒vAH |

tada॑sya ci॒tragM ha॒viSA॑ yajAma | apa॑ pA॒pmAna॒-mbhara॑NI-rbharantu || 29

amAvAsi

ni॒veza॑nI sa॒Ggama॑nI॒ vasU॑nAM॒-vi~zvA॑ rU॒pANi॒ vasU᳚nyA-ve॒zaya॑ntI |

sa॒ha॒sra॒-po॒SagM su॒bhagA॒ rarA॑NA॒ sA na॒ Aga॒n varca॑sA saM​vi~dA॒nA |

yatte॑ de॒vA ada॑dhu-rbhAga॒dheya॒-mamA॑vAsye saM॒​va~sa॑nto mahi॒tvA |

sA no॑ ya॒jJa-mpi॑pRhi vizvavAre ra॒yinno॑ dhehi subhage su॒vIra᳚m || 30

OM zAnti॒-zzAnti॒-zzAntiH॑ ||

31-40: Optional for Additional Chanting

candramA

navo॑ navo bhavati॒ jAya॑mA॒no-'hnA᳚-Gke॒tu-ru॒SasA॑ me॒tyagre᳚ |

bhA॒ga-nde॒vebhyo॒ vida॑dhAtyA॒ya-npraca॒ndramA᳚stiriti dI॒rghamAyuH॑ ||

yamA॑di॒tyA a॒gM॒zumA᳚pyA॒yaya॑nti॒ yamakSi॑ta॒-makSi॑tayaH॒ piba॑nti |

tena॑ no॒ rAjA॒ varu॑No॒ bRha॒spati॒ rApyA॑yayantu॒ bhuva॑nasya go॒pAH || 31

aho rAtra

ye virU॑pe॒ sama॑nasA saM​vya~ya॑ntI | sa॒mA॒na-ntantu॑-mparitA-ta॒nAte᳚ |

vi॒bhU pra॒bhU a॑nu॒bhU vi॒zvato॑ huve | te no॒ nakSa॑tre॒ hava॒mAga॑-metam |

va॒ya-nde॒vI brahma॑NA saM​vi~dA॒nAH | su॒ratnA॑so de॒vavI॑ti॒-ndadhA॑nAH |

a॒ho॒rA॒tre ha॒viSA॑ va॒rdhaya॑ntaH | ati॑ pA॒pmAna॒-mati॑muktyA gamema || 32

uSA

pratyu॑va dRzyAya॒tI | vyu॒cchantI॑ duhi॒tA di॒vaH |

a॒po ma॒hI vR॑Nute॒ cakSu॑SA | tamo॒ jyoti॑S​kRNoti sU॒narI᳚ |

udu॒ striyA᳚ssacate॒ sUryaH॑ | sa cA॑ u॒dyannakSa॑tra marci॒mat |

ta vedu॑So॒ vyuSi॒ sUrya॑sya ca | sambha॒ktena॑ gamemahi || 33

nakSatraH

tanno॒ nakSa॑tra marci॒mat | bhA॒nu॒matteja॑ u॒cchara॑t |

upa॑ya॒jJa-mi॒hAga॑mat | pranakSa॑trAya de॒vAya॑ | indrA॒yendugM॑ havAmahe |

sa na॑ ssavi॒tA su॑vathsa॒nim | pu॒STi॒dAM-vI~॒rava॑ttamam || 34

sUryaH

udu॒tya-JjA॒tave॑dasa-nde॒vaM-va~॑hanti ke॒tavaH॑ | dR॒ze vizvA॑ya॒ sUrya᳚m |

ci॒tra-nde॒vAnA॒ muda॑gA॒danI॑ka॒-JcakSu॑-rmi॒trasya॒ varu॑NasyA॒gneH |

A-'prA॒ dyAvA॑pRthi॒vI a॒ntari॑kSa॒gM॒ sUrya॑ A॒tmA jaga॑tasta॒sthuSa॑zca || 35

aditiH

adi॑tirna uruSya॒-tvadi॑ti॒-zzarma॑ yacchatu | adi॑tiH pA॒tvagM ha॑saH|

ma॒hImU॒Su mA॒taragM॑ suvra॒tAnA॑-mR॒tasya॒ patnI॒ mava॑se huvema |

tu॒vi॒kSa॒trA-ma॒jara॑ntI murU॒cIgM su॒zarmA॑Na॒-madi॑tigM su॒praNI॑tim || 36

viSNuH

i॒daM-vi~SNu॒-rvica॑krame tre॒dhA nida॑dhe pa॒dam | samU॑Dhamasya pAgM su॒re |

pratadviSNu॑ stavate vI॒ryA॑ya | mR॒go na bhI॒maH ku॑ca॒ro gi॑ri॒SThAH |

yasyo॒ruSu॑ tri॒Su vi॒krama॑NeSu | adhi॑kSi॒yanti॒ bhuva॑nAni॒ vizvA᳚ || 37

agniH

a॒gni-rmU॒d​rdhA di॒vaH ka॒kutpatiH॑ pRthi॒vyA a॒yam |

a॒pAgM retAgM॑si jinvati |

bhuvo॑ ya॒jJasya॒ raja॑sazca ne॒tA yatrA॑ ni॒yudbhi॒-ssaca॑se zi॒vAbhiH॑ |

di॒vi mU॒d​rdhAna॑-ndadhiSe suva॒r॒SA-Jji॒hvAma॑gne cakRSe havya॒vAhaM᳚ || 38

anumatI

anu॑no॒-'dyAnu॑mati-rya॒jJa-nde॒veSu॑ manyatAm |

a॒gnizca॑ havya॒vAha॑no॒ bhava॑tA-ndA॒zuSe॒ mayaH॑ |

anvida॑numate॒ tva-mmanyA॑sai॒ zaJca॑ naH kRdhi |

kratve॒ dakSA॑ya no hinu॒ praNa॒ AyUgM॑Si tAriSaH || 39

havyavAhaH (agniH)

ha॒vya॒vAha॑mabhi-mAti॒SAha᳚m | ra॒kSo॒haNa॒-mpRta॑nAsu ji॒SNum |

jyoti॑Smanta॒-ndIdya॑ta॒-mpura॑ndhim | a॒gnigg​ svi॑STa॒ kRta॒mAhu॑vema |

svi॑STa magne a॒bhita-tpR॑NAhi | vizvA॑ deva॒ pRta॑nA a॒bhiSya |

u॒runnaH॒ panthA᳚-mpradi॒zan vibhA॑hi | jyoti॑Smaddhehya॒ jara॑nna॒ AyuH॑ || 40

OM zAnti॒-zzAnti॒-zzAntiH॑ ||