Mukunda Mala Stotram

ମୁକୁନ୍ଦମାଲା ସ୍ତୋତ୍ରମ୍

ଶ୍ଲୋକ 1

ଘୁଷ୍ଯତେ ଯସ୍ଯ ନଗରେ ରଙ୍ଗଯାତ୍ରା ଦିନେ ଦିନେ ।

ତମହଂ ଶିରସା ଵନ୍ଦେ ରାଜାନଂ କୁଲଶେଖରମ୍ ॥

ଶ୍ରୀଵଲ୍ଲଭେତି ଵରଦେତି ଦଯାପରେତି

ଭକ୍ତପ୍ରିଯେତି ଭଵଲୁଣ୍ଠନକୋଵିଦେତି ।

ନାଥେତି ନାଗଶଯନେତି ଜଗନ୍ନିଵାସେ-

-ତ୍ଯାଲାପନଂ ପ୍ରତିପଦଂ କୁରୁ ମେ ମୁକୁନ୍ଦ

ଶ୍ଲୋକ 2

ଜଯତୁ ଜଯତୁ ଦେଵୋ ଦେଵକୀନନ୍ଦନୋଽଯଂ

ଜଯତୁ ଜଯତୁ କୃଷ୍ଣୋ ଵୃଷ୍ଣିଵଂଶପ୍ରଦୀପଃ ।

ଜଯତୁ ଜଯତୁ ମେଘଶ୍ଯାମଲଃ କୋମଲାଙ୍ଗୋ

ଜଯତୁ ଜଯତୁ ପୃଥ୍ଵୀଭାରନାଶୋ ମୁକୁନ୍ଦଃ

॥ 1 ॥

ଶ୍ଲୋକ 3

ମୁକୁନ୍ଦ ମୂର୍ଧ୍ନା ପ୍ରଣିପତ୍ଯ ଯାଚେ

ଭଵନ୍ତମେକାନ୍ତମିଯନ୍ତମର୍ଥମ୍ ।

ଅଵିସ୍ମୃତିସ୍ତ୍ଵଚ୍ଚରଣାରଵିନ୍ଦେ

ଭଵେ ଭଵେ ମେଽସ୍ତୁ ଭଵତ୍ପ୍ରସାଦାତ୍

॥ 2 ॥

ଶ୍ଲୋକ 4

ନାହଂ ଵନ୍ଦେ ତଵ ଚରଣଯୋର୍ଦ୍ଵନ୍ଦ୍ଵମଦ୍ଵନ୍ଦ୍ଵହେତୋଃ

କୁମ୍ଭୀପାକଂ ଗୁରୁମପି ହରେ ନାରକଂ ନାପନେତୁମ୍ ।

ରମ୍ଯାରାମାମୃଦୁତନୁଲତା ନନ୍ଦନେ ନାପି ରନ୍ତୁଂ

ଭାଵେ ଭାଵେ ହୃଦଯଭଵନେ ଭାଵଯେଯଂ ଭଵନ୍ତମ୍

॥ 3 ॥

ଶ୍ଲୋକ 5

ନାସ୍ଥା ଧର୍ମେ ନ ଵସୁନିଚଯେ ନୈଵ କାମୋପଭୋଗେ

ଯଦ୍ଯଦ୍ଭଵ୍ଯଂ ଭଵତୁ ଭଗଵନ୍ ପୂର୍ଵକର୍ମାନୁରୂପମ୍ ।

ଏତତ୍ପ୍ରାର୍ଥ୍ଯଂ ମମ ବହୁମତଂ ଜନ୍ମଜନ୍ମାନ୍ତରେଽପି

ତ୍ଵତ୍ପାଦାମ୍ଭୋରୁହଯୁଗଗତା ନିଶ୍ଚଲା ଭକ୍ତିରସ୍ତୁ

॥ 4 ॥

ଶ୍ଲୋକ 6

ଦିଵି ଵା ଭୁଵି ଵା ମମାସ୍ତୁ ଵାସୋ

ନରକେ ଵା ନରକାନ୍ତକ ପ୍ରକାମମ୍ ।

ଅଵଧୀରିତ ଶାରଦାରଵିନ୍ଦୌ

ଚରଣୌ ତେ ମରଣେଽପି ଚିନ୍ତଯାମି

॥ 5 ॥

ଶ୍ଲୋକ 7

କୃଷ୍ଣ ତ୍ଵଦୀଯ ପଦପଙ୍କଜପଞ୍ଜରାନ୍ତ-

-ମଦ୍ଯୈଵ ମେ ଵିଶତୁ ମାନସରାଜହଂସଃ ।

ପ୍ରାଣପ୍ରଯାଣସମଯେ କଫଵାତପିତ୍ତୈଃ

କଣ୍ଠାଵରୋଧନଵିଧୌ ସ୍ମରଣଂ କୁତସ୍ତେ

॥ 6 ॥

ଶ୍ଲୋକ 8

ଚିନ୍ତଯାମି ହରିମେଵ ସନ୍ତତଂ

ମନ୍ଦମନ୍ଦ ହସିତାନନାମ୍ବୁଜଂ

ନନ୍ଦଗୋପତନଯଂ ପରାତ୍ପରଂ

ନାରଦାଦିମୁନିବୃନ୍ଦଵନ୍ଦିତମ୍

॥ 7 ॥

ଶ୍ଲୋକ 9

କରଚରଣସରୋଜେ କାନ୍ତିମନ୍ନେତ୍ରମୀନେ

ଶ୍ରମମୁଷି ଭୁଜଵୀଚିଵ୍ଯାକୁଲେଽଗାଧମାର୍ଗେ ।

ହରିସରସି ଵିଗାହ୍ଯାପୀଯ ତେଜୋଜଲୌଘଂ

ଭଵମରୁପରିଖିନ୍ନଃ ଖେଦମଦ୍ଯ ତ୍ଯଜାମି

॥ 8 ॥

ଶ୍ଲୋକ 10

ସରସିଜନଯନେ ସଶଙ୍ଖଚକ୍ରେ

ମୁରଭିଦି ମା ଵିରମ ସ୍ଵଚିତ୍ତ ରନ୍ତୁମ୍ ।

ସୁଖତରମପରଂ ନ ଜାତୁ ଜାନେ

ହରିଚରଣସ୍ମରଣାମୃତେନ ତୁଲ୍ଯମ୍

॥ 9 ॥

ଶ୍ଲୋକ 11

ମା ଭୀର୍ମନ୍ଦମନୋ ଵିଚିନ୍ତ୍ଯ ବହୁଧା ଯାମୀଶ୍ଚିରଂ ଯାତନାଃ

ନାମୀ ନଃ ପ୍ରଭଵନ୍ତି ପାପରିପଵଃ ସ୍ଵାମୀ ନନୁ ଶ୍ରୀଧରଃ ।

ଆଲସ୍ଯଂ ଵ୍ଯପନୀଯ ଭକ୍ତିସୁଲଭଂ ଧ୍ଯାଯସ୍ଵ ନାରାଯଣଂ

ଲୋକସ୍ଯ ଵ୍ଯସନାପନୋଦନକରୋ ଦାସସ୍ଯ କିଂ ନ କ୍ଷମଃ

॥ 10 ॥

ଶ୍ଲୋକ 12

ଭଵଜଲଧିଗତାନାଂ ଦ୍ଵନ୍ଦ୍ଵଵାତାହତାନାଂ

ସୁତଦୁହିତୃକଲତ୍ରତ୍ରାଣଭାରାର୍ଦିତାନାମ୍ ।

ଵିଷମଵିଷଯତୋଯେ ମଜ୍ଜତାମପ୍ଲଵାନାଂ

ଭଵତୁ ଶରଣମେକୋ ଵିଷ୍ଣୁପୋତୋ ନରାଣାମ୍

॥ 11 ॥

ଶ୍ଲୋକ 13

ଭଵଜଲଧିମଗାଧଂ ଦୁସ୍ତରଂ ନିସ୍ତରେଯଂ

କଥମହମିତି ଚେତୋ ମା ସ୍ମ ଗାଃ କାତରତ୍ଵମ୍ ।

ସରସିଜଦୃଶି ଦେଵେ ତାଵକୀ ଭକ୍ତିରେକା

ନରକଭିଦି ନିଷଣ୍ଣା ତାରଯିଷ୍ଯତ୍ଯଵଶ୍ଯମ୍

॥ 12 ॥

ଶ୍ଲୋକ 14

ତୃଷ୍ଣାତୋଯେ ମଦନପଵନୋଦ୍ଧୂତ ମୋହୋର୍ମିମାଲେ

ଦାରାଵର୍ତେ ତନଯସହଜଗ୍ରାହସଙ୍ଘାକୁଲେ ଚ ।

ସଂସାରାଖ୍ଯେ ମହତି ଜଲଧୌ ମଜ୍ଜତାଂ ନସ୍ତ୍ରିଧାମନ୍

ପାଦାମ୍ଭୋଜେ ଵରଦ ଭଵତୋ ଭକ୍ତିନାଵଂ ପ୍ରଯଚ୍ଛ

॥ 13 ॥

ଶ୍ଲୋକ 15

ମାଦ୍ରାକ୍ଷଂ କ୍ଷୀଣପୁଣ୍ଯାନ୍ କ୍ଷଣମପି ଭଵତୋ ଭକ୍ତିହୀନାନ୍ପଦାବ୍ଜେ

ମାଶ୍ରୌଷଂ ଶ୍ରାଵ୍ଯବନ୍ଧଂ ତଵ ଚରିତମପାସ୍ଯାନ୍ଯଦାଖ୍ଯାନଜାତମ୍ ।

ମାସ୍ମାର୍ଷଂ ମାଧଵ ତ୍ଵାମପି ଭୁଵନପତେ ଚେତସାପହ୍ନୁଵାନା-

-ନ୍ମାଭୂଵଂ ତ୍ଵତ୍ସପର୍ଯାଵ୍ଯତିକରରହିତୋ ଜନ୍ମଜନ୍ମାନ୍ତରେଽପି

॥ 14 ॥

ଶ୍ଲୋକ 16

ଜିହ୍ଵେ କୀର୍ତଯ କେଶଵଂ ମୁରରିପୁଂ ଚେତୋ ଭଜ ଶ୍ରୀଧରଂ

ପାଣିଦ୍ଵନ୍ଦ୍ଵ ସମର୍ଚଯାଚ୍ଯୁତକଥାଃ ଶ୍ରୋତ୍ରଦ୍ଵଯ ତ୍ଵଂ ଶୃଣୁ ।

କୃଷ୍ଣଂ ଲୋକଯ ଲୋଚନଦ୍ଵଯ ହରେର୍ଗଚ୍ଛାଙ୍ଘ୍ରିଯୁଗ୍ମାଲଯଂ

ଜିଘ୍ର ଘ୍ରାଣ ମୁକୁନ୍ଦପାଦତୁଲସୀଂ ମୂର୍ଧନ୍ନମାଧୋକ୍ଷଜମ୍

॥ 15 ॥

ଶ୍ଲୋକ 17

ହେ ଲୋକାଃ ଶୃଣୁତ ପ୍ରସୂତିମରଣଵ୍ଯାଧେଶ୍ଚିକିତ୍ସାମିମାଂ

ଯୋଗଜ୍ଞାଃ ସମୁଦାହରନ୍ତି ମୁନଯୋ ଯାଂ ଯାଜ୍ଞଵଲ୍କ୍ଯାଦଯଃ ।

ଅନ୍ତର୍ଜ୍ଯୋତିରମେଯମେକମମୃତଂ କୃଷ୍ଣାଖ୍ଯମାପୀଯତାଂ

ତତ୍ପୀତଂ ପରମୌଷଧଂ ଵିତନୁତେ ନିର୍ଵାଣମାତ୍ଯନ୍ତିକମ୍ ॥ 17 ।

ହେ ମର୍ତ୍ଯାଃ ପରମଂ ହିତଂ ଶୃଣୁତ ଵୋ ଵକ୍ଷ୍ଯାମି ସଙ୍କ୍ଷେପତଃ

ସଂସାରାର୍ଣଵମାପଦୂର୍ମିବହୁଲଂ ସମ୍ଯକ୍ପ୍ରଵିଶ୍ଯ ସ୍ଥିତାଃ ।

ନାନାଜ୍ଞାନମପାସ୍ଯ ଚେତସି ନମୋ ନାରାଯଣାଯେତ୍ଯମୁଂ

ମନ୍ତ୍ରଂ ସପ୍ରଣଵଂ ପ୍ରଣାମସହିତଂ ପ୍ରାଵର୍ତଯଧ୍ଵଂ ମୁହୁଃ

॥ 16 ॥

ଶ୍ଲୋକ 18

ପୃଥ୍ଵୀରେଣୁରଣୁଃ ପଯାଂସି କଣିକାଃ ଫଲ୍ଗୁଃ ସ୍ଫୁଲିଙ୍ଗୋଽଲଘୁ-

-ସ୍ତେଜୋ ନିଃଶ୍ଵସନଂ ମରୁତ୍ତନୁତରଂ ରନ୍ଧ୍ରଂ ସୁସୂକ୍ଷ୍ମଂ ନଭଃ ।

କ୍ଷୁଦ୍ରା ରୁଦ୍ରପିତାମହପ୍ରଭୃତଯଃ କୀଟାଃ ସମସ୍ତାଃ ସୁରାଃ

ଦୃଷ୍ଟେ ଯତ୍ର ସ ତାଵକୋ ଵିଜଯତେ ଭୂମାଵଧୂତାଵଧିଃ

॥ 18 ॥

ଶ୍ଲୋକ 19

ବଦ୍ଧେନାଞ୍ଜଲିନା ନତେନ ଶିରସା ଗାତ୍ରୈଃ ସରୋମୋଦ୍ଗମୈଃ

କଣ୍ଠେନ ସ୍ଵରଗଦ୍ଗଦେନ ନଯନେନୋଦ୍ଗୀର୍ଣବାଷ୍ପାମ୍ବୁନା ।

ନିତ୍ଯଂ ତ୍ଵଚ୍ଚରଣାରଵିନ୍ଦଯୁଗଲ ଧ୍ଯାନାମୃତାସ୍ଵାଦିନା-

-ମସ୍ମାକଂ ସରସୀରୁହାକ୍ଷ ସତତଂ ସମ୍ପଦ୍ଯତାଂ ଜୀଵିତମ୍

॥ 19 ॥

ଶ୍ଲୋକ 20

ହେ ଗୋପାଲକ ହେ କୃପାଜଲନିଧେ ହେ ସିନ୍ଧୁକନ୍ଯାପତେ

ହେ କଂସାନ୍ତକ ହେ ଗଜେନ୍ଦ୍ରକରୁଣାପାରୀଣ ହେ ମାଧଵ ।

ହେ ରାମାନୁଜ ହେ ଜଗତ୍ତ୍ରଯଗୁରୋ ହେ ପୁଣ୍ଡରୀକାକ୍ଷ ମାଂ

ହେ ଗୋପୀଜନନାଥ ପାଲଯ ପରଂ ଜାନାମି ନ ତ୍ଵାଂ ଵିନା

॥ 20 ॥

ଶ୍ଲୋକ 21

ଭକ୍ତାପାଯଭୁଜଙ୍ଗଗାରୁଡମଣିସ୍ତ୍ରୈଲୋକ୍ଯରକ୍ଷାମଣିଃ

ଗୋପୀଲୋଚନଚାତକାମ୍ବୁଦମଣିଃ ସୌନ୍ଦର୍ଯମୁଦ୍ରାମଣିଃ ।

ଯଃ କାନ୍ତାମଣି ରୁକ୍ମିଣୀ ଘନକୁଚଦ୍ଵନ୍ଦ୍ଵୈକଭୂଷାମଣିଃ

ଶ୍ରେଯୋ ଦେଵଶିଖାମଣିର୍ଦିଶତୁ ନୋ ଗୋପାଲଚୂଡାମଣିଃ

॥ 21 ॥

ଶ୍ଲୋକ 22

ଶତ୍ରୁଚ୍ଛେଦୈକମନ୍ତ୍ରଂ ସକଲମୁପନିଷଦ୍ଵାକ୍ଯସମ୍ପୂଜ୍ଯମନ୍ତ୍ରଂ

ସଂସାରୋତ୍ତାରମନ୍ତ୍ରଂ ସମୁପଚିତତମଃ ସଙ୍ଘନିର୍ଯାଣମନ୍ତ୍ରମ୍ ।

ସର୍ଵୈଶ୍ଵର୍ଯୈକମନ୍ତ୍ରଂ ଵ୍ଯସନଭୁଜଗସନ୍ଦଷ୍ଟସନ୍ତ୍ରାଣମନ୍ତ୍ରଂ

ଜିହ୍ଵେ ଶ୍ରୀକୃଷ୍ଣମନ୍ତ୍ରଂ ଜପ ଜପ ସତତଂ ଜନ୍ମସାଫଲ୍ଯମନ୍ତ୍ରମ୍

॥ 22 ॥

ଶ୍ଲୋକ 23

ଵ୍ଯାମୋହ ପ୍ରଶମୌଷଧଂ ମୁନିମନୋଵୃତ୍ତି ପ୍ରଵୃତ୍ତ୍ଯୌଷଧଂ

ଦୈତ୍ଯେନ୍ଦ୍ରାର୍ତିକରୌଷଧଂ ତ୍ରିଭୁଵନୀ ସଞ୍ଜୀଵନୈକୌଷଧମ୍ ।

ଭକ୍ତାତ୍ଯନ୍ତହିତୌଷଧଂ ଭଵଭଯପ୍ରଧ୍ଵଂସନୈକୌଷଧଂ

ଶ୍ରେଯଃପ୍ରାପ୍ତିକରୌଷଧଂ ପିବ ମନଃ ଶ୍ରୀକୃଷ୍ଣଦିଵ୍ଯୌଷଧମ୍

॥ 23 ॥

ଶ୍ଲୋକ 24

ଆମ୍ନାଯାଭ୍ଯସନାନ୍ଯରଣ୍ଯରୁଦିତଂ ଵେଦଵ୍ରତାନ୍ଯନ୍ଵହଂ

ମେଦଶ୍ଛେଦଫଲାନି ପୂର୍ତଵିଧଯଃ ସର୍ଵେ ହୁତଂ ଭସ୍ମନି ।

ତୀର୍ଥାନାମଵଗାହନାନି ଚ ଗଜସ୍ନାନଂ ଵିନା ଯତ୍ପଦ-

-ଦ୍ଵନ୍ଦ୍ଵାମ୍ଭୋରୁହସଂସ୍ମୃତିର୍ଵିଜଯତେ ଦେଵଃ ସ ନାରାଯଣଃ

॥ 24 ॥

ଶ୍ଲୋକ 25

ଶ୍ରୀମନ୍ନାମ ପ୍ରୋଚ୍ଯ ନାରାଯଣାଖ୍ଯଂ

କେ ନ ପ୍ରାପୁର୍ଵାଞ୍ଛିତଂ ପାପିନୋଽପି ।

ହା ନଃ ପୂର୍ଵଂ ଵାକ୍ପ୍ରଵୃତ୍ତା ନ ତସ୍ମିନ୍

ତେନ ପ୍ରାପ୍ତଂ ଗର୍ଭଵାସାଦିଦୁଃଖମ୍

॥ 25 ॥

ଶ୍ଲୋକ 26

ମଜ୍ଜନ୍ମନଃ ଫଲମିଦଂ ମଧୁକୈଟଭାରେ

ମତ୍ପ୍ରାର୍ଥନୀଯ ମଦନୁଗ୍ରହ ଏଷ ଏଵ ।

ତ୍ଵଦ୍ଭୃତ୍ଯଭୃତ୍ଯ ପରିଚାରକ ଭୃତ୍ଯଭୃତ୍ଯ

ଭୃତ୍ଯସ୍ଯ ଭୃତ୍ଯ ଇତି ମାଂ ସ୍ମର ଲୋକନାଥ

॥ 26 ॥

ଶ୍ଲୋକ 27

ନାଥେ ନଃ ପୁରୁଷୋତ୍ତମେ ତ୍ରିଜଗତାମେକାଧିପେ ଚେତସା

ସେଵ୍ଯେ ସ୍ଵସ୍ଯ ପଦସ୍ଯ ଦାତରି ସୁରେ ନାରାଯଣେ ତିଷ୍ଠତି ।

ଯଂ କଞ୍ଚିତ୍ପୁରୁଷାଧମଂ କତିପଯଗ୍ରାମେଶମଲ୍ପାର୍ଥଦଂ

ସେଵାଯୈ ମୃଗଯାମହେ ନରମହୋ ମୂକା ଵରାକା ଵଯମ୍

॥ 27 ॥

ଶ୍ଲୋକ 28

ମଦନ ପରିହର ସ୍ଥିତିଂ ମଦୀଯେ

ମନସି ମୁକୁନ୍ଦପଦାରଵିନ୍ଦଧାମ୍ନି ।

ହରନଯନକୃଶାନୁନା କୃଶୋଽସି

ସ୍ମରସି ନ ଚକ୍ରପରାକ୍ରମଂ ମୁରାରେଃ

॥ 28 ॥

ଶ୍ଲୋକ 29

ତତ୍ତ୍ଵଂ ବ୍ରୁଵାଣାନି ପରଂ ପରସ୍ମା-

-ନ୍ମଧୁ କ୍ଷରନ୍ତୀଵ ସତାଂ ଫଲାନି ।

ପ୍ରାଵର୍ତଯ ପ୍ରାଞ୍ଜଲିରସ୍ମି ଜିହ୍ଵେ

ନାମାନି ନାରାଯଣ ଗୋଚରାଣି

॥ 29 ॥

ଶ୍ଲୋକ 30

ଇଦଂ ଶରୀରଂ ପରିଣାମପେଶଲଂ

ପତତ୍ଯଵଶ୍ଯଂ ଶ୍ଲଥସନ୍ଧିଜର୍ଜରମ୍ ।

କିମୌଷଧୈଃ କ୍ଲିଶ୍ଯସି ମୂଢ ଦୁର୍ମତେ

ନିରାମଯଂ କୃଷ୍ଣରସାଯନଂ ପିବ

॥ 30 ॥

ଶ୍ଲୋକ 31

ଦାରା ଵାରାକରଵରସୁତା ତେ ତନୂଜୋ ଵିରିଞ୍ଚିଃ

ସ୍ତୋତା ଵେଦସ୍ତଵ ସୁରଗଣୋ ଭୃତ୍ଯଵର୍ଗଃ ପ୍ରସାଦଃ ।

ମୁକ୍ତିର୍ମାଯା ଜଗଦଵିକଲଂ ତାଵକୀ ଦେଵକୀ ତେ

ମାତା ମିତ୍ରଂ ବଲରିପୁସୁତସ୍ତ୍ଵଯ୍ଯତୋଽନ୍ଯନ୍ନ ଜାନେ

॥ 31 ॥

ଶ୍ଲୋକ 32

କୃଷ୍ଣୋ ରକ୍ଷତୁ ନୋ ଜଗତ୍ତ୍ରଯଗୁରୁଃ କୃଷ୍ଣଂ ନମସ୍ଯାମ୍ଯହଂ

କୃଷ୍ଣେନାମରଶତ୍ରଵୋ ଵିନିହତାଃ କୃଷ୍ଣାଯ ତସ୍ମୈ ନମଃ ।

କୃଷ୍ଣାଦେଵ ସମୁତ୍ଥିତଂ ଜଗଦିଦଂ କୃଷ୍ଣସ୍ଯ ଦାସୋଽସ୍ମ୍ଯହଂ

କୃଷ୍ଣେ ତିଷ୍ଠତି ସର୍ଵମେତଦଖିଲଂ ହେ କୃଷ୍ଣ ରକ୍ଷସ୍ଵ ମାମ୍

॥ 32 ॥

ଶ୍ଲୋକ 33

ତତ୍ତ୍ଵଂ ପ୍ରସୀଦ ଭଗଵନ୍ କୁରୁ ମଯ୍ଯନାଥେ

ଵିଷ୍ଣୋ କୃପାଂ ପରମକାରୁଣିକଃ କିଲ ତ୍ଵମ୍ ।

ସଂସାରସାଗରନିମଗ୍ନମନନ୍ତଦୀନ-

-ମୁଦ୍ଧର୍ତୁମର୍ହସି ହରେ ପୁରୁଷୋତ୍ତମୋଽସି

॥ 33 ॥

ଶ୍ଲୋକ 34

ନମାମି ନାରାଯଣପାଦପଙ୍କଜଂ

କରୋମି ନାରାଯଣପୂଜନଂ ସଦା ।

ଵଦାମି ନାରାଯଣନାମ ନିର୍ମଲଂ

ସ୍ମରାମି ନାରାଯଣତତ୍ତ୍ଵମଵ୍ଯଯମ୍

॥ 34 ॥

ଶ୍ଲୋକ 35

ଶ୍ରୀନାଥ ନାରାଯଣ ଵାସୁଦେଵ

ଶ୍ରୀକୃଷ୍ଣ ଭକ୍ତପ୍ରିଯ ଚକ୍ରପାଣେ ।

ଶ୍ରୀପଦ୍ମନାଭାଚ୍ଯୁତ କୈଟଭାରେ

ଶ୍ରୀରାମ ପଦ୍ମାକ୍ଷ ହରେ ମୁରାରେ

॥ 35 ॥

ଶ୍ଲୋକ 36

ଅନନ୍ତ ଵୈକୁଣ୍ଠ ମୁକୁନ୍ଦ କୃଷ୍ଣ

ଗୋଵିନ୍ଦ ଦାମୋଦର ମାଧଵେତି ।

ଵକ୍ତୁଂ ସମର୍ଥୋଽପି ନ ଵକ୍ତି କଶ୍ଚି-

-ଦହୋ ଜନାନାଂ ଵ୍ଯସନାଭିମୁଖ୍ଯମ୍

॥ 36 ॥

ଶ୍ଲୋକ 37

ଧ୍ଯାଯନ୍ତି ଯେ ଵିଷ୍ଣୁମନନ୍ତମଵ୍ଯଯଂ

ହୃତ୍ପଦ୍ମମଧ୍ଯେ ସତତଂ ଵ୍ଯଵସ୍ଥିତମ୍ ।

ସମାହିତାନାଂ ସତତାଭଯପ୍ରଦଂ

ତେ ଯାନ୍ତି ସିଦ୍ଧିଂ ପରମାଂ ଚ ଵୈଷ୍ଣଵୀମ୍

॥ 37 ॥

ଶ୍ଲୋକ 38

କ୍ଷୀରସାଗରତରଙ୍ଗଶୀକରା-

-ଽଽସାରତାରକିତଚାରୁମୂର୍ତଯେ ।

ଭୋଗିଭୋଗଶଯନୀଯଶାଯିନେ

ମାଧଵାଯ ମଧୁଵିଦ୍ଵିଷେ ନମଃ

॥ 38 ॥

ଶ୍ଲୋକ 39

ଯସ୍ଯ ପ୍ରିଯୌ ଶ୍ରୁତିଧରୌ କଵିଲୋକଵୀରୌ

ମିତ୍ରେ ଦ୍ଵିଜନ୍ମଵରପଦ୍ମଶରାଵଭୂତାମ୍ ।

ତେନାମ୍ବୁଜାକ୍ଷଚରଣାମ୍ବୁଜଷଟ୍ପଦେନ

ରାଜ୍ଞା କୃତା କୃତିରିଯଂ କୁଲଶେଖରେଣ

॥ 39 ॥

ଶ୍ଲୋକ 40

ଇତି କୁଲଶେଖର ପ୍ରଣୀତଂ ମୁକୁନ୍ଦମାଲା ।