Mooka Pancha Sathi 3

ମୂକ ପଞ୍ଚ ଶତି 3 - ସ୍ତୁତି ଶତକମ୍

ଶ୍ଲୋକ 1

ପାଣ୍ଡିତ୍ଯଂ ପରମେଶ୍ଵରି ସ୍ତୁତିଵିଧୌ ନୈଵାଶ୍ରଯନ୍ତେ ଗିରାଂ

ଵୈରିଞ୍ଚାନ୍ଯପି ଗୁମ୍ଫନାନି ଵିଗଲଦ୍ଗର୍ଵାଣି ଶର୍ଵାଣି ତେ ।

ସ୍ତୋତୁଂ ତ୍ଵାଂ ପରିଫୁଲ୍ଲନୀଲନଲିନଶ୍ଯାମାକ୍ଷି କାମାକ୍ଷି ମାଂ

ଵାଚାଲୀକୁରୁତେ ତଥାପି ନିତରାଂ ତ୍ଵତ୍ପାଦସେଵାଦରଃ

ଶ୍ଲୋକ 2

ତାପିଞ୍ଛସ୍ତବକତ୍ଵିଷେ ତନୁଭୃତାଂ ଦାରିଦ୍ର୍ଯମୁଦ୍ରାଦ୍ଵିଷେ

ସଂସାରାଖ୍ଯତମୋମୁଷେ ପୁରରିପୋର୍ଵାମାଙ୍କସୀମାଜୁଷେ ।

କମ୍ପାତୀରମୁପେଯୁଷେ କଵଯତାଂ ଜିହ୍ଵାକୁଟୀଂ ଜଗ୍ମୁଷେ

ଵିଶ୍ଵତ୍ରାଣପୁଷେ ନମୋଽସ୍ତୁ ସତତଂ ତସ୍ମୈ ପରଞ୍ଜ୍ଯୋତିଷେ

॥1॥

ଶ୍ଲୋକ 3

ଯେ ସନ୍ଧ୍ଯାରୁଣଯନ୍ତି ଶଙ୍କରଜଟାକାନ୍ତାରଚନ୍ରାର୍ଭକଂ

ସିନ୍ଦୂରନ୍ତି ଚ ଯେ ପୁରନ୍ଦରଵଧୂସୀମନ୍ତସୀମାନ୍ତରେ ।

ପୁଣ୍ଯ.ଂ ଯେ ପରିପକ୍କଯନ୍ତି ଭଜତାଂ କାଞ୍ଚୀପୁରେ ମାମମୀ

ପାଯାସୁଃ ପରମେଶ୍ଵରପ୍ରଣଯିନୀପାଦୋଦ୍ଭଵାଃ ପାଂସଵଃ

॥2॥

ଶ୍ଲୋକ 4

କାମାଡମ୍ବରପୂରଯା ଶଶିରୁଚା କମ୍ରସ୍ମିତାନାଂ ତ୍ଵିଷା

କାମାରେରନୁରାଗସିନ୍ଧୁମଧିକଂ କଲ୍ଲୋଲିତଂ ତନ୍ଵତୀ ।

କାମାକ୍ଷୀତି ସମସ୍ତସଜ୍ଜନନୁତା କଲ୍ଯାଣଦାତ୍ରୀ ନୃଣାଂ

କାରୁଣ୍ଯାକୁଲମାନସା ଭଗଵତୀ କମ୍ପାତଟେ ଜୃମ୍ଭତେ

॥3॥

ଶ୍ଲୋକ 5

କାମାକ୍ଷୀଣପରାକ୍ରମପ୍ରକଟନଂ ସମ୍ଭାଵଯନ୍ତୀ ଦୃଶା

ଶ୍ଯାମା କ୍ଷୀରସହୋଦରସ୍ମିତରୁଚିପ୍ରକ୍ଷାଲିତାଶାନ୍ତରା ।

କାମାକ୍ଷୀଜନମୌଲିଭୂଷଣମଣିର୍ଵାଚାଂ ପରା ଦେଵତା

କାମାକ୍ଷୀତି ଵିଭାତି କାପି କରୁଣା କମ୍ପାତଟିନ୍ଯାସ୍ତଟେ

॥4॥

ଶ୍ଲୋକ 6

ଶ୍ଯାମା କାଚନ ଚନ୍ଦ୍ରିକା ତ୍ରିଭୁଵନେ ପୁଣ୍ଯାତ୍ମନାମାନନେ

ସୀମାଶୂନ୍ଯକଵିତ୍ଵଵର୍ଷଜନନୀ ଯା କାପି କାଦମ୍ବିନୀ ।

ମାରାରାତିମନୋଵିମୋହନଵିଧୌ କାଚିତତ୍ତମଃକନ୍ଦଲୀ

କାମାକ୍ଷ୍ଯାଃ କରୁଣାକଟାକ୍ଷଲହରୀ କାମାଯ ମେ କଲ୍ପତାମ୍

॥5॥

ଶ୍ଲୋକ 7

ପ୍ରୌଢଧ୍ଵାନ୍ତକଦମ୍ବକେ କୁମୁଦିନୀପୁଣ୍ଯାଙ୍କୁରଂ ଦର୍ଶଯନ୍

ଜ୍ଯୋତ୍ସ୍ନାସଙ୍ଗମନେଽପି କୋକମିଥୁନଂ ମିଶ୍ରଂ ସମୁଦ୍ଭାଵଯନ୍ ।

କାଲିନ୍ଦୀଲହରୀଦଶାଂ ପ୍ରକଟଯନ୍କମ୍ରାଂ ନଭସ୍ଯଦ୍ଭୁତାଂ

କଶ୍ଚିନ୍ନେତ୍ରମହୋତ୍ସଵୋ ଵିଜଯତେ କାଞ୍ଚୀପୁରେ ଶୂଲିନଃ

॥6॥

ଶ୍ଲୋକ 8

ତନ୍ଦ୍ରାହୀନତମାଲନୀଲସୁଷମୈସ୍ତାରୁଣ୍ଯଲୀଲାଗୃହୈଃ

ତାରାନାଥକିଶୋରଲାଞ୍ଛିତକଚୈସ୍ତାମ୍ରାରଵିନ୍ଦେକ୍ଷଣୈଃ ।

ମାତଃ ସଂଶ୍ରଯତାଂ ମନୋ ମନସିଜପ୍ରାଗଲ୍ଭ୍ଯନାଡିନ୍ଧମୈଃ

କମ୍ପାତୀରଚରୈର୍ଘନସ୍ତନଭରୈଃ ପୁଣ୍ଯାଙ୍କରୈଃ ଶାଙ୍କରୈଃ

॥7॥

ଶ୍ଲୋକ 9

ନିତ୍ଯଂ ନିଶ୍ଚଲତାମୁପେତ୍ଯ ମରୁତାଂ ରକ୍ଷାଵିଧିଂ ପୁଷ୍ଣତୀ

ତେଜସ୍ସଞ୍ଚଯପାଟଵେନ କିରଣାନୁଷ୍ଣଦ୍ଯୁତେର୍ମୁଷ୍ଣତୀ ।

କାଞ୍ଚୀମଧ୍ଯଗତାପି ଦୀପ୍ତିଜନନୀ ଵିଶ୍ଵାନ୍ତରେ ଜୃମ୍ଭତେ

କାଚିଚ୍ଚିତ୍ରମହୋ ସ୍ମୃତାପି ତମସାଂ ନିର୍ଵାପିକା ଦୀପିକା

॥8॥

ଶ୍ଲୋକ 10

କାନ୍ତୈଃ କେଶରୁଚାଂ ଚଯୈର୍ଭ୍ରମରିତଂ ମନ୍ଦସ୍ମିତୈଃ ପୁଷ୍ପିତଂ

କାନ୍ତ୍ଯା ପଲ୍ଲଵିତଂ ପଦାମ୍ବୁରୁହଯୋର୍ନେତ୍ରତ୍ଵିଷା ପତ୍ରିତମ୍ ।

କମ୍ପାତୀରଵନାନ୍ତରଂ ଵିଦଧତୀ କଲ୍ଯାଣଜନ୍ମସ୍ଥଲୀ

କାଞ୍ଚୀମଧ୍ଯମହାମଣିର୍ଵିଜଯତେ କାଚିତ୍କୃପାକନ୍ଦଲୀ

॥9॥

ଶ୍ଲୋକ 11

ରାକାଚନ୍ଦ୍ରସମାନକାନ୍ତିଵଦନା ନାକାଧିରାଜସ୍ତୁତା

ମୂକାନାମପି କୁର୍ଵତୀ ସୁରଧନୀନୀକାଶଵାଗ୍ଵୈଭଵମ୍ ।

ଶ୍ରୀକାଞ୍ଚୀନଗରୀଵିହାରରସିକା ଶୋକାପହନ୍ତ୍ରୀ ସତାମ୍

ଏକା ପୁଣ୍ଯପରମ୍ପରା ପଶୁପତେରାକାରିଣୀ ରାଜତେ

॥10॥

ଶ୍ଲୋକ 12

ଜାତା ଶୀତଲଶୈଲତଃ ସୁକୃତିନାଂ ଦୃଶ୍ଯା ପରଂ ଦେହିନାଂ

ଲୋକାନାଂ କ୍ଷଣମାତ୍ରସଂସ୍ମରଣତଃ ସନ୍ତାପଵିଚ୍ଛେଦିନୀ ।

ଆଶ୍ଚର୍ଯଂ ବହୁ ଖେଲନଂ ଵିତନୁତେ ନୈଶ୍ଚଲ୍ଯମାବିଭ୍ରତୀ

କମ୍ପାଯାସ୍ତଟସୀମ୍ନି କାପି ତଟିନୀ କାରୁଣ୍ଯପାଥୋମଯୀ

॥11॥

ଶ୍ଲୋକ 13

ଐକ୍ଯଂ ଯେନ ଵିରଚ୍ଯତେ ହରତନୌ ଦମ୍ଭାଵପୁମ୍ଭାଵୁକେ

ରେଖା ଯତ୍କଚସୀମ୍ନି ଶେଖରଦଶାଂ ନୈଶାକରୀ ଗାହତେ ।

ଔନ୍ନତ୍ଯଂ ମୁହୁରେତି ଯେନ ସ ମହାନ୍ମେନାସଖଃ ସାନୁମାନ୍

କମ୍ପାତୀରଵିହାରିଣା ସଶରଣାସ୍ତେନୈଵ ଧାମ୍ନା ଵଯମ୍

॥12॥

ଶ୍ଲୋକ 14

ଅକ୍ଷ୍ଣୋଶ୍ଚ ସ୍ତନଯୋଃ ଶ୍ରିଯା ଶ୍ରଵଣଯୋର୍ବାହ୍ଵୋଶ୍ଚ ମୂଲଂ ସ୍ପୃଶନ୍

ଉତ୍ତଂସେନ ମୁଖେନ ଚ ପ୍ରତିଦିନଂ ଦ୍ରୁହ୍ଯନ୍ପଯୋଜନ୍ମନେ ।

ମାଧୁର୍ଯେଣ ଗିରାଂ ଗତେନ ମୃଦୁନା ହଂସାଙ୍ଗନାଂ ହ୍ରେପଯନ୍

କାଞ୍ଚୀସୀମ୍ନି ଚକାସ୍ତି କୋଽପି କଵିତାସନ୍ତାନବୀଜାଙ୍କୁରଃ

॥13॥

ଶ୍ଲୋକ 15

ଖଣ୍ଡଂ ଚାନ୍ଦ୍ରମସଂ ଵତଂସମନିଶଂ କାଞ୍ଚୀପୁରେ ଖେଲନଂ

କାଲାଯଶ୍ଛଵିତସ୍କରୀଂ ତନୁରୁଚିଂ କର୍ଣଜପେ ଲୋଚନେ ।

ତାରୁଣ୍ଯୋଷ୍ମନଖମ୍ପଚଂ ସ୍ତନଭରଂ ଜଙ୍ଘାସ୍ପୃଶଂ କୁନ୍ତଲଂ

ଭାଗ୍ଯଂ ଦେଶିକସଞ୍ଚିତଂ ମମ କଦା ସମ୍ପାଦଯେଦମ୍ବିକେ

॥14॥

ଶ୍ଲୋକ 16

ତନ୍ଵାନଂ ନିଜକେଲିସୌଧସରଣିଂ ନୈସର୍ଗିକୀଣାଂ ଗିରାଂ

କେଦାରଂ କଵିମଲ୍ଲସୂକ୍ତିଲହରୀସସ୍ଯଶ୍ରିଯାଂ ଶାଶ୍ଵତମ୍ ।

ଅଂହୋଵଞ୍ଚନଚୁଞ୍ଚୁ କିଞ୍ଚନ ଭଜେ କାଞ୍ଚୀପୁରୀମଣ୍ଡନଂ

ପର୍ଯାଯଚ୍ଛଵି ପାକଶାସନମଣେଃ ପୌଷ୍ପେଷଵଂ ପୌରୁଷମ୍

॥15॥

ଶ୍ଲୋକ 17

ଆଲୋକେ ମୁଖପଙ୍କଜେ ଚ ଦଧତୀ ସୌଧାକରୀଂ ଚାତୁରୀଂ

ଚୂଡାଲଙ୍କ୍ରିଯମାଣପଙ୍କଜଵନୀଵୈରାଗମପ୍ରକ୍ରିଯା ।

ମୁଗ୍ଧସ୍ମେରମୁଖୀ ଘନ୍ସତନତଟୀମୂର୍ଚ୍ଛାଲମଧ୍ଯାଞ୍ଚିତା

କାଞ୍ଚୀସୀମନି କାମିନୀ ଵିଜଯତେ କାଚିଜ୍ଜଗନ୍ମୋହିନୀ

॥16॥

ଶ୍ଲୋକ 18

ଯସ୍ମିନ୍ନମ୍ବ ଭଵତ୍କଟାକ୍ଷରଜନୀ ମନ୍ଦେଽପି ମନ୍ଦସ୍ମିତ-

ଜ୍ଯୋତ୍ସ୍ନାସଂସ୍ନପିତା ଭଵତ୍ଯଭିମୁଖୀ ତଂ ପ୍ରତ୍ଯହୋ ଦେହିନମ୍ ।

ଦ୍ରକ୍ଷାମାକ୍ଷିକମାଧୁରୀମଦଭରଵ୍ରୀଡାକରୀ ଵୈଖରୀ

କାମାକ୍ଷି ସ୍ଵଯମାତନୋତ୍ଯଭିସୃତିଂ ଵାମେକ୍ଷଣେଵ କ୍ଷଣମ୍

॥17॥

ଶ୍ଲୋକ 19

କାଲିନ୍ଦୀଜଲକାନ୍ତଯଃ ସ୍ମିତରୁଚିସ୍ଵର୍ଵାହିନୀପାଥସି

ପ୍ରୌଢଧ୍ଵାନ୍ତରୁଚଃ ସ୍ଫୁଟାଧରମହୋଲୌହିତ୍ଯସନ୍ଧ୍ଯୋଦଯେ ।

ମଣିକ୍ଯୋପଲକୁଣ୍ଡଲାଂଶୁଶିଖିନି ଵ୍ଯାମିଶ୍ରଧୂମଶ୍ରିଯଃ

କଲ୍ଯାଣୈକଭୁଵଃ କଟାକ୍ଷସୁଷମାଃ କାମାକ୍ଷି ରାଜନ୍ତି ତେ

॥18॥

ଶ୍ଲୋକ 20

କଲକଲରଣତ୍କାଞ୍ଚୀ କାଞ୍ଚୀଵିଭୂଷଣମାଲିକା

କଚଭରଲସଚ୍ଚନ୍ଦ୍ରା ଚନ୍ଦ୍ରାଵତଂସସଧର୍ମିଣୀ ।

କଵିକୁଲଗିରଃ ଶ୍ରାଵଂଶ୍ରାଵଂ ମିଲତ୍ପୁଲକାଙ୍କୁରା

ଵିରଚିତଶିରଃକମ୍ପା କମ୍ପାତଟେ ପରିଶୋଭତେ

॥19॥

ଶ୍ଲୋକ 21

ସରସଵଚସାଂ ଵୀଚୀ ନୀଚୀଭଵନ୍ମଧୁମାଧୁରୀ

ଭରିତଭୁଵନା କୀର୍ତିର୍ମୂର୍ତିର୍ମନୋଭଵଜିତ୍ଵରୀ ।

ଜନନି ମନସୋ ଯୋଗ୍ଯଂ ଭୋଗ୍ଯଂ ନୃଣାଂ ତଵ ଜାଯତେ

କଥମିଵ ଵିନା କାଞ୍ଚୀଭୂଷେ କଟାକ୍ଷତରଙ୍ଗିତମ୍

॥20॥

ଶ୍ଲୋକ 22

ଭ୍ରମରିତସରିତ୍କୂଲୋ ନୀଲୋତ୍ପଲପ୍ରଭଯାଽଽଭଯା

ନତଜନତମଃଖଣ୍ଡୀ ତୁଣ୍ଡୀରସୀମ୍ନି ଵିଜୃମ୍ଭତେ ।

ଅଚଲତପସାମେକଃ ପାକଃ ପ୍ରସୂନଶରାସନ-

ପ୍ରତିଭଟମନୋହାରୀ ନାରୀକୁଲୈକଶିଖାମଣିଃ

॥21॥

ଶ୍ଲୋକ 23

ମଧୁରଵଚସୋ ମନ୍ଦସ୍ମେରା ମତଙ୍ଗଜଗାମିନଃ

ତରୁଣିମଜୁଷସ୍ତାପିଚ୍ଛାଭାସ୍ତମଃପରିପନ୍ଥିନଃ ।

କୁଚଭରନତାଃ କୁର୍ଯୁର୍ଭଦ୍ରଂ କୁରଙ୍ଗଵିଲୋଚନାଃ

କଲିତକରୁଣାଃ କାଞ୍ଚୀଭାଜଃ କପାଲିମହୋତ୍ସଵାଃ

॥22॥

ଶ୍ଲୋକ 24

କମଲସୁଷମାକ୍ଷ୍ଯାରୋହେ ଵିଚକ୍ଷଣଵୀକ୍ଷଣାଃ

କୁମୁଦସୁକୃତକ୍ରୀଡାଚୂଡାଲକୁନ୍ତଲବନ୍ଧୁରାଃ ।

ରୁଚିରରୁଚିଭିସ୍ତାପିଚ୍ଛଶ୍ରୀପ୍ରପଞ୍ଚନଚୁଞ୍ଚଵଃ

ପୁରଵିଜଯିନଃ କମ୍ପାତୀରେ ସ୍ଫୁରନ୍ତି ମନୋରଥାଃ

॥23॥

ଶ୍ଲୋକ 25

କଲିତରତଯଃ କାଞ୍ଚୀଲୀଲାଵିଧୌ କଵିମଣ୍ଡଲୀ-

ଵଚନଲହରୀଵାସନ୍ତୀନାଂ ଵସନ୍ତଵିଭୂତଯଃ ।

କୁଶଲଵିଧଯେ ଭୂଯାସୁର୍ମେ କୁରଙ୍ଗଵିଲୋଚନାଃ

କୁସୁମଵିଶିଖାରାତେରକ୍ଷ୍ଣାଂ କୁତୂହଲଵିଭ୍ରମାଃ

॥24॥

ଶ୍ଲୋକ 26

କବଲିତତମସ୍କାଣ୍ଡାସ୍ତୁଣ୍ଡୀରମଣ୍ଡଲମଣ୍ଡନାଃ

ସରସିଜଵନୀସନ୍ତାନାନାମରୁନ୍ତୁଦଶେଖରାଃ ।

ନଯନସରଣେର୍ନେଦୀଯଂସଃ କଦା ନୁ ଭଵନ୍ତି ମେ

ତରୁଣଜଲଦଶ୍ଯାମାଃ ଶମ୍ଭୋସ୍ତପଃଫଲଵିଭ୍ରମାଃ

॥25॥

ଶ୍ଲୋକ 27

ଅଚରମମିଷୁଂ ଦୀନଂ ମୀନଧ୍ଵଜସ୍ଯ ମୁଖଶ୍ରିଯା

ସରସିଜଭୁଵୋ ଯାନଂ ମ୍ଲାନଂ ଗତେନ ଚ ମଞ୍ଜୁନା ।

ତ୍ରିଦଶସଦସାମନ୍ନଂ ଖିନ୍ନଂ ଗିରା ଚ ଵିତନ୍ଵତୀ

ତିଲକଯତି ସା କମ୍ପାତୀରଂ ତ୍ରିଲୋଚନସୁନ୍ଦରୀ

॥26॥

ଶ୍ଲୋକ 28

ଜନନି ଭୁଵନେ ଚଙ୍କ୍ରମ୍ଯେଽହଂ କିଯନ୍ତମନେହସଂ

କୁପୁରୁଷକରଭ୍ରଷ୍ଟୈର୍ଦୁଷ୍ଟୈର୍ଧନୈରୁଦରମ୍ଭରିଃ ।

ତରୁଣକରୁଣେ ତନ୍ଦ୍ରାଶୂନ୍ଯେ ତରଙ୍ଗଯ ଲୋଚନେ

ନମତି ମଯି ତେ କିଞ୍ଚିତ୍କାଞ୍ଚୀପୁରୀମଣିଦୀପିକେ

॥27॥

ଶ୍ଲୋକ 29

ମୁନିଜନମନଃପେଟୀରତ୍ନଂ ସ୍ଫୁରତ୍କରୁଣାନଟୀ-

ଵିହରଣକଲାଗେହଂ କାଞ୍ଚୀପୁରୀମଣିଭୂଷଣମ୍ ।

ଜଗତି ମହତୋ ମୋହଵ୍ଯାଧେର୍ନୃଣାଂ ପରମୌଷଧଂ

ପୁରହରଦୃଶାଂ ସାଫଲ୍ଯଂ ମେ ପୁରଃ ପରିଜୃମ୍ଭତାମ୍

॥28॥

ଶ୍ଲୋକ 30

ମୁନିଜନମୋଧାମ୍ନେ ଧାମ୍ନେ ଵଚୋମଯଜାହ୍ନଵୀ-

ହିମଗିରିତଟପ୍ରାଗ୍ଭାରାଯାକ୍ଷରାଯ ପରାତ୍ମନେ ।

ଵିହରଣଜୁଷେ କାଞ୍ଚୀଦେଶେ ମହେଶ୍ଵରଲୋଚନ-

ତ୍ରିତଯସରସକ୍ରୀଡାସୌଧାଙ୍ଗଣାଯ ନମୋ ନମଃ

॥29॥

ଶ୍ଲୋକ 31

ମରକତରୁଚାଂ ପ୍ରତ୍ଯାଦେଶଂ ମହେଶ୍ଵରଚକ୍ଷୁଷାମ୍

ଅମୃତଲହରୀପୂରଂ ପାରଂ ଭଵାଖ୍ଯପଯୋନିଧେଃ ।

ସୁଚରିତଫଲଂ କାଞ୍ଚୀଭାଜୋ ଜନସ୍ଯ ପଚେଲିମଂ

ହିମଶିଖରିଣୋ ଵଂଶସ୍ଯୈକଂ ଵତଂସମୁପାସ୍ମହେ

॥30॥

ଶ୍ଲୋକ 32

ପ୍ରଣମନଦିନାରମ୍ଭେ କମ୍ପାନଦୀସଖି ତାଵକେ

ସରସକଵିତୋନ୍ମେଷଃ ପୂଷା ସତାଂ ସମୁଦଞ୍ଚିତଃ ।

ପ୍ରତିଭଟମହାପ୍ରୌଢପ୍ରୋଦ୍ଯତ୍କଵିତ୍ଵକୁମୁଦ୍ଵତୀଂ

ନଯତି ତରସା ନିଦ୍ରାମୁଦ୍ରାଂ ନଗେଶ୍ଵରକନ୍ଯକେ

॥31॥

ଶ୍ଲୋକ 33

ଶମିତଜଡିମାରମ୍ଭା କମ୍ପାତଟୀନିକଟେଚରୀ

ନିହତଦୁରିତସ୍ତୋମା ସୋମାର୍ଧମୁଦ୍ରିତକୁନ୍ତଲା ।

ଫଲିତସୁମନୋଵାଞ୍ଛା ପାଞ୍ଚାଯୁଧୀ ପରଦେଵତା

ସଫଲଯତୁ ମେ ନେତ୍ରେ ଗୋତ୍ରେଶ୍ଵରପ୍ରିଯନନ୍ଦିନୀ

॥32॥

ଶ୍ଲୋକ 34

ମମ ତୁ ଧିଷଣା ପୀଡ୍ଯା ଜାଡ୍ଯାତିରେକ କଥଂ ତ୍ଵଯା

କୁମୁଦସୁଷମାମୈତ୍ରୀପାତ୍ରୀଵତଂସିତକୁନ୍ତଲାମ୍ ।

ଜଗତି ଶମିତସ୍ତମ୍ଭାଂ କମ୍ପାନଦୀନିଲଯାମସୌ

ଶ୍ରିଯତି ହି ଗଲତ୍ତନ୍ଦ୍ରା ଚନ୍ଦ୍ରାଵତଂସସଧର୍ମିଣୀମ୍

॥33॥

ଶ୍ଲୋକ 35

ପରିମଲପରୀପାକୋଦ୍ରେକଂ ପଯୋମୁଚି କାଞ୍ଚନେ

ଶିଖରିଣି ପୁନର୍ଦ୍ବୈଧୀଭାଵଂ ଶଶିନ୍ଯରୁଣାତପମ୍ ।

ଅପି ଚ ଜନଯନ୍କମ୍ବୋର୍ଲକ୍ଷ୍ମୀମନମ୍ବୁନି କୋଽପ୍ଯସୌ

କୁସୁମଧନୁଷଃ କାଞ୍ଚୀଦେଶେ ଚକାସ୍ତି ପରାକ୍ରମଃ

॥34॥

ଶ୍ଲୋକ 36

ପୁରଦମଯିତୁର୍ଵାମୋତ୍ସଙ୍ଗସ୍ଥଲେନ ରସଜ୍ଞଯା

ସରସକଵିତାଭାଜା କାଞ୍ଚୀପୁରୋଦରସୀମଯା ।

ତଟପରିସରୈର୍ନୀହାରାଦ୍ରେର୍ଵଚୋଭିରକୃତ୍ରିମୈଃ

କିମିଵ ନ ତୁଲାମସ୍ମଚ୍ଚେତୋ ମହେଶ୍ଵରି ଗାହତେ

॥35॥

ଶ୍ଲୋକ 37

ନଯନଯୁଗଲୀମାସ୍ମାକୀନାଂ କଦା ନୁ ଫଲେଗ୍ରହୀଂ

ଵିଦଧତି ଗତୌ ଵ୍ଯାକୁର୍ଵାଣା ଗଜେନ୍ଦ୍ରଚମତ୍କ୍ରିଯାମ୍ ।

ମରତକରୁଚୋ ମାହେଶାନା ଘନସ୍ତନନମ୍ରିତାଃ

ସୁକୃତଵିଭଵାଃ ପ୍ରାଞ୍ଚଃ କାଞ୍ଚୀଵତଂସଧୁରନ୍ଧରାଃ

॥36॥

ଶ୍ଲୋକ 38

ମନସିଜଯଶଃପାରମ୍ପର୍ଯଂ ମରନ୍ଦଝରୀସୁଵାଂ

କଵିକୁଲଗିରାଂ କନ୍ଦଂ କମ୍ପାନଦୀତଟମଣ୍ଡନମ୍ ।

ମଧୁରଲଲିତଂ ମତ୍କଂ ଚକ୍ଷୁର୍ମନୀଷିମନୋହରଂ

ପୁରଵିଜଯିନଃ ସର୍ଵସ୍ଵଂ ତତ୍ପୁରସ୍କୁରୁତେ କଦା

॥37॥

ଶ୍ଲୋକ 39

ଶିଥିଲିତତମୋଲୀଲାଂ ନୀଲାରଵିନ୍ଦଵିଲୋଚନାଂ

ଦହନଵିଲସତ୍ଫାଲାଂ ଶ୍ରୀକାମକୋଟିମୁପାସ୍ମହେ ।

କରଧୃତସଚ୍ଛୂଲାଂ କାଲାରିଚିତ୍ତହରାଂ ପରାଂ

ମନସିଜକୃପାଲୀଲାଂ ଲୋଲାଲକାମଲିକେକ୍ଷଣାମ୍

॥38॥

ଶ୍ଲୋକ 40

କଲାଲୀଲାଶାଲା କଵିକୁଲଵଚଃକୈରଵଵନୀ-

ଶରଜ୍ଜ୍ଯୋତ୍ସ୍ନାଧାରା ଶଶଧରଶିଶୁଶ୍ଲାଘ୍ଯମୁକୁଟୀ ।

ପୁନୀତେ ନଃ କମ୍ପାପୁଲିନତଟସୌହାର୍ଦତରଲା

କଦା ଚକ୍ଷୁର୍ମାର୍ଗଂ କନକଗିରିଧାନୁଷ୍କମହିଷୀ

॥39॥

ଶ୍ଲୋକ 41

ନମଃ ସ୍ତାନ୍ନମ୍ରେଭ୍ଯଃ ସ୍ତନଗରିମଗର୍ଵେଣ ଗୁରୁଣା

ଦଧାନେଭ୍ଯଶ୍ଚୂଡାଭରଣମମୃତସ୍ଯନ୍ଦି ଶିଶିରମ୍ ।

ସଦା ଵାସ୍ତଵେଭ୍ଯଃ ସୁଵିଧଭୁଵି କମ୍ପାଖ୍ଯସରିତେ

ଯଶୋଵ୍ଯାପାରେଭ୍ଯଃ ସୁକୃତଵିଭଵେଭ୍ଯୋ ରତିପତେଃ

॥40॥

ଶ୍ଲୋକ 42

ଅସୂଯନ୍ତୀ କାଚିନ୍ମରକତରୁଚୋ ନାକିମୁକୁଟୀ-

କଦମ୍ବଂ ଚୁମ୍ବନ୍ତୀ ଚରଣନଖଚନ୍ଦ୍ରାଂଶୁପଟଲୈଃ ।

ତମୋମୁଦ୍ରାଂ ଵିଦ୍ରାଵଯତୁ ମମ କାଞ୍ଚୀର୍ନିଲଯନା

ହରୋତ୍ସଙ୍ଗଶ୍ରୀମନ୍ମଣିଗୃହମହାଦୀପକଲିକା

॥41॥

ଶ୍ଲୋକ 43

ଅନାଦ୍ଯନ୍ତା କାଚିତ୍ସୁଜନନଯନାନନ୍ଦଜନନୀ

ନିରୁନ୍ଧାନା କାନ୍ତିଂ ନିଜରୁଚିଵିଲାସୈର୍ଜଲମୁଚାମ୍ ।

ସ୍ମରାରେସ୍ତାରଲ୍ଯଂ ମନସି ଜନଯନ୍ତୀ ସ୍ଵଯମହୋ

ଗଲତ୍କମ୍ପା ଶମ୍ପା ପରିଲସତି କମ୍ପାପରିସରେ

॥42॥

ଶ୍ଲୋକ 44

ସୁଧାଡିଣ୍ଡୀରଶ୍ରୀଃ ସ୍ମିତରୁଚିଷୁ ତୁଣ୍ଡୀରଵିଷଯଂ

ପରିଷ୍କୁର୍ଵାଣାସୌ ପରିହସିତନୀଲୋତ୍ପଲରୁଚିଃ ।

ସ୍ତନାଭ୍ଯାମାନମ୍ରା ସ୍ତବକଯତୁ ମେ କାଙ୍କ୍ଷିତତରୁଂ

ଦୃଶାମୈଶାନୀନାଂ ସୁକୃତଫଲପାଣ୍ଡିତ୍ଯଗରିମା

॥43॥

ଶ୍ଲୋକ 45

କୃପାଧାରାଦ୍ରୋଣୀ କୃପଣଧିଷଣାନାଂ ପ୍ରଣମତାଂ

ନିହନ୍ତ୍ରୀ ସନ୍ତାପଂ ନିଗମମୁକୁଟୋତ୍ତଂସକଲିକା ।

ପରା କାଞ୍ଚୀଲୀଲାପରିଚଯଵତୀ ପର୍ଵତସୁତା

ଗିରାଂ ନୀଵୀ ଦେଵୀ ଗିରିଶପରତନ୍ତ୍ରା ଵିଜଯତେ

॥44॥

ଶ୍ଲୋକ 46

କଵିତ୍ଵଶ୍ରୀକନ୍ଦଃ ସୁକୃତପରିପାଟୀ ହିମଗିରେଃ

ଵିଧାତ୍ରୀ ଵିଶ୍ଵେଷାଂ ଵିଷମଶରଵୀରଧ୍ଵଜପଟୀ ।

ସଖୀ କମ୍ପାନଦ୍ଯାଃ ପଦହସିତପାଥୋଜଯୁଗଲୀ

ପୁରାଣୋ ପାଯାନ୍ନଃ ପୁରମଥନସାମ୍ରାଜ୍ଯପଦଵୀ

॥45॥

ଶ୍ଲୋକ 47

ଦରିଦ୍ରାଣା ମଧ୍ଯେ ଦରଦଲିତତାପିଚ୍ଛସୁଷମାଃ

ସ୍ତନାଭୋଗକ୍କାନ୍ତାସ୍ତରୁଣହରିଣାଙ୍କାଙ୍କିତକଚାଃ ।

ହରାଧୀନା ନାନାଵିବୁଧମୁକୁଟୀଚୁମ୍ବିତପଦାଃ

କଦା କମ୍ପାତୀରେ କଥଯ ଵିହରାମୋ ଗିରିସୁତେ

॥46॥

ଶ୍ଲୋକ 48

ଵରୀଵର୍ତୁ ସ୍ଥେମା ତ୍ଵଯି ମମ ଗିରାଂ ଦେଵି ମନସୋ

ନରୀନର୍ତୁ ପ୍ରୌଢା ଵଦନକମଲେ ଵାକ୍ଯଲହରୀ ।

ଚରୀଚର୍ତୁ ପ୍ରଜ୍ଞାଜନନି ଜଡିମାନଃ ପରଜନେ

ସରୀସର୍ତୁ ସ୍ଵୈରଂ ଜନନି ମଯି କାମାକ୍ଷି କରୁଣା

॥47॥

ଶ୍ଲୋକ 49

କ୍ଷଣାତ୍ତେ କାମାକ୍ଷି ଭ୍ରମରସୁଷମାଶିକ୍ଷଣଗୁରୁଃ

କଟାକ୍ଷଵ୍ଯାକ୍ଷେପୋ ମମ ଭଵତୁ ମୋକ୍ଷାଯ ଵିପଦାମ୍ ।

ନରୀନର୍ତୁ ସ୍ଵୈରଂ ଵଚନଲହରୀ ନିର୍ଜରପୁରୀ-

ସରିଦ୍ଵୀଚୀନୀଚୀକରଣପଟୁରାସ୍ଯେ ମମ ସଦା

॥48॥

ଶ୍ଲୋକ 50

ପୁରସ୍ତାନ୍ମେ ଭୂଯଃପ୍ରଶମନପରଃ ସ୍ତାନ୍ମମ ରୁଜାଂ

ପ୍ରଚାରସ୍ତେ କମ୍ପାତଟଵିହୃତିସମ୍ପାଦିନି ଦୃଶୋଃ ।

ଇମାଂ ଯାଚ୍ଞାମୂରୀକୁରୁ ସପଦି ଦୂରୀକୁରୁ ତମଃ-

ପରୀପାକଂ ମତ୍କଂ ସପଦି ବୁଧଲୋକଂ ଚ ନଯ ମାମ୍

॥49॥

ଶ୍ଲୋକ 51

ଉଦଞ୍ଚନ୍ତୀ କାଞ୍ଚୀନଗରନିଲଯେ ତ୍ଵତ୍କରୁଣଯା

ସମୃଦ୍ଧା ଵାଗ୍ଧାଟୀ ପରିହସିତମାଧ୍ଵୀ କଵଯତାମ୍ ।

ଉପାଦତ୍ତେ ମାରପ୍ରତିଭଟଜଟାଜୂଟମୁକୁଟୀ-

କୁଟୀରୋଲ୍ଲାସିନ୍ଯାଃ ଶତମଖତଟିନ୍ଯା ଜଯପଟୀମ୍

॥50॥

ଶ୍ଲୋକ 52

ଶ୍ରିଯଂ ଵିଦ୍ଯାଂ ଦଦ୍ଯାଜ୍ଜନନି ନମତାଂ କୀର୍ତିମମିତାଂ

ସୁପୁତ୍ରାନ୍ ପ୍ରାଦତ୍ତେ ତଵ ଝଟିତି କାମାକ୍ଷି କରୁଣା ।

ତ୍ରିଲୋକ୍ଯାମାଧିକ୍ଯଂ ତ୍ରିପୁରପରିପନ୍ଥିପ୍ରଣଯିନି

ପ୍ରଣାମସ୍ତ୍ଵତ୍ପାଦେ ଶମିତଦୁରିତେ କିଂ ନ କୁରୁତେ

॥51॥

ଶ୍ଲୋକ 53

ମନଃସ୍ତମ୍ଭଂ ସ୍ତମ୍ଭଂ ଗମଯଦୁପକମ୍ପଂ ପ୍ରଣମତାଂ

ସଦା ଲୋଲଂ ନୀଲଂ ଚିକୁରଜିତଲୋଲମ୍ବନିକରମ୍ ।

ଗିରାଂ ଦୂରଂ ସ୍ମେରଂ ଧୃତଶଶିକିଶୋରଂ ପଶୁପତେଃ

ଦୃଶାଂ ଯୋଗ୍ଯଂ ଭୋଗ୍ଯଂ ତୁହିନଗିରିଭାଗ୍ଯଂ ଵିଜଯତେ

॥52॥

ଶ୍ଲୋକ 54

ଘନଶ୍ଯାମାନ୍କାମାନ୍ତକମହିଷି କାମାକ୍ଷି ମଧୁରାନ୍

ଦୃଶାଂ ପାତାନେତାନମୃତଜଲଶୀତାନନୁପମାନ୍ ।

ଭଵୋତ୍ପାତେ ଭୀତେ ମଯି ଵିତର ନାଥେ ଦୃଢଭଵ-

ନ୍ମନଶ୍ଶୋକେ ମୂକେ ହିମଗିରିପତାକେ କରୁଣଯା

॥53॥

ଶ୍ଲୋକ 55

ନତାନାଂ ମନ୍ଦାନାଂ ଭଵନିଗଲବନ୍ଧାକୁଲଧିଯାଂ

ମହାନ୍ଧ୍ଯାଂ ରୁନ୍ଧାନାମଭିଲଷିତସନ୍ତାନଲତିକାମ୍ ।

ଚରନ୍ତୀଂ କମ୍ପାଯାସ୍ତଟଭୁଵି ସଵିତ୍ରୀଂ ତ୍ରିଜଗତାଂ

ସ୍ମରାମସ୍ତାଂ ନିତ୍ଯଂ ସ୍ମରମଥନଜୀଵାତୁକଲିକାମ୍

॥54॥

ଶ୍ଲୋକ 56

ପରା ଵିଦ୍ଯା ହୃଦ୍ଯାଶ୍ରିତମଦନଵିଦ୍ଯା ମରକତ-

ପ୍ରଭାନୀଲା ଲୀଲାପରଵଶିତଶୂଲାଯୁଧମନାଃ ।

ତମଃପୂରଂ ଦୂରଂ ଚରଣନତପୌରନ୍ଦରପୁରୀ-

ମୃଗାକ୍ଷୀ କାମାକ୍ଷୀ କମଲତରଲାକ୍ଷୀ ନଯତୁ ମେ

॥55॥

ଶ୍ଲୋକ 57

ଅହନ୍ତାଖ୍ଯା ମତ୍କଂ କବଲଯତି ହା ହନ୍ତ ହରିଣୀ

ହଠାତ୍ସଂଵିଦ୍ରୂପଂ ହରମହିଷି ସସ୍ଯାଙ୍କୁରମସୌ ।

କଟାକ୍ଷଵ୍ଯାକ୍ଷେପପ୍ରକଟହରିପାଷାଣପଟଲୈଃ

ଇମାମୁଚ୍ଚୈରୁଚ୍ଚାଟଯ ଝଟିତି କାମାକ୍ଷି କୃପଯା

॥56॥

ଶ୍ଲୋକ 58

ବୁଧେ ଵା ମୂକେ ଵା ତଵ ପତତି ଯସ୍ମିନ୍କ୍ଷଣମସୌ

କଟାକ୍ଷଃ କାମାକ୍ଷି ପ୍ରକଟଜଡିମକ୍ଷୋଦପଟିମା ।

କଥଙ୍କାରଂ ନାସ୍ମୈ କରମୁକୁଲଚୂଡାଲମୁକୁଟା

ନମୋଵାକଂ ବ୍ରୂଯୁର୍ନମୁଚିପରିପନ୍ଥିପ୍ରଭୃତଯଃ

॥57॥

ଶ୍ଲୋକ 59

ପ୍ରତୀଚୀଂ ପଶ୍ଯାମଃ ପ୍ରକଟରୁଚିନୀଵାରକମଣି-

ପ୍ରଭାସଧ୍ରୀଚୀନାଂ ପ୍ରଦଲିତଷଡାଧାରକମଲାମ୍ ।

ଚରନ୍ତୀଂ ସୌଷୁମ୍ନେ ପଥି ପରପଦେନ୍ଦୁପ୍ରଵିଗଲ-

ତ୍ସୁଧାର୍ଦ୍ରାଂ କାମାକ୍ଷୀଂ ପରିଣତପରଞ୍ଜ୍ଯୋତିରୁଦଯାମ୍

॥58॥

ଶ୍ଲୋକ 60

ଜମ୍ଭାରାତିପ୍ରଭୃତିମୁକୁଟୀଃ ପାଦଯୋଃ ପୀଠଯନ୍ତୀ

ଗୁମ୍ଫାନ୍ଵାଚାଂ କଵିଜନକୃତାନ୍ସ୍ଵୈରମାରାମଯନ୍ତୀ ।

ଶମ୍ପାଲକ୍ଷ୍ମୀଂ ମଣିଗଣରୁଚାପାଟଲୈଃ ପ୍ରାପଯନ୍ତୀ

କମ୍ପାତୀରେ କଵିପରିଷଦାଂ ଜୃମ୍ଭତେ ଭାଗ୍ଯସୀମା

॥59॥

ଶ୍ଲୋକ 61

ଚନ୍ଦ୍ରାପୀଡାଂ ଚତୁରଵଦନାଂ ଚଞ୍ଚଲାପାଙ୍ଗଲୀଲାଂ

କୁନ୍ଦସ୍ମେରାଂ କୁଚଭରନତାଂ କୁନ୍ତଲୋଦ୍ଧୂତଭୃଙ୍ଗାମ୍ ।

ମାରାରାତେର୍ମଦନଶିଖିନଂ ମାଂସଲଂ ଦୀପଯନ୍ତୀଂ

କାମାକ୍ଷୀଂ ତାଂ କଵିକୁଲଗିରାଂ କଲ୍ପଵଲ୍ଲୀମୁପାସେ

॥60॥

ଶ୍ଲୋକ 62

କାଲାମ୍ଭୋଦପ୍ରକରସୁଷମାଂ କାନ୍ତିଭିସ୍ତିର୍ଜଯନ୍ତୀ

କଲ୍ଯାଣାନାମୁଦଯସରଣିଃ କଲ୍ପଵଲ୍ଲୀ କଵୀନାମ୍ ।

କନ୍ଦର୍ପାରେଃ ପ୍ରିଯସହଚରୀ କଲ୍ମଷାଣାଂ ନିହନ୍ତ୍ରୀ

କାଞ୍ଚୀଦେଶଂ ତିଲକଯତି ସା କାପି କାରୁଣ୍ଯସୀମା

॥61॥

ଶ୍ଲୋକ 63

ଊରୀକୁର୍ଵନ୍ନୁରସିଜତଟେ ଚାତୁରୀଂ ଭୂଧରାଣାଂ

ପାଥୋଜାନାଂ ନଯନଯୁଗଲେ ପରିପନ୍ଥ୍ଯଂ ଵିତନ୍ଵନ୍ ।

କମ୍ପାତୀରେ ଵିହରତି ରୁଚା ମୋଘଯନ୍ମେଘଶୈଲୀଂ

କୋକଦ୍ଵେଷଂ ଶିରସି କଲଯନ୍କୋଽପି ଵିଦ୍ଯାଵିଶେଷଃ

॥62॥

ଶ୍ଲୋକ 64

କାଞ୍ଚୀଲୀଲାପରିଚଯଵତୀ କାପି ତାପିଚ୍ଛଲକ୍ଷ୍ମୀଃ

ଜାଡ୍ଯାରଣ୍ଯେ ହୁତଵହଶିଖା ଜନ୍ମଭୂମିଃ କୃପାଯାଃ ।

ମାକନ୍ଦଶ୍ରୀର୍ମଧୁରକଵିତାଚାତୁରୀ କୋକିଲାନାଂ

ମାର୍ଗେ ଭୂଯାନ୍ମମ ନଯନଯୋର୍ମାନ୍ମଥୀ କାପି ଵିଦ୍ଯା

॥63॥

ଶ୍ଲୋକ 65

ସେତୁର୍ମାତର୍ମରତକମଯୋ ଭକ୍ତିଭାଜାଂ ଭଵାବ୍ଧୌ

ଲୀଲାଲୋଲା କୁଵଲଯମଯୀ ମାନ୍ମଥୀ ଵୈଜଯନ୍ତୀ ।

କାଞ୍ଚୀଭୂଷା ପଶୁପତିଦୃଶାଂ କାପି କାଲାଞ୍ଜନାଲୀ

ମତ୍କଂ ଦୁଃଖଂ ଶିଥିଲଯତୁ ତେ ମଞ୍ଜୁଲାପାଙ୍ଗମାଲା

॥64॥

ଶ୍ଲୋକ 66

ଵ୍ଯାଵୃଣ୍ଵାନାଃ କୁଵଲଯଦଲପ୍ରକ୍ରିଯାଵୈରମୁଦ୍ରାଂ

ଵ୍ଯାକୁର୍ଵାଣା ମନସିଜମହାରାଜସାମ୍ରାଜ୍ଯଲକ୍ଷ୍ମୀମ୍ ।

କାଞ୍ଚୀଲୀଲାଵିହୃତିରସିକେ କାଙ୍କ୍ଷିତଂ ନଃ କ୍ରିଯାସୁଃ

ବନ୍ଧଚ୍ଛେଦେ ତଵ ନିଯମିନାଂ ବଦ୍ଧଦୀକ୍ଷାଃ କଟାକ୍ଷାଃ

॥65॥

ଶ୍ଲୋକ 67

କାଲାମ୍ଭୋଦେ ଶଶିରୁଚି ଦଲଂ କୈତକଂ ଦର୍ଶଯନ୍ତୀ

ମଧ୍ଯେସୌଦାମିନି ମଧୁଲିହାଂ ମାଲିକାଂ ରାଜଯନ୍ତୀ ।

ହଂସାରାଵଂ ଵିକଚକମଲେ ମଞ୍ଜୁମୁଲ୍ଲାସଯନ୍ତୀ

କମ୍ପାତୀରେ ଵିଲସତି ନଵା କାପି କାରୁଣ୍ଯଲକ୍ଷ୍ମୀଃ

॥66॥

ଶ୍ଲୋକ 68

ଚିତ୍ରଂ ଚିତ୍ରଂ ନିଜମୃଦୁତଯା ଭର୍ତ୍ସଯନ୍ପଲ୍ଲଵାଲୀଂ

ପୁଂସାଂ କାମାନ୍ଭୁଵି ଚ ନିଯତଂ ପୂରଯନ୍ପୁଣ୍ଯଭାଜାମ୍ ।

ଜାତଃ ଶୈଲାନ୍ନ ତୁ ଜଲନିଧେଃ ସ୍ଵୈରସଞ୍ଚାରଶୀଲଃ

କାଞ୍ଚୀଭୂଷା କଲଯତୁ ଶିଵଂ କୋଽପି ଚିନ୍ତାମଣିର୍ମେ

॥67॥

ଶ୍ଲୋକ 69

ତାମ୍ରାମ୍ଭୋଜଂ ଜଲଦନିକଟେ ତତ୍ର ବନ୍ଧୂକପୁଷ୍ପଂ

ତସ୍ମିନ୍ମଲ୍ଲୀକୁସୁମସୁଷମାଂ ତତ୍ର ଵୀଣାନିନାଦମ୍ ।

ଵ୍ଯାଵୃନ୍ଵାନା ସୁକୃତଲହରୀ କାପି କାଞ୍ଚିନଗର୍ଯାମ୍

ଐଶାନୀ ସା କଲଯତିତରାମୈନ୍ଦ୍ରଜାଲଂ ଵିଲାସମ୍

॥68॥

ଶ୍ଲୋକ 70

ଆହାରାଂଶଂ ତ୍ରିଦଶସଦସାମାଶ୍ରଯେ ଚାତକାନାମ୍

ଆକାଶୋପର୍ଯପି ଚ କଲଯନ୍ନାଲଯଂ ତୁଙ୍ଗମେଷାମ୍ ।

କମ୍ପାତୀରେ ଵିହରତିତରାଂ କାମଧେନୁଃ କଵୀନାଂ

ମନ୍ଦସ୍ମେରୋ ମଦନନିଗମପ୍ରକ୍ରିଯାସମ୍ପ୍ରଦାଯଃ

॥69॥

ଶ୍ଲୋକ 71

ଆର୍ଦ୍ରୀଭୂତୈରଵିରଲକୃପୈରାତ୍ତଲୀଲାଵିଲାସୈଃ

ଆସ୍ଥାପୂର୍ଣୈରଧିକଚପଲୈରଞ୍ଚିତାମ୍ଭୋଜଶିଲ୍ପୈଃ ।

କାନ୍ତୈର୍ଲକ୍ଷ୍ମୀଲଲିତଭଵନୈଃ କାନ୍ତିକୈଵଲ୍ଯସାରୈଃ

କାଶ୍ମଲ୍ଯଂ ନଃ କବଲଯତୁ ସା କାମକୋଟୀ କଟାକ୍ଷୈଃ

॥70॥

ଶ୍ଲୋକ 72

ଆଧୂନ୍ଵନ୍ତ୍ଯୈ ତରଲନଯନୈରାଙ୍ଗଜୀଂ ଵୈଜଯନ୍ତୀମ୍

ଆନନ୍ଦିନ୍ଯୈ ନିଜପଦଜୁଷାମାତ୍ତକାଞ୍ଚୀପୁରାଯୈ ।

ଆସ୍ମାକୀନଂ ହୃଦଯମଖିଲୈରାଗମାନାଂ ପ୍ରପଞ୍ଚୈଃ

ଆରାଧ୍ଯାଯୈ ସ୍ପୃହଯତିତରାମଦିମାଯୈ ଜନନ୍ଯୈ

॥71॥

ଶ୍ଲୋକ 73

ଦୂରଂ ଵାଚାଂ ତ୍ରିଦଶସଦସାଂ ଦୁଃଖସିନ୍ଧୋସ୍ତରିତ୍ରଂ

ମୋହକ୍ଷ୍ଵେଲକ୍ଷିତିରୁହଵନେ କ୍ରୂରଧାରଂ କୁଠାରମ୍ ।

କମ୍ପାତୀରପ୍ରଣଯି କଵିଭିର୍ଵର୍ଣିତୋଦ୍ଯଚ୍ଚରିତ୍ରଂ

ଶାନ୍ତ୍ଯୈ ସେଵେ ସକଲଵିପଦାଂ ଶାଙ୍କରଂ ତତ୍କଲତ୍ରମ୍

॥72॥

ଶ୍ଲୋକ 74

ଖଣ୍ଡୀକୃତ୍ଯ ପ୍ରକୃତିକୁଟିଲଂ କଲ୍ମଷଂ ପ୍ରାତିଭଶ୍ରୀ-

ଶୁଣ୍ଡୀରତ୍ଵଂ ନିଜପଦଜୁଷାଂ ଶୂନ୍ଯତନ୍ଦ୍ରଂ ଦିଶନ୍ତୀ ।

ତୁଣ୍ଡୀରାଖ୍ଯୈ ମହତି ଵିଷଯେ ସ୍ଵର୍ଣଵୃଷ୍ଟିପ୍ରଦାତ୍ରୀ

ଚଣ୍ଡୀ ଦେଵୀ କଲଯତି ରତିଂ ଚନ୍ଦ୍ରଚୂଡାଲଚୂଡେ

॥73॥

ଶ୍ଲୋକ 75

ଯେନ ଖ୍ଯାତୋ ଭଵତି ସ ଗୃହୀ ପୂରୁଷୋ ମେରୁଧନ୍ଵା

ଯଦ୍ଦୃକ୍କୋଣେ ମଦନନିଗମପ୍ରାଭଵଂ ବୋଭଵୀତି ।

ଯତ୍ପ୍ରୀତ୍ଯୈଵ ତ୍ରିଜଗଦଧିପୋ ଜୃମ୍ଭତେ କିମ୍ପଚାନଃ

କମ୍ପାତୀରେ ସ ଜଯତି ମହାନ୍କଶ୍ଚିଦୋଜୋଵିଶେଷଃ

॥74॥

ଶ୍ଲୋକ 76

ଧନ୍ଯା ଧନ୍ଯା ଗତିରିହ ଗିରାଂ ଦେଵି କାମାକ୍ଷି ଯନ୍ମେ

ନିନ୍ଦ୍ଯାଂ ଭିନ୍ଦ୍ଯାତ୍ସପଦି ଜଡତାଂ କଲ୍ମଷାଦୁନ୍ମିଷନ୍ତୀମ୍ ।

ସାଧ୍ଵୀ ମାଧ୍ଵୀରସମଧୁରତାଭଞ୍ଜିନୀ ମଞ୍ଜୁରୀତିଃ

ଵାଣୀଵେଣୀ ଝଟିତି ଵୃଣୁତାତ୍ସ୍ଵର୍ଧୁନୀସ୍ପର୍ଧିନୀ ମାମ୍

॥75॥

ଶ୍ଲୋକ 77

ଯସ୍ଯା ଵାଟୀ ହୃଦଯକମଲଂ କୌସୁମୀ ଯୋଗଭାଜାଂ

ଯସ୍ଯାଃ ପୀଠୀ ସତତଶିଶିରା ଶୀକରୈର୍ମାକରନ୍ଦୈଃ ।

ଯସ୍ଯାଃ ପେଟୀ ଶ୍ରୁତିପରିଚଲନ୍ମୌଲିରତ୍ନସ୍ଯ କାଞ୍ଚୀ

ସା ମେ ସୋମାଭରଣମହିଷୀ ସାଧଯେତ୍କାଙ୍କ୍ଷିତାନି

॥76॥

ଶ୍ଲୋକ 78

ଏକା ମାତା ସକଲଜଗତାମୀଯୁଷୀ ଧ୍ଯାନମୁଦ୍ରାମ୍

ଏକାମ୍ରାଧୀଶ୍ଵରଚରଣଯୋରେକତାନାଂ ସମିନ୍ଧେ ।

ତାଟଙ୍କୋଦ୍ଯନ୍ମଣିଗଣରୁଚା ତାମ୍ରକର୍ଣପ୍ରଦେଶା

ତାରୁଣ୍ଯଶ୍ରୀସ୍ତବକିତତନୁସ୍ତାପସୀ କାପି ବାଲା

॥77॥

ଶ୍ଲୋକ 79

ଦନ୍ତାଦନ୍ତିପ୍ରକଟନକରୀ ଦନ୍ତିଭିର୍ମନ୍ଦଯାନୈଃ

ମନ୍ଦାରାଣାଂ ମଦପରିଣତିଂ ମଥ୍ନତୀ ମନ୍ଦହାସୈଃ ।

ଅଙ୍କୂରାଭ୍ଯାଂ ମନସିଜତରୋରଙ୍କିତୋରାଃ କୁଚାଭ୍ଯା-

ମନ୍ତଃକାଞ୍ଚି ସ୍ଫୁରତି ଜଗତାମାଦିମା କାପି ମାତା

॥78॥

ଶ୍ଲୋକ 80

ତ୍ରିଯମ୍ବକକୁଟୁମ୍ବିନୀଂ ତ୍ରିପୁରସୁନ୍ଦରୀମିନ୍ଦିରାଂ

ପୁଲିନ୍ଦପତିସୁନ୍ଦରୀଂ ତ୍ରିପୁରଭୈରଵୀଂ ଭାରତୀମ୍ ।

ମତଙ୍ଗକୁଲନାଯିକାଂ ମହିଷମର୍ଦନୀଂ ମାତୃକାଂ

ଭଣନ୍ତି ଵିବୁଧୋତ୍ତମା ଵିହୃତିମେଵ କାମାକ୍ଷି ତେ

॥79॥

ଶ୍ଲୋକ 81

ମହାମୁନିମନୋନଟୀ ମହିତରମ୍ଯକମ୍ପାତଟୀ-

କୁଟୀରକଵିହାରିଣୀ କୁଟିଲବୋଧସଂହାରିଣୀ ।

ସଦା ଭଵତୁ କାମିନୀ ସକଲଦେହିନାଂ ସ୍ଵାମିନୀ

କୃପାତିଶଯକିଙ୍କରୀ ମମ ଵିଭୂତଯେ ଶାଙ୍କରୀ

॥80॥

ଶ୍ଲୋକ 82

ଜଡାଃ ପ୍ରକୃତିନିର୍ଧନା ଜନଵିଲୋଚନାରୁନ୍ତୁଦା

ନରା ଜନନି ଵୀକ୍ଷଣଂ କ୍ଷଣମଵାପ୍ଯ କାମାକ୍ଷି ତେ ।

ଵଚସ୍ସୁ ମଧୁମାଧୁରୀଂ ପ୍ରକଟଯନ୍ତି ପୌରନ୍ଦରୀ-

ଵିଭୂତିଷୁ ଵିଡମ୍ବନାଂ ଵପୁଷି ମାନ୍ମଥୀଂ ପ୍ରକ୍ରିଯାମ୍

॥81॥

ଶ୍ଲୋକ 83

ଘନ୍ସତନତଟସ୍ଫୁଟସ୍ଫୁରିତକଞ୍ଚୁଲୀଚଞ୍ଚଲୀ-

କୃତତ୍ରିପୁରଶାସନା ସୁଜନଶୀଲିତୋପାସନା ।

ଦୃଶୋଃ ସରଣିମଶ୍ନୁତେ ମମ କଦା ନୁ କାଞ୍ଚୀପୁରେ

ପରା ପରମଯୋଗିନାଂ ମନସି ଚିତ୍କୁଲା ପୁଷ୍କଲା

॥82॥

ଶ୍ଲୋକ 84

କଵୀନ୍ଦ୍ରହୃଦଯେଚରୀ ପରିଗୃହୀତକାଞ୍ଚୀପୁରୀ

ନିରୂଢକରୁଣାଝରୀ ନିଖିଲଲୋକରକ୍ଷାକରୀ ।

ମନଃପଥଦଵୀଯସୀ ମଦନଶାସନପ୍ରେଯସୀ

ମହାଗୁଣଗରୀଯସୀ ମମ ଦୃଶୋଽସ୍ତୁ ନେଦୀଯସୀ

॥83॥

ଶ୍ଲୋକ 85

ଧନେନ ନ ରମାମହେ ଖଲଜନାନ୍ନ ସେଵାମହେ

ନ ଚାପଲମଯାମହେ ଭଵଭଯାନ୍ନ ଦୂଯାମହେ ।

ସ୍ଥିରାଂ ତନୁମହେତରାଂ ମନସି କିଂ ଚ କାଞ୍ଚୀରତ-

ସ୍ମରାନ୍ତକକୁଟୁମ୍ବିନୀଚରଣପଲ୍ଲଵୋପାସନାମ୍

॥84॥

ଶ୍ଲୋକ 86

ସୁରାଃ ପରିଜନା ଵପୁର୍ମନସିଜାଯ ଵୈରାଯତେ

ତ୍ରିଵିଷ୍ଟପନିତମ୍ବିନୀକୁଚତଟୀ ଚ କେଲୀଗିରିଃ ।

ଗିରଃ ସୁରଭଯୋ ଵଯସ୍ତରୁଣିମା ଦରିଦ୍ରସ୍ଯ ଵା

କଟାକ୍ଷସରଣୌ କ୍ଷଣଂ ନିପତିତସ୍ଯ କାମାକ୍ଷି ତେ

॥85॥

ଶ୍ଲୋକ 87

ପଵିତ୍ରଯ ଜଗତ୍ତ୍ରଯୀଵିବୁଧବୋଧଜୀଵାତୁଭିଃ

ପୁରତ୍ରଯଵିମର୍ଦିନଃ ପୁଲକକଞ୍ଚୁଲୀଦାଯିଭିଃ ।

ଭଵକ୍ଷଯଵିଚକ୍ଷଣୈର୍ଵ୍ଯସନମୋକ୍ଷଣୈର୍ଵୀକ୍ଷଣୈଃ

ନିରକ୍ଷରଶିରୋମଣିଂ କରୁଣଯୈଵ କାମାକ୍ଷି ମାମ୍

॥86॥

ଶ୍ଲୋକ 88

କଦା କଲିତଖେଲନାଃ କରୁଣଯୈଵ କାଞ୍ଚୀପୁରେ

କଲାଯମୁକୁଲତ୍ଵିଷଃ ଶୁଭକଦମ୍ବପୂର୍ଣାଙ୍କୁରାଃ ।

ପଯୋଧରଭରାଲସାଃ କଵିଜନେଷୁ ତେ ବନ୍ଧୁରାଃ

ପଚେଲିମକୃପାରସା ପରିପତନ୍ତି ମାର୍ଗେ ଦୃଶୋଃ

॥87॥

ଶ୍ଲୋକ 89

ଅଶୋଧ୍ଯମଚଲୋଦ୍ଭଵଂ ହୃଦଯନନ୍ଦନଂ ଦେହିନାମ୍

ଅନର୍ଘମଧିକାଞ୍ଚି ତତ୍କିମପି ରତ୍ନମୁଦ୍ଦ୍ଯୋତତେ ।

ଅନେନ ସମଲଙ୍କୃତା ଜଯତି ଶଙ୍କରାଙ୍କସ୍ଥଲୀ

କଦାସ୍ଯ ମମ ମାନସଂ ଵ୍ରଜତି ପେଟିକାଵିଭ୍ରମମ୍

॥88॥

ଶ୍ଲୋକ 90

ପରାମୃତଝରୀପ୍ଲୁତା ଜଯତି ନିତ୍ଯମନ୍ତଶ୍ଚରୀ

ଭୁଵାମପି ବହିଶ୍ଚରୀ ପରମସଂଵିଦେକାତ୍ମିକା ।

ମହଦ୍ଭିରପରୋକ୍ଷିତା ସତତମେଵ କାଞ୍ଚୀପୁରେ

ମମାନ୍ଵହମହମ୍ମତିର୍ମନସି ଭାତୁ ମାହେଶ୍ଵରୀ

॥89॥

ଶ୍ଲୋକ 91

ତମୋଵିପିନଧାଵିନଂ ସତତମେଵ କାଞ୍ଚୀପୁରେ

ଵିହାରରସିକା ପରା ପରମସଂଵିଦୁର୍ଵୀରୁହେ ।

କଟାକ୍ଷନିଗଲୈର୍ଦୃଢଂ ହୃଦଯଦୁଷ୍ଟଦନ୍ତାଵଲଂ

ଚିରଂ ନଯତୁ ମାମକଂ ତ୍ରିପୁରଵୈରିସୀମନ୍ତିନୀ

॥90॥

ଶ୍ଲୋକ 92

ତ୍ଵମେଵ ସତି ଚଣ୍ଡିକା ତ୍ଵମସି ଦେଵି ଚାମୁଣ୍ଡିକା

ତ୍ଵମେଵ ପରମାତୃକା ତ୍ଵମପି ଯୋଗିନୀରୂପିଣୀ ।

ତ୍ଵମେଵ କିଲ ଶାମ୍ଭଵୀ ତ୍ଵମସି କାମକୋଟୀ ଜଯା

ତ୍ଵମେଵ ଵିଜଯା ତ୍ଵଯି ତ୍ରିଜଗଦମ୍ବ କିଂ ବ୍ରୂମହେ

॥91॥

ଶ୍ଲୋକ 93

ପରେ ଜନନି ପାର୍ଵତି ପ୍ରଣତପାଲିନି ପ୍ରାତିଭ-

ପ୍ରଦାତ୍ରି ପରମେଶ୍ଵରି ତ୍ରିଜଗଦାଶ୍ରିତେ ଶାଶ୍ଵତେ ।

ତ୍ରିଯମ୍ବକକୁଟୁମ୍ବିନି ତ୍ରିପଦସଙ୍ଗିନି ତ୍ରୀକ୍ଷଣେ

ତ୍ରିଶକ୍ତିମଯି ଵୀକ୍ଷଣଂ ମଯି ନିଧେହି କାମାକ୍ଷି ତେ

॥92॥

ଶ୍ଲୋକ 94

ମନୋମଧୁକରୋତ୍ସଵଂ ଵିଦଧତୀ ମନୀଷାଜୁଷାଂ

ସ୍ଵଯମ୍ପ୍ରଭଵଵୈଖରୀଵିପିନଵୀଥିକାଲମ୍ବିନୀ ।

ଅହୋ ଶିଶିରିତା କୃପାମଧୁରସେନ କମ୍ପାତଟେ

ଚରାଚରଵିଧାଯିନୀ ଚଲତି କାପି ଚିନ୍ମଞ୍ଜରୀ

॥93॥

ଶ୍ଲୋକ 95

କଲାଵତି କଲାଭୃତୋ ମୁକୁଟସୀମ୍ନି ଲୀଲାଵତି

ସ୍ପୃହାଵତି ମହେଶ୍ଵରେ ଭୁଵନମୋହନେ ଭାସ୍ଵତି ।

ପ୍ରଭାଵତି ରମେ ସଦା ମହିତରୂପଶୋଭାଵତି

ତ୍ଵରାଵତି ପରେ ସତାଂ ଗୁରୁକୃପାମ୍ବୁଧାରାଵତି

॥94॥

ଶ୍ଲୋକ 96

ତ୍ଵଯୈଵ ଜଗଦମ୍ବଯା ଭୁଵନମଣ୍ଡଲଂ ସୂଯତେ

ତ୍ଵଯୈଵ କରୁଣାର୍ଦ୍ରଯା ତଦପି ରକ୍ଷଣଂ ନୀଯତେ ।

ତ୍ଵଯୈଵ ଖରକୋପଯା ନଯନପାଵକେ ହୂଯତେ

ତ୍ଵଯୈଵ କିଲ ନିତ୍ଯଯା ଜଗତି ସନ୍ତତଂ ସ୍ଥୀଯତେ

॥95॥

ଶ୍ଲୋକ 97

ଚରାଚରଜଗନ୍ମଯୀଂ ସକଲହୃନ୍ମଯୀଂ ଚିନ୍ମଯୀଂ

ଗୁଣତ୍ରଯମଯୀଂ ଜଗତ୍ତ୍ରଯମଯୀଂ ତ୍ରିଧାମାମଯୀମ୍ ।

ପରାପରମଯୀଂ ସଦା ଦଶଦିଶାଂ ନିଶାହର୍ମଯୀଂ

ପରାଂ ସତତସନ୍ମଯୀଂ ମନସି ଚିନ୍ମଯୀଂ ଶୀଲଯେ

॥96॥

ଶ୍ଲୋକ 98

ଜଯ ଜଗଦମ୍ବିକେ ହରକୁଟୁମ୍ବିନି ଵକ୍ତ୍ରରୁଚା

ଜିତଶରଦମ୍ବୁଜେ ଘନଵିଡମ୍ବିନି କେଶରୁଚା ।

ପରମଵଲମ୍ବନଂ କୁରୁ ସଦା ପରରୂପଧରେ

ମମ ଗତସଂଵିଦୋ ଜଡିମଡମ୍ବରତାଣ୍ଡଵିନଃ

॥97॥

ଶ୍ଲୋକ 99

ଭୁଵନଜନନି ଭୂଷାଭୂତଚନ୍ଦ୍ରେ ନମସ୍ତେ

କଲୁଷଶମନି କମ୍ପାତୀରଗେହେ ନମସ୍ତେ ।

ନିଖିଲନିଗମଵେଦ୍ଯେ ନିତ୍ଯରୂପେ ନମସ୍ତେ

ପରଶିଵମଯି ପାଶଚ୍ଛେଦହସ୍ତେ ନମସ୍ତେ

॥98॥

ଶ୍ଲୋକ 100

କ୍ଵଣତ୍କାଞ୍ଚୀ କାଞ୍ଚୀପୁରମଣିଵିପଞ୍ଚୀଲଯଝରୀ-

ଶିରଃକମ୍ପା କମ୍ପାଵସତିରନୁକମ୍ପାଜଲନିଧିଃ ।

ଘନଶ୍ଯାମା ଶ୍ଯାମା କଠିନକୁଚସୀମା ମନସି ମେ

ମୃଗାକ୍ଷୀ କାମାକ୍ଷୀ ହରନଟନସାକ୍ଷୀ ଵିହରତାତ୍

॥99॥

ଶ୍ଲୋକ 101

ସମରଵିଜଯକୋଟୀ ସାଧକାନନ୍ଦଧାଟୀ

ମୃଦୁଗୁଣପରିପେଟୀ ମୁଖ୍ଯକାଦମ୍ବଵାଟୀ ।

ମୁନିନୁତପରିପାଟୀ ମୋହିତାଜାଣ୍ଡକୋଟୀ

ପରମଶିଵଵଧୂଟୀ ପାତୁ ମାଂ କାମକୋଟୀ

॥100॥

ଶ୍ଲୋକ 102

ଇମଂ ପରଵରପ୍ରଦଂ ପ୍ରକୃତିପେଶଲଂ ପାଵନଂ

ପରାପରଚିଦାକୃତିପ୍ରକଟନପ୍ରଦୀପାଯିତମ୍ ।

ସ୍ତଵଂ ପଠତି ନିତ୍ଯଦା ମନସି ଭାଵଯନ୍ନମ୍ବିକାଂ

ଜପୈରଲମଲଂ ମଖୈରଧିକଦେହସଂଶୋଷଣୈଃ

॥101॥

ଶ୍ଲୋକ 103

॥ ଇତି ସ୍ତୁତିଶତକଂ ସମ୍ପୂର୍ଣମ୍ ॥