Mooka Pancha Sathi 1

ମୂକ ପଞ୍ଚ ଶତି 1 - ଆର୍ଯ ଶତକମ୍

ଶ୍ଲୋକ 1

କାରଣପରଚିଦ୍ରୂପା କାଞ୍ଚୀପୁରସୀମ୍ନି କାମପୀଠଗତା ।

କାଚନ ଵିହରତି କରୁଣା କାଶ୍ମୀରସ୍ତବକକୋମଲାଙ୍ଗଲତା

ଶ୍ଲୋକ 2

କଞ୍ଚନ କାଞ୍ଚୀନିଲଯଂ କରଧୃତକୋଦଣ୍ଡବାଣସୃଣିପାଶମ୍ ।

କଠିନସ୍ତନଭରନମ୍ରଂ କୈଵଲ୍ଯାନନ୍ଦକନ୍ଦମଵଲମ୍ବେ

॥1॥

ଶ୍ଲୋକ 3

ଚିନ୍ତିତଫଲପରିପୋଷଣଚିନ୍ତାମଣିରେଵ କାଞ୍ଚିନିଲଯା ମେ ।

ଚିରତରସୁଚରିତସୁଲଭା ଚିତ୍ତଂ ଶିଶିରଯତୁ ଚିତ୍ସୁଖାଧାରା

॥2॥

ଶ୍ଲୋକ 4

କୁଟିଲକଚଂ କଠିନକୁଚଂ କୁନ୍ଦସ୍ମିତକାନ୍ତି କୁଙ୍କୁମଚ୍ଛାଯମ୍ ।

କୁରୁତେ ଵିହୃତିଂ କାଞ୍ଚ୍ଯାଂ କୁଲପର୍ଵତସାର୍ଵଭୌମସର୍ଵସ୍ଵମ୍

॥3॥

ଶ୍ଲୋକ 5

ପଞ୍ଚଶରଶାସ୍ତ୍ରବୋଧନପରମାଚାର୍ଯେଣ ଦୃଷ୍ଟିପାତେନ ।

କାଞ୍ଚୀସୀମ୍ନି କୁମାରୀ କାଚନ ମୋହଯତି କାମଜେତାରମ୍

॥4॥

ଶ୍ଲୋକ 6

ପରଯା କାଞ୍ଚୀପୁରଯା ପର୍ଵତପର୍ଯାଯପୀନକୁଚଭରଯା ।

ପରତନ୍ତ୍ରା ଵଯମନଯା ପଙ୍କଜସବ୍ରହ୍ମଚାରିଲୋଚନଯା

॥5॥

ଶ୍ଲୋକ 7

ଐଶ୍ଵର୍ଯମିନ୍ଦୁମୌଲେରୈକତ୍ମ୍ଯପ୍ରକୃତି କାଞ୍ଚିମଧ୍ଯଗତମ୍ ।

ଐନ୍ଦଵକିଶୋରଶେଖରମୈଦମ୍ପର୍ଯଂ ଚକାସ୍ତି ନିଗମାନାମ୍

॥6॥

ଶ୍ଲୋକ 8

ଶ୍ରିତକମ୍ପସୀମାନଂ ଶିଥିଲିତପରମଶିଵଧୈର୍ଯମହିମାନମ୍ ।

କଲଯେ ପଟଲିମାନଂ କଞ୍ଚନ କଞ୍ଚୁକିତଭୁଵନଭୂମାନମ୍

॥7॥

ଶ୍ଲୋକ 9

ଆଦୃତକାଞ୍ଚୀନିଲଯମାଦ୍ଯାମାରୂଢଯୌଵନାଟୋପାମ୍ ।

ଆଗମଵତଂସକଲିକାମାନନ୍ଦାଦ୍ଵୈତକନ୍ଦଲୀଂ ଵନ୍ଦେ

॥8॥

ଶ୍ଲୋକ 10

ତୁଙ୍ଗାଭିରାମକୁଚଭରଶୃଙ୍ଗାରିତମାଶ୍ରଯାମି କାଞ୍ଚିଗତମ୍ ।

ଗଙ୍ଗାଧରପରତନ୍ତ୍ରଂ ଶୃଙ୍ଗାରାଦ୍ଵୈତତନ୍ତ୍ରସିଦ୍ଧାନ୍ତମ୍

॥9॥

ଶ୍ଲୋକ 11

କାଞ୍ଚୀରତ୍ନଵିଭୂଷାଂ କାମପି କନ୍ଦର୍ପସୂତିକାପାଙ୍ଗୀମ୍ ।

ପରମାଂ କଲାମୁପାସେ ପରଶିଵଵାମାଙ୍କପୀଠିକାସୀନାମ୍

॥10॥

ଶ୍ଲୋକ 12

କମ୍ପାତୀଚରାଣାଂ କରୁଣାକୋରକିତଦୃଷ୍ଟିପାତାନାମ୍ ।

କେଲୀଵନଂ ମନୋ ମେ କେଷାଞ୍ଚିଦ୍ଭଵତୁ ଚିଦ୍ଵିଲାସାନାମ୍

॥11॥

ଶ୍ଲୋକ 13

ଆମ୍ରତରୁମୂଲଵସତେରାଦିମପୁରୁଷସ୍ଯ ନଯନପୀଯୂଷମ୍ ।

ଆରବ୍ଧଯୌଵନୋତ୍ସଵମାମ୍ନାଯରହସ୍ଯମନ୍ତରଵଲମ୍ବେ

॥12॥

ଶ୍ଲୋକ 14

ଅଧିକାଞ୍ଚି ପରମଯୋଗିଭିରାଦିମପରପୀଠସୀମ୍ନି ଦୃଶ୍ଯେନ ।

ଅନୁବଦ୍ଧଂ ମମ ମାନସମରୁଣିମସର୍ଵସ୍ଵସମ୍ପ୍ରଦାଯେନ

॥13॥

ଶ୍ଲୋକ 15

ଅଙ୍କିତଶଙ୍କରଦେହାମଙ୍କୁରିତୋରୋଜକଙ୍କଣାଶ୍ଲେଷୈଃ ।

ଅଧିକାଞ୍ଚି ନିତ୍ଯତରୁଣୀମଦ୍ରାକ୍ଷଂ କାଞ୍ଚିଦଦ୍ଭୁତାଂ ବାଲାମ୍

॥14॥

ଶ୍ଲୋକ 16

ମଧୁରଧନୁଷା ମହୀଧରଜନୁଷା ନନ୍ଦାମି ସୁରଭିବାଣଜୁଷା ।

ଚିଦ୍ଵପୁଷା କାଞ୍ଚିପୁରେ କେଲିଜୁଷା ବନ୍ଧୁଜୀଵକାନ୍ତିମୁଷା

॥15॥

ଶ୍ଲୋକ 17

ମଧୁରସ୍ମିତେନ ରମତେ ମାଂସଲକୁଚଭାରମନ୍ଦଗମନେନ ।

ମଧ୍ଯେକାଞ୍ଚି ମନୋ ମେ ମନସିଜସାମ୍ରାଜ୍ଯଗର୍ଵବୀଜେନ

॥16॥

ଶ୍ଲୋକ 18

ଧରଣିମଯୀଂ ତରଣିମଯୀଂ ପଵନମଯୀଂ ଗଗନଦହନହୋତୃମଯୀମ୍ ।

ଅମ୍ବୁମଯୀମିନ୍ଦୁମଯୀମମ୍ବାମନୁକମ୍ପମାଦିମାମୀକ୍ଷେ

॥17॥

ଶ୍ଲୋକ 19

ଲୀନସ୍ଥିତି ମୁନିହୃଦଯେ ଧ୍ଯାନସ୍ତିମିତଂ ତପସ୍ଯଦୁପକମ୍ପମ୍ ।

ପୀନସ୍ତନଭରମୀଡେ ମୀନଧ୍ଵଜତନ୍ତ୍ରପରମତାତ୍ପର୍ଯମ୍

॥18॥

ଶ୍ଲୋକ 20

ଶ୍ଵେତା ମନ୍ଥରହସିତେ ଶାତା ମଧ୍ଯେ ଚ ଵାଡ୍ଭନୋଽତୀତା ।

ଶୀତା ଲୋଚନପାତେ ସ୍ଫୀତା କୁଚସୀମ୍ନି ଶାଶ୍ଵତୀ ମାତା

॥19॥

ଶ୍ଲୋକ 21

ପୁରତଃ କଦା ନ କରଵୈ ପୁରଵୈରିଵିମର୍ଦପୁଲକିତାଙ୍ଗଲତାମ୍ ।

ପୁନତୀଂ କାଞ୍ଚୀଦେଶଂ ପୁଷ୍ପାଯୁଧଵୀର୍ଯସରସପରିପାଟୀମ୍

॥20॥

ଶ୍ଲୋକ 22

ପୁଣ୍ଯା କାଽପି ପୁରନ୍ଧ୍ରୀ ପୁଙ୍ଖିତକନ୍ଦର୍ପସମ୍ପଦା ଵପୁଷା ।

ପୁଲିନଚରୀ କମ୍ପାଯାଃ ପୁରମଥନଂ ପୁଲକନିଚୁଲିତଂ କୁରୁତେ

॥21॥

ଶ୍ଲୋକ 23

ତନିମାଦ୍ଵୈତଵଲଗ୍ନଂ ତରୁଣାରୁଣସମ୍ପ୍ରଦାଯତନୁଲେଖମ୍ ।

ତଟସୀମନି କମ୍ପାଯାସ୍ତରୁଣିମସର୍ଵସ୍ଵମାଦ୍ଯମଦ୍ରାକ୍ଷମ୍

॥22॥

ଶ୍ଲୋକ 24

ପୌଷ୍ଟିକକର୍ମଵିପାକଂ ପୌଷ୍ପଶରଂ ସଵିଧସୀମ୍ନି କମ୍ପାଯାଃ ।

ଅଦ୍ରାକ୍ଷମାତ୍ତଯୌଵନମଭ୍ଯୁଦଯଂ କଞ୍ଚିଦର୍ଧଶଶିମୌଲୈଃ

॥23॥

ଶ୍ଲୋକ 25

ସଂଶ୍ରିତକାଞ୍ଚୀଦେଶେ ସରସିଜଦୌର୍ଭାଗ୍ଯଜାଗ୍ରଦୁତ୍ତଂସେ ।

ସଂଵିନ୍ମଯେ ଵିଲୀଯେ ସାରସ୍ଵତପୁରୁଷକାରସାମ୍ରାଜ୍ଯେ

॥24॥

ଶ୍ଲୋକ 26

ମୋଦିତମଧୁକରଵିଶିଖଂ ସ୍ଵାଦିମସମୁଦାଯସାରକୋଦଣ୍ଡମ୍ ।

ଆଦୃତକାଞ୍ଚୀଖେଲନମାଦିମମାରୁଣ୍ଯଭେଦମାକଲଯେ

॥25॥

ଶ୍ଲୋକ 27

ଉରରୀକୃତକାଞ୍ଚିପୁରୀମୁପନିଷଦରଵିନ୍ଦକୁହରମଧୁଧାରାମ୍ ।

ଉନ୍ନମ୍ରସ୍ତନକଲଶୀମୁତ୍ସଵଲହରୀମୁପାସ୍ମହେ ଶମ୍ଭୋଃ

॥26॥

ଶ୍ଲୋକ 28

ଏଣଶିଶୁଦୀର୍ଘଲୋଚନମେନଃପରିପନ୍ଥି ସନ୍ତତଂ ଭଜତାମ୍ ।

ଏକାମ୍ରନାଥଜୀଵିତମେଵମ୍ପଦଦୂରମେକମଵଲମ୍ବେ

॥27॥

ଶ୍ଲୋକ 29

ସ୍ମଯମାନମୁଖଂ କାଞ୍ଚୀଭଯମାନଂ କମପି ଦେଵତାଭେଦମ୍ ।

ଦଯମାନଂ ଵୀକ୍ଷ୍ଯ ମୁହୁର୍ଵଯମାନନ୍ଦାମୃତାମ୍ବୁଧୌ ମଗ୍ନାଃ

॥28॥

ଶ୍ଲୋକ 30

କୁତୁକଜୁଷି କାଞ୍ଚିଦେଶେ କୁମୁଦତପୋରାଶିପାକଶେଖରିତେ ।

କୁରୁତେ ମନୋଵିହାରଂ କୁଲଗିରିପରିବୃଢକୁଲୈକମଣିଦୀପେ

॥29॥

ଶ୍ଲୋକ 31

ଵୀକ୍ଷେମହି କାଞ୍ଚିପୁରେ ଵିପୁଲସ୍ତନକଲଶଗରିମପରଵଶିତମ୍ ।

ଵିଦ୍ରୁମସହଚରଦେହଂ ଵିଭ୍ରମସମଵାଯସାରସନ୍ନାହମ୍

॥30॥

ଶ୍ଲୋକ 32

କୁରୁଵିନ୍ଦଗୋତ୍ରଗାତ୍ରଂ କୂଲଚରଂ କମପି ନୌମି କମ୍ପାଯାଃ ।

କୂଲଙ୍କଷକୁଚକୁମ୍ଭଂ କୁସୁମାଯୁଧଵୀର୍ଯସାରସଂରମ୍ଭମ୍

॥31॥

ଶ୍ଲୋକ 33

କୁଡୂମଲିତକୁଚକିଶୋରୈଃ କୁର୍ଵାଣୈଃ କାଞ୍ଚିଦେଶସୌହାର୍ଦମ୍ ।

କୁଙ୍କୁମଶୋଣୈର୍ନିଚିତଂ କୁଶଲପଥଂ ଶମ୍ଭୁସୁକୃତସମ୍ଭାରୈଃ

॥32॥

ଶ୍ଲୋକ 34

ଅଙ୍କିତକଚେନ କେନଚିଦନ୍ଧଙ୍କରଣୌଷଧେନ କମଲାନାମ୍ ।

ଅନ୍ତଃପୁରେଣ ଶମ୍ଭୋରଲଙ୍କ୍ରିଯା କାଽପି କଲ୍ପ୍ଯତେ କାଞ୍ଚ୍ଯାମ୍

॥33॥

ଶ୍ଲୋକ 35

ଊରୀକରୋମି ସନ୍ତତମୂଷ୍ମଲଫାଲେନ ଲଲିତଂ ପୁଂସା ।

ଉପକମ୍ପମୁଚିତଖେଲନମୁର୍ଵୀଧରଵଂଶସମ୍ପଦୁନ୍ମେଷମ୍

॥34॥

ଶ୍ଲୋକ 36

ଅଙ୍କୁରିତସ୍ତନକୋରକମଙ୍କାଲଙ୍କାରମେକଚୂତପତେଃ ।

ଆଲୋକେମହି କୋମଲମାଗମସଂଲାପସାରଯାଥାର୍ଥ୍ଯମ୍

॥35॥

ଶ୍ଲୋକ 37

ପୁଞ୍ଜିତକରୁଣମୁଦଞ୍ଚିତଶିଞ୍ଜିତମଣିକାଞ୍ଚି କିମପି କାଞ୍ଚିପୁରେ ।

ମଞ୍ଜରିତମୃଦୁଲହାସଂ ପିଞ୍ଜରତନୁରୁଚି ପିନାକିମୂଲଧନମ୍

॥36॥

ଶ୍ଲୋକ 38

ଲୋଲହୃଦଯୋଽସ୍ତି ଶମ୍ଭୋର୍ଲୋଚନଯୁଗଲେନ ଲେହ୍ଯମାନାଯାମ୍ ।

ଲଲିତପରମଶିଵାଯାଂ ଲାଵଣ୍ଯାମୃତତରଙ୍ଗମାଲାଯାମ୍

॥37॥

ଶ୍ଲୋକ 39

ମଧୁକରସହଚରଚିକୁରୈର୍ମଦନାଗମସମଯଦୀକ୍ଷିତକଟାକ୍ଷୈଃ ।

ମଣ୍ଡିତକମ୍ପାତୀରୈର୍ମଙ୍ଗଲକନ୍ଦୈର୍ମମାସ୍ତୁ ସାରୂପ୍ଯମ୍

॥38॥

ଶ୍ଲୋକ 40

ଵଦନାରଵିନ୍ଦଵକ୍ଷୋଵାମାଙ୍କତଟୀଵଶଂଵଦୀଭୂତା ।

ପୂରୁଷତ୍ରିତଯେ ତ୍ରେଧା ପୁରନ୍ଧ୍ରିରୂପା ତ୍ଵମେଵ କାମାକ୍ଷି

॥39॥

ଶ୍ଲୋକ 41

ବାଧାକରୀଂ ଭଵାବ୍ଧେରାଧାରାଦ୍ଯମ୍ବୁଜେଷୁ ଵିଚରନ୍ତୀମ୍ ।

ଆଧାରୀକୃତକାଞ୍ଚୀ ବୋଧାମୃତଵୀଚିମେଵ ଵିମୃଶାମଃ

॥40॥

ଶ୍ଲୋକ 42

କଲଯାମ୍ଯନ୍ତଃ ଶଶଧରକଲଯାଽଙ୍କିତମୌଲିମମଲଚିଦ୍ଵଲଯାମ୍ ।

ଅଲଯାମାଗମପୀଠୀନିଲଯାଂ ଵଲଯାଙ୍କସୁନ୍ଦରୀମମ୍ବାମ୍

॥41॥

ଶ୍ଲୋକ 43

ଶର୍ଵାଦିପରମସାଧକଗୁର୍ଵାନୀତାଯ କାମପୀଠଜୁଷେ ।

ସର୍ଵାକୃତଯେ ଶୋଣିମଗର୍ଵାଯାସ୍ମୈ ସମର୍ପ୍ଯତେ ହୃଦଯମ୍

॥42॥

ଶ୍ଲୋକ 44

ସମଯା ସାନ୍ଧ୍ଯମଯୂଖୈଃ ସମଯା ବୁଦ୍ଧଯା ସଦୈଵ ଶୀଲିତଯା ।

ଉମଯା କାଞ୍ଚୀରତଯା ନ ମଯା ଲଭ୍ଯତେ କିଂ ନୁ ତାଦାତ୍ମ୍ଯମ୍

॥43॥

ଶ୍ଲୋକ 45

ଜନ୍ତୋସ୍ତଵ ପଦପୂଜନସନ୍ତୋଷତରଙ୍ଗିତସ୍ଯ କାମାକ୍ଷି ।

ଵନ୍ଧୋ ଯଦି ଭଵତି ପୁନଃ ସିନ୍ଧୋରମ୍ଭସ୍ସୁ ବମ୍ଭ୍ରମୀତି ଶିଲା

॥44॥

ଶ୍ଲୋକ 46

କୁଣ୍ଡଲି କୁମାରି କୁଟିଲେ ଚଣ୍ଡି ଚରାଚରସଵିତ୍ରି ଚାମୁଣ୍ଡେ ।

ଗୁଣିନି ଗୁହାରିଣି ଗୁହ୍ଯେ ଗୁରୁମୂର୍ତେ ତ୍ଵାଂ ନମାମି କାମାକ୍ଷି

॥45॥

ଶ୍ଲୋକ 47

ଅଭିଦାକୃତିର୍ଭିଦାକୃତିରଚିଦାକୃତିରପି ଚିଦାକୃତିର୍ମାତଃ ।

ଅନହନ୍ତା ତ୍ଵମହନ୍ତା ଭ୍ରମଯସି କାମାକ୍ଷି ଶାଶ୍ଵତୀ ଵିଶ୍ଵମ୍

॥46॥

ଶ୍ଲୋକ 48

ଶିଵ ଶିଵ ପଶ୍ଯନ୍ତି ସମଂ ଶ୍ରୀକାମାକ୍ଷୀକଟାକ୍ଷିତାଃ ପୁରୁଷାଃ ।

ଵିପିନଂ ଭଵନମମିତ୍ରଂ ମିତ୍ରଂ ଲୋଷ୍ଟଂ ଚ ଯୁଵତିବିମ୍ବୋଷ୍ଠମ୍

॥47॥

ଶ୍ଲୋକ 49

କାମପରିପନ୍ଥିକାମିନି କାମେଶ୍ଵରି କାମପୀଠମଧ୍ଯଗତେ ।

କାମଦୁଘା ଭଵ କମଲେ କାମକଲେ କାମକୋଟି କାମାକ୍ଷି

॥48॥

ଶ୍ଲୋକ 50

ମଧ୍ଯେହୃଦଯଂ ମଧ୍ଯେନିଟିଲଂ ମଧ୍ଯେଶିରୋଽପି ଵାସ୍ତଵ୍ଯାମ୍ ।

ଚଣ୍ଡକରଶକ୍ରକାର୍ମୁକଚନ୍ଦ୍ରସମାଭାଂ ନମାମି କାମାକ୍ଷୀମ୍

॥49॥

ଶ୍ଲୋକ 51

ଅଧିକାଞ୍ଚି କେଲିଲୋଲୈରଖିଲାଗମଯନ୍ତ୍ରତନ୍ତ୍ରମଯୈଃ ।

ଅତିଶୀତଂ ମମ ମାନସମସମଶରଦ୍ରୋହିଜୀଵନୋପାଯୈଃ

॥50॥

ଶ୍ଲୋକ 52

ନନ୍ଦତି ମମ ହୃଦି କାଚନ ମନ୍ଦିରଯନ୍ତା ନିରନ୍ତରଂ କାଞ୍ଚୀମ୍ ।

ଇନ୍ଦୁରଵିମଣ୍ଡଲକୁଚା ବିନ୍ଦୁଵିଯନ୍ନାଦପରିଣତା ତରୁଣୀ

॥51॥

ଶ୍ଲୋକ 53

ଶମ୍ପାଲତାସଵର୍ଣଂ ସମ୍ପାଦଯିତୁଂ ଭଵଜ୍ଵରଚିକିତ୍ସାମ୍ ।

ଲିମ୍ପାମି ମନସି କିଞ୍ଚନ କମ୍ପାତଟରୋହି ସିଦ୍ଧଭୈଷଜ୍ଯମ୍

॥52॥

ଶ୍ଲୋକ 54

ଅନୁମିତକୁଚକାଠିନ୍ଯାମଧିଵକ୍ଷଃପୀଠମଙ୍ଗଜନ୍ମରିପୋଃ ।

ଆନନ୍ଦଦାଂ ଭଜେ ତାମାନଙ୍ଗବ୍ରହ୍ମତତ୍ଵବୋଧସିରାମ୍

॥53॥

ଶ୍ଲୋକ 55

ଐକ୍ଷିଷି ପାଶାଙ୍କୁଶଧରହସ୍ତାନ୍ତଂ ଵିସ୍ମଯାର୍ହଵୃତ୍ତାନ୍ତମ୍ ।

ଅଧିକାଞ୍ଚି ନିଗମଵାଚାଂ ସିଦ୍ଧାନ୍ତଂ ଶୂଲପାଣିଶୁଦ୍ଧାନ୍ତମ୍

॥54॥

ଶ୍ଲୋକ 56

ଆହିତଵିଲାସଭଙ୍ଗୀମାବ୍ରହ୍ମସ୍ତମ୍ବଶିଲ୍ପକଲ୍ପନଯା ।

ଆଶ୍ରିତକାଞ୍ଚୀମତୁଲାମାଦ୍ଯାଂ ଵିସ୍ଫୂର୍ତିମାଦ୍ରିଯେ ଵିଦ୍ଯାମ୍

॥55॥

ଶ୍ଲୋକ 57

ମୂକୋଽପି ଜଟିଲଦୁର୍ଗତିଶୋକୋଽପି ସ୍ମରତି ଯଃ କ୍ଷଣଂ ଭଵତୀମ୍ ।

ଏକୋ ଭଵତି ସ ଜନ୍ତୁର୍ଲୋକୋତ୍ତରକୀର୍ତିରେଵ କାମାକ୍ଷି

॥56॥

ଶ୍ଲୋକ 58

ପଞ୍ଚଦଶଵର୍ଣରୂପଂ କଞ୍ଚନ କାଞ୍ଚୀଵିହାରଧୌରେଯମ୍ ।

ପଞ୍ଚଶରୀଯଂ ଶମ୍ଭୋର୍ଵଞ୍ଚନଵୈଦଗ୍ଧ୍ଯମୂଲମଵଲମ୍ବେ

॥57॥

ଶ୍ଲୋକ 59

ପରିଣତିମତୀଂ ଚତୁର୍ଧା ପଦଵୀଂ ସୁଧିଯାଂ ସମେତ୍ଯ ସୌଷୁମ୍ନୀମ୍ ।

ପଞ୍ଚାଶଦର୍ଣକଲ୍ପିତମଦଶିଲ୍ପାଂ ତ୍ଵାଂ ନମାମି କାମାକ୍ଷି

॥58॥

ଶ୍ଲୋକ 60

ଆଦିକ୍ଷନ୍ମମ ଗୁରୁରାଡାଦିକ୍ଷାନ୍ତାକ୍ଷରାତ୍ମିକାଂ ଵିଦ୍ଯାମ୍ ।

ସ୍ଵାଦିଷ୍ଠଚାପଦଣ୍ଡାଂ ନେଦିଷ୍ଠାମେଵ କାମପୀଠଗତାମ୍

॥59॥

ଶ୍ଲୋକ 61

ତୁଷ୍ଯାମି ହର୍ଷିତସ୍ମରଶାସନଯା କାଞ୍ଚିପୁରକୃତାସନଯା ।

ସ୍ଵାସନଯା ସକଲଜଗଦ୍ଭାସନଯା କଲିତଶମ୍ବରାସନଯା

॥60॥

ଶ୍ଲୋକ 62

ପ୍ରେମଵତୀ କମ୍ପାଯାଂ ସ୍ଥେମଵତୀ ଯତିମନସ୍ସୁ ଭୂମଵତୀ ।

ସାମଵତୀ ନିତ୍ଯଗିରା ସୋମଵତୀ ଶିରସି ଭାତି ହୈମଵତୀ

॥61॥

ଶ୍ଲୋକ 63

କୌତୁକିନା କମ୍ପାଯାଂ କୌସୁମଚାପେନ କୀଲିତେନାନ୍ତଃ ।

କୁଲଦୈଵତେନ ମହତା କୁଡ୍ମଲମୁଦ୍ରାଂ ଧୁନୋତୁ ନଃପ୍ରତିଭା

॥62॥

ଶ୍ଲୋକ 64

ଯୂନା କେନାପି ମିଲଦ୍ଦେହା ସ୍ଵାହାସହାଯତିଲକେନ ।

ସହକାରମୂଲଦେଶେ ସଂଵିଦ୍ରୂପା କୁଟୁମ୍ବିନୀ ରମତେ

॥63॥

ଶ୍ଲୋକ 65

କୁସୁମଶରଗର୍ଵସମ୍ପତ୍କୋଶଗୃହଂ ଭାତି କାଞ୍ଚିଦେଶଗତମ୍ ।

ସ୍ଥାପିତମସ୍ମିନ୍କଥମପି ଗୋପିତମନ୍ତର୍ମଯା ମନୋରତ୍ନମ୍

॥64॥

ଶ୍ଲୋକ 66

ଦଗ୍ଧଷଡଧ୍ଵାରଣ୍ଯଂ ଦରଦଲିତକୁସୁମ୍ଭସମ୍ଭୃତାରୁଣ୍ଯମ୍ ।

କଲଯେ ନଵତାରୁଣ୍ଯଂ କମ୍ପାତଟସୀମ୍ନି କିମପି କାରୁଣ୍ଯମ୍

॥65॥

ଶ୍ଲୋକ 67

ଅଧିକାଞ୍ଚି ଵର୍ଧମାନାମତୁଲାଂ କରଵାଣି ପାରଣାମକ୍ଷ୍ଣୋଃ ।

ଆନନ୍ଦପାକଭେଦାମରୁଣିମପରିଣାମଗର୍ଵପଲ୍ଲଵିତାମ୍

॥66॥

ଶ୍ଲୋକ 68

ବାଣସୃଣିପାଶକାର୍ମୁକପାଣିମମୁଂ କମପି କାମପୀଠଗତମ୍ ।

ଏଣଧରକୋଣଚୂଡଂ ଶୋଣିମପରିପାକଭେଦମାକଲଯେ

॥67॥

ଶ୍ଲୋକ 69

କିଂ ଵା ଫଲତି ମମାନ୍ଯୌର୍ବିମ୍ବାଧରଚୁମ୍ବିମନ୍ଦହାସମୁଖୀ ।

ସମ୍ବାଧକରୀ ତମସାମମ୍ବା ଜାଗର୍ତି ମନସି କାମାକ୍ଷୀ

॥68॥

ଶ୍ଲୋକ 70

ମଞ୍ଚେ ସଦାଶିଵମଯେ ପରିଶିଵମଯଲଲିତପୌଷ୍ପପର୍ଯଙ୍କେ ।

ଅଧିଚକ୍ରମଧ୍ଯମାସ୍ତେ କାମାକ୍ଷୀ ନାମ କିମପି ମମ ଭାଗ୍ଯମ୍

॥69॥

ଶ୍ଲୋକ 71

ରକ୍ଷ୍ଯୋଽସ୍ମି କାମପୀଠୀଲାସିକଯା ଘନକୃପାମ୍ବୁରାଶିକଯା ।

ଶ୍ରୁତିଯୁଵତିକୁନ୍ତଲୀମଣିମାଲିକଯା ତୁହିନଶୈଲବାଲିକଯା

॥70॥

ଶ୍ଲୋକ 72

ଲୀଯେ ପୁରହରଜାଯେ ମାଯେ ତଵ ତରୁଣପଲ୍ଲଵଚ୍ଛାଯେ ।

ଚରଣେ ଚନ୍ଦ୍ରାଭରଣେ କାଞ୍ଚୀଶରଣେ ନତାର୍ତିସଂହରଣେ

॥71॥

ଶ୍ଲୋକ 73

ମୂର୍ତିମତି ମୁକ୍ତିବୀଜେ ମୂର୍ଧ୍ନି ସ୍ତବକିତଚକୋରସାମ୍ରାଜ୍ଯେ ।

ମୋଦିତକମ୍ପାକୂଲେ ମୁହୁର୍ମୁହୁର୍ମନସି ମୁମୁଦିଷାଽସ୍ମାକମ୍

॥72॥

ଶ୍ଲୋକ 74

ଵେଦମଯୀଂ ନାଦମଯୀଂ ବିନ୍ଦୁମଯୀଂ ପରପଦୋଦ୍ଯଦିନ୍ଦୁମଯୀମ୍ ।

ମନ୍ତ୍ରମଯୀଂ ତନ୍ତ୍ରମଯୀଂ ପ୍ରକୃତିମଯୀଂ ନୌମି ଵିଶ୍ଵଵିକୃତିମଯୀମ୍

॥73॥

ଶ୍ଲୋକ 75

ପୁରମଥନପୁଣ୍ଯକୋଟୀ ପୁଞ୍ଜିତକଵିଲୋକସୂକ୍ତିରସଧାଟୀ ।

ମନସି ମମ କାମକୋଟୀ ଵିହରତୁ କରୁଣାଵିପାକପରିପାଟୀ

॥74॥

ଶ୍ଲୋକ 76

କୁଟିଲଂ ଚଟୁଲଂ ପୃଥୁଲଂ ମୃଦୁଲଂ କଚନଯନଜଘନଚରଣେଷୁ ।

ଅଵଲୋକିତମଵଲମ୍ବିତମଧିକମ୍ପାତଟମମେଯମସ୍ମାଭିଃ

॥75॥

ଶ୍ଲୋକ 77

ପ୍ରତ୍ଯଙ୍ମୁଖ୍ଯା ଦୃଷ୍ଟଯା ପ୍ରସାଦଦୀପାଙ୍କୁରେଣ କାମାକ୍ଷ୍ଯାଃ ।

ପଶ୍ଯାମି ନିସ୍ତୁଲମହୋ ପଚେଲିମଂ କମପି ପରଶିଵୋଲ୍ଲାସମ୍

॥76॥

ଶ୍ଲୋକ 78

ଵିଦ୍ଯେ ଵିଧାତୃଵିଷଯେ କାତ୍ଯାଯନି କାଲି କାମକୋଟିକଲେ ।

ଭାରତି ଭୈରଵି ଭଦ୍ରେ ଶାକିନି ଶାମ୍ଭଵି ଶିଵେ ସ୍ତୁଵେ ଭଵତୀମ୍

॥77॥

ଶ୍ଲୋକ 79

ମାଲିନି ମହେଶଚାଲିନି କାଞ୍ଚୀଖେଲିନି ଵିପକ୍ଷକାଲିନି ତେ ।

ଶୂଲିନି ଵିଦ୍ରୁମଶାଲିନି ସୁରଜନପାଲିନି କପାଲିନି ନମୋଽସ୍ତୁ

॥78॥

ଶ୍ଲୋକ 80

ଦେଶିକ ଇତି କିଂ ଶଙ୍କେ ତତ୍ତାଦୃକ୍ତଵ ନୁ ତରୁଣିମୋନ୍ମେଷଃ ।

କାମାକ୍ଷି ଶୂଲପାଣେଃ କାମାଗମସମଯଦୀକ୍ଷାଯାମ୍

॥79॥

ଶ୍ଲୋକ 81

ଵେତଣ୍ଡକୁମ୍ଭଡମ୍ବରଵୈତଣ୍ଡିକକୁଚଭରାର୍ତମଧ୍ଯାଯ ।

କୁଙ୍କୁମରୁଚେ ନମସ୍ଯାଂ ଶଙ୍କରନଯନାମୃତାଯ ରଚଯାମଃ

॥80॥

ଶ୍ଲୋକ 82

ଅଧିକାଞ୍ଚିତମଣିକାଞ୍ଚନକାଞ୍ଚୀମଧିକାଞ୍ଚି କାଞ୍ଚିଦଦ୍ରାକ୍ଷମ୍ ।

ଅଵନତଜନାନୁକମ୍ପାମନୁକମ୍ପାକୂଲମସ୍ମଦନୁକୂଲାମ୍

॥81॥

ଶ୍ଲୋକ 83

ପରିଚିତକମ୍ପାତୀରଂ ପର୍ଵତରାଜନ୍ଯସୁକୃତସନ୍ନାହମ୍ ।

ପରଗୁରୁକୃପଯା ଵୀକ୍ଷେ ପରମଶିଵୋତ୍ସଙ୍ଗମଙ୍ଗଲାଭରଣମ୍

॥82॥

ଶ୍ଲୋକ 84

ଦଗ୍ଧମଦନସ୍ଯ ଶମ୍ଭୋଃ ପ୍ରଥୀଯସୀଂ ବ୍ରହ୍ମଚର୍ଯଵୈଦଗ୍ଧୀମ୍ ।

ତଵ ଦେଵି ତରୁଣିମଶ୍ରୀଚତୁରିମପାକୋ ନ ଚକ୍ଷମେ ମାତଃ

॥83॥

ଶ୍ଲୋକ 85

ମଦଜଲତମାଲପତ୍ରା ଵସନିତପତ୍ରା କରାଦୃତଖାନିତ୍ରା ।

ଵିହରତି ପୁଲିନ୍ଦଯୋଷା ଗୁଞ୍ଜାଭୂଷା ଫଣୀନ୍ଦ୍ରକୃତଵେଷା

॥84॥

ଶ୍ଲୋକ 86

ଅଙ୍କେ ଶୁକିନୀ ଗୀତେ କୌତୁକିନୀ ପରିସରେ ଚ ଗାଯକିନୀ ।

ଜଯସି ସଵିଧେଽମ୍ବ ଭୈରଵମଣ୍ଡଲିନୀ ଶ୍ରଵସି ଶଙ୍ଖକୁନ୍ଡଲିନୀ

॥85॥

ଶ୍ଲୋକ 87

ପ୍ରଣତଜନତାପଵର୍ଗା କୃତବହୁସର୍ଗା ସସିଂହସଂସର୍ଗା ।

କାମାକ୍ଷି ମୁଦିତଭର୍ଗା ହତରିପୁଵର୍ଗା ତ୍ଵମେଵ ସା ଦୁର୍ଗା

॥86॥

ଶ୍ଲୋକ 88

ଶ୍ରଵଣଚଲଦ୍ଵେତଣ୍ଡା ସମରୋଦ୍ଦଣ୍ଡା ଧୁତାସୁରଶିଖଣ୍ଡା ।

ଦେଵି କଲିତାନ୍ତ୍ରଷଣ୍ଡା ଧୃତନରମୁଣ୍ଡା ତ୍ଵମେଵ ଚାମୁଣ୍ଡା

॥87॥

ଶ୍ଲୋକ 89

ଉର୍ଵୀଧରେନ୍ଦ୍ରକନ୍ଯେ ଦର୍ଵୀଭରିତେନ ଭକ୍ତପୂରେଣ ।

ଗୁର୍ଵୀମକିଞ୍ଚନାର୍ତି ଖର୍ଵୀକୁରୁଷେ ତ୍ଵମେଵ କାମାକ୍ଷି

॥88॥

ଶ୍ଲୋକ 90

ତାଡିତରିପୁପରିପୀଡନଭଯହରଣ ନିପୁଣହଲମୁସଲା ।

କ୍ରୋଡପତିଭୀଷଣମୁଖୀ କ୍ରୀଡସି ଜଗତି ତ୍ଵମେଵ କାମାକ୍ଷି

॥89॥

ଶ୍ଲୋକ 91

ସ୍ମରମଥନଵରଣଲୋଲା ମନ୍ମଥହେଲାଵିଲାସମଣିଶାଲା ।

କନକରୁଚିଚୌର୍ଯଶୀଲା ତ୍ଵମମ୍ବ ବାଲା କରାବ୍ଜଧୃତମାଲା

॥90॥

ଶ୍ଲୋକ 92

ଵିମଲପଟୀ କମଲକୁଟୀ ପୁସ୍ତକରୁଦ୍ରାକ୍ଷଶସ୍ତହସ୍ତପୁଟୀ ।

କାମାକ୍ଷି ପକ୍ଷ୍ମଲାକ୍ଷୀ କଲିତଵିପଞ୍ଚୀ ଵିଭାସି ଵୈରିଞ୍ଚୀ

॥91॥

ଶ୍ଲୋକ 93

କୁଙ୍କୁମରୁଚିପିଙ୍ଗମସୃକ୍ପଙ୍କିଲମୁଣ୍ଡାଲିମଣ୍ଡିତଂ ମାତଃ ।

ଶ୍ରୀକାମାକ୍ଷି ତଦୀଯସଙ୍ଗମକଲାମନ୍ଦୀଭଵତ୍କୌତୁକଃ

ଜଯତି ତଵ ରୂପଧେଯଂ ଜପପଟପୁସ୍ତକଵରାଭଯକରାବ୍ଜମ୍

॥92॥

ଶ୍ଲୋକ 94

କନକମଣିକଲିତଭୂଷାଂ କାଲାଯସକଲହଶୀଲକାନ୍ତିକଲାମ୍ ।

କାମାକ୍ଷି ଶୀଲଯେ ତ୍ଵାଂ କପାଲଶୂଲାଭିରାମକରକମଲାମ୍

॥93॥

ଶ୍ଲୋକ 95

ଲୋହିତିମପୁଞ୍ଜମଧ୍ଯେ ମୋହିତଭୁଵନେ ମୁଦା ନିରୀକ୍ଷନ୍ତେ ।

ଵଦନଂ ତଵ କୁଵଯୁଗଲଂ କାଞ୍ଚୀସୀମାଂ ଚ କେଽପି କାମାକ୍ଷି

॥94॥

ଶ୍ଲୋକ 96

ଜଲଧିଦ୍ଵିଗୁଣିତହୁତବହଦିଶାଦିନେଶ୍ଵରକଲାଶ୍ଵିନେଯଦଲୈଃ ।

ନଲିନୈର୍ମହେଶି ଗଚ୍ଛସି ସର୍ଵୋତ୍ତରକରକମଲଦଲମମଲମ୍

॥95॥

ଶ୍ଲୋକ 97

ସତ୍କୃତଦେଶିକଚରଣାଃ ସବୀଜନିର୍ବୀଜଯୋଗନିଶ୍ରେଣ୍ଯା ।

ଅପଵର୍ଗସୌଧଵଲଭୀମାରୋହନ୍ତ୍ଯମ୍ବ କେଽପି ତଵ କୃପଯା

॥96॥

ଶ୍ଲୋକ 98

ଅନ୍ତରପି ବହିରପି ତ୍ଵଂ ଜନ୍ତୁତତେରନ୍ତକାନ୍ତକୃଦହନ୍ତେ ।

ଚିନ୍ତିତସନ୍ତାନଵତାଂ ସନ୍ତତମପି ତନ୍ତନୀଷି ମହିମାନମ୍

॥97॥

ଶ୍ଲୋକ 99

କଲମଞ୍ଜୁଲଵାଗନୁମିତଗଲପଞ୍ଜରଗତଶୁକଗ୍ରହୌତ୍କଣ୍ଠ୍ଯାତ୍ ।

ଅମ୍ବ ରଦନାମ୍ବରଂ ତେ ବିମ୍ବଫଲଂ ଶମ୍ବରାରିଣା ନ୍ଯସ୍ତମ୍

॥98॥

ଶ୍ଲୋକ 100

ଜଯ ଜଯ ଜଗଦମ୍ବ ଶିଵେ ଜଯ ଜଯ କାମାକ୍ଷି ଜଯ ଜଯାଦ୍ରିସୁତେ ।

ଜଯ ଜଯ ମହେଶଦଯିତେ ଜଯ ଜଯ ଚିଦ୍ଗଗନକୌମୁଦୀଧାରେ

॥99॥

ଶ୍ଲୋକ 101

ଆର୍ଯାଶତକଂ ଭକ୍ତ୍ଯା ପଠତାମାର୍ଯାକଟାକ୍ଷେଣ ।

ନିସ୍ସରତି ଵଦନକମଲାଦ୍ଵାଣୀ ପୀଯୂଷଧୋରଣୀ ଦିଵ୍ଯା

॥100॥

ଶ୍ଲୋକ 102

॥ ଇତି ଆର୍ଯାଶତକଂ ସମ୍ପୂର୍ଣମ୍ ॥