Mooka Pancha Sathi 1
Mooka Pancha Sathi 1
mUka paJca zati 1 - Arya zatakam
kAraNaparacidrUpA kAJcIpurasImni kAmapIThagatA |
kAcana viharati karuNA kAzmIrastabakakomalAGgalatA ||1||
kaJcana kAJcInilayaM karadhRtakodaNDabANasRNipAzam |
kaThinastanabharanamraM kaivalyAnandakandamavalambe ||2||
cintitaphalaparipoSaNacintAmaNireva kAJcinilayA me |
ciratarasucaritasulabhA cittaM zizirayatu citsukhAdhArA ||3||
kuTilakacaM kaThinakucaM kundasmitakAnti kuGkumacchAyam |
kurute vihRtiM kAJcyAM kulaparvatasArvabhaumasarvasvam ||4||
paJcazarazAstrabodhanaparamAcAryeNa dRSTipAtena |
kAJcIsImni kumArI kAcana mohayati kAmajetAram ||5||
parayA kAJcIpurayA parvataparyAyapInakucabharayA |
paratantrA vayamanayA paGkajasabrahmacArilocanayA ||6||
aizvaryamindumauleraikatmyaprakRti kAJcimadhyagatam |
aindavakizorazekharamaidamparyaM cakAsti nigamAnAm ||7||
zritakampasImAnaM zithilitaparamazivadhairyamahimAnam |
kalaye paTalimAnaM kaJcana kaJcukitabhuvanabhUmAnam ||8||
AdRtakAJcInilayamAdyAmArUDhayauvanATopAm |
AgamavataMsakalikAmAnandAdvaitakandalIM vande ||9||
tuGgAbhirAmakucabharazRGgAritamAzrayAmi kAJcigatam |
gaGgAdharaparatantraM zRGgArAdvaitatantrasiddhAntam ||10||
kAJcIratnavibhUSAM kAmapi kandarpasUtikApAGgIm |
paramAM kalAmupAse parazivavAmAGkapIThikAsInAm ||11||
kampAtIcarANAM karuNAkorakitadRSTipAtAnAm |
kelIvanaM mano me keSAJcidbhavatu cidvilAsAnAm ||12||
AmratarumUlavasaterAdimapuruSasya nayanapIyUSam |
ArabdhayauvanotsavamAmnAyarahasyamantaravalambe ||13||
adhikAJci paramayogibhirAdimaparapIThasImni dRzyena |
anubaddhaM mama mAnasamaruNimasarvasvasampradAyena ||14||
aGkitazaGkaradehAmaGkuritorojakaGkaNAzleSaiH |
adhikAJci nityataruNImadrAkSaM kAJcidadbhutAM bAlAm ||15||
madhuradhanuSA mahIdharajanuSA nandAmi surabhibANajuSA |
cidvapuSA kAJcipure kelijuSA bandhujIvakAntimuSA ||16||
madhurasmitena ramate mAMsalakucabhAramandagamanena |
madhyekAJci mano me manasijasAmrAjyagarvabIjena ||17||
dharaNimayIM taraNimayIM pavanamayIM gaganadahanahotRmayIm |
ambumayImindumayImambAmanukampamAdimAmIkSe ||18||
lInasthiti munihRdaye dhyAnastimitaM tapasyadupakampam |
pInastanabharamIDe mInadhvajatantraparamatAtparyam ||19||
zvetA mantharahasite zAtA madhye ca vADbhano'tItA |
zItA locanapAte sphItA kucasImni zAzvatI mAtA ||20||
purataH kadA na karavai puravairivimardapulakitAGgalatAm |
punatIM kAJcIdezaM puSpAyudhavIryasarasaparipATIm ||21||
puNyA kA'pi purandhrI puGkhitakandarpasampadA vapuSA |
pulinacarI kampAyAH puramathanaM pulakaniculitaM kurute ||22||
tanimAdvaitavalagnaM taruNAruNasampradAyatanulekham |
taTasImani kampAyAstaruNimasarvasvamAdyamadrAkSam ||23||
pauSTikakarmavipAkaM pauSpazaraM savidhasImni kampAyAH |
adrAkSamAttayauvanamabhyudayaM kaJcidardhazazimaulaiH ||24||
saMzritakAJcIdeze sarasijadaurbhAgyajAgraduttaMse |
saMvinmaye vilIye sArasvatapuruSakArasAmrAjye ||25||
moditamadhukaravizikhaM svAdimasamudAyasArakodaNDam |
AdRtakAJcIkhelanamAdimamAruNyabhedamAkalaye ||26||
urarIkRtakAJcipurImupaniSadaravindakuharamadhudhArAm |
unnamrastanakalazImutsavalaharImupAsmahe zambhoH ||27||
eNazizudIrghalocanamenaHparipanthi santataM bhajatAm |
ekAmranAthajIvitamevampadadUramekamavalambe ||28||
smayamAnamukhaM kAJcIbhayamAnaM kamapi devatAbhedam |
dayamAnaM vIkSya muhurvayamAnandAmRtAmbudhau magnAH ||29||
kutukajuSi kAJcideze kumudataporAzipAkazekharite |
kurute manovihAraM kulagiriparibRDhakulaikamaNidIpe ||30||
vIkSemahi kAJcipure vipulastanakalazagarimaparavazitam |
vidrumasahacaradehaM vibhramasamavAyasArasannAham ||31||
kuruvindagotragAtraM kUlacaraM kamapi naumi kampAyAH |
kUlaGkaSakucakumbhaM kusumAyudhavIryasArasaMrambham ||32||
kuDUmalitakucakizoraiH kurvANaiH kAJcidezasauhArdam |
kuGkumazoNairnicitaM kuzalapathaM zambhusukRtasambhAraiH ||33||
aGkitakacena kenacidandhaGkaraNauSadhena kamalAnAm |
antaHpureNa zambhoralaGkriyA kA'pi kalpyate kAJcyAm ||34||
UrIkaromi santatamUSmalaphAlena lalitaM puMsA |
upakampamucitakhelanamurvIdharavaMzasampadunmeSam ||35||
aGkuritastanakorakamaGkAlaGkAramekacUtapateH |
Alokemahi komalamAgamasaMlApasArayAthArthyam ||36||
puJjitakaruNamudaJcitaziJjitamaNikAJci kimapi kAJcipure |
maJjaritamRdulahAsaM piJjaratanuruci pinAkimUladhanam ||37||
lolahRdayo'sti zambhorlocanayugalena lehyamAnAyAm |
lalitaparamazivAyAM lAvaNyAmRtataraGgamAlAyAm ||38||
madhukarasahacaracikurairmadanAgamasamayadIkSitakaTAkSaiH |
maNDitakampAtIrairmaGgalakandairmamAstu sArUpyam ||39||
vadanAravindavakSovAmAGkataTIvazaMvadIbhUtA |
pUruSatritaye tredhA purandhrirUpA tvameva kAmAkSi ||40||
bAdhAkarIM bhavAbdherAdhArAdyambujeSu vicarantIm |
AdhArIkRtakAJcI bodhAmRtavIcimeva vimRzAmaH ||41||
kalayAmyantaH zazadharakalayA'GkitamaulimamalacidvalayAm |
alayAmAgamapIThInilayAM valayAGkasundarImambAm ||42||
zarvAdiparamasAdhakagurvAnItAya kAmapIThajuSe |
sarvAkRtaye zoNimagarvAyAsmai samarpyate hRdayam ||43||
samayA sAndhyamayUkhaiH samayA buddhayA sadaiva zIlitayA |
umayA kAJcIratayA na mayA labhyate kiM nu tAdAtmyam ||44||
jantostava padapUjanasantoSataraGgitasya kAmAkSi |
vandho yadi bhavati punaH sindhorambhassu bambhramIti zilA ||45||
kuNDali kumAri kuTile caNDi carAcarasavitri cAmuNDe |
guNini guhAriNi guhye gurumUrte tvAM namAmi kAmAkSi ||46||
abhidAkRtirbhidAkRtiracidAkRtirapi cidAkRtirmAtaH |
anahantA tvamahantA bhramayasi kAmAkSi zAzvatI vizvam ||47||
ziva ziva pazyanti samaM zrIkAmAkSIkaTAkSitAH puruSAH |
vipinaM bhavanamamitraM mitraM loSTaM ca yuvatibimboSTham ||48||
kAmaparipanthikAmini kAmezvari kAmapIThamadhyagate |
kAmadughA bhava kamale kAmakale kAmakoTi kAmAkSi ||49||
madhyehRdayaM madhyeniTilaM madhyeziro'pi vAstavyAm |
caNDakarazakrakArmukacandrasamAbhAM namAmi kAmAkSIm ||50||
adhikAJci kelilolairakhilAgamayantratantramayaiH |
atizItaM mama mAnasamasamazaradrohijIvanopAyaiH ||51||
nandati mama hRdi kAcana mandirayantA nirantaraM kAJcIm |
induravimaNDalakucA binduviyannAdapariNatA taruNI ||52||
zampAlatAsavarNaM sampAdayituM bhavajvaracikitsAm |
limpAmi manasi kiJcana kampAtaTarohi siddhabhaiSajyam ||53||
anumitakucakAThinyAmadhivakSaHpIThamaGgajanmaripoH |
AnandadAM bhaje tAmAnaGgabrahmatatvabodhasirAm ||54||
aikSiSi pAzAGkuzadharahastAntaM vismayArhavRttAntam |
adhikAJci nigamavAcAM siddhAntaM zUlapANizuddhAntam ||55||
AhitavilAsabhaGgImAbrahmastambazilpakalpanayA |
AzritakAJcImatulAmAdyAM visphUrtimAdriye vidyAm ||56||
mUko'pi jaTiladurgatizoko'pi smarati yaH kSaNaM bhavatIm |
eko bhavati sa janturlokottarakIrtireva kAmAkSi ||57||
paJcadazavarNarUpaM kaJcana kAJcIvihAradhaureyam |
paJcazarIyaM zambhorvaJcanavaidagdhyamUlamavalambe ||58||
pariNatimatIM caturdhA padavIM sudhiyAM sametya sauSumnIm |
paJcAzadarNakalpitamadazilpAM tvAM namAmi kAmAkSi ||59||
AdikSanmama gururADAdikSAntAkSarAtmikAM vidyAm |
svAdiSThacApadaNDAM nediSThAmeva kAmapIThagatAm ||60||
tuSyAmi harSitasmarazAsanayA kAJcipurakRtAsanayA |
svAsanayA sakalajagadbhAsanayA kalitazambarAsanayA ||61||
premavatI kampAyAM sthemavatI yatimanassu bhUmavatI |
sAmavatI nityagirA somavatI zirasi bhAti haimavatI ||62||
kautukinA kampAyAM kausumacApena kIlitenAntaH |
kuladaivatena mahatA kuDmalamudrAM dhunotu naHpratibhA ||63||
yUnA kenApi miladdehA svAhAsahAyatilakena |
sahakAramUladeze saMvidrUpA kuTumbinI ramate ||64||
kusumazaragarvasampatkozagRhaM bhAti kAJcidezagatam |
sthApitamasminkathamapi gopitamantarmayA manoratnam ||65||
dagdhaSaDadhvAraNyaM daradalitakusumbhasambhRtAruNyam |
kalaye navatAruNyaM kampAtaTasImni kimapi kAruNyam ||66||
adhikAJci vardhamAnAmatulAM karavANi pAraNAmakSNoH |
AnandapAkabhedAmaruNimapariNAmagarvapallavitAm ||67||
bANasRNipAzakArmukapANimamuM kamapi kAmapIThagatam |
eNadharakoNacUDaM zoNimaparipAkabhedamAkalaye ||68||
kiM vA phalati mamAnyaurbimbAdharacumbimandahAsamukhI |
sambAdhakarI tamasAmambA jAgarti manasi kAmAkSI ||69||
maJce sadAzivamaye parizivamayalalitapauSpaparyaGke |
adhicakramadhyamAste kAmAkSI nAma kimapi mama bhAgyam ||70||
rakSyo'smi kAmapIThIlAsikayA ghanakRpAmburAzikayA |
zrutiyuvatikuntalImaNimAlikayA tuhinazailabAlikayA ||71||
lIye puraharajAye mAye tava taruNapallavacchAye |
caraNe candrAbharaNe kAJcIzaraNe natArtisaMharaNe ||72||
mUrtimati muktibIje mUrdhni stabakitacakorasAmrAjye |
moditakampAkUle muhurmuhurmanasi mumudiSA'smAkam ||73||
vedamayIM nAdamayIM bindumayIM parapadodyadindumayIm |
mantramayIM tantramayIM prakRtimayIM naumi vizvavikRtimayIm ||74||
puramathanapuNyakoTI puJjitakavilokasUktirasadhATI |
manasi mama kAmakoTI viharatu karuNAvipAkaparipATI ||75||
kuTilaM caTulaM pRthulaM mRdulaM kacanayanajaghanacaraNeSu |
avalokitamavalambitamadhikampAtaTamameyamasmAbhiH ||76||
pratyaGmukhyA dRSTayA prasAdadIpAGkureNa kAmAkSyAH |
pazyAmi nistulamaho pacelimaM kamapi parazivollAsam ||77||
vidye vidhAtRviSaye kAtyAyani kAli kAmakoTikale |
bhArati bhairavi bhadre zAkini zAmbhavi zive stuve bhavatIm ||78||
mAlini mahezacAlini kAJcIkhelini vipakSakAlini te |
zUlini vidrumazAlini surajanapAlini kapAlini namo'stu ||79||
dezika iti kiM zaGke tattAdRktava nu taruNimonmeSaH |
kAmAkSi zUlapANeH kAmAgamasamayadIkSAyAm ||80||
vetaNDakumbhaDambaravaitaNDikakucabharArtamadhyAya |
kuGkumaruce namasyAM zaGkaranayanAmRtAya racayAmaH ||81||
adhikAJcitamaNikAJcanakAJcImadhikAJci kAJcidadrAkSam |
avanatajanAnukampAmanukampAkUlamasmadanukUlAm ||82||
paricitakampAtIraM parvatarAjanyasukRtasannAham |
paragurukRpayA vIkSe paramazivotsaGgamaGgalAbharaNam ||83||
dagdhamadanasya zambhoH prathIyasIM brahmacaryavaidagdhIm |
tava devi taruNimazrIcaturimapAko na cakSame mAtaH ||84||
madajalatamAlapatrA vasanitapatrA karAdRtakhAnitrA |
viharati pulindayoSA guJjAbhUSA phaNIndrakRtaveSA ||85||
aGke zukinI gIte kautukinI parisare ca gAyakinI |
jayasi savidhe'mba bhairavamaNDalinI zravasi zaGkhakunDalinI ||86||
praNatajanatApavargA kRtabahusargA sasiMhasaMsargA |
kAmAkSi muditabhargA hataripuvargA tvameva sA durgA ||87||
zravaNacaladvetaNDA samaroddaNDA dhutAsurazikhaNDA |
devi kalitAntraSaNDA dhRtanaramuNDA tvameva cAmuNDA ||88||
urvIdharendrakanye darvIbharitena bhaktapUreNa |
gurvImakiJcanArti kharvIkuruSe tvameva kAmAkSi ||89||
tADitaripuparipIDanabhayaharaNa nipuNahalamusalA |
kroDapatibhISaNamukhI krIDasi jagati tvameva kAmAkSi ||90||
smaramathanavaraNalolA manmathahelAvilAsamaNizAlA |
kanakarucicauryazIlA tvamamba bAlA karAbjadhRtamAlA ||91||
vimalapaTI kamalakuTI pustakarudrAkSazastahastapuTI |
kAmAkSi pakSmalAkSI kalitavipaJcI vibhAsi vairiJcI ||92||
kuGkumarucipiGgamasRkpaGkilamuNDAlimaNDitaM mAtaH |
zrIkAmAkSi tadIyasaGgamakalAmandIbhavatkautukaH
jayati tava rUpadheyaM japapaTapustakavarAbhayakarAbjam ||93||
kanakamaNikalitabhUSAM kAlAyasakalahazIlakAntikalAm |
kAmAkSi zIlaye tvAM kapAlazUlAbhirAmakarakamalAm ||94||
lohitimapuJjamadhye mohitabhuvane mudA nirIkSante |
vadanaM tava kuvayugalaM kAJcIsImAM ca ke'pi kAmAkSi ||95||
jaladhidviguNitahutabahadizAdinezvarakalAzvineyadalaiH |
nalinairmahezi gacchasi sarvottarakarakamaladalamamalam ||96||
satkRtadezikacaraNAH sabIjanirbIjayoganizreNyA |
apavargasaudhavalabhImArohantyamba ke'pi tava kRpayA ||97||
antarapi bahirapi tvaM jantutaterantakAntakRdahante |
cintitasantAnavatAM santatamapi tantanISi mahimAnam ||98||
kalamaJjulavAganumitagalapaJjaragatazukagrahautkaNThyAt |
amba radanAmbaraM te bimbaphalaM zambarAriNA nyastam ||99||
jaya jaya jagadamba zive jaya jaya kAmAkSi jaya jayAdrisute |
jaya jaya mahezadayite jaya jaya cidgaganakaumudIdhAre ||100||
AryAzatakaM bhaktyA paThatAmAryAkaTAkSeNa |
nissarati vadanakamalAdvANI pIyUSadhoraNI divyA ||101||
|| iti AryAzatakaM sampUrNam ||
About This Stotram
Overview
Mooka Pancha Sathi 1 — Arya Satakam is the first of five sections comprising the Mooka Pancha Sathi, a collection of five hundred Sanskrit verses dedicated to Goddess Kamakshi of Kanchipuram, a form of Parvati. This opening section contains 101 verses composed in the Arya meter and is attributed to Mooka Kavi, a poet associated with the legend of receiving speech from the goddess. The work belongs to the South Indian Shakta devotional tradition centered on the Kanchi Kamakshi temple.
What are the benefits of chanting Mooka Pancha Sathi 1?
- Invokes Goddess Kamakshi's grace for eloquence and speech
- Supports the removal of obstacles and limitations
- Cultivates devotion within the Shakta tradition of Kanchipuram
- Used in South Indian temple worship and private devotional practice
When is the best time to recite this?
Morning and evening recitation is standard. Navaratri and days dedicated to Goddess Kamakshi at the Kanchi temple are the most auspicious occasions for this text.
What is the historical and traditional background?
The Mooka Pancha Sathi is traditionally attributed to Mooka Kavi, a poet described in hagiographic accounts as having been mute (mooka) until blessed with speech by Goddess Kamakshi. Scholars place the composition broadly within the medieval period, possibly between the 8th and 14th centuries CE, though a precise date has not been established. Kanchipuram has functioned as a major center of Shakti worship for many centuries. The Arya meter, used throughout this section, is a standard vehicle for Sanskrit devotional poetry of this period.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Mooka Pancha Sathi 2 — Padaravinda Satakam — the second section of the same five-hundred-verse collection, focusing on the lotus feet of Goddess Kamakshi
- Soundarya Lahari — a Shakta hymn in the same South Indian tradition, praising the beauty and cosmic power of the Goddess