મીનાક્ષી પઞ્ચ રત્ન સ્તોત્રમ્

મીનાક્ષી પઞ્ચ રત્ન સ્તોત્રમ્

શ્લોક 1

ઉદ્યદ્ભાનુસહસ્રકોટિસદૃશાં કેયૂરહારોજ્જ્વલાં

બિમ્બોષ્ઠીં સ્મિતદન્તપઙ્ક્તિરુચિરાં પીતામ્બરાલઙ્કૃતામ્ ।

વિષ્ણુબ્રહ્મસુરેન્દ્રસેવિતપદાં તત્ત્વસ્વરૂપાં શિવાં

મીનાક્ષીં પ્રણતોઽસ્મિ સન્તતમહં કારુણ્યવારાન્નિધિમ્

શ્લોક 2

મુક્તાહારલસત્કિરીટરુચિરાં પૂર્ણેન્દુવક્ત્રપ્રભાં

શિઞ્જન્નૂપુરકિઙ્કિણીમણિધરાં પદ્મપ્રભાભાસુરામ્ ।

સર્વાભીષ્ટફલપ્રદાં ગિરિસુતાં વાણીરમાસેવિતાં

મીનાક્ષીં પ્રણતોઽસ્મિ સન્તતમહં કારુણ્યવારાન્નિધિમ્

॥ 1 ॥

શ્લોક 3

શ્રીવિદ્યાં શિવવામભાગનિલયાં હ્રીઙ્કારમન્ત્રોજ્જ્વલાં

શ્રીચક્રાઙ્કિતબિન્દુમધ્યવસતિં શ્રીમત્સભાનાયકીમ્ ।

શ્રીમત્ષણ્મુખવિઘ્નરાજજનનીં શ્રીમજ્જગન્મોહિનીં

મીનાક્ષીં પ્રણતોઽસ્મિ સન્તતમહં કારુણ્યવારાન્નિધિમ્

॥ 2 ॥

શ્લોક 4

શ્રીમત્સુન્દરનાયિકાં ભયહરાં જ્ઞાનપ્રદાં નિર્મલાં

શ્યામાભાં કમલાસનાર્ચિતપદાં નારાયણસ્યાનુજામ્ ।

વીણાવેણુમૃદઙ્ગવાદ્યરસિકાં નાનાવિધામમ્બિકાં

મીનાક્ષીં પ્રણતોઽસ્મિ સન્તતમહં કારુણ્યવારાન્નિધિમ્

॥ 3 ॥

શ્લોક 5

નાનાયોગિમુનીન્દ્રહૃત્સુવસતીં નાનાર્થસિદ્ધિપ્રદાં

નાનાપુષ્પવિરાજિતાઙ્ઘ્રિયુગલાં નારાયણેનાર્ચિતામ્ ।

નાદબ્રહ્મમયીં પરાત્પરતરાં નાનાર્થતત્વાત્મિકાં

મીનાક્ષીં પ્રણતોઽસ્મિ સન્તતમહં કારુણ્યવારાન્નિધિમ્

॥ 4 ॥

શ્લોક 6