Medha Suktam

medhA sUktam

zloka 1

taittirIyAraNyakam - 4, prapAThakaH - 10, anuvAkaH - 41-44

OM-ya~zchanda॑sAmRSa॒bho vi॒zvarU॑paH |

chando॒bhyo-'dhya॒mRtA᳚thsamba॒bhUva॑ |

sa mendro॑ me॒dhayA᳚ spRNotu |

a॒mRta॑sya deva॒dhAra॑No bhUyAsam |

zarI॑ra-mme॒ vica॑r​SaNam |

ji॒hvA me॒ madhu॑mattamA |

karNA᳚bhyAM॒ bhUri॒vizru॑vam |

brahma॑NaH ko॒zo॑-'si me॒dhayA pi॑hitaH |

zru॒ta-mme॑ gopAya ||

OM zAnti॒-zzAnti॒-zzAntiH॑ ||

o-mme॒dhAde॒vI ju॒SamA॑NA na॒ AgA᳚-dvi॒zvAcI॑ bha॒drA su॑mana॒sya mA॑nA |

tvayA॒ juSTA॑ nu॒damA॑nA du॒ruktA᳚-nbR॒hadva॑dema vi॒dathe॑ su॒vIrAH᳚ |

tvayA॒ juSTa॑ R॒Sirbha॑vati devi॒ tvayA॒ brahmA॑-''ga॒tazrI॑ru॒ta tvayA᳚ |

tvayA॒ juSTa॑zci॒traM-vi~॑ndate vasu॒ sA no॑ juSasva॒ dravi॑No na medhe ||

me॒dhA-mma॒ indro॑ dadAtu me॒dhA-nde॒vI sara॑svatI |

me॒dhA-mme॑ a॒zvinA॑vu॒bhA-vAdha॑ttA॒-mpuSka॑rasrajA |

a॒psa॒rAsu॑ ca॒ yA me॒dhA ga॑ndha॒rveSu॑ ca॒ yanmanaH॑ |

daivI᳚-mme॒dhA sara॑svatI॒ sA mA᳚-mme॒dhA su॒rabhi॑-rjuSatA॒g॒ svAhA᳚ ||

AmA᳚-mme॒dhA su॒rabhi॑-rvi॒zvarU॑pA॒ hira॑NyavarNA॒ jaga॑tI jaga॒myA |

Urja॑svatI॒ paya॑sA॒ pinva॑mAnA॒ sA mA᳚-mme॒dhA su॒pratI॑kA juSantAm ||

mayi॑ me॒dhA-mmayi॑ pra॒jA-mmayya॒gni-stejo॑ dadhAtu॒,

mayi॑ me॒dhA-mmayi॑ pra॒jA-mmayIndra॑ indri॒ya-nda॑dhAtu॒,

mayi॑ me॒dhA-mmayi॑ pra॒jA-mmayi॒ sUryo॒ bhrAjo॑ dadhAtu ||

[OM haM॒sa॒ haM॒sAya॑ vi॒dmahe॑ paramahaM॒sAya॑ dhImahi |

tanno॑ haMsaH praco॒dayA᳚t || (haMsagAyatrI)]

OM zAnti॒-zzAnti॒-zzAntiH॑ ||