Medha Suktam
Medha Suktam
মেধা সূক্তম্
শ্লোক 1
তৈত্তিরীযারণ্যকম্ - 4, প্রপাঠকঃ - 10, অনুবাকঃ - 41-44
ওঁ-যঁশ্ছন্দ॑সামৃষ॒ভো বি॒শ্বরূ॑পঃ ।
ছন্দো॒ভ্যো-ঽধ্য॒মৃতা᳚থ্সম্ব॒ভূব॑ ।
স মেন্দ্রো॑ মে॒ধযা᳚ স্পৃণোতু ।
অ॒মৃত॑স্য দেব॒ধার॑ণো ভূযাসম্ ।
শরী॑র-ম্মে॒ বিচ॑র্ষণম্ ।
জি॒হ্বা মে॒ মধু॑মত্তমা ।
কর্ণা᳚ভ্যাং॒ ভূরি॒বিশ্রু॑বম্ ।
ব্রহ্ম॑ণঃ কো॒শো॑-ঽসি মে॒ধযা পি॑হিতঃ ।
শ্রু॒ত-ম্মে॑ গোপায ॥
ওঁ শান্তি॒-শ্শান্তি॒-শ্শান্তিঃ॑ ॥
ও-ম্মে॒ধাদে॒বী জু॒ষমা॑ণা ন॒ আগা᳚-দ্বি॒শ্বাচী॑ ভ॒দ্রা সু॑মন॒স্য মা॑না ।
ত্বযা॒ জুষ্টা॑ নু॒দমা॑না দু॒রুক্তা᳚-ন্বৃ॒হদ্ব॑দেম বি॒দথে॑ সু॒বীরাঃ᳚ ।
ত্বযা॒ জুষ্ট॑ ঋ॒ষির্ভ॑বতি দেবি॒ ত্বযা॒ ব্রহ্মা॑-ঽঽগ॒তশ্রী॑রু॒ত ত্বযা᳚ ।
ত্বযা॒ জুষ্ট॑শ্চি॒ত্রং-বিঁ॑ন্দতে বসু॒ সা নো॑ জুষস্ব॒ দ্রবি॑ণো ন মেধে ॥
মে॒ধা-ম্ম॒ ইন্দ্রো॑ দদাতু মে॒ধা-ন্দে॒বী সর॑স্বতী ।
মে॒ধা-ম্মে॑ অ॒শ্বিনা॑বু॒ভা-বাধ॑ত্তা॒-ম্পুষ্ক॑রস্রজা ।
অ॒প্স॒রাসু॑ চ॒ যা মে॒ধা গ॑ন্ধ॒র্বেষু॑ চ॒ যন্মনঃ॑ ।
দৈবী᳚-ম্মে॒ধা সর॑স্বতী॒ সা মা᳚-ম্মে॒ধা সু॒রভি॑-র্জুষতা॒গ্॒ স্বাহা᳚ ॥
আমা᳚-ম্মে॒ধা সু॒রভি॑-র্বি॒শ্বরূ॑পা॒ হির॑ণ্যবর্ণা॒ জগ॑তী জগ॒ম্যা ।
ঊর্জ॑স্বতী॒ পয॑সা॒ পিন্ব॑মানা॒ সা মা᳚-ম্মে॒ধা সু॒প্রতী॑কা জুষন্তাম্ ॥
মযি॑ মে॒ধা-ম্মযি॑ প্র॒জা-ম্ময্য॒গ্নি-স্তেজো॑ দধাতু॒,
মযি॑ মে॒ধা-ম্মযি॑ প্র॒জা-ম্মযীন্দ্র॑ ইন্দ্রি॒য-ন্দ॑ধাতু॒,
মযি॑ মে॒ধা-ম্মযি॑ প্র॒জা-ম্মযি॒ সূর্যো॒ ভ্রাজো॑ দধাতু ॥
[ওঁ হং॒স॒ হং॒সায॑ বি॒দ্মহে॑ পরমহং॒সায॑ ধীমহি ।
তন্নো॑ হংসঃ প্রচো॒দযা᳚ত্ ॥ (হংসগাযত্রী)]
ওঁ শান্তি॒-শ্শান্তি॒-শ্শান্তিঃ॑ ॥