Manyu Suktam

ମନ୍ଯୁ ସୂକ୍ତମ୍

ଶ୍ଲୋକ 1

ଅଥ ମନ୍ଯୁସୂକ୍ତଂ

ଋଗ୍ଵେଦ ସଂହିତା; ମଣ୍ଡଲଂ 10; ସୂକ୍ତଂ 83,84

ଯସ୍ତେ᳚ ମ॒ନ୍ଯୋ-ଽଵି॑ଧଦ୍ ଵଜ୍ର ସାଯକ॒ ସହ॒ ଓଜଃ॑ ପୁଷ୍ଯତି॒ ଵିଶ୍ଵ॑ମାନୁ॒ଷକ୍ ।

ସା॒ହ୍ଯାମ॒ ଦାସ॒ମାର୍ଯ॒-ନ୍ତ୍ଵଯା᳚ ଯୁ॒ଜା ସହ॑ସ୍କୃତେନ॒ ସହ॑ସା॒ ସହ॑ସ୍ଵତା

ଶ୍ଲୋକ 2

ମ॒ନ୍ଯୁରିନ୍ଦ୍ରୋ᳚ ମ॒ନ୍ଯୁରେ॒ଵାସ॑ ଦେ॒ଵୋ ମ॒ନ୍ଯୁର୍ ହୋତା॒ ଵରୁ॑ଣୋ ଜା॒ତଵେ᳚ଦାଃ ।

ମ॒ନ୍ଯୁଂ-ଵିଁଶ॑ ଈଲତେ॒ ମାନୁ॑ଷୀ॒ର୍ଯାଃ ପା॒ହି ନୋ᳚ ମନ୍ଯୋ॒ ତପ॑ସା ସ॒ଜୋଷାଃ᳚

॥ 1 ॥

ଶ୍ଲୋକ 3

ଅ॒ଭୀ᳚ହି ମନ୍ଯୋ ତ॒ଵସ॒ସ୍ତଵୀ᳚ଯା॒-ନ୍ତପ॑ସା ଯୁ॒ଜା ଵି ଜ॑ହି ଶତ୍ରୂ᳚ନ୍ ।

ଅ॒ମି॒ତ୍ର॒ହା ଵୃ॑ତ୍ର॒ହା ଦ॑ସ୍ଯୁ॒ହା ଚ॒ ଵିଶ୍ଵା॒ ଵସୂ॒ନ୍ଯା ଭ॑ରା॒ ତ୍ଵ-ନ୍ନଃ॑

॥ 2 ॥

ଶ୍ଲୋକ 4

ତ୍ଵଂ ହି ମ᳚ନ୍ଯୋ ଅ॒ଭିଭୂ᳚ତ୍ଯୋଜା-ସ୍ସ୍ଵଯ॒ମ୍ଭୂର୍ଭାମୋ᳚ ଅଭିମାତିଷା॒ହଃ ।

ଵି॒ଶ୍ଵଚ॑ର୍-ଷଣି॒-ସ୍ସହୁ॑ରି॒-ସ୍ସହା᳚ଵାନ॒ସ୍ମାସ୍ଵୋଜଃ॒ ପୃତ॑ନାସୁ ଧେହି

॥ 3 ॥

ଶ୍ଲୋକ 5

ଅ॒ଭା॒ଗ-ସ୍ସନ୍ନପ॒ ପରେ᳚ତୋ ଅସ୍ମି॒ ତଵ॒ କ୍ରତ୍ଵା᳚ ତଵି॒ଷସ୍ଯ॑ ପ୍ରଚେତଃ ।

ତ-ନ୍ତ୍ଵା᳚ ମନ୍ଯୋ ଅକ୍ର॒ତୁର୍ଜି॑ହୀଲା॒ହଂ ସ୍ଵାତ॒ନୂର୍ବ॑ଲ॒ଦେଯା᳚ଯ॒ ମେହି॑

॥ 4 ॥

ଶ୍ଲୋକ 6

ଅ॒ଯ-ନ୍ତେ᳚ ଅ॒ସ୍ମ୍ଯୁପ॒ ମେହ୍ଯ॒ର୍ଵାଙ୍ ପ୍ର॑ତୀଚୀ॒ନ-ସ୍ସ॑ହୁରେ ଵିଶ୍ଵଧାଯଃ ।

ମନ୍ଯୋ᳚ ଵଜ୍ରିନ୍ନ॒ଭି ମାମା ଵ॑ଵୃତ୍ସ୍ଵହନା᳚ଵ॒ ଦସ୍ଯୂ᳚ନ୍ ଋ॒ତ ବୋ᳚ଧ୍ଯା॒ପେଃ

॥ 5 ॥

ଶ୍ଲୋକ 7

ଅ॒ଭି ପ୍ରେହି॑ ଦକ୍ଷିଣ॒ତୋ ଭ॑ଵା॒ ମେ-ଽଧା᳚ ଵୃ॒ତ୍ରାଣି॑ ଜଙ୍ଘନାଵ॒ ଭୂରି॑ ।

ଜୁ॒ହୋମି॑ ତେ ଧ॒ରୁଣ॒-ମ୍ମଧ୍ଵୋ॒ ଅଗ୍ର॑ମୁଭା ଉ॑ପାଂ॒ଶୁ ପ୍ର॑ଥ॒ମା ପି॑ବାଵ

॥ 6 ॥

ଶ୍ଲୋକ 8

ତ୍ଵଯା᳚ ମନ୍ଯୋ ସ॒ରଥ॑ମାରୁ॒ଜନ୍ତୋ॒ ହର୍​ଷ॑ମାଣାସୋ ଧୃଷି॒ତା ମ॑ରୁତ୍ଵଃ ।

ତି॒ଗ୍ମେଷ॑ଵ॒ ଆଯୁ॑ଧା ସଂ॒ଶିଶା᳚ନା ଅ॒ଭି ପ୍ରଯ᳚ନ୍ତୁ॒ ନରୋ᳚ ଅ॒ଗ୍ନିରୂ᳚ପାଃ

॥ 7 ॥

ଶ୍ଲୋକ 9

ଅ॒ଗ୍ନିରି॑ଵ ମନ୍ଯୋ ତ୍ଵିଷି॒ତ-ସ୍ସ॑ହସ୍ଵ ସେନା॒ନୀର୍ନଃ॑ ସହୁରେ ହୂ॒ତ ଏ᳚ଧି ।

ହ॒ତ୍ଵାଯ॒ ଶତ୍ରୂ॒ନ୍ ଵି ଭ॑ଜସ୍ଵ॒ ଵେଦ॒ ଓଜୋ॒ ମିମା᳚ନୋ॒ ଵିମୃଧୋ᳚ ନୁଦସ୍ଵ

॥ 8 ॥

ଶ୍ଲୋକ 10

ସହ॑ସ୍ଵ ମନ୍ଯୋ ଅ॒ଭିମା᳚ତିମ॒ସ୍ମେ ରୁ॒ଜ-ନ୍ମୃ॒ଣ-ନ୍ପ୍ର॑ମୃ॒ଣ-ନ୍ପ୍ରେହି॒ ଶତ୍ରୂ᳚ନ୍ ।

ଉ॒ଗ୍ର-ନ୍ତେ॒ ପାଜୋ᳚ ନ॒ନ୍ଵା ରୁ॑ରୁଧ୍ରେ ଵ॒ଶୀ ଵଶ᳚-ନ୍ନଯସ ଏକଜ॒ ତ୍ଵମ୍

॥ 9 ॥

ଶ୍ଲୋକ 11

ଏକୋ᳚ ବହୂ॒ନାମ॑ସି ମନ୍ଯଵୀଲି॒ତୋ ଵିଶଂ᳚​ଵିଁଶଂ-ଯୁଁ॒ଧଯେ॒ ସଂ ଶି॑ଶାଧି ।

ଅକୃ॑ତ୍ତରୁ॒-କ୍ତ୍ଵଯା᳚ ଯୁ॒ଜା ଵ॒ଯ-ନ୍ଦ୍ଯୁ॒ମନ୍ତ॒-ଙ୍ଘୋଷଂ᳚-ଵିଁଜ॒ଯାଯ॑ କୃଣ୍ମହେ ॥ 11

ଵି॒ଜେ॒ଷ॒କୃଦିନ୍ଦ୍ର॑ ଇଵାନଵବ୍ର॒ଵୋ॒(ଓ)3॑-ଽସ୍ମାକ᳚-ମ୍ମନ୍ଯୋ ଅଧି॒ପା ଭ॑ଵେ॒ହ 3

ପ୍ରି॒ଯ-ନ୍ତେ॒ ନାମ॑ ସହୁରେ ଗୃଣୀମସି ଵି॒ଦ୍ମାତମୁତ୍ସଂ॒-ଯଁତ॑ ଆବ॒ଭୂଥ॑

॥ 10 ॥

ଶ୍ଲୋକ 12

ଆଭୂ᳚ତ୍ଯା ସହ॒ଜା ଵ॑ଜ୍ର ସାଯକ॒ ସହୋ᳚ ବିଭର୍​ଷ୍ଯଭିଭୂତ॒ ଉତ୍ତ॑ରମ୍ ।

କ୍ରତ୍ଵା᳚ ନୋ ମନ୍ଯୋ ସ॒ହମେ॒ଦ୍ଯେ᳚ଧି ମହାଧ॒ନସ୍ଯ॑ ପୁରୁହୂତ ସଂ॒ସୃଜି॑

॥ 12 ॥

ଶ୍ଲୋକ 13

ସଂସୃ॑ଷ୍ଟ॒-ନ୍ଧନ॑ମୁ॒ଭଯଂ᳚ ସ॒ମାକୃ॑ତମ॒ସ୍ମଭ୍ଯ᳚-ନ୍ଦତ୍ତାଂ॒-ଵଁରୁ॑ଣଶ୍ଚ ମ॒ନ୍ଯୁଃ ।

ଭିଯ॒-ନ୍ଦଧା᳚ନା॒ ହୃଦ॑ଯେଷୁ॒ ଶତ୍ର॑ଵଃ॒ ପରା᳚ଜିତାସୋ॒ ଅପ॒ ନିଲ॑ଯନ୍ତାମ୍

॥ 13 ॥

ଶ୍ଲୋକ 14

ଧନ୍ଵ॑ନା॒ଗାଧନ୍ଵ॑ ନା॒ଜିଞ୍ଜ॑ଯେମ॒ ଧନ୍ଵ॑ନା ତୀ॒ଵ୍ରା-ସ୍ସ॒ମଦୋ᳚ ଜଯେମ ।

ଧନୁ-ଶ୍ଶତ୍ରୋ᳚ରପକା॒ମ-ଙ୍କୃ॑ଣୋତି॒ ଧନ୍ଵ॑ ନା॒ସର୍ଵାଃ᳚ ପ୍ର॒ଦିଶୋ᳚ ଜଯେମ ॥

ଓଁ ଶାନ୍ତା॑ ପୃଥିଵୀ ଶି॑ଵମ॒ନ୍ତରିକ୍ଷ॒-ନ୍ଦ୍ଯୌର୍ନୋ᳚ ଦେ॒ଵ୍ଯ-ଽଭ॑ଯନ୍ନୋ ଅସ୍ତୁ ।

ଶି॒ଵା॒ ଦିଶଃ॑ ପ୍ର॒ଦିଶ॑ ଉ॒ଦ୍ଦିଶୋ᳚ ନ॒-ଽଆପୋ᳚ ଵି॒ଶ୍ଵତଃ॒ ପରି॑ପାନ୍ତୁ ସ॒ର୍ଵତ॒-ଶ୍ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥