Manyu Suktam

manyu sUktam

zloka 1

atha manyusUktaM

Rgveda saMhitA; maNDalaM 10; sUktaM 83,84

yaste᳚ ma॒nyo-'vi॑dhad vajra sAyaka॒ saha॒ ojaH॑ puSyati॒ vizva॑mAnu॒Sak |

sA॒hyAma॒ dAsa॒mArya॒-ntvayA᳚ yu॒jA saha॑skRtena॒ saha॑sA॒ saha॑svatA || 1 ||

ma॒nyurindro᳚ ma॒nyure॒vAsa॑ de॒vo ma॒nyur hotA॒ varu॑No jA॒tave᳚dAH |

ma॒nyuM-vi~za॑ Ilate॒ mAnu॑SI॒ryAH pA॒hi no᳚ manyo॒ tapa॑sA sa॒joSAH᳚ || 2 ||

a॒bhI᳚hi manyo ta॒vasa॒stavI᳚yA॒-ntapa॑sA yu॒jA vi ja॑hi zatrU᳚n |

a॒mi॒tra॒hA vR॑tra॒hA da॑syu॒hA ca॒ vizvA॒ vasU॒nyA bha॑rA॒ tva-nnaH॑ || 3 ||

tvaM hi ma᳚nyo a॒bhibhU᳚tyojA-ssvaya॒mbhUrbhAmo᳚ abhimAtiSA॒haH |

vi॒zvaca॑r-SaNi॒-ssahu॑ri॒-ssahA᳚vAna॒smAsvojaH॒ pRta॑nAsu dhehi || 4 ||

a॒bhA॒ga-ssannapa॒ pare᳚to asmi॒ tava॒ kratvA᳚ tavi॒Sasya॑ pracetaH |

ta-ntvA᳚ manyo akra॒turji॑hIlA॒haM svAta॒nUrba॑la॒deyA᳚ya॒ mehi॑ || 5 ||

a॒ya-nte᳚ a॒smyupa॒ mehya॒rvAG pra॑tIcI॒na-ssa॑hure vizvadhAyaH |

manyo᳚ vajrinna॒bhi mAmA va॑vRtsvahanA᳚va॒ dasyU᳚n R॒ta bo᳚dhyA॒peH || 6 ||

a॒bhi prehi॑ dakSiNa॒to bha॑vA॒ me-'dhA᳚ vR॒trANi॑ jaGghanAva॒ bhUri॑ |

ju॒homi॑ te dha॒ruNa॒-mmadhvo॒ agra॑mubhA u॑pAM॒zu pra॑tha॒mA pi॑bAva || 7 ||

tvayA᳚ manyo sa॒ratha॑mAru॒janto॒ har​Sa॑mANAso dhRSi॒tA ma॑rutvaH |

ti॒gmeSa॑va॒ Ayu॑dhA saM॒zizA᳚nA a॒bhi praya᳚ntu॒ naro᳚ a॒gnirU᳚pAH || 8 ||

a॒gniri॑va manyo tviSi॒ta-ssa॑hasva senA॒nIrnaH॑ sahure hU॒ta e᳚dhi |

ha॒tvAya॒ zatrU॒n vi bha॑jasva॒ veda॒ ojo॒ mimA᳚no॒ vimRdho᳚ nudasva || 9 ||

saha॑sva manyo a॒bhimA᳚tima॒sme ru॒ja-nmR॒Na-npra॑mR॒Na-nprehi॒ zatrU᳚n |

u॒gra-nte॒ pAjo᳚ na॒nvA ru॑rudhre va॒zI vaza᳚-nnayasa ekaja॒ tvam || 10 ||

eko᳚ bahU॒nAma॑si manyavIli॒to vizaM᳚​vizaM-yu॒dhaye॒ saM zi॑zAdhi |

akR॑ttaru॒-ktvayA᳚ yu॒jA va॒ya-ndyu॒manta॒-GghoSaM᳚-vi~ja॒yAya॑ kRNmahe || 11

vi॒je॒Sa॒kRdindra॑ ivAnavabra॒vo॒(o)3॑-'smAka᳚-mmanyo adhi॒pA bha॑ve॒ha 3

pri॒ya-nte॒ nAma॑ sahure gRNImasi vi॒dmAtamutsaM॒-ya~ta॑ Aba॒bhUtha॑ || 12 ||

AbhU᳚tyA saha॒jA va॑jra sAyaka॒ saho᳚ bibhar​SyabhibhUta॒ utta॑ram |

kratvA᳚ no manyo sa॒hame॒dye᳚dhi mahAdha॒nasya॑ puruhUta saM॒sRji॑ || 13 ||

saMsR॑STa॒-ndhana॑mu॒bhayaM᳚ sa॒mAkR॑tama॒smabhya᳚-ndattAM॒-va~ru॑Nazca ma॒nyuH |

bhiya॒-ndadhA᳚nA॒ hRda॑yeSu॒ zatra॑vaH॒ parA᳚jitAso॒ apa॒ nila॑yantAm || 14 ||

dhanva॑nA॒gAdhanva॑ nA॒jiJja॑yema॒ dhanva॑nA tI॒vrA-ssa॒mado᳚ jayema |

dhanu-zzatro᳚rapakA॒ma-GkR॑Noti॒ dhanva॑ nA॒sarvAH᳚ pra॒dizo᳚ jayema ||

OM zAntA॑ pRthivI zi॑vama॒ntarikSa॒-ndyaurno᳚ de॒vya-'bha॑yanno astu |

zi॒vA॒ dizaH॑ pra॒diza॑ u॒ddizo᳚ na॒-'Apo᳚ vi॒zvataH॒ pari॑pAntu sa॒rvata॒-zzAnti॒-zzAnti॒-zzAntiH॑ ||