Mantra Matruka Pushpa Mala Stava
Mantra Matruka Pushpa Mala Stava
Mantra Matruka Pushpa Mala Stava
mantra mātṛkā puṣpa mālā stava
kallolollasitāmṛtābdhilaharīmadhye virājanmaṇi-
-dvīpe kalpakavāṭikāparivṛte kādambavāṭyujjvale |
ratnastambhasahasranirmitasabhāmadhye vimānottame
cintāratnavinirmitaṃ janani te siṃhāsanaṃ bhāvaye || 1 ||
eṇāṅkānalabhānumaṇḍalalasacchrīcakramadhye sthitāṃ
bālārkadyutibhāsurāṃ karatalaiḥ pāśāṅkuśau bibhratīm |
cāpaṃ bāṇamapi prasannavadanāṃ kausumbhavastrānvitāṃ
tāṃ tvāṃ candrakalāvataṃsamakuṭāṃ cārusmitāṃ bhāvaye || 2 ||
īśānādipadaṃ śivaikaphaladaṃ ratnāsanaṃ te śubhaṃ
pādyaṃ kuṅkumacandanādibharitairarghyaṃ saratnākṣataiḥ |
śuddhairācamanīyakaṃ tava jalairbhaktyā mayā kalpitaṃ
kāruṇyāmṛtavāridhe tadakhilaṃ santuṣṭaye kalpatām || 3 ||
lakṣye yogijanasya rakṣitajagajjāle viśālekṣaṇe
prāleyāmbupaṭīrakuṅkumalasatkarpūramiśrodakaiḥ |
gokṣīrairapi nārikelasalilaiḥ śuddhodakairmantritaiḥ
snānaṃ devi dhiyā mayaitadakhilaṃ santuṣṭaye kalpatām || 4 ||
hrīṃkārāṅkitamantralakṣitatano hemācalātsañcitaiḥ
ratnairujjvalamuttarīyasahitaṃ kausumbhavarṇāṃśukam |
muktāsantatiyajñasūtramamalaṃ sauvarṇatantūdbhavaṃ
dattaṃ devi dhiyā mayaitadakhilaṃ santuṣṭaye kalpatām || 5 ||
haṃsairapyatilobhanīyagamane hārāvalīmujjvalāṃ
hindoladyutihīrapūritatare hemāṅgade kaṅkaṇe |
mañjīrau maṇikuṇḍale makuṭamapyardhenducūḍāmaṇiṃ
nāsāmauktikamaṅgulīyakaṭakau kāñcīmapi svīkuru || 6 ||
sarvāṅge ghanasārakuṅkumaghanaśrīgandhapaṅkāṅkitaṃ
kastūrītilakaṃ ca phālaphalake gorocanāpatrakam |
gaṇḍādarśanamaṇḍale nayanayordivyāñjanaṃ te'ñcitaṃ
kaṇṭhābje mṛganābhipaṅkamamalaṃ tvatprītaye kalpatām || 7 ||
kahlārotpalamallikāmaruvakaiḥ sauvarṇapaṅkeruhai-
-rjātīcampakamālatīvakulakairmandārakundādibhiḥ |
ketakyā karavīrakairbahuvidhaiḥ kluptāḥ srajo mālikāḥ
saṅkalpena samarpayāmi varade santuṣṭaye gṛhyatām || 8 ||
hantāraṃ madanasya nandayasi yairaṅgairanaṅgojjvalai-
-ryairbhṛṅgāvalinīlakuntalabharairbadhnāsi tasyāśayam |
tānīmāni tavāmba komalatarāṇyāmodalīlāgṛhā-
-ṇyāmodāya daśāṅgaguggulughṛtairdhūpairahaṃ dhūpaye || 9 ||
lakṣmīmujjvalayāmi ratnanivahodbhāsvattare mandire
mālārūpavilambitairmaṇimayastambheṣu sambhāvitaiḥ |
citrairhāṭakaputrikākaradhṛtairgavyairghṛtairvardhitai-
-rdivyairdīpagaṇairdhiyā girisute santuṣṭaye kalpatām || 10 ||
hrīṃkāreśvari taptahāṭakakṛtaiḥ sthālīsahasrairbhṛtaṃ
divyānnaṃ ghṛtasūpaśākabharitaṃ citrānnabhedaṃ tathā |
dugdhānnaṃ madhuśarkarādadhiyutaṃ māṇikyapātre sthitaṃ
māṣāpūpasahasramamba saphalaṃ naivedyamāvedaye || 11 ||
sacchāyairvaraketakīdalarucā tāmbūlavallīdalaiḥ
pūgairbhūriguṇaiḥ sugandhimadhuraiḥ karpūrakhaṇḍojjvalaiḥ |
muktācūrṇavirājitairbahuvidhairvaktrāmbujāmodanaiḥ
pūrṇā ratnakalācikā tava mude nyastā purastādume || 12 ||
kanyābhiḥ kamanīyakāntibhiralaṅkārāmalārārtikā
pātre mauktikacitrapaṅktivilasatkarpūradīpālibhiḥ |
tattattālamṛdaṅgagītasahitaṃ nṛtyatpadāmbhoruhaṃ
mantrārādhanapūrvakaṃ suvihitaṃ nīrājanaṃ gṛhyatām || 13 ||
lakṣmīrmauktikalakṣakalpitasitacchattraṃ tu dhatte rasā-
-dindrāṇī ca ratiśca cāmaravare dhatte svayaṃ bhāratī |
vīṇāmeṇavilocanāḥ sumanasāṃ nṛtyanti tadrāgava-
-dbhāvairāṅgikasāttvikaiḥ sphuṭarasaṃ mātastadākarṇyatām || 14 ||
hrīṃkāratrayasampuṭena manunopāsye trayīmaulibhi-
-rvākyairlakṣyatano tava stutividhau ko vā kṣametāmbike |
sallāpāḥ stutayaḥ pradakṣiṇaśataṃ sañcāra evāstu te
saṃveśo namasaḥ sahasramakhilaṃ tvatprītaye kalpatām || 15 ||
śrīmantrākṣaramālayā girisutāṃ yaḥ pūjayeccetasā
sandhyāsu prativāsaraṃ suniyatastasyāmalaṃ syānmanaḥ |
cittāmbhoruhamaṇṭape girisutā nṛttaṃ vidhatte rasā-
-dvāṇī vaktrasaroruhe jaladhijā gehe jaganmaṅgalā || 16 ||
iti girivaraputrīpādarājīvabhūṣā
bhuvanamamalayantī sūktisaurabhyasāraiḥ |
śivapadamakarandasyandinīyaṃ nibaddhā
madayatu kavibhṛṅgānmātṛkāpuṣpamālā || 17 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau mantramātṛkāpuṣpamālā stavaḥ |
About This Stotram
Overview
The Mantra Matruka Pushpa Mala Stava is a 17-verse Sanskrit stava (hymn of praise) whose title translates as "a garland of flowers from the seed-syllables of mantras." The text invokes a supreme Goddess associated with a divine throne, drawing on the Tantric concept of the Matruka — the primordial Sanskrit syllables from which all mantras and creation emanate. It belongs to the Shakta Tantric tradition, where the Sanskrit alphabet itself is treated as a form of the divine feminine.
What are the benefits of chanting Mantra Matruka Pushpa Mala Stava?
- Invokes the divine energy associated with the Matruka syllables
- Supports mantra japa and meditative practice
- Purification through devotion to the source of sacred sound
- Deepens connection with the Shakta Tantric tradition
When is the best time to recite this?
Morning or evening during dedicated periods of prayer and mantra practice. It may also be used within specific pujas or rituals directed toward the Shakta deity invoked.
What is the historical and traditional background?
The Matruka system — the enumeration of the Sanskrit alphabet as a manifestation of Shakti — is central to Tantric traditions, particularly Kashmiri Shaivism and related Shakta schools. Compositions structured as garlands of mantra-syllables are a recognized genre within this framework. The author and date of composition of this specific stava are unknown. The text is not identified within the major Puranas and likely represents a specialized Tantric or scholarly devotional composition. Its 17-verse structure is not a standard format, which suggests it may be a standalone work rather than an excerpt.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Lalita Sahasranama — a Shakta text that also addresses the Goddess in relation to mantra and creation
- Soundarya Lahari — a Shakta hymn by Adi Shankaracharya that draws extensively on Tantric mantra theory