Mantra Matruka Pushpa Mala Stava
Mantra Matruka Pushpa Mala Stava
mantra mAtRkA puSpa mAlA stava
kallolollasitAmRtAbdhilaharImadhye virAjanmaNi-
-dvIpe kalpakavATikAparivRte kAdambavATyujjvale |
ratnastambhasahasranirmitasabhAmadhye vimAnottame
cintAratnavinirmitaM janani te siMhAsanaM bhAvaye || 1 ||
eNAGkAnalabhAnumaNDalalasacchrIcakramadhye sthitAM
bAlArkadyutibhAsurAM karatalaiH pAzAGkuzau bibhratIm |
cApaM bANamapi prasannavadanAM kausumbhavastrAnvitAM
tAM tvAM candrakalAvataMsamakuTAM cArusmitAM bhAvaye || 2 ||
IzAnAdipadaM zivaikaphaladaM ratnAsanaM te zubhaM
pAdyaM kuGkumacandanAdibharitairarghyaM saratnAkSataiH |
zuddhairAcamanIyakaM tava jalairbhaktyA mayA kalpitaM
kAruNyAmRtavAridhe tadakhilaM santuSTaye kalpatAm || 3 ||
lakSye yogijanasya rakSitajagajjAle vizAlekSaNe
prAleyAmbupaTIrakuGkumalasatkarpUramizrodakaiH |
gokSIrairapi nArikelasalilaiH zuddhodakairmantritaiH
snAnaM devi dhiyA mayaitadakhilaM santuSTaye kalpatAm || 4 ||
hrIMkArAGkitamantralakSitatano hemAcalAtsaJcitaiH
ratnairujjvalamuttarIyasahitaM kausumbhavarNAMzukam |
muktAsantatiyajJasUtramamalaM sauvarNatantUdbhavaM
dattaM devi dhiyA mayaitadakhilaM santuSTaye kalpatAm || 5 ||
haMsairapyatilobhanIyagamane hArAvalImujjvalAM
hindoladyutihIrapUritatare hemAGgade kaGkaNe |
maJjIrau maNikuNDale makuTamapyardhenducUDAmaNiM
nAsAmauktikamaGgulIyakaTakau kAJcImapi svIkuru || 6 ||
sarvAGge ghanasArakuGkumaghanazrIgandhapaGkAGkitaM
kastUrItilakaM ca phAlaphalake gorocanApatrakam |
gaNDAdarzanamaNDale nayanayordivyAJjanaM te'JcitaM
kaNThAbje mRganAbhipaGkamamalaM tvatprItaye kalpatAm || 7 ||
kahlArotpalamallikAmaruvakaiH sauvarNapaGkeruhai-
-rjAtIcampakamAlatIvakulakairmandArakundAdibhiH |
ketakyA karavIrakairbahuvidhaiH kluptAH srajo mAlikAH
saGkalpena samarpayAmi varade santuSTaye gRhyatAm || 8 ||
hantAraM madanasya nandayasi yairaGgairanaGgojjvalai-
-ryairbhRGgAvalinIlakuntalabharairbadhnAsi tasyAzayam |
tAnImAni tavAmba komalatarANyAmodalIlAgRhA-
-NyAmodAya dazAGgaguggulughRtairdhUpairahaM dhUpaye || 9 ||
lakSmImujjvalayAmi ratnanivahodbhAsvattare mandire
mAlArUpavilambitairmaNimayastambheSu sambhAvitaiH |
citrairhATakaputrikAkaradhRtairgavyairghRtairvardhitai-
-rdivyairdIpagaNairdhiyA girisute santuSTaye kalpatAm || 10 ||
hrIMkArezvari taptahATakakRtaiH sthAlIsahasrairbhRtaM
divyAnnaM ghRtasUpazAkabharitaM citrAnnabhedaM tathA |
dugdhAnnaM madhuzarkarAdadhiyutaM mANikyapAtre sthitaM
mASApUpasahasramamba saphalaM naivedyamAvedaye || 11 ||
sacchAyairvaraketakIdalarucA tAmbUlavallIdalaiH
pUgairbhUriguNaiH sugandhimadhuraiH karpUrakhaNDojjvalaiH |
muktAcUrNavirAjitairbahuvidhairvaktrAmbujAmodanaiH
pUrNA ratnakalAcikA tava mude nyastA purastAdume || 12 ||
kanyAbhiH kamanIyakAntibhiralaGkArAmalArArtikA
pAtre mauktikacitrapaGktivilasatkarpUradIpAlibhiH |
tattattAlamRdaGgagItasahitaM nRtyatpadAmbhoruhaM
mantrArAdhanapUrvakaM suvihitaM nIrAjanaM gRhyatAm || 13 ||
lakSmIrmauktikalakSakalpitasitacchattraM tu dhatte rasA-
-dindrANI ca ratizca cAmaravare dhatte svayaM bhAratI |
vINAmeNavilocanAH sumanasAM nRtyanti tadrAgava-
-dbhAvairAGgikasAttvikaiH sphuTarasaM mAtastadAkarNyatAm || 14 ||
hrIMkAratrayasampuTena manunopAsye trayImaulibhi-
-rvAkyairlakSyatano tava stutividhau ko vA kSametAmbike |
sallApAH stutayaH pradakSiNazataM saJcAra evAstu te
saMvezo namasaH sahasramakhilaM tvatprItaye kalpatAm || 15 ||
zrImantrAkSaramAlayA girisutAM yaH pUjayeccetasA
sandhyAsu prativAsaraM suniyatastasyAmalaM syAnmanaH |
cittAmbhoruhamaNTape girisutA nRttaM vidhatte rasA-
-dvANI vaktrasaroruhe jaladhijA gehe jaganmaGgalA || 16 ||
iti girivaraputrIpAdarAjIvabhUSA
bhuvanamamalayantI sUktisaurabhyasAraiH |
zivapadamakarandasyandinIyaM nibaddhA
madayatu kavibhRGgAnmAtRkApuSpamAlA || 17 ||
iti zrImatparamahaMsaparivrAjakAcAryasya zrIgovindabhagavatpUjyapAdaziSyasya zrImacchaGkarabhagavataH kRtau mantramAtRkApuSpamAlA stavaH |
About This Stotram
Overview
The Mantra Matruka Pushpa Mala Stava is a 17-verse Sanskrit stava (hymn of praise) whose title translates as "a garland of flowers from the seed-syllables of mantras." The text invokes a supreme Goddess associated with a divine throne, drawing on the Tantric concept of the Matruka — the primordial Sanskrit syllables from which all mantras and creation emanate. It belongs to the Shakta Tantric tradition, where the Sanskrit alphabet itself is treated as a form of the divine feminine.
What are the benefits of chanting Mantra Matruka Pushpa Mala Stava?
- Invokes the divine energy associated with the Matruka syllables
- Supports mantra japa and meditative practice
- Purification through devotion to the source of sacred sound
- Deepens connection with the Shakta Tantric tradition
When is the best time to recite this?
Morning or evening during dedicated periods of prayer and mantra practice. It may also be used within specific pujas or rituals directed toward the Shakta deity invoked.
What is the historical and traditional background?
The Matruka system — the enumeration of the Sanskrit alphabet as a manifestation of Shakti — is central to Tantric traditions, particularly Kashmiri Shaivism and related Shakta schools. Compositions structured as garlands of mantra-syllables are a recognized genre within this framework. The author and date of composition of this specific stava are unknown. The text is not identified within the major Puranas and likely represents a specialized Tantric or scholarly devotional composition. Its 17-verse structure is not a standard format, which suggests it may be a standalone work rather than an excerpt.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Lalita Sahasranama — a Shakta text that also addresses the Goddess in relation to mantra and creation
- Soundarya Lahari — a Shakta hymn by Adi Shankaracharya that draws extensively on Tantric mantra theory