Manidweepa Varnana
Manidweepa Varnana
Manidweepa Varnana
maNidvIpa varNana - 1 (devI bhAgavatam)
(shrIdevIbhAgavataM, dvAdasha skandhaM, dashamo.adhyAyaH, , maNidvIpa varNana - 1)
vyAsa uvAcha –
brahmalokAdUrdhvabhAge sarvaloko.asti yaH shrutaH |
maNidvIpaH sa evAsti yatra devI virAjate || 1 ||
sarvasmAdadhiko yasmAtsarvalokastataH smRRitaH |
purA parAmbayaivAyaM kalpito manasechChayA || 2 ||
sarvAdau nijavAsArthaM prakRRityA mUlabhUtayA |
kailAsAdadhiko loko vaikuNThAdapi chottamaH || 3 ||
golokAdapi sarvasmAtsarvaloko.adhikaH smRRitaH |
naitatsamaM trilokyAM tu sundaraM vidyate kvachit || 4 ||
ChatrIbhUtaM trijagato bhavasantApanAshakam |
ChAyAbhUtaM tadevAsti brahmANDAnAM tu sattama || 5 ||
bahuyojanavistIrNo gambhIrastAvadeva hi |
maNidvIpasya parito vartate tu sudhodadhiH || 6 ||
marutsaNghaTTanotkIrNataraNga shatasa~NkulaH |
ratnAchChavAlukAyukto jhaShasha~NkhasamAkulaH || 7 ||
vIchisaNgharShasanjAtalaharIkaNashItalaH |
nAnAdhvajasamAyuktA nAnApotagatAgataiH || 8 ||
virAjamAnaH paritastIraratnadrumo mahAn |
taduttaramayodhAtunirmito gagane tataH || 9 ||
saptayojanavistIrNaH prAkAro vartate mahAn |
nAnAshastrapraharaNA nAnAyuddhavishAradAH || 10 ||
rakShakA nivasantyatra modamAnAH samantataH |
chaturdvArasamAyukto dvArapAlashatAnvitaH || 11 ||
nAnAgaNaiH parivRRito devIbhaktiyutairnRRipa |
darshanArthaM samAyAnti ye devA jagadIshituH || 12 ||
teShAM gaNA vasantyatra vAhanAni cha tatra hi |
vimAnashatasa~NgharShaghaNTAsvanasamAkulaH || 13 ||
hayaheShAkhurAghAtabadhirIkRRitadimmukhaH |
gaNaiH kilakilArAvairvetrahastaishcha tADitAH || 14 ||
sevakA devasa~NgAnAM bhrAjante tatra bhUmipa |
tasmi~NkolAhale rAjannashabdaH kenachitkvachit || 15 ||
kasyachichChrUyate.atyantaM nAnAdhvanisamAkule |
pade pade miShTavAriparipUrNasarAnsi cha || 16 ||
vATikA vividhA rAjan ratnadrumavirAjitAH |
taduttaraM mahAsAradhAtunirmitamaNDalaH || 17 ||
sAlo.aparo mahAnasti gaganasparshi yachChiraH |
tejasA syAchChataguNaH pUrvasAlAdayaM paraH || 18 ||
gopuradvArasahito bahuvRRikShasamanvitaH |
yA vRRikShajAtayaH santi sarvAstAstatra santi cha || 19 ||
nirantaraM puShpayutAH sadA phalasamanvitAH |
navapallavasaMyuktAH parasaurabhasa~NkulAH || 20 ||
panasA bakulA lodhrAH karNikArAshcha shiMshapAH |
devadArukA~nchanArA AmrAshchaiva sumeravaH || 21 ||
likuchA hiNgulAshchailA lavaNgAH kaTphalAstathA |
pATalA muchukundAshcha phalinyo jaghanephalAH || 22 ||
tAlAstamAlAH sAlAshcha ka~NkolA nAgabhadrakAH |
punnAgAH pIlavaH sAlvakA vai karpUrashAkhinaH || 23 ||
ashvakarNA hastikarNAstAlaparNAshcha dADimAH |
gaNikA bandhujIvAshcha jambIrAshcha kuraNDakAH || 24 ||
chAmpeyA bandhujIvAshcha tathA vai kanakadrumAH |
kAlAgurudrumAshchaiva tathA chandanapAdapAH || 25 ||
kharjUrA yUthikAstAlaparNyashchaiva tathekShavaH |
kShIravRRikShAshcha khadirAshchi~nchAbhallAtakAstathA || 26 ||
ruchakAH kuTajA vRRikShA bilvavRRikShAstathaiva cha |
tulasInAM vanAnyevaM mallikAnAM tathaiva cha || 27 ||
ityAditarujAtInAM vanAnyupavanAni cha |
nAnAvApIshatairyuktAnyevaM santi dharAdhipa || 28 ||
kokilArAvasaMyuktA gunjadbhramarabhUShitAH |
niryAsasrAviNaH sarve snigdhachChAyAstarUttamAH || 29 ||
nAnARRitubhavA vRRikShA nAnApakShisamAkulAH |
nAnArasasrAviNIbhirnadIbhiratishobhitAH || 30 ||
pArAvatashukavrAtasArikApakShamArutaiH |
haMsapakShasamudbhUta vAtavrAtaishchaladdrumam || 31 ||
sugandhagrAhipavanapUritaM tadvanottamam |
sahitaM hariNIyUthairdhAvamAnairitastataH || 32 ||
nRRityadbarhikadambasya kekArAvaiH sukhapradaiH |
nAditaM tadvanaM divyaM madhusrAvi samantataH || 33 ||
kAMsyasAlAduttare tu tAmrasAlaH prakIrtitaH |
chaturasrasamAkAra unnatyA saptayojanaH || 34 ||
dvayostu sAlayormadhye samproktA kalpavATikA |
yeShAM tarUNAM puShpANi kA~nchanAbhAni bhUmipa || 35 ||
patrANi kA~nchanAbhAni ratnabIjaphalAni cha |
dashayojanagandho hi prasarpati samantataH || 36 ||
tadvanaM rakShitaM rAjanvasantenartunAnisham |
puShpasiMhAsanAsInaH puShpachChatravirAjitaH || 37 ||
puShpabhUShAbhUShitashcha puShpAsavavighUrNitaH |
madhushrIrmAdhavashrIshcha dve bhArye tasya sammate || 38 ||
krIDataH smeravadane sumastabakakandukaiH |
atIva ramyaM vipinaM madhusrAvi samantataH || 39 ||
dashayojanaparyantaM kusumAmodavAyunA |
pUritaM divyagandharvaiH sA~NganairgAnalolupaiH || 40 ||
shobhitaM tadvanaM divyaM mattakokilanAditam |
vasantalakShmIsaMyuktaM kAmikAmapravardhanam || 41 ||
tAmrasAlAduttaratra sIsasAlaH prakIrtitaH |
samuchChrAyaH smRRito.apyasya saptayojanasa~NkhyayA || 42 ||
santAnavATikAmadhye sAlayostu dvayornRRipa |
dashayojanagandhastu prasUnAnAM samantataH || 43 ||
hiraNyAbhAni kusumAnyutphullAni nirantaram |
amRRitadravasaMyuktaphalAni madhurANi cha || 44 ||
grIShmarturnAyakastasyA vATikAyA nRRipottama |
shukrashrIshcha shuchishrIshcha dve bhArye tasya sammate || 45 ||
santApatrastalokAstu vRRikShamUleShu saMsthitAH |
nAnAsiddhaiH parivRRito nAnAdevaiH samanvitaH || 46 ||
vilAsinInAM bRRindaistu chandanadravapa~NkilaiH |
puShpamAlAbhUShitaistu tAlavRRintakarAmbujaiH || 47 ||
prakAraH shobhito ejachChItalAmbuniShevibhiH |
sIsasAlAduttaratrApyArakUTamayaH shubhaH || 48 ||
prAkAro vartate rAjanmuniyojanadairghyavAn |
harichandanavRRikShANAM vATI madhye tayoH smRRitA || 49 ||
sAlayoradhinAthastu varSharturmeghavAhanaH |
vidyutpi~Ngalanetrashcha jImUtakavachaH smRRitaH || 50 ||
vajranirghoShamukharashchendradhanvA samantataH |
sahasrasho vAridhArA mu~nchannAste gaNAvRRitaH || 51 ||
nabhaH shrIshcha nabhasyashrIH svarasyA rasyamAlinI |
ambA dulA niratnishchAbhramantI meghayantikA || 52 ||
varShayantI chibuNikA vAridhArA cha sammatAH |
varShartordvAdasha proktAH shaktayo madavihvalAH || 53 ||
navapallavavRRikShAshcha navInalatikAnvitAH |
haritAni tRRiNAnyeva veShTitA yairdharA.akhilA || 54 ||
nadInadapravAhAshcha pravahanti cha vegataH |
sarAMsi kaluShAmbUni rAgichittasamAni cha || 55 ||
vasanti devAH siddhAshcha ye devIkarmakAriNaH |
vApIkUpataDAgAshcha ye devyarthaM samarpitAH || 56 ||
te gaNA nivasantyatra savilAsAshcha sA~NganAH |
ArakUTamayAdagre saptayojanadairghyavAn || 57 ||
pa~nchalohAtmakaH sAlo madhye mandAravATikA |
nAnApuShpalatAkIrNA nAnApallavashobhitA || 58 ||
adhiShThAtA.atra samproktaH sharadRRituranAmayaH |
iShalakShmIrUrjalakShmIrdve bhArye tasya sammate || 59 ||
nAnAsiddhA vasantyatra sA~NganAH saparichChadAH |
pa~nchalohamayAdagre saptayojanadairghyavAn || 60 ||
dIpyamAno mahAshRRi~Ngairvartate raupyasAlakaH |
pArijAtATavImadhye prasUnastabakAnvitA || 61 ||
dashayojanagandhIni kusumAni samantataH |
modayanti gaNAnsarvAnye devIkarmakAriNaH || 62 ||
tatrAdhinAthaH samprokto hemantarturmahojjvalaH |
sagaNaH sAyudhaH sarvAn rAgiNo ra~njayannapaH || 63 ||
sahashrIshcha sahasyashrIrdve bhArye tasya sammate |
vasanti tatra siddhAshcha ye devIvratakAriNaH || 64 ||
raupyasAlamayAdagre saptayojanadairghyavAn |
sauvarNasAlaH samproktastaptahATakakalpitaH || 65 ||
madhye kadambavATI tu puShpapallavashobhitA |
kadambamadirAdhArAH pravartante sahasrashaH || 66 ||
yAbhirnipItapItAbhirnijAnando.anubhUyate |
tatrAdhinAthaH samproktaH shaishirarturmahodayaH || 67 ||
tapaHshrIshcha tapasyashrIrdve bhArye tasya sammate |
modamAnaH sahaitAbhyAM vartate shishirAkRRitiH || 68 ||
nAnAvilAsasaMyukto nAnAgaNasamAvRRitaH |
nivasanti mahAsiddhA ye devIdAnakAriNaH || 69 ||
nAnAbhogasamutpannamahAnandasamanvitAH |
sANganAH parivAraistu saNghashaH parivAritAH || 70 ||
svarNasAlamayAdagre muniyojanadairghyavAn |
puShparAgamayaH sAlaH ku~NkumAruNavigrahaH || 71 ||
puShparAgamayI bhUmirvanAnyupavanAni cha |
ratnavRRikShAlavAlAshcha puShparAgamayAH smRRitAH || 72 ||
prAkAro yasya ratnasya tadratnarachitA drumAH |
vanabhUH pakShinashchaiva ratnavarNajalAni cha || 73 ||
maNDapA maNDapastambhAH sarAnsi kamalAni cha |
prAkAre tatra yadyatsyAttatsarvaM tatsamaM bhavet || 74 ||
paribhASheyamuddiShTA ratnasAlAdiShu prabho |
tejasA syAllakShaguNaH pUrvasAlAtparo nRRipa || 75 ||
dikpAlA nivasantyatra pratibrahmAnDavartinAm |
dikpAlAnAM samaShTyAtmarUpAH sphUrjadvarAyudhAH || 76 ||
pUrvAshAyAM samuttuNgashRRiNgA pUramarAvatI |
nAnopavanasaMyuktA mahendrastatra rAjate || 77 ||
svargashobhA cha yA svarge yAvatI syAttato.adhikA |
samaShTishatanetrasya sahasraguNataH smRRitA || 78 ||
airAvatasamArUDho vajrahastaH pratApavAn |
devasenAparivRRito rAjate.atra shatakratuH || 79 ||
devA~NganAgaNayutA shachI tatra virAjate |
vahnikoNe vahnipurI vahnipUH sadRRishI nRRipa || 80 ||
svAhAsvadhAsamAyukto vahnistatra virAjate |
nijavAhanabhUShADhyo nijadevagaNairvRRitaH || 81 ||
yAmyAshAyAM yamapurI tatra daNDadharo mahAn |
svabhaTairveShTito rAjan chitraguptapurogamaiH || 82 ||
nijashaktiyuto bhAsvattanayo.asti yamo mahAn |
nairRRityAM dishi rAkShasyAM rAkShasaiH parivAritaH || 83 ||
khaDgadhArI sphurannAste nirRRitirnijashaktiyuk |
vAruNyAM varuNo rAjA pAshadhArI pratApavAn || 84 ||
mahAjhashasamArUDho vAruNImadhuvihvalaH |
nijashaktisamAyukto nijayAdogaNAnvitaH || 85 ||
samAste vAruNe loke varuNAnIratAkulaH |
vAyukoNe vAyuloko vAyustatrAdhitiShThati || 86 ||
vAyusAdhanasaMsiddhayogibhiH parivAritaH |
dhvajahasto vishAlAkSho mRRigavAhanasaMsthitaH || 87 ||
marudgaNaiH parivRRito nijashaktisamanvitaH |
uttarasyAM dishi mahAnyakShaloko.asti bhUmipa || 88 ||
yakShAdhirAjastatrA.a.aste vRRiddhiRRiddhyAdishaktibhiH |
navabhirnidhibhiryuktastundilo dhananAyakaH || 89 ||
maNibhadraH pUrNabhadro maNimAnmaNikandharaH |
maNibhUSho maNisragvI maNikArmukadhArakaH || 90 ||
ityAdiyakShasenAnIsahito nijashaktiyuk |
IshAnakoNe samprokto rudraloko mahattaraH || 91 ||
anarghyaratnakhachito yatra rudro.adhidaivatam |
manyumAndIptanayano baddhapRRiShThamaheShudhiH || 92 ||
sphUrjaddhanurvAmahasto.adhijyadhanvabhirAvRRitaH |
svasamAnairasa~NkhyAtarudraiH shUlavarAyudhaiH || 93 ||
vikRRitAsyaiH karAlAsyairvamadvahnibhirAsyataH |
dashahastaiH shatakaraiH sahasrabhujasaMyutaiH || 94 ||
dashapAdairdashagrIvaistrinetrairugramUrtibhiH |
antarikShacharA ye cha ye cha bhUmicharAH smRRitAH || 95 ||
rudrAdhyAye smRRitA rudrAstaiH sarvaishcha samAvRRitaH |
rudrANIkoTisahito bhadrakAlyAdimAtRRibhiH || 96 ||
nAnAshaktisamAviShTaDAmaryAdigaNAvRRitaH |
vIrabhadrAdisahito rudro rAjanvirAjate || 97 ||
muNDamAlAdharo nAgavalayo nAgakandharaH |
vyAghracharmaparIdhAno gajacharmottarIyakaH || 98 ||
chitAbhasmANgaliptANgaH pramathAdigaNAvRRitaH |
ninadaDDamarudhvAnairbadhirIkRRitadimmukhaH || 99 ||
aTTahAsAsphoTashabdaiH santrAsitanabhastalaH |
bhUtasa~NghasamAviShTo bhUtAvAso maheshvaraH || 100 ||
IshAnadikpatiH so.ayaM nAmnA cheshAna eva cha || 101 ||
iti shrIdevIbhAgavate mahApurANe dvAdashaskandhe maNidvIpavarNanaM nAma dashamo.adhyAyaH ||
About This Stotram
Overview
Manidweepa Varnana is a 101-verse Sanskrit text describing the celestial abode of the Supreme Goddess, Manidweepa — a transcendent realm beyond material and celestial existence. It is drawn from the Devi Bhagavatam, Twelfth Skandha, Tenth Adhyaya, a Mahapurana dedicated to the Divine Mother (Devi). The text is narrated by Vyasa and belongs to the Shakta devotional tradition.
What are the benefits of chanting Manidweepa Varnana?
- Deepens understanding of Devi's cosmic supremacy in Shaktism
- Supports meditative visualization of the divine abode
- Purification through contemplation of the Goddess's transcendent nature
- Cultivation of devotion to the Divine Mother
When is the best time to recite this?
Recitation is appropriate during morning and evening prayers. Navaratri and Durga Puja are the most auspicious occasions for engaging with this text.
What is the historical and traditional background?
The Devi Bhagavatam is a Mahapurana attributed to Vyasa and is considered a foundational scripture of Shaktism. Scholars generally date its composition to between the 9th and 14th centuries CE, though the tradition regards it as much older. The Manidweepa Varnana section serves as the text's ultimate theological statement, depicting the Goddess as the supreme reality from whom all existence arises. It occupies a position in Shaktism analogous to the description of Vaikuntha in Vaishnava texts.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Lalita Sahasranama Stotram — the thousand names of Lalita Tripura Sundari, the primary deity of Manidweepa, from the same Shakta tradition
- Devi Mahatmyam — the core scripture of Shaktism from the Markandeya Purana, honoring the same Supreme Goddess