Mahendra Kruta Mahalakshmi Stotram

ମହେନ୍ଦ୍ର କୃତ ମହାଲକ୍ଷ୍ମୀ ସ୍ତୋତ୍ରଂ

ଶ୍ଲୋକ 1

ମହେନ୍ଦ୍ର ଉଵାଚ

ନମଃ କମଲଵାସିନ୍ଯୈ ନାରାଯଣ୍ଯୈ ନମୋ ନମଃ ।

କୃଷ୍ଣପ୍ରିଯାଯୈ ସାରାଯୈ ପଦ୍ମାଯୈ ଚ ନମୋ ନମଃ

ଶ୍ଲୋକ 2

ପଦ୍ମପତ୍ରେକ୍ଷଣାଯୈ ଚ ପଦ୍ମାସ୍ଯାଯୈ ନମୋ ନମଃ ।

ପଦ୍ମାସନାଯୈ ପଦ୍ମିନ୍ଯୈ ଵୈଷ୍ଣଵ୍ଯୈ ଚ ନମୋ ନମଃ

॥ 1 ॥

ଶ୍ଲୋକ 3

ସର୍ଵସମ୍ପତ୍ସ୍ଵରୂପାଯୈ ସର୍ଵଦାତ୍ର୍ଯୈ ନମୋ ନମଃ ।

ସୁଖଦାଯୈ ମୋକ୍ଷଦାଯୈ ସିଦ୍ଧିଦାଯୈ ନମୋ ନମଃ

॥ 2 ॥

ଶ୍ଲୋକ 4

ହରିଭକ୍ତିପ୍ରଦାତ୍ର୍ଯୈ ଚ ହର୍ଷଦାତ୍ର୍ଯୈ ନମୋ ନମଃ ।

କୃଷ୍ଣଵକ୍ଷଃସ୍ଥିତାଯୈ ଚ କୃଷ୍ଣେଶାଯୈ ନମୋ ନମଃ

॥ 3 ॥

ଶ୍ଲୋକ 5

କୃଷ୍ଣଶୋଭାସ୍ଵରୂପାଯୈ ରତ୍ନାଢ୍ଯାଯୈ ନମୋ ନମଃ ।

ସମ୍ପତ୍ଯଧିଷ୍ଠାତୃଦେଵ୍ଯୈ ମହାଦେଵ୍ଯୈ ନମୋ ନମଃ

॥ 4 ॥

ଶ୍ଲୋକ 6

ସସ୍ଯାଧିଷ୍ଠାତୃଦେଵ୍ଯୈ ଚ ସସ୍ଯଲକ୍ଷ୍ମ୍ଯୈ ନମୋ ନମଃ ।

ନମୋ ବୁଦ୍ଧିସ୍ଵରୂପାଯୈ ବୁଦ୍ଧିଦାଯୈ ନମୋ ନମଃ

॥ 5 ॥

ଶ୍ଲୋକ 7

ଵୈକୁଣ୍ଠେ ଚ ମହାଲକ୍ଷ୍ମୀର୍ଲକ୍ଷ୍ମୀଃ କ୍ଷୀରୋଦସାଗରେ ।

ସ୍ଵର୍ଗଲକ୍ଷ୍ମୀରିନ୍ଦ୍ରଗେହେ ରାଜଲକ୍ଷ୍ମୀର୍ନୃପାଲଯେ

॥ 6 ॥

ଶ୍ଲୋକ 8

ଗୃହଲକ୍ଷ୍ମୀଶ୍ଚ ଗୃହିଣାଂ ଗେହେ ଚ ଗୃହଦେଵତା ।

ସୁରଭିଃ ସା ଗଵାଂ ମାତା ଦକ୍ଷିଣା ଯଜ୍ଞକାମିନୀ

॥ 7 ॥

ଶ୍ଲୋକ 9

ଅଦିତିର୍ଦେଵମାତା ତ୍ଵଂ କମଲା କମଲାଲଯେ ।

ସ୍ଵାହା ତ୍ଵଂ ଚ ହଵିର୍ଦାନେ କଵ୍ଯଦାନେ ସ୍ଵଧା ସ୍ମୃତା

॥ 8 ॥

ଶ୍ଲୋକ 10

ତ୍ଵଂ ହି ଵିଷ୍ଣୁସ୍ଵରୂପା ଚ ସର୍ଵାଧାରା ଵସୁନ୍ଧରା ।

ଶୁଦ୍ଧସତ୍ତ୍ଵସ୍ଵରୂପା ତ୍ଵଂ ନାରାଯଣପରାଯାଣା

॥ 9 ॥

ଶ୍ଲୋକ 11

କ୍ରୋଧହିଂସାଵର୍ଜିତା ଚ ଵରଦା ଚ ଶୁଭାନନା ।

ପରମାର୍ଥପ୍ରଦା ତ୍ଵଂ ଚ ହରିଦାସ୍ଯପ୍ରଦା ପରା

॥ 10 ॥

ଶ୍ଲୋକ 12

ଯଯା ଵିନା ଜଗତ୍ସର୍ଵଂ ଭସ୍ମୀଭୂତମସାରକମ୍ ।

ଜୀଵନ୍ମୃତଂ ଚ ଵିଶ୍ଵଂ ଚ ଶଵତୁଲ୍ଯଂ ଯଯା ଵିନା

॥ 11 ॥

ଶ୍ଲୋକ 13

ସର୍ଵେଷାଂ ଚ ପରା ତ୍ଵଂ ହି ସର୍ଵବାନ୍ଧଵରୂପିଣୀ ।

ଯଯା ଵିନା ନ ସମ୍ଭାଷ୍ଯୋ ବାନ୍ଧଵୈର୍ବାନ୍ଧଵଃ ସଦା

॥ 12 ॥

ଶ୍ଲୋକ 14

ତ୍ଵଯା ହୀନୋ ବନ୍ଧୁହୀନସ୍ତ୍ଵଯା ଯୁକ୍ତଃ ସବାନ୍ଧଵଃ ।

ଧର୍ମାର୍ଥକାମମୋକ୍ଷାଣାଂ ତ୍ଵଂ ଚ କାରଣରୂପିଣୀ

॥ 13 ॥

ଶ୍ଲୋକ 15

ସ୍ତନନ୍ଧଯାନାଂ ତ୍ଵଂ ମାତା ଶିଶୂନାଂ ଶୈଶଵେ ଯଥା ।

ତଥା ତ୍ଵଂ ସର୍ଵଦା ମାତା ସର୍ଵେଷାଂ ସର୍ଵଵିଶ୍ଵତଃ

॥ 14 ॥

ଶ୍ଲୋକ 16

ତ୍ଯକ୍ତସ୍ତନୋ ମାତୃହୀନଃ ସ ଚେଜ୍ଜୀଵତି ଦୈଵତଃ ।

ତ୍ଵଯା ହୀନୋ ଜନଃ କୋଽପି ନ ଜୀଵତ୍ଯେଵ ନିଶ୍ଚିତମ୍

॥ 15 ॥

ଶ୍ଲୋକ 17

ସୁପ୍ରସନ୍ନସ୍ଵରୂପା ତ୍ଵଂ ମେ ପ୍ରସନ୍ନା ଭଵାମ୍ବିକେ ।

ଵୈରିଗ୍ରସ୍ତଂ ଚ ଵିଷଯଂ ଦେହି ମହ୍ଯଂ ସନାତନି

॥ 16 ॥

ଶ୍ଲୋକ 18

ଵଯଂ ଯାଵତ୍ତ୍ଵଯା ହୀନା ବନ୍ଧୁହୀନାଶ୍ଚ ଭିକ୍ଷୁକାଃ ।

ସର୍ଵସମ୍ପଦ୍ଵିହୀନାଶ୍ଚ ତାଵଦେଵ ହରିପ୍ରିଯେ

॥ 17 ॥

ଶ୍ଲୋକ 19

ରାଜ୍ଯଂ ଦେହି ଶ୍ରିଯଂ ଦେହି ବଲଂ ଦେହି ସୁରେଶ୍ଵରି ।

କୀର୍ତିଂ ଦେହି ଧନଂ ଦେହି ପୁତ୍ରାନ୍ମହ୍ଯଂ ଚ ଦେହି ଵୈ

॥ 18 ॥

ଶ୍ଲୋକ 20

କାମଂ ଦେହି ମତିଂ ଦେହି ଭୋଗାନ୍ ଦେହି ହରିପ୍ରିଯେ ।

ଜ୍ଞାନଂ ଦେହି ଚ ଧର୍ମଂ ଚ ସର୍ଵସୌଭାଗ୍ଯମୀପ୍ସିତମ୍

॥ 19 ॥

ଶ୍ଲୋକ 21

ସର୍ଵାଧିକାରମେଵଂ ଵୈ ପ୍ରଭାଵାଂ ଚ ପ୍ରତାପକମ୍ ।

ଜଯଂ ପରାକ୍ରମଂ ଯୁଦ୍ଧେ ପରମୈଶ୍ଵର୍ଯମୈଵ ଚ

॥ 20 ॥

ଶ୍ଲୋକ 22

ଇତ୍ଯୁକ୍ତ୍ଵା ତୁ ମହେନ୍ଦ୍ରଶ୍ଚ ସର୍ଵୈଃ ସୁରଗଣୈଃ ସହ ।

ନନାମ ସାଶ୍ରୁନେତ୍ରୋଽଯଂ ମୂର୍ଧ୍ନା ଚୈଵ ପୁନଃ ପୁନଃ

॥ 21 ॥

ଶ୍ଲୋକ 23

ବ୍ରହ୍ମା ଚ ଶଙ୍କରଶ୍ଚୈଵ ଶେଷୋ ଧର୍ମଶ୍ଚ କେଶଵଃ ।

ସର୍ଵେ ଚକ୍ରୁଃ ପରୀହାରଂ ସୁରାର୍ଥେ ଚ ପୁନଃ ପୁନଃ

॥ 22 ॥

ଶ୍ଲୋକ 24

ଦେଵେଭ୍ଯଶ୍ଚ ଵରଂ ଦତ୍ତ୍ଵା ପୁଷ୍ପମାଲାଂ ମନୋହରାମ୍ ।

କେଶଵାଯ ଦଦୌ ଲକ୍ଷ୍ମୀଃ ସନ୍ତୁଷ୍ଟା ସୁରସଂସଦି

॥ 23 ॥

ଶ୍ଲୋକ 25

ଯଯୁର୍ଦୈଵାଶ୍ଚ ସନ୍ତୁଷ୍ଟାଃ ସ୍ଵଂ ସ୍ଵଂ ସ୍ଥାନଂ ଚ ନାରଦ ।

ଦେଵୀ ଯଯୌ ହରେଃ କ୍ରୋଡଂ ହୃଷ୍ଟା କ୍ଷୀରୋଦଶାଯିନଃ

॥ 24 ॥

ଶ୍ଲୋକ 26

ଯଯତୁସ୍ତୌ ସ୍ଵସ୍ଵଗୃହଂ ବ୍ରହ୍ମେଶାନୌ ଚ ନାରଦ ।

ଦତ୍ତ୍ଵା ଶୁଭାଶିଷଂ ତୌ ଚ ଦେଵେଭ୍ଯଃ ପ୍ରୀତିପୂର୍ଵକମ୍

॥ 25 ॥

ଶ୍ଲୋକ 27

ଇଦଂ ସ୍ତୋତ୍ରଂ ମହାପୁଣ୍ଯଂ ତ୍ରିସନ୍ଧ୍ଯଂ ଯଃ ପଠେନ୍ନରଃ ।

କୁବେରତୁଲ୍ଯଃ ସ ଭଵେଦ୍ରାଜରାଜେଶ୍ଵରୋ ମହାନ୍

॥ 26 ॥

ଶ୍ଲୋକ 28

ସିଦ୍ଧସ୍ତୋତ୍ରଂ ଯଦି ପଠେତ୍ ସୋଽପି କଲ୍ପତରୁର୍ନରଃ ।

ପଞ୍ଚଲକ୍ଷଜପେନୈଵ ସ୍ତୋତ୍ରସିଦ୍ଧିର୍ଭଵେନ୍ନୃଣାମ୍

॥ 27 ॥

ଶ୍ଲୋକ 29

ସିଦ୍ଧସ୍ତୋତ୍ରଂ ଯଦି ପଠେନ୍ମାସମେକଂ ଚ ସଂଯତଃ ।

ମହାସୁଖୀ ଚ ରାଜେନ୍ଦ୍ରୋ ଭଵିଷ୍ଯତି ନ ସଂଶଯଃ

॥ 28 ॥

ଶ୍ଲୋକ 30

ଇତି ଶ୍ରୀବ୍ରହ୍ମଵୈଵର୍ତେ ମହାପୁରାଣେ ଦ୍ଵିତୀଯେ ପ୍ରକୃତିଖଣ୍ଡେ ନାରଦନାରାଯଣସଂଵାଦେ ଏକୋନଚତ୍ଵାରିଂଶତ୍ତମୋଽଧ୍ଯାଯେ ମହେନ୍ଦ୍ର କୃତ ଶ୍ରୀ ମହାଲକ୍ଷ୍ମୀ ସ୍ତୋତ୍ରମ୍ ।