Mahendra Kruta Mahalakshmi Stotram
Mahendra Kruta Mahalakshmi Stotram
ମହେନ୍ଦ୍ର କୃତ ମହାଲକ୍ଷ୍ମୀ ସ୍ତୋତ୍ରଂ
ମହେନ୍ଦ୍ର ଉଵାଚ
ନମଃ କମଲଵାସିନ୍ଯୈ ନାରାଯଣ୍ଯୈ ନମୋ ନମଃ ।
କୃଷ୍ଣପ୍ରିଯାଯୈ ସାରାଯୈ ପଦ୍ମାଯୈ ଚ ନମୋ ନମଃ ॥ 1 ॥
ପଦ୍ମପତ୍ରେକ୍ଷଣାଯୈ ଚ ପଦ୍ମାସ୍ଯାଯୈ ନମୋ ନମଃ ।
ପଦ୍ମାସନାଯୈ ପଦ୍ମିନ୍ଯୈ ଵୈଷ୍ଣଵ୍ଯୈ ଚ ନମୋ ନମଃ ॥ 2 ॥
ସର୍ଵସମ୍ପତ୍ସ୍ଵରୂପାଯୈ ସର୍ଵଦାତ୍ର୍ଯୈ ନମୋ ନମଃ ।
ସୁଖଦାଯୈ ମୋକ୍ଷଦାଯୈ ସିଦ୍ଧିଦାଯୈ ନମୋ ନମଃ ॥ 3 ॥
ହରିଭକ୍ତିପ୍ରଦାତ୍ର୍ଯୈ ଚ ହର୍ଷଦାତ୍ର୍ଯୈ ନମୋ ନମଃ ।
କୃଷ୍ଣଵକ୍ଷଃସ୍ଥିତାଯୈ ଚ କୃଷ୍ଣେଶାଯୈ ନମୋ ନମଃ ॥ 4 ॥
କୃଷ୍ଣଶୋଭାସ୍ଵରୂପାଯୈ ରତ୍ନାଢ୍ଯାଯୈ ନମୋ ନମଃ ।
ସମ୍ପତ୍ଯଧିଷ୍ଠାତୃଦେଵ୍ଯୈ ମହାଦେଵ୍ଯୈ ନମୋ ନମଃ ॥ 5 ॥
ସସ୍ଯାଧିଷ୍ଠାତୃଦେଵ୍ଯୈ ଚ ସସ୍ଯଲକ୍ଷ୍ମ୍ଯୈ ନମୋ ନମଃ ।
ନମୋ ବୁଦ୍ଧିସ୍ଵରୂପାଯୈ ବୁଦ୍ଧିଦାଯୈ ନମୋ ନମଃ ॥ 6 ॥
ଵୈକୁଣ୍ଠେ ଚ ମହାଲକ୍ଷ୍ମୀର୍ଲକ୍ଷ୍ମୀଃ କ୍ଷୀରୋଦସାଗରେ ।
ସ୍ଵର୍ଗଲକ୍ଷ୍ମୀରିନ୍ଦ୍ରଗେହେ ରାଜଲକ୍ଷ୍ମୀର୍ନୃପାଲଯେ ॥ 7 ॥
ଗୃହଲକ୍ଷ୍ମୀଶ୍ଚ ଗୃହିଣାଂ ଗେହେ ଚ ଗୃହଦେଵତା ।
ସୁରଭିଃ ସା ଗଵାଂ ମାତା ଦକ୍ଷିଣା ଯଜ୍ଞକାମିନୀ ॥ 8 ॥
ଅଦିତିର୍ଦେଵମାତା ତ୍ଵଂ କମଲା କମଲାଲଯେ ।
ସ୍ଵାହା ତ୍ଵଂ ଚ ହଵିର୍ଦାନେ କଵ୍ଯଦାନେ ସ୍ଵଧା ସ୍ମୃତା ॥ 9 ॥
ତ୍ଵଂ ହି ଵିଷ୍ଣୁସ୍ଵରୂପା ଚ ସର୍ଵାଧାରା ଵସୁନ୍ଧରା ।
ଶୁଦ୍ଧସତ୍ତ୍ଵସ୍ଵରୂପା ତ୍ଵଂ ନାରାଯଣପରାଯାଣା ॥ 10 ॥
କ୍ରୋଧହିଂସାଵର୍ଜିତା ଚ ଵରଦା ଚ ଶୁଭାନନା ।
ପରମାର୍ଥପ୍ରଦା ତ୍ଵଂ ଚ ହରିଦାସ୍ଯପ୍ରଦା ପରା ॥ 11 ॥
ଯଯା ଵିନା ଜଗତ୍ସର୍ଵଂ ଭସ୍ମୀଭୂତମସାରକମ୍ ।
ଜୀଵନ୍ମୃତଂ ଚ ଵିଶ୍ଵଂ ଚ ଶଵତୁଲ୍ଯଂ ଯଯା ଵିନା ॥ 12 ॥
ସର୍ଵେଷାଂ ଚ ପରା ତ୍ଵଂ ହି ସର୍ଵବାନ୍ଧଵରୂପିଣୀ ।
ଯଯା ଵିନା ନ ସମ୍ଭାଷ୍ଯୋ ବାନ୍ଧଵୈର୍ବାନ୍ଧଵଃ ସଦା ॥ 13 ॥
ତ୍ଵଯା ହୀନୋ ବନ୍ଧୁହୀନସ୍ତ୍ଵଯା ଯୁକ୍ତଃ ସବାନ୍ଧଵଃ ।
ଧର୍ମାର୍ଥକାମମୋକ୍ଷାଣାଂ ତ୍ଵଂ ଚ କାରଣରୂପିଣୀ ॥ 14 ॥
ସ୍ତନନ୍ଧଯାନାଂ ତ୍ଵଂ ମାତା ଶିଶୂନାଂ ଶୈଶଵେ ଯଥା ।
ତଥା ତ୍ଵଂ ସର୍ଵଦା ମାତା ସର୍ଵେଷାଂ ସର୍ଵଵିଶ୍ଵତଃ ॥ 15 ॥
ତ୍ଯକ୍ତସ୍ତନୋ ମାତୃହୀନଃ ସ ଚେଜ୍ଜୀଵତି ଦୈଵତଃ ।
ତ୍ଵଯା ହୀନୋ ଜନଃ କୋଽପି ନ ଜୀଵତ୍ଯେଵ ନିଶ୍ଚିତମ୍ ॥ 16 ॥
ସୁପ୍ରସନ୍ନସ୍ଵରୂପା ତ୍ଵଂ ମେ ପ୍ରସନ୍ନା ଭଵାମ୍ବିକେ ।
ଵୈରିଗ୍ରସ୍ତଂ ଚ ଵିଷଯଂ ଦେହି ମହ୍ଯଂ ସନାତନି ॥ 17 ॥
ଵଯଂ ଯାଵତ୍ତ୍ଵଯା ହୀନା ବନ୍ଧୁହୀନାଶ୍ଚ ଭିକ୍ଷୁକାଃ ।
ସର୍ଵସମ୍ପଦ୍ଵିହୀନାଶ୍ଚ ତାଵଦେଵ ହରିପ୍ରିଯେ ॥ 18 ॥
ରାଜ୍ଯଂ ଦେହି ଶ୍ରିଯଂ ଦେହି ବଲଂ ଦେହି ସୁରେଶ୍ଵରି ।
କୀର୍ତିଂ ଦେହି ଧନଂ ଦେହି ପୁତ୍ରାନ୍ମହ୍ଯଂ ଚ ଦେହି ଵୈ ॥ 19 ॥
କାମଂ ଦେହି ମତିଂ ଦେହି ଭୋଗାନ୍ ଦେହି ହରିପ୍ରିଯେ ।
ଜ୍ଞାନଂ ଦେହି ଚ ଧର୍ମଂ ଚ ସର୍ଵସୌଭାଗ୍ଯମୀପ୍ସିତମ୍ ॥ 20 ॥
ସର୍ଵାଧିକାରମେଵଂ ଵୈ ପ୍ରଭାଵାଂ ଚ ପ୍ରତାପକମ୍ ।
ଜଯଂ ପରାକ୍ରମଂ ଯୁଦ୍ଧେ ପରମୈଶ୍ଵର୍ଯମୈଵ ଚ ॥ 21 ॥
ଇତ୍ଯୁକ୍ତ୍ଵା ତୁ ମହେନ୍ଦ୍ରଶ୍ଚ ସର୍ଵୈଃ ସୁରଗଣୈଃ ସହ ।
ନନାମ ସାଶ୍ରୁନେତ୍ରୋଽଯଂ ମୂର୍ଧ୍ନା ଚୈଵ ପୁନଃ ପୁନଃ ॥ 22 ॥
ବ୍ରହ୍ମା ଚ ଶଙ୍କରଶ୍ଚୈଵ ଶେଷୋ ଧର୍ମଶ୍ଚ କେଶଵଃ ।
ସର୍ଵେ ଚକ୍ରୁଃ ପରୀହାରଂ ସୁରାର୍ଥେ ଚ ପୁନଃ ପୁନଃ ॥ 23 ॥
ଦେଵେଭ୍ଯଶ୍ଚ ଵରଂ ଦତ୍ତ୍ଵା ପୁଷ୍ପମାଲାଂ ମନୋହରାମ୍ ।
କେଶଵାଯ ଦଦୌ ଲକ୍ଷ୍ମୀଃ ସନ୍ତୁଷ୍ଟା ସୁରସଂସଦି ॥ 24 ॥
ଯଯୁର୍ଦୈଵାଶ୍ଚ ସନ୍ତୁଷ୍ଟାଃ ସ୍ଵଂ ସ୍ଵଂ ସ୍ଥାନଂ ଚ ନାରଦ ।
ଦେଵୀ ଯଯୌ ହରେଃ କ୍ରୋଡଂ ହୃଷ୍ଟା କ୍ଷୀରୋଦଶାଯିନଃ ॥ 25 ॥
ଯଯତୁସ୍ତୌ ସ୍ଵସ୍ଵଗୃହଂ ବ୍ରହ୍ମେଶାନୌ ଚ ନାରଦ ।
ଦତ୍ତ୍ଵା ଶୁଭାଶିଷଂ ତୌ ଚ ଦେଵେଭ୍ଯଃ ପ୍ରୀତିପୂର୍ଵକମ୍ ॥ 26 ॥
ଇଦଂ ସ୍ତୋତ୍ରଂ ମହାପୁଣ୍ଯଂ ତ୍ରିସନ୍ଧ୍ଯଂ ଯଃ ପଠେନ୍ନରଃ ।
କୁବେରତୁଲ୍ଯଃ ସ ଭଵେଦ୍ରାଜରାଜେଶ୍ଵରୋ ମହାନ୍ ॥ 27 ॥
ସିଦ୍ଧସ୍ତୋତ୍ରଂ ଯଦି ପଠେତ୍ ସୋଽପି କଲ୍ପତରୁର୍ନରଃ ।
ପଞ୍ଚଲକ୍ଷଜପେନୈଵ ସ୍ତୋତ୍ରସିଦ୍ଧିର୍ଭଵେନ୍ନୃଣାମ୍ ॥ 28 ॥
ସିଦ୍ଧସ୍ତୋତ୍ରଂ ଯଦି ପଠେନ୍ମାସମେକଂ ଚ ସଂଯତଃ ।
ମହାସୁଖୀ ଚ ରାଜେନ୍ଦ୍ରୋ ଭଵିଷ୍ଯତି ନ ସଂଶଯଃ ॥ 29 ॥
ଇତି ଶ୍ରୀବ୍ରହ୍ମଵୈଵର୍ତେ ମହାପୁରାଣେ ଦ୍ଵିତୀଯେ ପ୍ରକୃତିଖଣ୍ଡେ ନାରଦନାରାଯଣସଂଵାଦେ ଏକୋନଚତ୍ଵାରିଂଶତ୍ତମୋଽଧ୍ଯାଯେ ମହେନ୍ଦ୍ର କୃତ ଶ୍ରୀ ମହାଲକ୍ଷ୍ମୀ ସ୍ତୋତ୍ରମ୍ ।
Related Scriptures
अगस्त्य कृत श्री लक्ष्मी स्तोत्रं
33 verses
अन्नमय्य कीर्तन जय लक्ष्मि वर लक्ष्मि
0 verses
अष्ट लक्ष्मी स्तोत्रम्
8 verses
भाग्यदा लक्ष्मी बारम्मा
0 verses
1000 Names of Goddess Lakshmi
1000 verses
108 Names of Goddess Lakshmi
108 verses
About This Stotram
Overview
Mahendra Kruta Mahalakshmi Stotram is a 29-verse Sanskrit hymn dedicated to Goddess Mahalakshmi, the deity of wealth, fortune, and auspiciousness. It is attributed by tradition to Mahendra (Indra), king of the Devas. The verses praise Mahalakshmi through epithets connecting her to Lord Vishnu and to the lotus.
What are the benefits of chanting Mahendra Kruta Mahalakshmi Stotram?
- Invocation of Mahalakshmi's grace for material and spiritual prosperity
- Removal of financial difficulties and obstacles
- Granting of auspiciousness and fulfillment of desires
- Protection from negative influences
When is the best time to recite this?
Mornings and evenings are auspicious times for this stotram. Fridays, which are traditionally associated with Goddess Lakshmi, are especially suitable. It is also recited during Diwali, Navaratri, and Varalakshmi Vratam.
Historical and traditional background
The stotram is attributed to Mahendra (Indra), though this attribution is not definitively confirmed in classical Sanskrit literature. It is a standalone devotional hymn that draws on the Puranic tradition of Lakshmi worship. The text gained circulation within devotional communities through its collection in compilations of Sanskrit stotrams. Its language and style are consistent with post-Puranic Sanskrit devotional literature.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector to read it in your preferred script.
Related Texts
- Sri Mahalakshmi Ashtakam — an eight-verse hymn widely recited in Lakshmi worship
- Kanaka Dhara Stotram — a hymn to Lakshmi attributed to Adi Shankaracharya
- Sri Suktam — a Rigvedic hymn that is the oldest known text dedicated to Goddess Lakshmi